اخص على كده : اسراء عبدالفتاح وشباب الثورة مع عمرو موسى

[Farida]

الصحف المصرية والعربية

النهارده صدمتنى صورة اسراء عبد الفتاح و خالد عبد الحميد و شادى الغزالى حرب وهم مجتمعين مع عمرو موسى بيناقشوا برنامجه الأنتخابى ...........اخص على كده وانا باقول لما المجلس العسكرى كان بيتكلم بقلب جامد عن الثورة و شباب الثورة كان بيتكلم على مين اتاريه دى العينه اللى كان بيتكلم معاها ............بجد منظرهم مقرف و يدل على ضيق الأفق و قلة العقل و انهم مستعدين يتعاونوا مع اى حد المهم يبقى ضد التيار الأسلامى بدل ما يواجهوا و ينزلوا الشارع و يتكلموا مع الناس لأ نحط ايدنا فى ايد الفلول و العسكر و خلاص بقه كفايه علينا كده ..........عرفت ان الثورة لسه بدرى عليها

 

[alex fox]

وانا أتأكدت أن اللى كان بيتقال عليهم كلام صحيح 100% ..
الله يرحم الشهداء ويشفى المصابين ..

 

 

[Farida]

وهو مالهم و مال المصابين و الثورة لا تكون حضرتك فاكر انهم اللى عملوا الثورة ولا يكونوش هم اللى عملوا الثورة ..............لايافندم الثورة قام بها المصريين كلهم و مافيش فضل لأحد على احد فى الثورة .....معلهش احنا بنتكلم و زى ما الأخوان و السلفيين و الليبراليين خذلونا فيه شباب من الثورة برضه مش على مستوى المسئوليه عادى بتحصل و احنا بنتعلم

 

 

[only you]

يعنى يا دوكا فريده يا حبيبتى مستغربه انهم يقعدو مع هذا الفل ومش مستغربه سفرهم برا مصر فى ندوات وموتمرات وخلافه ؟انا لا اقصد مطلقا التشيك فيهم انما انا بشوف انهم بكداخدو جزء من كيكة الثوره لحساباتهم الشخصيه ودا بينعكس على نظرة الناس على شباب الثوره لا كمان خلاهم يلعنو الثوره وسلسفيل اللى عملوها وكان الاولى انهم يتهدو ويشوفو حل لتعديل مسار الثوره اللى خرج عن الطريق بدل التنطيط والتظبيط

 

 

[جرديز]

عرفتوا بقى اننا غلابة

 

 

[زعلان]

لا تثريب عليكم يا جرديز مبروك عليكم مصر حقكم ومحدش يقدر يفتح بقه

 

 

[arwa ahmed]

الحمد لله الذي كرم الشيخ عفت
واعفاه من حركة اوكيوباي وول ستريت
وعموما ترى من سيلحق بركب اسماء
الاسواني
عيسى
محمود سعد
فلنخمن

 

 

[alex fox]

اقتباس المشاركة الأصلية كتبت بواسطة Farida وهو مالهم و مال المصابين و الثورة لا تكون حضرتك فاكر انهم اللى عملوا الثورة ولا يكونوش هم اللى عملوا الثورة ..............لايافندم الثورة قام بها المصريين كلهم و مافيش فضل لأحد على احد فى الثورة .....معلهش احنا بنتكلم و زى ما الأخوان و السلفيين و الليبراليين خذلونا فيه شباب من الثورة برضه مش على مستوى المسئوليه عادى بتحصل و احنا بنتعلم

للأسف هما معروفين أعلاميا ك ممثلين لشباب الثورة ..
لما شباب الثورة يعملو كده يبقى مش عيب على أى حد أنه يعمل أى حاجة ومش من حق حد يتكلم عن الثورة وعن مصلحة مصر بعد كده لأن كل فصيل موجودع الساحة بيدور على مصلحته الشخصية حتى لو ده أودى بمصر الى الجحيم ..
أنا أسف لأنى أحترمتهم فى يوم من الأيام ..

 

 

[alex fox]

اقتباس المشاركة الأصلية كتبت بواسطة جرديز عرفتوا بقى اننا غلابة

مع أحترامى لحضرتك لكن فعلا الأسلاميين (اللى انا انتخبتهم) حتى الأن خذلونا بشكل غير متوقع حتى من أعداءهم ..
مش قد لعبة السياسة يبقى كان لزومه أيه من الأول ؟؟!!

 

 

[savary]

اقتباس ومش مستغربه سفرهم برا مصر فى ندوات وموتمرات وخلافه

ليه كدا بس يا أونلى !

دا كلام - خااائض عبد الله - و تلفيق عكاشه و باقى الاخوة الصهاينة !

ماله سفرهم و مالها مؤتمراتهم ؟؟

اللى عنده حاجة .......يوريهالنا

ما هم قالوا 6 ابريل بتاخد و بتقبض و الناس قدمت بلاغ فى نفسها

و مفيش حاجة !!


