عفوا .. انا لست مؤهلا بعد للاطلاع على رسائلى الشخصية!

[فــيــروز]

الصحف المصرية والعربية

اقتباس المشاركة الأصلية كتبت بواسطة BenNeal خلاص .. تاهت و لقناها .. انا الغى كل مداخلاتى السابقة (بالرغم من قيمتها الأدبية و الثقافية) و استعيد خاصية الاطلاع على الرسائل الخاصة.

بلاش تهوّر .. استنّى خُد من "حشيش" خطاب عليه إمضاء اتنين موظّفين لا يقلّ راتبهم عن 150 جنيه مصرى إنّك لو عملت كده هتقدر تبعت رسايل

اقتباس المشاركة الأصلية كتبت بواسطة BenNeal (بالمناسبة .. انا اكتشفت اننى لن اتمكن من الاطلاع على ملفى الشخصى قبل ان يصبح لى 50 مداخلة. ان افهم ان يطبق هذا الشرط على "تغيير او تعديل" فى الملف .. ولكن مجرد "الإطلاع"اى "access" .. ده اعتقد عايزة اعادة نظر!! )

ليه هى ملفّات المخابرات العامّه عشان مايبقاش للواحد الحق فى الاطّلاع عليها !! أفهم يكون فيه منع من مشاهدة ملفّات الأعضاء لكن ملفّك الشخصى ما الحكمه فى منعك من مشاهدته و تعديله إذا رغبت !!

 

 

[Admin]

أخونا العزيز BenNeal

بالطبع لست أنت أو الغالبية العظمى من المسجلين الجدد المقصود بهذه التحفظات فى إرسال رسائل خاصة للأعضاء أو مشاهدة ملفاتهم الشخصية أو الإشتراك فى التصويت قبل عدد معين من المشاركات نستطيع من خلالها (إلى حدٍ ما) التعرف على العضوية الجديدة ... الغرض من هذه الإجراءات هو توفير حماية أفضل للأعضاء خاصة ً الآنسات والسيدات من بعض المضايقات التى قد تحدث من بعض المسجلين الجدد الذين لا نعرف عنهم إلا القليل ... معذرة لأى مضايقات غير مقصودة من قيامنا بتفعيل هذه الهاكات مؤخراً ... تحياتى

 

 

[BenNeal]

مداخلة منقولة من موضوعى: باركولى انا خدت دبورة


و ياريته نافع.

انا مش غايظنى غير انى اكتشفت ان الرسالة الخاصة التى استلمتها من ٧ سنين لن استطيع الاطلاع عليها قبل ان تصل مداخلاتى الى ١٠٠. لما تقدمت بالشكوى اول مرة من ٧ سنوات لعدم قدرتى على فتح الرسالة وكان الحد الادنى المطلوب هو ٢٥رسالة. دلوقت١٠٠

ممكن اطلب استثناء بعض حصولى على هذه الرتبة بتمكينى من الاطلاع على هذه الرسالة.

خايف اموت قبل م اقراها. يمكن تكون حاجة مهمة ولا يكون اللى باعتها قايلى على حاجة كويسة وتفوت فرصتى فيها.

المصدر: منتديات المطاريد ... لقراءة المزيد إضغط على الرابط https://www.almatareed.org/vb/showthr...#ixzz3UTJYsJDS

 

 

[حشيش]

اقتباس المشاركة الأصلية كتبت بواسطة BenNeal مداخلة منقولة من موضوعى: باركولى انا خدت دبورة و ياريته نافع. انا مش غايظنى غير انى اكتشفت ان الرسالة الخاصة التى استلمتها من ٧ سنين لن استطيع الاطلاع عليها قبل ان تصل مداخلاتى الى ١٠٠. لما تقدمت بالشكوى اول مرة من ٧ سنوات لعدم قدرتى على فتح الرسالة وكان الحد الادنى المطلوب هو ٢٥رسالة. دلوقت١٠٠ ممكن اطلب استثناء بعض حصولى على هذه الرتبة بتمكينى من الاطلاع على هذه الرسالة. خايف اموت قبل م اقراها. يمكن تكون حاجة مهمة ولا يكون اللى باعتها قايلى على حاجة كويسة وتفوت فرصتى فيها.">خايف اموت قبل م اقراها. يمكن تكون حاجة مهمة ولا يكون اللى باعتها قايلى على حاجة كويسة وتفوت فرصتى فيها. المصدر: منتديات المطاريد ... لقراءة المزيد إضغط على الرابط https://www.almatareed.org/vb/showthr...#ixzz3UTJYsJDS

