شفت مين من المشاهير

[HAMOUDI]

الصحف المصرية والعربية

ياترى انت شفت مين من المشاهير؟هل ياترى شكلهم مختلف عن شكلهم فى التليفزيون؟هل ردود افعالهم هي هي؟ هل غيرت رايك فيهم بعد ماشفتهم؟
ياريت اى حد شاف اى حد على الطبيعه حتى لو كومبارس فى السينما ومش عارف اسمه يحكي لنا وجهة نظره فى اطار الاسئلة السابقة

 

[kokomen]

اقتباس المشاركة الأصلية كتبت بواسطة HAMOUDI ياترى انت شفت مين من المشاهير؟هل ياترى شكلهم مختلف عن شكلهم فى التليفزيون؟هل ردود افعالهم هي هي؟ هل غيرت رايك فيهم بعد ماشفتهم؟ ياريت اى حد شاف اى حد على الطبيعه حتى لو كومبارس فى السينما ومش عارف اسمه يحكي لنا وجهة نظره فى اطار الاسئلة السابقة

شفت محمود عبد العزيز وزوجته ... كان بيزور واحد قريب لنا في مارينا في الصيف


شكله عجز من غير مكياج طبعا ولكنه مرح جدا ولذيذ في معاملاته ومعه أبنه


والمشكلة أنهم بيشربوا الخمرة والبيرة بشكل عادي لكن بيصلي


ولما رفض ضيوفه الشرب ... أمتنع هو عن الشرب أمامهم



إنها حياة مختلفة يا صديقي ... إنها حياة الفنانين ... ليلهم نهار ونهارهم ليل



بيبدؤا يومهم من الساعة الخامسة ( يعني على المغرب ) الي الفجر ... ثم يناموا الي المغرب وهاكذا



مش عايز أحكي لك على البلاوي من بعض المشاهير ... لأنك حا تقول الحمد لله أننا مش من المشاهير

 

 

[MFaisal]

أنا شوفت أحمد عبد العزيز زمااان كان جاى فى الأفتتاح بتاع كافتيريا بتاعة واحد قريبه .. وساعتها البلد كلها كانت عالطريق قدام الكافتيريا .. شكله كان عادى زى ما بييجى فى المسلسلات ..

وشوفت عامر منيب عند الكلية الحربية ( النزهة ) وماكانش حد مننا مديله أى اهتمام خااالص كان واقف لوحده عادى بس شكله كان وحش أوى وعجوز بشكل فظيع .

وشوفت العربية بتاعة حسنى مبارك وأيضا جمال مبارك قدامنا ( طريق مصر اسكندرية الزراعى )

 

 

[حسام]

موضوع حلو يا عم حمودي
كنت أتمنى أتشرف بلقاء الزعيم جمال عبد الناصر طبعا
لكن طبعا محصلش لانى اتولدت بعد وفاته
اللى قابلتهم فعلا
عادل امام سنة84فى أسوان فى مهرجان أسوان للسينما
(خلاص ماعادش بيتعمل)
سماح انور ومحمود حميدة فى 95 فى اسوان برضة
ليلي طاهر من كام شهر
عم أحمد فؤاد نجم في يناير الماضى فى المقطم
وقبلها بيوم دكتور ابراهيم الفقي فى سيتي ستارز
وقابلت فاروق يوسف (زرزور فى فيلم أونكل زيزو حبيبي) قدام صيدلية فى بلقاس دقهلية كنت بشتغل فيها فى 97
مصطفى عبده فى اسوان فى 92
اسماعيل حفنى لاعب ومدرب الاسماعيلي لما كان مدرب أسوان
فرانسوا ميتران الرئيس الفرنسي السابق فى اسوان أكتر من مرة أكتر من شتا
كونداليزا رايس فى أسوان
الفنان رمسيس بتاع يا تليفزيون يا فى اسوان
أحمد نبيل فنان البانتوميم فى أسوان فى 92
دول على قد ما افتكرت
ولو افتكرت حاجة تانى هبقى اقول

 

 

[HAMOUDI]