وكان فى لجنة تقصى حقائق اتعملت عن التمويل الخارجى

وطبعا مطلعش بيتممول إلا أصحابنها اياهم من حملة الدقون - حملة الجنازير و اللرشاشات - سابقا !

وتحويلات طويلى العمر من الخليج شغاله على ودنه

على ودنه و ربنا !

قبيضة درجة أولى يعنى .......ولسه الشاطر والكتاتنى كانوا بيلفوا يشحتوا فى الكويت من فترة !!


أقولك على حاجة ؟


اسمعى كدا ....كلام أعلى جهة أمنية فى مصر كلها




كله فشنك ........كله تشويه .........كله أى كلام

ولا مقارنة باللى تاريخه كله تمويل و عمالة تحت اسم التنظيم الدولى

ولا مقارنة باللى مصرى بالجنسية بس ......وهوى و هوية و قضية و مشروع و تمويل ...هناك فى نجد :-)


ولا اللى وفروله ملاذ آمن و اشتغل مع مخابراتهم و لسه شغال -ويحى تحت شعار

طظ فى مصر و أبو مصر و اللى فى مصر :-)


غيرش هوا بس زمن أغبر و أيام سودا .......وبجاحة سياسية منقطعة النظير :-)


بعيد عن موضوع التمويل ....فالتعميم غريب الحقيقة !


شباب الثورة !!!

أمال مين اللى فى حملة خالد على ؟

ومين اللى فى حملة عبد المنعم أبو الفتوح ؟

ومين اللى كان فى حملة البرداعى و لسه محددش موقعه !!


هى اسراء عبد الفتاح و شادى الغزالى بقم خلاص شباب الثورة !!


وشباب 6 ابريل و شباب من أجل العدالة و الحرية و شباب غد الثورة و ائتلاف شباب الثورة

وشباب الاشتراكيين الثوريين و شباب حملة البرداعى وشباب التيار و شباب حركة القوميين


....كل دول يبقوا مين ان شاء الله ؟؟


دا شباب حملة البرداعى لوحدهم كان عددهم فوق ال 2 مليون !

6 ابريل نشرت نشاطها فى كل مصر و فى كل جامعة فى مصر فى شباب ل 6 ابريل !


احنا بنتكلم بالميت يعنى عن عشرات الملايين من الشباب و اللى محدش فيهم ادى توكيل لاسراء عبد الفتاح !


الأهم برده ......ماله عمرو موسى ؟؟

ماهو مرشح زى باقى المرشحين !

عشان كان وزير خارجية مبارك يعنى ؟؟؟

طب وهوا ابو الفتوح مش كان فى مكتب ارشاد الاخوان و كان مبايع على السمع و الطاعة؟؟

طاب ما الاخوان أهم فى البرطمان

أردأ كثيرا من الحزب الوطنى !!!

كثيرا ...كثيرا يعنى !


وابو الفتوح هو الكتاتنى هو عصام العريان هو خيرت الشاطر

مش فارقة كتير يعنى

كله ............سمع وطاعة :-)


وابو اسماعين هوا البكليمى هوا عبمونعم الشحات هو ياسر البراهمى هو نائب اللغة الانجليزية مخطط اجنبى

هو برده نائب الترامادول :-)

كله من بتوع شرع الله قبل السلطة .......على واحدة و نص بعد ما نوصل للكرسى !!!


اعتقد ان الموضوع مش هيبقى راس براس ابدا

مش هيبقى الاسلاميين باعوا و غيرهم بااااع --- عفوا هذا ليس صحيحا !!!!


الاسلاميين باعوا كتيار كامل

باخوانه بسلفينه بسلطاته ببابا غنوجه


على الناحية التانية .....فالمدعين كتير

ماهو الوفد بيقول ريبرارى ....... و التجمع بيقول يسارى ......... وكله فشنك

لكن التيار المدنى عموما هو اللى مكمل وهو اللى مباعش و هو اللى مش هيبيع


لسه شباب من 6 ابريل معتصمين فى اللحظة اللى بنتكلم فيها دى ...........للافراج عن المعتقلين و المسجونين و المحولين لقضاء عسكرى !


مش هتبقى راس ب راس

راسنا فى السما و راسهم فى الوحل !!!

راسنا فى السما بزياد العليمى و بالجندى و بالنجار و بحمزاوى و ابو حامد





وراسهم فى الوحل بالكتاتنى و البكليمى و نائب الترامادول و مصطفى بكرى اللى حموه و دافعوا عنه

راسهم فى الوحل مع كل جلسة و مع كل دقيقة و مع كل لحظة بينبطحوا فيها !!!

راسهم فى الوحل بكل لحظة تكمل فيها حكومة العوأ الجنزورى !

ربنا يصلح الحال .......والرئاسة مش هتفرق كتير

زى ما البرطمان مفرقش كتير برده



وحده ....الميدان و الشارع هما اللى ممكن يفرقوا .....فقط لا غير !