إزاي وصلت المطاريد؟ وإيه تقييمك للتجربة؟

[Matrix]

الصحف المصرية والعربية

دعوه لموضوعي

أطلق العنان لمشاعرك ، كن إنسان.

أنا كمان لا أعتقد إني أذيت أي أحد في أي حاجة
هي وجهات نظر قد تختلف طرق التعبير عنها.
المهم أن لا نحملها أكثر من حقيقتها.

 

 

[حسام]

بخصوص موقف الكنيسة النظام السابق كان بيجند اى حاجة لمصلحته
وعشان كدة السلفيين والكنيسة كانوا معاه فى مفارقة مستحيلة تصل الى وصف المسخرة
ازاى ناس بتتكلم بالدين والمثل والأخلاق تقف مع نظام سفاح لا أخلاق له؟
عشان كدة الموقف الرسمي للكنيسة وبعض الأخوة المسيحيين ومعاهم حبيايبنا السلفيين محتاج ييجي اتنين طن اعتذار للشعب المصري

 

 

[Matrix]

دعوه لموضوعي

أطلق العنان لمشاعرك ، كن إنسان.

لأ طبعاً ,,,,,,التيار الإسلامي كان النظام السابق حاطه تحت جزمته.

لكن كان مدلع المسيحيين لدرجة إن نسبة كبيرة جداً منهم - وقتها - إتفرعنوا ونسيوا إنهم شركاء وطن .
وبدأوا يتصرفوا على أنهم أصحاب البلد والباقيين ضيوف عندهم .

أنا زي ناس كتير الموضوع ده كان بيستفزني لدرجة لا تحتمل.
وخاصة إنهم كمان كان بيقولوا إنهم مضطهدين وهما أصلاً واخدين فوق حقهم, يعني كانت حاجة عجيبة جداً.

أنا شخصياً وقتها كنت بأحترم المحترم منهم جداً ,,,,والنوع التاني أعامله بما يستحق وأكثر.
ليس عن مرجعية دينية ولكن عن موقف سياسي وأخلاقي.

 

 

[Matrix]

دعوه لموضوعي

أطلق العنان لمشاعرك ، كن إنسان.

إضافة أخرى لتكملة تجربة المطاريد

أنا أكتشفت إني بأكون راضي عن مشاركاتي في المطاريد لما الموضوع محل النقاش يجبرني على التعليق حتى ولو ماكانش عندي وقت...وساعتها رؤيتي بتكون واضحة جدا ومحددة والكلام بيكون معبر عني جداً.

لكن لما أدخل وأتصفح وخلاص وأبقى عاوز أعلق على أي موضوع بأحس إني بأكتب لمجرد الكتابة والتواجد.
وأعتقد ان الحالة الأولى هي الأفضل.

 

 

[احمد عرفة]

انا فعلا بحس اننى فى وسط عائلتى فى منتدى المطاريد

 

 

[oskasan]

سكووووووت
كلاكيت بارتيه



من صغري فتحت عنيا
على حارة في حي الباطنية
مستوظف عند ام ذكيه
وقالولي امسك نضاره
حوالين سراديب الحاره
وان حد بعت صناره
ابقى ابعت لينا اشاره
اتاريها شغلانه منحوسه ومالهاش مستقبل
اولها كوبيا واخرتها بوابة ابو زعبل

عنها وفي ليله .. اللعبة وانكشفت
وفي يوم وليله
الحارة اتكنست
والخالة زكيه .. رقبتها اتقطمت

وجريت من حاره على الشارع
والخ الخ
اطلع من نقره لي دحديره
ومن فخ لي فخ

والدنيا تشلني وتهبدني
طخ طوخ طيخ طاخ
طخ طوخ طيخ طاخ

مبسوطه ياماما نجفه
مبسوط يابابا حشو

شؤون اول منتدى محترم اشترك فيه عام 2005

قبل كده كان منتديات مشكور وبارك الله فيه ولك مني اجمل تحيه . وذلك منذ عام 2002

كنت مشترك فيها لاغراض تحميل البرامج ونغمات التليفونات وخصوصا نوكيا المستشار والبشار ( قصر الله من عمر ولايته )

