تباً لتلك الأصنام: فلنحطم الأهرامات وأبوالهول !

[هند عبد المقصود]

الصحف المصرية والعربية

اقتباس المشاركة الأصلية كتبت بواسطة Hany Sheta اللي أنا مستغربه ، ليه محدش من معارضيهم بيتكلم عن أهمية علم الآثار Archaeology ، وإن المعلومات المستمدة منه هتفيد في إثراء علم الإنسانيات Anthropology وده بدوره هيثري المعرفة الإنسانية في كثير من جوانب الحياة وفي القرآن الكريم آية: "واقصص القصص لعلهم يتفكرون" ، وده بيؤكد أهمية دراسة تاريخ الحضارات الغابرة على حاضر الإنسان. لذلك أنا أرى إن الحوار سطحي من الجانبين !!

ماهو علشان اللي اتقال هبل وجهل بين مينفعش يتناقش اصلا
لما تلاقي واحد بيخرف فمش من الحكمة ابدا ترد عليه بالمنطق والعلم لأنك هتكون زي اللي بيحرت في البحر
يعني معتوه بيقولك متستحماش لتبوش لان ادم خلق من طين
هترد عليه تقله ايه ده؟
وبعدين الكلام اللي حضرتك قلته ده واكتر منه بديهي وعارفينه العيال بتوع ابتدائي يعني لو هو مش عارفه يبقي كنا ردينا عليه وفهمناه
المصيبة انه اكيد عارف بس بما انه حاطط قالب طوب تحت العمة يبقي الاحسن تضحك ع الجهل لو متفاءل وتحزن و تستغرب وتاكل في نفسك لو عصبي زي حالاتي وكل ماتحب تغيظ نفسك تروح تجيب الفيديو وتتفرج عليه

 

 

[تووت]

اقتباس المشاركة الأصلية كتبت بواسطة Mzohairy انا شايف ان الهرم فعلا حرام و لازم يتهد ده كفايه الكباريهات اللي في شارع الهرم

لأ هم عايزين يهدوا الهرم بس...
شارع الهرم ممكن يكون فيه نظر...
يترمم ويتظبط عشان يجيب فلوس كمان

عموما يا جماعة محدش من الناس دي حيقدر يعمل أي حاجة ولا يهد مسلة واحدة حتى ، ولا تمثال ولا أي حاجة تاريخية.

مصر الآن في مرحلة جذب وشد ، وكله بيحاول يقول انا اللي موجود في الشارع.

فعليا الناس العادية اللي في الشارع ، ليسوا بهذا القدر من التشد على الإطلاق...

هو بس بعض الناس اللي فاهمه غلط ، أصبح معاهم مايكروفون وكاميرا فبيستخدموها بشكل مضحك... أعتقد والله أعلم ، عقدة نقص.

حتتظبط ان شاء الله

 

 

[dana]

اللى غلط بجد هو وائل الابراشى انه يسمح لواحد سفيه زى دة انه يظهر علينا فى شاشات التليفزيون ويقال اسمه ويعرض رأيه علينا امثال هذا الشئ مكانهم وارائهم فى صندوق القمامة اذا كان صندوق القمامة يسمح بحمل تلك الافكار البذيئة
انت السبب يا ابراشى

 

 

[Hany Sheta]

اقتباس المشاركة الأصلية كتبت بواسطة Mzohairy انا شايف ان الهرم فعلا حرام و لازم يتهد ده كفايه الكباريهات اللي في شارع الهرم

أفحمتهم يا أ/ زهيري

 

 

[محمد علي عامر]

وائل "الأبغاشي" شغال مية مية و أكيد عمولته بتزيد كل ما يجيب كام مجذوب يخوف الناس بيهم.

