نيوزلندا: ما بعد الهجرة بعيون الكيوي الجداد (التوقعات و الحقيقة )

[spacewalker]

الصحف المصرية والعربية

الله ينور ياعبد المجيد... الموضوع مهم مفيش كلام
فى نقط كتير عايزه تتغطى و سعد ان الزملاء القدامى لسه موجوديين ومتابعيين

والسؤال اللى دايما بيطح نفسه بالذات للى سافر. انت فعلا شايف ان المشوار يستحق ولا لا ؟

 

 

[emodux]

تسجيل حضور
اناماشي في الاجراءات و ان شاء الله اكون قريب في بلاد الكيوي

 

 

[amagid_arif]

اقتباس المشاركة الأصلية كتبت بواسطة emodux تسجيل حضور اناماشي في الاجراءات و ان شاء الله اكون قريب في بلاد الكيوي

اهلا و سهلا بيك

في اي مرحله حضرتك

 

 

[دخان]

كل عام وانتم بخير جميعاً

يبدو ان الاخوة الذين هاجروا لنيوزلندا منشغلين للغاية او لم يشاهدوا الموضوع

نرجو من اي من اصدقاءهم ابلاغهم بضرورة المشاركة وذلك لأهميته خصوصاً للأعضاء الموافق عليهم و الذين يفكرون بالتقديم.

موضوع رائع

متابع معكم

 

 

[ashraf sharaf]

السلام عليكم ورحمة الله وبركاته
عذرا على التأخير لانشغالي الدائم

هابتدي بموضوع المدارس لأهميته الشديدة

المدارس هنا اجمالا كويسه جدا والبدائل متوفره وبدون تعقيدات
بالنسبه لي أولادي في ابتدائي وعشان كده دخلوا على طول من غير امتحان او سؤال عن مستوى او حتى شهادات دراسيه سابقة وخلافه
مفيش داعي لتجهيز حاجة زي كده
الأولاد بيدخلوا اوتوماتيكيا حسب السن
طب لو حد منهم مش بيتكلم انجليزي كويس؟
في حاله ابني مثلا كان بيتكلم كلمات انجليزي قليله وده لانه كان في kg2
بيحطوا الطفل في الحاله دي مع أطفال في مثل حالته لفتره حتى يتأقلم وبعد كده يروح مع فصله الدراسي العادي وكل طفل حسب احتياجه
ابني مثلا اخد ترم لحد ما وصل للمرحلة دي

فيه كمان ويب سايت علشان البحث عن المدارس لأن اغلبها بيتقيد بالمنطقه السكنيه
عشان كده من الأفضل دايما للحث عن سكن , البحث عن المدارس الكويسه الأول وغالبا المنطقه بتكون كويسه للمعيشه بالتبعيه

الويب سايت هو : https://nzschools.tki.org.nz/

حاجة تانيه , المدارس بتكون طول السنه ولفترة 4 تيرمات بدايه من فبراير وحتى الكريسماس مع اجازات دوريه كل شهرين لمدة أسبوعين

حاجة كمان اهم , لو جيت في فترة الدراسه بدات مفيش أي مشكله و لكن المشكله انك لازم تكون اجرت بيت للانتظام وقبول اوراقك في المدرسه

بالنسبه لي فيه مدرسه واحدة بس قبلتني بعنوان الاوتيل :
https://www.freemansbay.school.nz/freemans-bay-school/

ودي الأولاد فضلوا فيها ترمين لحد ما غيرنا السكن لمكان تاني

وبالتوفيق للجميع

 

 

[om-helween]