اثناء البحث في جوجل وقعت في حضن شؤون

لقيت مستوى تاني من العلاقات والافكار والحوارات مش متعود عليه

تابعت كام شهر لغاية لما اشتركت

وكما قال الزملاء منتدى شؤون كان بيعاني من اهمال المؤسسين وماشي ببركه ربنا وحماس الاعضاء ( وتقريبا لغاية دلوقتي مش عارف ازاي )

انتقلت لهايد بارك وماكملتش شهر فيه وفجأة وقع

.. واتولدت الواحه .... كملت فيها بدون ما أسيب شؤون ... لغاية لما شؤون بقت مواضيعها تمر عليها كل اسبوع تلاقيها زي ماهي ..
فطالت الاقامه في الواحه ..
وكنت بامر على شؤون من حين لآخر كزيارتي لمنزلي المولود فيه

حدثت الخلافات المشهوره بين حشيش والواحه وكنت واحد من الناس اللي زعلت على خلافهم مع بعض لان علاقتي بالطرفين كويسه ومازالت

وفتح حشيش وبدريه المنتدى ...وكنت زي كل الناس ...اشتركت لأبارك وأدعم الوليد الجديد ...

استمريت فتره كبيره اتنقل بين المنتدين
لغاية لما حشيش بعتلي مكتوب الجهاديه باستدعاء رسمي للدخول في الاداره.

ولبيت الندا

دخلت الادارة بعد ماكانت مستقره ومبنيه والأفرولات مكويه ومتشاله على شماعات في الدواليب والمشانق بحبال جديده ومسرور السياف على باب المجزره بيلمع سيفه .. يعني كانوا مترستأين وعلى سنجة 10

وكانت اول مره اشتغل في اداره
... قلت لحشيش انا هاجرب شهر لو ماعجبنيش او ما استريحتش هاروح بيتنا

قالي : نعم ؟ دخول الحمام مش زي خروجه يابابا .. انت عرفت عننا اسرار مايصحش حد يعرفها ...
ياتفضل معانا ... ياتعدي على مسرور ياخد منك اللى شوفته

قولتله يا حشيش ياراجل ... انت راجل بتاع هزار ... مش كل حاجه كده تاخدها جد .... ده انا كنت باناغشك ... ياختشي

ودخلت الخيه برجليه .. طاخ طوخ طيخ طخ

مبسوطه ياماما نجفه

مبسوط يابابا حشو

قابلت... نجفه الضب ... احمد باشا ...د. مسامح .. موديست ربنا يطمنا عليه .. برين ... موكا ربنا يفك سجنه .. د. رجائي ... أستاذ ابوزيد .. د. يحيي ...د. حسام ... حبيبي ابو يوسف .. ابو احمد .. د. رؤوف .. د. هيا .. د. مصريه .
.. وعلموني واخدوا بإيدي بالفعل كانوا تيم ورك رائع.
لكن دوام الحال من المحال.

خرجت مجموعه وجائت مجموعه لا تقل عنهم حماس ومحبه وقوه
اكسيلانس ....د. سامح .. د. مدى .. صاحب اشهر عامود ((ليدو)) .. الرائع رابت .. كين .. دراك نايت .. مدام كودو .. عمرو السيد .. ايهاب سالم .. طارق سلامه
يارب ما اكونش نسيت حد ( تبقى فضيحه )

 

 

[Rapt]