 

 

[Hany Sheta]

اقتباس المشاركة الأصلية كتبت بواسطة هند عبد المقصود ماهو علشان اللي اتقال هبل وجهل بين مينفعش يتناقش اصلا لما تلاقي واحد بيخرف فمش من الحكمة ابدا ترد عليه بالمنطق والعلم لأنك هتكون زي اللي بيحرت في البحر يعني معتوه بيقولك متستحماش لتبوش لان ادم خلق من طين هترد عليه تقله ايه ده؟ وبعدين الكلام اللي حضرتك قلته ده واكتر منه بديهي وعارفينه العيال بتوع ابتدائي يعني لو هو مش عارفه يبقي كنا ردينا عليه وفهمناه المصيبة انه اكيد عارف بس بما انه حاطط قالب طوب تحت العمة يبقي الاحسن تضحك ع الجهل لو متفاءل وتحزن و تستغرب وتاكل في نفسك لو عصبي زي حالاتي وكل ماتحب تغيظ نفسك تروح تجيب الفيديو وتتفرج عليه

كلام حضرتك مظبوط يا أ/ هند
وللعرب قول مأثور: "توضيح الواضحات من أشكل المشكلات" ... لكن ده لا يفسر كيف يقبل المحاور أو المحاضر مواجهة هذا الكائن ، فأنا شخصيًا لا أقبل ذلك ، ولكن لو قبلت وأصبحت في مواجهته ، فلابد من إفهامه حتى لو بدا الحوار بأنني أقوم طفلاً صغيرًا أو معتوهًا.
وكما ذكرت dana في مشاركة لاحقة ، بأن الغلط على وائل الإبراشي لاستضافته لهذه الأشكال وإبرازها.

 

 

[Hany Sheta]

اقتباس المشاركة الأصلية كتبت بواسطة محمد علي عامر وائل "الأبغاشي" شغال مية مية و أكيد عمولته بتزيد كل ما يجيب كام مجذوب يخوف الناس بيهم.

أحب أقول حاجة بعد إذنك ...
أنا أعرف شخص بيشتغل أستاذ جامعي كان بيدافع باستماتة عن تدمير طالبان لتمثال بوذا المضطجع لأنه صنم!! .... وبالمناسبة هذا التمثال "كان" أكبر تمثال معروف صنعه إنسان!!
https://en.wikipedia.org/wiki/Buddhas_of_Bamiyan

وأنا كنت بأدرس في جامعة كاليفورنيا عندما تم هذا التدمير ، وأذكر قيام مجلة Science المشهورة بتقرير عن ما حدث .... والمشكلة أن كل واحد كان بيسألني ليه تم التدمير ماكنتش بعرف أرد ، وكنت بأشعر شعور مرير بالعار عما وصلنا أليه

 

 

[Hany Sheta]

والشاهد ، أن الموضوع ليس موضوع "مجاذيب" .... بل أن هناك العديد والعديد ممن هم محسوبون على المتعلمين والمثقفين وصفوة المجتمع "الفكرية" ممن يدافعون عن هذه الأفكار الظلامية والجهل المطبق
ولا حول ولا قوة إلا بالله
بالمناسبة .... عارفين إمتى بأحس بالمصيبة الحقيقية؟ .... كل ما أشوف أو أسمع على إنجاز علمي وفني وثقافي في الغرب وأفتكر إحنا لسه بنتكلم في أيه!!!!

 

 

[chemia]

على فكرة اللى فاكر ان الابراشى غلطان باستضافته الناس دى يبقى مش بيفكر فعلا فى الوصول فعلا لاهمية الكلام اللى المتطرفين مقتنعين بيه .... بجد انا خايف جدا على البلد دى ....تخيلوا 40 مليون على الاقل مابين جاهل و عاطل وبلطجى و على الاقل 20 مليون انصاف متعلمين بسهولة يمكن التشويش و اقناعهم بحقائق مزيفة اوغير حقيقية .... تخيلوا فعلا لو الاغلبية اصبحت تطالب بهذا المطلب .....بجد مش هزار الموضوع كبير والافكار اصبحت متبلورة فقط التنفيذ و الموضوع واضح انه اكبير بكثير مما نتوقع خاصة بعد ضياع سيناء

 

 

[دكتور مهندس جمال الشربيني]

دعوه لموضوعي

مستر "عاوز" وأنـــــــــــــــــــــــــا

اقتباس المشاركة الأصلية كتبت بواسطة hopsan حتى فى المقاله التى كتبتها يوم 22/1/2011 أى قبل الثوره ب 3 أيام كنت أنوه عن الغوغاء الذين سيندمجون فى التظاهره و يخربون فى المنشآت و ذكرت المتحف المصرى تحديدا بأن تشدد عليه الحراسه عند إندلاع المظاهرات و كأنى كنت أتوقع نهايه المسيرات بميدان التحرير

بليز ممكن اللينك بتاع المقالة ديت