Arabic Discussion Forum with a Special Interest in Travel and Immigration

اصيل · 24th April 2010, 07:02 AM

بسم الله وعلى بركة الله..نفتتح نادي الانفوشي لهواة صيد الاسماك....
اختيار الاسم من منطقة الانفوشي العريقه في حي بحري الاعرق في اسكندريه..وبعدين حلقة السمك فين...؟؟؟ في الانفوشي..
كنت عايز الكومندان واحمد باشا يشاركوا في اختيار الاسم والافتتاح....
عموما نستناهم شويه ..ونعتبر ده افتتاح تجريبي..

ALEXANDER · 24th April 2010, 07:13 AM

السلام عليكم

ALEXANDER · 24th April 2010, 07:15 AM

ايه حنصطاد بطاطا بالعشب ولا بالعجينة

اصيل · 24th April 2010, 07:24 AM

اقتباس

المشاركة الأصلية كتبت بواسطة ALEXANDER


	ايه حنصطاد بطاطا بالعشب ولا بالعجينة

سلام ورحمة الله وبركاته..

بالعجينه..بس جهز العده ونتقابل عند السبخي الساعه 5 الفجر..

اصيل · 24th April 2010, 08:12 AM

لغاية ما يشرفونا الكومندان والباشا
انا طبعا سويسي من ناحية الاب وسكندري من ناحية الام..
وبدايات عشقي للصيد بدأت هنا

ده الكنال (زي السوايسه ما بيسموه) في بورتوفيق..وتمثال السبع ده من معالم السويس قبل الحرب..هما تمثالين...وكنا نقعد على حرف الكنال ونرمي شعر فيه حتة لقمه صغيره..وكان كل اللي يطلع معانا سمك القراض السام

طبعا كل السوايسه عارفين السمك ده ومحدش بياكله..المهم انا كنت احطه في برطمان فيه ميه ..في الوقت ده كان عندي 10 سنوات..
والمكان التاني اللي كان جميل في السويس هو شاطئ ( ركس ) وحلاوته ان المد والجزر فيه كان على ودنه...يعني المسافه اللي تروحها سباحه ترجعها ماشي على رجليك او العكس...
فلما الميه تنحسر وتبقى واقف على الرمل ...ما عليك الا تمد ايدك في الرمل وتكبش... وشوف الجندوفلي بتاع البحر الاحمر اشكال والوان ومقاسات..

تخيلوا الميه دي كلها تبقى شاطئ رملي...

haya · 24th April 2010, 08:22 AM

أصيل باشا ..
لما توصلوا للدنيس نادوني علشان اشوي لكم
ولما توصولوا للبربرون نادوني علشان اقلي لكم
ونتغدي كلنا

اصيل · 24th April 2010, 08:30 AM

اقتباس

المشاركة الأصلية كتبت بواسطة haya


	أصيل باشا .. لما توصلوا للدنيس نادوني علشان اشوي لكم ولما توصولوا للبربرون نادوني علشان اقلي لكم ونتغدي كلنا

حاضر يا هيا..

حتلاقي احلى دنيس وشراغيش كمان..

اصيل · 24th April 2010, 08:36 AM

وكنانصطاد السمك بمصفة الطماطم..
نحط عليها قماشه مخرومه ومربوطه باستك على داير المصفه...ونحط جواها عيش على القماش من جوه...
ونغطسها في الميه ونسيبها شويه...وبعدين نضرب غطس كل واحد على مصفته وايده على الخرم يسده....ودايما كان يطلع فيها سمك السهليه صغيره..وهي عباره عن بوري صغير ورفيع..

سهى يافا · 24th April 2010, 09:22 AM

اصيل · 24th April 2010, 09:59 AM

اقتباس

المشاركة الأصلية كتبت بواسطة سهى يافا

الله يبارك لك يا سهى ..

انا عارفك زبونه من زمان...بأمارة البلطي الاحمر..

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

Latest Threads By This Member
Thread	Forum	Last Poster	Replies	Views	Last Post
الف شكر واجمل تحيه للوالد الكتور يحي...	ترحيبات ... مناسبات ... علاقات عامة	اصيل	10	3344	12th October 2010 06:42 AM
كل عام وانتم بخير يا مطاريد...	ترحيبات ... مناسبات ... علاقات عامة	اصيل	10	2351	14th September 2010 09:12 AM
في 5 يونيو كنت يا مصر بريئه....	نكسة يونيو 1967	اصيل	3	1869	5th June 2010 08:03 AM
يا زايد في الحلاوه..يا عزت يا عوض الله...	موسيقى وأغانى	naity2000	9	7488	17th May 2010 11:22 AM
5/5/55	ترحيبات ... مناسبات ... علاقات عامة	اصيل	35	4502	5th May 2010 05:26 AM

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دبي ........... نموذج ناجح ناجح بصحيح	brain	مال وأعمال	0	26th March 2010 01:18 PM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

هوايات متنوعة

نادي فلوكة للصيد البحرى