اقتباس المشاركة الأصلية كتبت بواسطة oskasan سكووووووت كلاكيت بارتيه من صغري فتحت عنيا على حارة في حي الباطنية مستوظف عند ام ذكيه وقالولي امسك نضاره حوالين سراديب الحاره وان حد بعت صناره ابقى ابعت لينا اشاره اتاريها شغلانه منحوسه ومالهاش مستقبل اولها كوبيا واخرتها بوابة ابو زعبل عنها وفي ليله .. اللعبة وانكشفت وفي يوم وليله الحارة اتكنست والخالة زكيه .. رقبتها اتقطمت وجريت من حاره على الشارع والخ الخ اطلع من نقره لي دحديره ومن فخ لي فخ والدنيا تشلني وتهبدني طخ طوخ طيخ طاخ طخ طوخ طيخ طاخ مبسوطه ياماما نجفه مبسوط يابابا حشو شؤون اول منتدى محترم اشترك فيه عام 2005 قبل كده كان منتديات مشكور وبارك الله فيه ولك مني اجمل تحيه . وذلك منذ عام 2002 كنت مشترك فيها لاغراض تحميل البرامج ونغمات التليفونات وخصوصا نوكيا المستشار والبشار ( قصر الله من عمر ولايته ) اثناء البحث في جوجل وقعت في حضن شؤون لقيت مستوى تاني من العلاقات والافكار والحوارات مش متعود عليه تابعت كام شهر لغاية لما اشتركت وكما قال الزملاء منتدى شؤون كان بيعاني من اهمال المؤسسين وماشي ببركه ربنا وحماس الاعضاء ( وتقريبا لغاية دلوقتي مش عارف ازاي ) انتقلت لهايد بارك وماكملتش شهر فيه وفجأة وقع .. واتولدت الواحه .... كملت فيها بدون ما أسيب شؤون ... لغاية لما شؤون بقت مواضيعها تمر عليها كل اسبوع تلاقيها زي ماهي .. فطالت الاقامه في الواحه .. وكنت بامر على شؤون من حين لآخر كزيارتي لمنزلي المولود فيه حدثت الخلافات المشهوره بين حشيش والواحه وكنت واحد من الناس اللي زعلت على خلافهم مع بعض لان علاقتي بالطرفين كويسه ومازالت وفتح حشيش وبدريه المنتدى ...وكنت زي كل الناس ...اشتركت لأبارك وأدعم الوليد الجديد ... استمريت فتره كبيره اتنقل بين المنتدين لغاية لما حشيش بعتلي مكتوب الجهاديه باستدعاء رسمي للدخول في الاداره. ولبيت الندا دخلت الادارة بعد ماكانت مستقره ومبنيه والأفرولات مكويه ومتشاله على شماعات في الدواليب والمشانق بحبال جديده ومسرور السياف على باب المجزره بيلمع سيفه .. يعني كانوا مترستأين وعلى سنجة 10 وكانت اول مره اشتغل في اداره ... قلت لحشيش انا هاجرب شهر لو ماعجبنيش او ما استريحتش هاروح بيتنا قالي : نعم ؟ دخول الحمام مش زي خروجه يابابا .. انت عرفت عننا اسرار مايصحش حد يعرفها ... ياتفضل معانا ... ياتعدي على مسرور ياخد منك اللى شوفته قولتله يا حشيش ياراجل ... انت راجل بتاع هزار ... مش كل حاجه كده تاخدها جد .... ده انا كنت باناغشك ... ياختشي ودخلت الخيه برجليه .. طاخ طوخ طيخ طخ مبسوطه ياماما نجفه مبسوط يابابا حشو قابلت... نجفه الضب ... احمد باشا ...د. مسامح .. موديست ربنا يطمنا عليه .. برين ... موكا ربنا يفك سجنه .. د. رجائي ... أستاذ ابوزيد .. د. يحيي ...د. حسام ... حبيبي ابو يوسف .. ابو احمد .. د. رؤوف .. د. هيا .. د. مصريه . .. وعلموني واخدوا بإيدي بالفعل كانوا تيم ورك رائع. لكن دوام الحال من المحال. خرجت مجموعه وجائت مجموعه لا تقل عنهم حماس ومحبه وقوه اكسيلانس ....د. سامح .. د. مدى .. صاحب اشهر عامود ((ليدو)) .. الرائع رابت .. كين .. دراك نايت .. مدام كودو .. عمرو السيد .. ايهاب سالم .. طارق سلامه يارب ما اكونش نسيت حد ( تبقى فضيحه )