اقتباس المشاركة الأصلية كتبت بواسطة kokomen شفت محمود عبد العزيز وزوجته ... كان بيزور واحد قريب لنا في مارينا في الصيف شكله عجز من غير مكياج طبعا ولكنه مرح جدا ولذيذ في معاملاته ومعه أبنه والمشكلة أنهم بيشربوا الخمرة والبيرة بشكل عادي لكن بيصلي ولما رفض ضيوفه الشرب ... أمتنع هو عن الشرب أمامهم إنها حياة مختلفة يا صديقي ... إنها حياة الفنانين ... ليلهم نهار ونهارهم ليل بيبدؤا يومهم من الساعة الخامسة ( يعني على المغرب ) الي الفجر ... ثم يناموا الي المغرب وهاكذا مش عايز أحكي لك على البلاوي من بعض المشاهير ... لأنك حا تقول الحمد لله أننا مش من المشاهير

احكي ياسيدي وسمعنا خلينا نتعلم الدنيا بس اهم حاجه تكون حاجات واقعيه

 

 

[HAMOUDI]

اقتباس المشاركة الأصلية كتبت بواسطة ضبش أنا شوفت أحمد عبد العزيز زمااان كان جاى فى الأفتتاح بتاع كافتيريا بتاعة واحد قريبه .. وساعتها البلد كلها كانت عالطريق قدام الكافتيريا .. شكله كان عادى زى ما بييجى فى المسلسلات .. وشوفت عامر منيب عند الكلية الحربية ( النزهة ) وماكانش حد مننا مديله أى اهتمام خااالص كان واقف لوحده عادى بس شكله كان وحش أوى وعجوز بشكل فظيع . وشوفت العربية بتاعة حسنى مبارك وأيضا جمال مبارك قدامنا ( طريق مصر اسكندرية الزراعى )

اى عربيه فيهم السيات والا الرمسيس

 

 

[HAMOUDI]

اقتباس المشاركة الأصلية كتبت بواسطة حسام موضوع حلو يا عم حمودي كنت أتمنى أتشرف بلقاء الزعيم جمال عبد الناصر طبعا لكن طبعا محصلش لانى اتولدت بعد وفاته اللى قابلتهم فعلا عادل امام سنة84فى أسوان فى مهرجان أسوان للسينما (خلاص ماعادش بيتعمل) سماح انور ومحمود حميدة فى 95 فى اسوان برضة ليلي طاهر من كام شهر عم أحمد فؤاد نجم في يناير الماضى فى المقطم وقبلها بيوم دكتور ابراهيم الفقي فى سيتي ستارز وقابلت فاروق يوسف (زرزور فى فيلم أونكل زيزو حبيبي) قدام صيدلية فى بلقاس دقهلية كنت بشتغل فيها فى 97 مصطفى عبده فى اسوان فى 92 اسماعيل حفنى لاعب ومدرب الاسماعيلي لما كان مدرب أسوان فرانسوا ميتران الرئيس الفرنسي السابق فى اسوان أكتر من مرة أكتر من شتا كونداليزا رايس فى أسوان الفنان رمسيس بتاع يا تليفزيون يا فى اسوان أحمد نبيل فنان البانتوميم فى أسوان فى 92 دول على قد ما افتكرت ولو افتكرت حاجة تانى هبقى اقول

اولا شكرا على المجامه اقصد (الكومبليمون استعدادا لكيبك بس)
ثانيا انا اعرف اكتر من واحد شافوه على الطبيعه منهم واحد شافه مرتين بصدفه غريبه كان فى نهاية الخمسينات وكان نازل يجيب فول وطعميه (اسف اقصد فلافل مادام اسكندرية) فى صباح يوم جمعه وهو مستني علشان يعدي شريط القطار شاف القطار ماشي ببطءبص لقى عبد الناصر قام قعد يجري جنب القطار وناصر ناصر ناصر فعمل عبد الناصر له باي باي دي المره التانيه والمره الاولى برده كانت صدفه زي كده بس مش فاكرها
ومدام بتحبه كده كل مره هابقى ليك على ناس من الى قابله عبد الناصر بجد لانى اعرف 4 قابلوه شخصيا

 

 

[Farida]

