الوجة الأخر للمـــــــــوت !!

[abysaleh]

الصحف المصرية والعربية

اقتباس المشاركة الأصلية كتبت بواسطة Morial تعزي الحاجات دي انتي اوي يا بيرو

ايوة يا موري باحبها جدااااا

باحب الميتافيزيقا والروحانيات وعلم النفس والتحليل والابراج وكل الخرافات اللي هي اصلا مش خرافات لكن بيدخل فيها كتير خزعبلات

حد فهم حاجة

 

 

[mohsen]

اقتباس المشاركة الأصلية كتبت بواسطة abysaleh ايوة يا موري باحبها جدااااا باحب الميتافيزيقا والروحانيات وعلم النفس والتحليل والابراج وكل الخرافات اللي هي اصلا مش خرافات لكن بيدخل فيها كتير خزعبلات حد فهم حاجة

مش عارف لو حضرتك حتصدقينى

بس أنا فاهم حاجة

 

 

[abysaleh]

اقتباس المشاركة الأصلية كتبت بواسطة maksoof مش عارف لو حضرتك حتصدقينى بس أنا فاهم حاجة

يااااااااه
أحمدك ياااااارب
أخيييرا لقيت حد فاهمني



شكرا كثيرا جزيلا وبعنف يا استاذ مكسوف

 

 

[أحمد باشــا]

ماهية الروح ؟؟؟

سؤال شغل العالم قديما و حديثا

من فترة انتجت هوليوود فيلما بعنوان " 21 جرام "

و الفكرة تدور على وزن الروح في جسم الإنسان

فقد سبق لطبيب امريكي اسمه دونكان مكدوجال عاش في اواخر القرن 19 و توفى عام 1920

بتجارب لوزن الميت قبل و بعد الوفاة و كانت في عام 1907 و قال ان وزن الروح يتراوح بين 10 الى 42 جرام

و في عام 1998 نشر دونالد جلبرت كاربنتر كتابا بعنوان وزن الروح و قال انها تمثل نسبة 1 : 140 من وزن الجسد

و من 700 سنة شغل هذا الموضوع القيصر الألماني فردريك الثاني حفيد برباروسا فقام بحبس المساجين في زنازين ضيقة مغلقة و يتركهم ليموتون داخلها ثم يقومون بفتح طاقة صغيرة ليروا خروج الروح منها

و وصل الأمر لإنشاء فروع في الجامعات لدراسة ظواهر الميتافيزيقا و كانت اول جامعة تقوم بذلك هي جامعة كامبريدج عام 1940 ثم تلتها اكسفورد عام 1943

لكن الحقيقة انه لا توجد معلومات موثقة او مؤكدة على اي فرضية تم تقديمها

و تبقى الحقيقة الوحيدة المتاحة هي ويسألونك عن الروح قل الروح من أمر ربي

 

 

[Morial]

علي ذكر الدراسات التي اجريت علي الروح يا احمد باشا فهناك تجارب قد اجريت لتصوير الروح بالاشعة فوق البنفسجية والتي اظهرت ما يُطلق عليه ( السيال ) الاخضر اللون الذي يخرج من الجسد لحظة الوفاة
كنت سمعت ان في فيديو لهذا السيال
ثواني ادور عليه واجي

 

 

[Morial]

حاجة زي كدة

 

 

[mohsen]

اقتباس المشاركة الأصلية كتبت بواسطة Morial حاجة زي كدة

ماعتقدش إن ده له علاقة بالروح. يبدو إنه مجرد إنخفاض درجة حرارة الجسم نتيجة لتوقف الدورة الدموية.

دى قصة الشيخ الشعراوى رحمه الله عن "بصرك اليوم حديد":

 

 

[Prof]

أنا مرة مريت بتجربة أعتقد حكيت عنها قبل كده.. حادثة كده ووقعت على دماغي وحصل حاجة من المذكور أعلاه... فشفت نفسي من فوق وانا واقع عالأرض وكان معايا ورق وشفته متبعثر على الأرض حواليا.. شفت نفسي بإدراك غير البصر.. يعني بمعنى أصح "أدركت" مش شفت.
وكنت شايف الناس بتتكلم و"مدرك" بيقولوا إيه وإيه اللي بيحصل... برضه "مدرك" مش سامع.

فالروح مش بتشوف ولا بتسمع بالمعنى الاصطلاحي المعروف لأن ما لهاش عين ولا أذن لكن بتدرك.. ومن هنا لو انتقلنا لمسألة زي حالة الإنسان في القبر.. أياً كان بأة موقفنا وفهمنا لهذا.. فلابد أن نعرف أن ما يحدث في القبر هو إدراك من نوعية أخرى.. أغلب الظن إنه على مستوى الروح وليس الجسد.. يعني الحديث مثلاً عن نعيم القبر أو عذابه و غير ذلك سيكون له تصور مختلف غير التصور الشائع.. ده بشكل عام ومجرد عشان ما يجرناش هذا لتفصيلات خلافية.