اقتباس المشاركة الأصلية كتبت بواسطة ashraf sharaf السلام عليكم ورحمة الله وبركاته عذرا على التأخير لانشغالي الدائم هابتدي بموضوع المدارس لأهميته الشديدة المدارس هنا اجمالا كويسه جدا والبدائل متوفره وبدون تعقيدات بالنسبه لي أولادي في ابتدائي وعشان كده دخلوا على طول من غير امتحان او سؤال عن مستوى او حتى شهادات دراسيه سابقة وخلافه مفيش داعي لتجهيز حاجة زي كده الأولاد بيدخلوا اوتوماتيكيا حسب السن طب لو حد منهم مش بيتكلم انجليزي كويس؟ في حاله ابني مثلا كان بيتكلم كلمات انجليزي قليله وده لانه كان في kg2 بيحطوا الطفل في الحاله دي مع أطفال في مثل حالته لفتره حتى يتأقلم وبعد كده يروح مع فصله الدراسي العادي وكل طفل حسب احتياجه ابني مثلا اخد ترم لحد ما وصل للمرحلة دي فيه كمان ويب سايت علشان البحث عن المدارس لأن اغلبها بيتقيد بالمنطقه السكنيه عشان كده من الأفضل دايما للحث عن سكن , البحث عن المدارس الكويسه الأول وغالبا المنطقه بتكون كويسه للمعيشه بالتبعيه الويب سايت هو : https://nzschools.tki.org.nz/ حاجة تانيه , المدارس بتكون طول السنه ولفترة 4 تيرمات بدايه من فبراير وحتى الكريسماس مع اجازات دوريه كل شهرين لمدة أسبوعين حاجة كمان اهم , لو جيت في فترة الدراسه بدات مفيش أي مشكله و لكن المشكله انك لازم تكون اجرت بيت للانتظام وقبول اوراقك في المدرسه بالنسبه لي فيه مدرسه واحدة بس قبلتني بعنوان الاوتيل : https://www.freemansbay.school.nz/freemans-bay-school/ ودي الأولاد فضلوا فيها ترمين لحد ما غيرنا السكن لمكان تاني وبالتوفيق للجميع

شكرا يا بشمهندس علي المعلومات القيمة دي .فعلا المدارس موضوع هام وارجو منك توضيح بعض النقاط مثل هل لو الطفل في تاني ابتدائي مدرسه خاصة مش انترناشنال هل يقبلوا في المدارس دي هو يعرف انجليزي بش مش كتير هل يقبلوه ولا لا ؟
ولو الطفل اعدادي ما نحتاج غير الشهادة متوثقة ولا فيه اوراق اخري؟
يا ريت حضرتك تفيدنا حتي لو من خبرات الاخرين المحيطين بك ؟وشكرا لك

 

 

[دخان]

شكراً بشمهندس اشرف على المعلومة القيمة عن واقع المدارس في بلاد الكيوي

الرجاء اخبارنا عن تجربتك الشخصية عند الوصول لأرض المطار ولغاية الآن
ما هي اولى الاجراءات التي قمت بها ؟
هل تم التواصل معك من قبل دائرة الهجرة ؟
في اي مدينة حضرتك ؟
كيف كان اول اسبوع ؟ وهل بدأت البحث عن عمل ؟

شكراً مقدماً

 

 

[louai]

السلام عليكم و رحمة الله
انا اول مره اشارك في أي منتدي بس انا متابع توبيك الهجره من شهور لدرجه اني حاسس ان عارف الاخوه الافاضل اللي اهتمو بيه و ساهمو فيه
و علي الرغم من قراري اني اعتمد علي مكتب هجره معتمد من الحكومه النيوزيلنديه الا اني استفدت بشكل كبير من المعلمومات و ده حخليني اقدر اتابع المكتب بسهوله و اعرفهم اني فاهم اللي بيحصل
اوحب اشكر كل الاشخاص ابتداء من م/اشرف لحد ام الحلويين مرورا بالكل
دعواتي للجميع بالتوفيق

 

 

[ashraf sharaf]

اقتباس المشاركة الأصلية كتبت بواسطة دخان شكراً بشمهندس اشرف على المعلومة القيمة عن واقع المدارس في بلاد الكيوي الرجاء اخبارنا عن تجربتك الشخصية عند الوصول لأرض المطار ولغاية الآن ما هي اولى الاجراءات التي قمت بها ؟ هل تم التواصل معك من قبل دائرة الهجرة ؟ في اي مدينة حضرتك ؟ كيف كان اول اسبوع ؟ وهل بدأت البحث عن عمل ؟ شكراً مقدماً

Hi,
Would you please check the original NZ immigration forum
I've put everything there that time I arrived here
For job search, I had a job offer before I come here
Good luck

 

 

[ashraf sharaf]

اقتباس المشاركة الأصلية كتبت بواسطة om-helween شكرا يا بشمهندس علي المعلومات القيمة دي .فعلا المدارس موضوع هام وارجو منك توضيح بعض النقاط مثل هل لو الطفل في تاني ابتدائي مدرسه خاصة مش انترناشنال هل يقبلوا في المدارس دي هو يعرف انجليزي بش مش كتير هل يقبلوه ولا لا ؟ ولو الطفل اعدادي ما نحتاج غير الشهادة متوثقة ولا فيه اوراق اخري؟ يا ريت حضرتك تفيدنا حتي لو من خبرات الاخرين المحيطين بك ؟وشكرا لك

Sorry, but both of my kids are in primary
I don't know someone here faced such thing yet