Arabic Discussion Forum with a Special Interest in Travel and Immigration

شينكاوي · 3rd August 2010, 10:17 AM

الخروووووووووووف (الشيب) الصغير ب 1800 جنيه يا ظلمة ليه هو إيه اللي حصل ؟ مفيش حل لمشكلة اللحوم دي
طيب واللي عنده عقيقة وعاوز يعمل سنة مؤكدة يعمل إيهوالحاج اللي لازم يذبح يعمل ايه والناس في مصر اللي المرتب بتاعها 600 جنيه ولا حتي 1000 جنيه بتاكل لحمة ولا بتعمل إيه ؟ النهاردة الوالدة صدمتني لما بقولها الخروف بكام قالتلي دا رخص وبقي 1800 جنيه بس لييييييييييييييييييييه يا ظلمة
مين الظالم المسئول عن ارتفاع سعر اللحوم بالطريقة دي ؟ اوعوا حد يقولي الاعلاف وارتفاع اسعارها السبب

شينكاوي · 3rd August 2010, 10:20 AM

دا طلع للنقرس فوائد بس الفوائد دي في مصر بس .

Farida · 3rd August 2010, 10:23 AM

اللى مايقدرش على تمن العقيقه تسقط عنه هذه السنه "لا يكلف الله نفسا الا وسعها ".................so simple

شينكاوي · 3rd August 2010, 10:38 AM

اقتباس

المشاركة الأصلية كتبت بواسطة Farida


	اللى مايقدرش على تمن العقيقه تسقط عنه هذه السنه "لا يكلف الله نفسا الا وسعها ".................so simple

العقيقة سو سميبل ماشي يا فريدة متفقين واللي عاوز ياكل لحمة ومش قادر يدفع تمنها يعمل ايه ؟ يسرق ولا يقضيها كلاب

والزيادة دي ليه؟ مين السبب وايه السبب انا لي هنا في الكويت 6 سنوات اعرف ان سعر اللحمة ثابت ولم تتغير يبقي الزيادة مش عالمية ابداً يبقي مين اللي مش عاوز المصريين ياكلوا لحمة ؟

فاطمه · 3rd August 2010, 10:45 AM

اقتباس

المشاركة الأصلية كتبت بواسطة Mohamed Hassan


	دا طلع للنقرس فوائد بس الفوائد دي في مصر بس .

هههههههههههههههههه
على رايك يا محمد المفروض الناس تسيبها من اللحمه اصلها مضررررررره
ونبقه نباتيين ناكل خضار وفاكهه
بس تصدق برضو هنعيه و هنمووووووت
من المبيدات المسرطنه ومن ميه المجاررررررررى

مصرية · 3rd August 2010, 10:54 AM

سألت قريب على الخروف قالولي دلوقتي الكيلو ب 60 جنيه وحيغلى أكتر على العيد

شينكاوي · 3rd August 2010, 10:56 AM

انا مبحبش اللحمة يا صاحبة السمو وعلشانكدا غير متابع او مهتم بسعرها ولما الزملا في المنتديات كانوا بيقولوا ان اللحمة بقت ب 80 جنيه او اقل قليلاً كنت فاكر ان دا مبالغة لأن لو فعلاً سعرها كدا يبقي لازم الشعب يقاطع يثور يعمل اي حاجة , دا كدا بيدوسوا علي راس الفقير وبيكتموا نفسه حرااام بجد

شينكاوي · 3rd August 2010, 11:03 AM

اقتباس

المشاركة الأصلية كتبت بواسطة مصرية


	سألت قريب على الخروف قالولي دلوقتي الكيلو ب 60 جنيه وحيغلى أكتر على العيد

الخرفان نوعين نوع لبن ودا بيبقي عمره صغير وبيبقي وزنه كمان صغير وتقريباً وزنه في حدود 25 كيلو وعلي السعر اللي حضرتك كتبتيه يبقي السعر في حدود ال 1500 جنيه
النوع التاني وهو الحرك

