عن الوفد ، العليمى "مشغول" بالفيس وتويتر فى البرلمان

[KANE]

الصحف المصرية والعربية

العليمى "مشغول" بالفيس وتويتر فى البرلمان


كتبت- ولاء نعمة الله : منذ 1 ساعة 16 دقيقة
انشغل النائب زياد العليمى عضو مجلس الشعب بمتابعة صفحته على الفيس بوك عبر الموبايل وذلك خلال مناقشة لجنة حقوق الانسان بمجلس الشعب اليوم ملف تعمير سيناء .

ففى الوقت الذى تضامن فيه النواب مع ضرورة تعمير سيناء وحمايتها حرص العليمى على متابعة اصدقائه على الفيس بوك، وكتابته تعليقا على تويتر الخاص به.
يذكر ان العليمى كان قد حضر الاجتماع لمناقشة طلب قد تقدم به لتضمين أسر شهداء مجلس الوزراء ومحمد محمود الى شهداء 25 يناير للحصول على معاش شهرى .

https://www.alwafd.org/%D8%A7%D9%84%D...85%D8%A7%D9%86

 

[حسام]

يا عم كين انا بحبك
وفد ايه بس دي اللى تقول كلام عدل
وافرض انه بص على الفيس-لشأن ما-مع تسليمي انه مفروض فى جلسة عمل لصالح الشعب اللى أنتخبه
خلاص يعني ماعادشي أخبار تتقال عنه الا بالشكل السلبي الانتقائي ده؟
لو ماكنتش بس تبع الجماعة

 

 

[KANE]

اقتباس المشاركة الأصلية كتبت بواسطة حسام يا عم كين انا بحبك وفد ايه بس دي اللى تقول كلام عدل وافرض انه بص على الفيس-لشأن ما-مع تسليمي انه مفروض فى جلسة عمل لصالح الشعب اللى أنتخبه خلاص يعني ماعادشي أخبار تتقال عنه الا بالشكل السلبي الانتقائي ده؟ لو ماكنتش بس تبع الجماعة

انا عامل الموضوع جر شكل ل أ/اكرام

دعابه والله ما قصدي حاجة

 

 

[إكرام يوسف]

اقتباس المشاركة الأصلية كتبت بواسطة حسام يا عم كين انا بحبك وفد ايه بس دي اللى تقول كلام عدل وافرض انه بص على الفيس-لشأن ما-مع تسليمي انه مفروض فى جلسة عمل لصالح الشعب اللى أنتخبه خلاص يعني ماعادشي أخبار تتقال عنه الا بالشكل السلبي الانتقائي ده؟ لو ماكنتش بس تبع الجماعة

[SIZE="5"]ههههههههههههه.. يادي زياد العليمي اللي تاعب قلوب الناس.. وطبعا ده يبسطني لو كان تافه واللا مالوش وزن ماكانش حد شغل نفسه يدور له على غلطة من يوم الثورة ماقامت..عشان خاطرك بس ياحسام.. طبعا زياد لو انشغل بأي حاجة أثناء الجلسة يبقى غلطان وستين غلطان كمان.. بس فيه مشكلة بسيطة.. إن زياد أصلا ماعندوش صفحة على تويتر.. وأن صفحته الرسمية على الفيس بوك يحررها 9 أدمنز متطوعين ومش من بينهم زياد أصلا ههههههه

بس هي المشكلة ان زياد لازم يتقطع عشان اللي قاله في الجلسة النهارده.. ربنا يحميك يازياد انت وزملاءك الأحرار ويحفظكم وينصركم..وليخسأ العبيد

https://www.youtube.com/watch?feature...&v=xrBZ34GjWLA

 

 

[aymanology]

اللي غيران منا يقلدنا

 

 

[KANE]

اقتباس المشاركة الأصلية كتبت بواسطة إكرام يوسف ههههههههههههه.. يادي زياد العليمي اللي تاعب قلوب الناس.. وطبعا ده يبسطني لو كان تافه واللا مالوش وزن ماكانش حد شغل نفسه يدور له على غلطة من يوم الثورة ماقامت..عشان خاطرك بس ياحسام.. طبعا زياد لو انشغل بأي حاجة أثناء الجلسة يبقى غلطان وستين غلطان كمان.. بس فيه مشكلة بسيطة.. إن زياد أصلا ماعندوش صفحة على تويتر.. وأن صفحته الرسمية على الفيس بوك يحررها 9 أدمنز متطوعين ومش من بينهم زياد أصلا ههههههه بس هي المشكلة ان زياد لازم يتقطع عشان اللي قاله في الجلسة النهارده https://www.youtube.com/watch?feature...&v=xrBZ34GjWLA

انظر ما فوقه

 

 

[doctor farouk]

ربنا يكرمه ويقويه
استاذه اكرام هو ايه الوضع بالنسبه لنقل مبارك للسجن وهل خبر تحديد اقامه سوزان مبارك صحيح