هانت يا معلم ... طولة العمر تبلغ الأمل

 

 

[tiopf]

الخوف من انك بعد ماتوصل ال100 مشاركة بعد عمر طويل
تلاقى الحد الادنى زاد ل 125 مشاركة
ومتعرفش برضه تفتح الرسالة اللى جات لك من 2008

 

 

[boomerang]

اقتباس المشاركة الأصلية كتبت بواسطة Admin أخونا العزيز BenNeal بالطبع لست أنت أو الغالبية العظمى من المسجلين الجدد المقصود بهذه التحفظات فى إرسال رسائل خاصة للأعضاء أو مشاهدة ملفاتهم الشخصية أو الإشتراك فى التصويت قبل عدد معين من المشاركات نستطيع من خلالها (إلى حدٍ ما) التعرف على العضوية الجديدة ... الغرض من هذه الإجراءات هو توفير حماية أفضل للأعضاء خاصة ً الآنسات والسيدات من بعض المضايقات التى قد تحدث من بعض المسجلين الجدد الذين لا نعرف عنهم إلا القليل ... معذرة لأى مضايقات غير مقصودة من قيامنا بتفعيل هذه الهاكات مؤخراً ... تحياتى

ما هو مش معقول علشان واحد غرق فى البحر نقوم نفقل البلاجات كلها ونمنع الناس تبلبط فى ميه البحر علشان تكسر حر الصيف
او ان واحد قتل واحد بسكينه نقوم نمنع صناعه السكاكين
اكيد فى آليه لردع ومنع المتطفلين من ممارسه هوايتهم , وضع ضوابط واضحه لمنع هذه الممارسات او ان الاعضاء ضحايا التطفل يتقدموا بشكاوى فى حق المتطفلين واعتقد ان الحكايه دى سهله ان لم تكن موجوده بالفعل الضوابط دى
انما المنع بالطريقه دى لن يؤدى الى النتائج المرجوه

 

 

[زحل]

فيه حل بسيط
العضو يقدر يستقبل رسائل فقط و لا يرسل

زي خط الموبيل كارت كده لم الشحن يخلص ... يستقبل انما ما يتصلش
و كده حتي لو العضو داخل يرخم مش هيقدر يرخم علي حد .... انما ممكن يترخم عليه ... او يستقبل رسائل ضرورية بالفعل له

 

 

[BenNeal]

اقتباس المشاركة الأصلية كتبت بواسطة حشيش هانت يا معلم ... طولة العمر تبلغ الأمل

ما هى "طولة العمر" هى المشكلة. أنا فوضت امرى لله و ذنبى فى رقبتك يا إدارة!

 

 

[BenNeal]

اقتباس المشاركة الأصلية كتبت بواسطة tiopf الخوف من انك بعد ماتوصل ال100 مشاركة بعد عمر طويل تلاقى الحد الادنى زاد ل 125 مشاركة ومتعرفش برضه تفتح الرسالة اللى جات لك من 2008

أنا عارف ان ده استنصاد من الادارة بس مش أدر أتكلم. حكم القوى. نفسى اعرف سر الرسالة المجهولة.

 

 

[BenNeal]

اقتباس المشاركة الأصلية كتبت بواسطة boomerang ما هو مش معقول علشان واحد غرق فى البحر نقوم نفقل البلاجات كلها ونمنع الناس تبلبط فى ميه البحر علشان تكسر حر الصيف او ان واحد قتل واحد بسكينه نقوم نمنع صناعه السكاكين اكيد فى آليه لردع ومنع المتطفلين من ممارسه هوايتهم , وضع ضوابط واضحه لمنع هذه الممارسات او ان الاعضاء ضحايا التطفل يتقدموا بشكاوى فى حق المتطفلين واعتقد ان الحكايه دى سهله ان لم تكن موجوده بالفعل الضوابط دى انما المنع بالطريقه دى لن يؤدى الى النتائج المرجوه

قلهم والنبى ....... أنا مش عاوز اى حاجة غير أنى (و لا موءخذه ) ابلبط.


(أنا مش مطمن لكلمة "ابلبط" دى. حاسس انها كلمة ابيحه. ربنا يستر. العملية مش ناقصه مشاكل.