اقتباس المشاركة الأصلية كتبت بواسطة hamoudi منهم واحد شافه مرتين بصدفه غريبه كان فى نهاية الخمسينات وكان نازل يجيب فول وطعميه (اسف اقصد فلافل مادام اسكندرية) فى صباح يوم جمعه وهو مستني علشان يعدي شريط القطار شاف القطار ماشي ببطءبص لقى عبد الناصر قام قعد يجري جنب القطار وناصر ناصر ناصر فعمل عبد الناصر له باي باي دي

فيه الخير والله اعرف واحد تانى قصدى تالت كان فيه واحد من الشعب حب يسلمه ورقه مكتوبه قام الحرس طخوه ......
انا شفت فؤاد المهندس كان عليه حته كرش ...............
و شفت انعام سالوسه فى وسط البلد شيك جدا بالمناسبه و غير ما بتظهر تماما زى خيريه أحمد شفتها برضه شيك جدا و كلاس و غير ما بتظهر برضه

 

 

[فــيــروز]

من أذكره حاليا هو "محمد سعد" فى معرض سيراميك "السلاّب" اللىّ فى شارع "الثوره" فى "المهندسين" ..
كان بيشترى بانيو من اللىّ بيبقى فيه جاكوزى ده ..
و الحقيقه كان هادى خالص ولا عمّال يتلفت حواليه عشان يشوف الناس هتعرفه ولاّ لأ ..
كان وقتها معايا أختى و خالتى و اقترحوا نروح نسلّم عليه قلت لهم اتفضّلوا انتو أنا المواقف دى بتحرجنى ..
همّا ماراحوش بس أمّا كانوا واقفين قريبا منه و شافهم بيبصّوا عليه و ابتسموا رد بأدب شديد جدّا و كان لطيف معاهم الصراحه ..
بالنسبة لى رد فعله الهادئ كان غريب شويه نظرا لأن أدواره ك "ليمبى" بتظهره فى صوره لاسعه جدّا و صعب تشوفه هادى أو صوته واطى
بس الموضوع ماكانش مهم بالنسبة لى لأنّى عارفه إن مهما كان الشخص مشهور غالبا لن أتحدّث معه باستثناء "جلال أمين" ..



افتكرت صحيح شفت "حنان ترك" فى إحدى العيادات من حوالى سنتين و كانت قد ارتدت الحجاب و كان دورى فى الدخول قبلها و طبعا لم أتنازل عن دورى عشان خاطرها وكان عندى انطباع أنّها تتوقّع هذا .. بصراحه مسكت مجلّه و قعدت أبص فيها عشان مانضمّش لقائمة المحملقين فيها خصوصا أنّها لم تكن من ممثلاتى المفضّلات قبل الحجاب "ولا بعده الصراحه" .. إحساسى وقتها إنّها أم زى أى أم لأن أحد ولديها كان معاها فى العياده ولم تشعرنى أنّها نجمه سابقه أو شخصيه مشهوره يعنى كانت عاديه فى تصرّفاتها

 

 

[Farida]

افتكرت كمان - فيروز فكرتنى - شفت منى زكى و احمد حلمى كانوا بيعملوا اشعه على الجنين فى كايرو سكان وقت ما كنت باعمل اشعه انا كمان وانا حامل فى فرح الأتنين قصيرين جدا ..........
شفت فهمى هويدى فى الرست هاوس و طبعا سلمت عليه - افتكرت الموقف لما فيروز ذكرت جلال امين اصل فهمى هويدى بالنسبه لى زى جلال امين بالنسبه لفيروز -
أكتر من مرة فى مارينا اشوف ممثلين منهم غاده عادل و اللى شعرها بتهيشه بطريقه غريبه و اللى اكتر من مرة اشوفه هناك رفعت السعيد كنت حاسه انى باحل فى ميكى المسأله بتاعة اذكر الخطأ فى الشكل امامك رفعت السعيد و مارينا ما تركبش
افتكرت كمان حضرت محاضرة لمحمد حسنين هيكل فى كليه الأعلام و اللى اندهشت له جدا جدا انه قصير جدا جدا ............فعلا انا تخيلته عملاق بجد

تخيلوا نسيت واحد مشهور جدا جدا قابلته و نسيت احكى لكم عنه تفتكروا مين ؟؟؟؟