 

 

[إكرام يوسف]

اقتباس المشاركة الأصلية كتبت بواسطة KANE انا عامل الموضوع جر شكل ل أ/اكرام دعابه والله ما قصدي حاجة

صدقني ويعلم الله أنني استعوضته عند الله من قبل يوم 25 يناير.. وأتمنى كأم أن يحفظه الله ويحميه ويشفيه ويطيل عمره ويربي ابنه.. لكنني مؤمنة وأقول له دائما "قل لن يصيبنا إلا ماكتب الله لنا"..لو كان الأمر يزعجني لأزعجني أكثر اضرابه عن الطعام وهو مريض بالسكر والقرحة والربو.. واتصل بي شادي الغزالي تاني يوم الإضراب يحذرني ويقول لي ان هناك خطورة حقيقية على حياته بعدما بلغت نسبة السكر في دمه79.. فقلت له أنني كأم أتألم ولا استطيع أن أبتلع الماء وهو مضرب وأعلم الخطورة لكنني لن أكسر إرادته أبدا وليقض الله بما يشاء.. لدرجة أنه اضطر أن يقول لي "لو كان حيعيش أسبوع أو اسبوعين كنا نقول حيعمل ضغط، لكن ده حيموت بكره" (شادي جراح والظاهر الجراحين ماعندهمش مشاكل متعلقة بالمشاعر) قلت له أن أقصى ما أستطيع أن أفعله أن أدعو الله من أجله أن يستجيبوا لمطالبه حتى يفض الإضراب لكنني لن أكسر إرادته أبدا..
لكنني أسعد كأم عندما أجدهم لا يستطيعون أن يجدوا له غلطة تشينه .. رغم أنهم يبحثون ويبحثون.. ورغم ان له ملفا في امن الدولة منذ 15 عاما.. فمرة يجيئون بفيديو للقاء النوبيين مع البرادعي، بكذبة مفضوحة مؤداها أنه كان في النوبة يعمل على تقسيم النوبة مع البرادعي مع ان الفيديو مصور في حديقة بيت البرادعي لاجتماع الجمعية المصرية للتغيير ولم يرد فيها أي ذكر لتقسيم ولا تدويل ولا دياولو..واحد نوبي قال ان منظمة الفاو دفعت لمصر تكاليف بناء عشر قرى لصالح النوبيين فنظام المخلوع بنى تلات قرى بس ووزعها على المحاسيب وأعضاء الحزب الوطني.. وكان رد البرادعي "بس ده مخالفة لاتفاقيات دولية" .. بس ياسيدي وعنها جم بتوع اللجان الإليكترونية واجتزأوا الجملة دي من اللقاء ونشروها ويادوب باين حتة من وش زياد بين القاعدين.. وعملوها بقى تقسيم وتدويل والبرادعي متواطئ مع زياد هههههههه

ومرة يأتون له بصورة في بيت أحمد فؤاد نجم وهو يجلس على الكنبة ويضع يده عل كتف سيدة.. وطبعا لايذكرون أنهم أخذوا هذه الصورة من صفحة الفيس بوك بتاعة زياد قبل ما يدخل الانتخابات.. وان أحمد فؤاد نجم يسكن المقطم يعني جار زياد وفي دائرته.. والمفاجأة بقى ان السيدة اللي قاعدة جنبه تبقى زوجة زياد وأم ابنه لكن كويس برضه.. لما الواحد يحس ان فيه ناس مشغولة بيه

 

 

[إكرام يوسف]

اقتباس المشاركة الأصلية كتبت بواسطة doctor farouk ربنا يكرمه ويقويه آمين ربنا يبارك لك وحيفظ كل احبابك استاذه اكرام هو ايه الوضع بالنسبه لنقل مبارك للسجن وهل خبر تحديد اقامه سوزان مبارك صحيح

هههههههه.. استنى اما اروح الجرنال واعرف لو عرفت حاقول.. بالمناسبة أنا مش باشوف زياد ولما احب اكلمه باتصل بحد من أصدقائه اللي متطوعين يعملوله مساعدين وأدمنز على صفحته..

لكن اللي عرفته من شوية من حد من الأدمنز كاتب عل صفحته: تبنت لجنة حقوق الإنسان في مجلس الشعب مشروع التوصية المقدم من النائب زياد العليمي باعتبار شهداء ومصابي مجلس الوزراء والعباسية من شهداء ومصابي الثورة. وتم إرسالها لرئيس مجلس الشعب للحصول على موافقة المجلس عليها، باعتبارها توصية ملزمة للحكومة
واللي عرفته دلوقت انه حيصدر قرار فيها في الجلسة دي.. ربنا يهدي الأغلبية وما يرفضوش التوصية عشان ما تبقاش فضيحة

 

 

[HanyMan]

ربنا يحمي ذياد واللى ذية
دولا هما أخر أمل