ودا اكبر من اللبني وغالبا بيبقي وزنه من 35 ال 50 كيلو ودا هيبقي سعره من 2500 الي 3000 جنيه , بجد الناس الغلابة في مصر بيصعبوا علي ,عرفت ليه الشباب بتوع الجمعية الشرعية بيركزوا علي الحاجات دي لما بيجمعوا فلوس للفقراء , حسبنا الله ونعم الوكيل بس برده ايه السبب في زيادة اسعار اللحمة بالطريقة دي ويا تري سعر الدجاج

والاسماك كمان وصلوا للمرحلة دي

Farida · 3rd August 2010, 11:07 AM

تعرف يا شينكاوى - مش عارفه ليه الأسم ده معلق معايا- المهم المصريين من زمان و طول عمرهم مش من أكلى اللحوم و مستهلكيها ...........امى بتقولى ان اللحمه و الفراخ دى ايام والدها كانوا بيتاكلوا نص الأسبوع و نص الأسبوع اكل تانى و حلو برضه و طعمه جميل و بيبتكروا فيه مع ان جدى كان تاجر كبير و كان له اراضى و بيوت ...................
أمى بتحكى لى عن أطباق بدون لحمه كتير كانوا بيتفننوا فيها مش قلة فلوس لكن شويه نصاحه على شويه تقليل من الدهون على شويه صحه و هكذا ......بس بما انهم كانوا اسكندرانيه يعنى عندهم السمك اكتر بس برضه بتقولى كانوا بيطبخوا الفول الحراتى مثلا و كانوا بيعملوا اصناف من العدس و الفول و الشكشوكه - مكرونه بالبيض - و حاجات كتير و بتقول موضوع اللحوم و استهلاكها ده بقاله مده مش كبيره قوى

شينكاوي · 3rd August 2010, 11:26 AM

اقتباس

المشاركة الأصلية كتبت بواسطة Farida


	تعرف يا شينكاوى - مش عارفه ليه الأسم ده معلق معايا- المهم المصريين من زمان و طول عمرهم مش من أكلى اللحوم و مستهلكيها ...........امى بتقولى ان اللحمه و الفراخ دى ايام والدها كانوا بيتاكلوا نص الأسبوع و نص الأسبوع اكل تانى و حلو برضه و طعمه جميل و بيبتكروا فيه مع ان جدى كان تاجر كبير و كان له اراضى و بيوت ................... أمى بتحكى لى عن أطباق بدون لحمه كتير كانوا بيتفننوا فيها مش قلة فلوس لكن شويه نصاحه على شويه تقليل من الدهون على شويه صحه و هكذا ......بس بما انهم كانوا اسكندرانيه يعنى عندهم السمك اكتر بس برضه بتقولى كانوا بيطبخوا الفول الحراتى مثلا و كانوا بيعملوا اصناف من العدس و الفول و الشكشوكه - مكرونه بالبيض - و حاجات كتير و بتقول موضوع اللحوم و استهلاكها ده بقاله مده مش كبيره قوى

دا اللي عنده خيار اللحمة يقدر يعمل كدا يا دكتور لكن اللي نفسه وبيتمني يشم ريحة المرق شم مش ياكلها يعمل ايه مهما تقولي له برده نفسه ياكل لحمة

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

Latest Threads By This Member
Thread	Forum	Last Poster	Replies	Views	Last Post
شالوم	ترحيبات ... مناسبات ... علاقات عامة	Sonesta	12	1642	3rd December 2014 01:49 PM
مدونة التوحيد والجهاد	مدونات الأعضاء	only you	2	2064	16th June 2013 10:02 PM
ذكريات لحظة التنحي	مواضيع شخصية	دكتور مهندس جمال الشربيني	13	2919	8th February 2012 06:00 PM
اسمـــــــــــــــاعيـــــــــل	ترحيبات ... مناسبات ... علاقات عامة	شينكاوي	4	1097	7th February 2012 05:38 PM
بورسعيد العام الماضي ... المسكوت عنه	شؤون مصر الداخلية	شينكاوي	7	1695	4th February 2012 11:57 AM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

مناقشات وحوارات جادة

الخروووووف يا إنشراح (لييييه)