اوكرانيا ..ثورة دى ولا انكلاب ؟

[savary]

الصحف المصرية والعربية

اقتباس فرانس 24 ومونت كارلو الدولية ‫#‏عاجل‬ - الرئيس الأوكراني ‫#‏يانوكفيتش‬ يعلن عن ‫#‏انتخابات‬ رئاسية مبكرة

يمكن الخبر مش معدى سطر واحد ...بس دا اللى حصل !

رئيس منتخب ديمقراطيا و بصندوق انتخابات و نزلت مظاهرات ضده ... حاول التصدى ليها ...معرفش بسبب تصميم

المتظاهرين ... دول كانت معاه زى روسيا مثلا ...ودول ابدت قلقها من ضحايا محاولاته للتصدى للمظاهرات زى

الاتحاد الأوربى .


الرئيس بيعلن وقف كافة اشكال العنف ضد المتظاهرين و بيدعو لانتخابات رئاسية مبكرة !


كان عندنا فى مصر نفس الحالة تقريبا , رئيس منتخب و جاى بصندوق انتخابات و فشله كان ذريع و نزلت مظاهرات

ضده تطالبه باجراء انتخابات رئاسية مبكره ... راح مرضيش و قال يا هكمل مدتى يا الحرب الأهلية !

ونزل انصاره يعتصموا و يقطعوا الطرق و يهددوا الناس بالحرب الأهلية ... و هاجموا كام كنيسة على كام قسم

شرطة .

اتفرموا ...الرئيس المخلوع و انصاره ...وبعد كدا قالك فين حكوك الانسان !

و تلاقى شمامين الكلة مالين الدنيا زعيق و صريخ ...اينكلاب ..اينكلاب ..اينكلاب !


الديمقراطية ..فى ابسط تعريفاتها و أصدقها .. مش معناها اننا مش هنختلف مع بعض ... انما الديمقراطية اطار بيجمعنا كلنا كمجتمع ..وبيقولنا لو اختلفنا مع بعض نعمل ايه ؟

بيقولنا اننا نرجع للدستور و للقانون .. بدل ما نقتل بعض فى الشوارع زى الكلاب ..لأننا بشر مش كلاب !

الدستور بتاع الاخوان و رئيسهم المخلوع كان بيقول ان الرئيس يدعو الشعب لاستفتاء فى الحالات اللى بتهدد

الأمن القومى ! و طبعا مفيش تهديد اكتر من ان الناس تموت بعض فى الشوارع ! وان المؤسسة العسكرية

تدى الرئيس مهلة للتدخل السياسى و حقن دماء الناس ..كل الناس ...انصاره و معارضيه .


هنا ...اجراء استفتاء على انتخابات رئاسية مبكرة مبقاش مجرد خيار ..بقى مسؤلية رئيس أقسم على حماية ارواح

المواطنين من شعبه ... و بقى عدم اجراء هذا الاستفتاء المنصوص عليه دستوريا .... تقصير و اهمال جسيم

يستوجب المحاكمة .



اوكرانيا قدامكم اهى و رئيس اوكرانيا قدامكم اهو ... وافق على اجراء الاستفتاء حقنا لدماء شعبه مناصريه و معارضيه ...ولأن هى دى الديمقراطية .

مفيش حاجة اسمها ان الرئيس لازم يكمل مدته طالما جاى بصندوق انتخابات ! وان هى دى الديمقراطية !

دى المهلبية سيادتك

انا مش مسؤل عن (( فهمك )) انت للديمقراطية ... ان فاهم ان الانتخاب دا صك عبودية و صك سمع و طاعة

طالما كسبت ..يبقى لازم تفضل طابق على مراوحنا لغاية لما تخلص مدتك !

الموضوع مش صك عبودية يا فندم ! مش سمع و طاعة زى اللى عندك فى الجماعة المخروبة !

أى عقد فى الدنيا بيبقى فيه حاجة اسمها الشرط الجزائى ... يحق لأى طرف من الطرفين انه يفسخ العقد و يدفع

الشرط الجزائى !

الشعب دا هوا اللى هيتحمل تكلفة الاستفتاء ...مش هتدفع من جيبك يا ريس ولا من جيب جماعتك

و نص الاستفتاء كان دستورى و الشعب وافق عليه و انت وافقت عليه لما طرحت الدستور للاستفتاء !


يبقى المعلم مرسى الزناتى لما طلع فى آخر بيان يقول ..يا الشرعية يا الحرب الاهلية ...هوا الى انقلب على القانون

وعلى الدستور و هو اللى إينكلابى و هوا اللى عمل إينكلاب


المشكلة الأكبر انه وهو جماعته فشارين ..لا معاهم ميليشيا تقدر تخوض حرب ولا هما بتوع حرب أساسا ولا دياوله

آخرهم يعنى صفقات و تعريض و الداخلية فى القلب و الجيش حمى الثورة و تعالى انقذينا يا أمريكا

رموا شبابهم فى آتون محرقة لا قبل لهم بيها ... و سمموا أفكارهم و عملولهم غسيل مخ

انزلوا موتوا ضد الاينكلاب ...و هما نفسهم - القيادات - اتلموا من شقق كانوا مستخبين فيها !

لا كانوا فى الشارع و لا كانوا فى الاعتصاميين اللى اتفضوا ولا كانوا فى معركة الحرب الأهلية بسلاحهم زى ما هددوا



الكلام دا عشان اللى مالين الدنيا .. اينكلاب ...اينكلاب ...اينكلاب

بتوع اصل بنوع علمان و بنوليبرال خسروا كل الانتخابات ضد الاسلاميين ...راحوا جابوا الجيش يعمل اينكلاب !

لا يا برنس ....انت اللى فاشل و معرفتش تعمل اى حاجة .

قولت للناس انتخبونى و هعمل النهضة ... وطلعت فنكوش و معرفتش تعمل اى حاجة غير التمكين -الوهم اللى فى

دماغك .

بعد شوية قولت دا اينكلاب ...احنا هنعمل الحرب الأهلية و هنخوض حرب ضد الاينكلاب

وطلعت فاشل برده ....لا انت بتاع حرب و لا انت قدها ...عشان الحرب دى عاوزة رجال !


بعد ما كلت الطريحة التمام ...والعلقة اللى للتاريخ ...قولت خلاص سلمية سلمية ...هنعمل الثورة !

وكالعادة طلعت فاشل برده ...لا أنت بتاع ثورات ولا انت قدها ...أنت آخر تركب على الثورات ... تقعد تستنى تشوف

مين هيغلب موسى ولا فرعون ...و تزيد فى الزيطة زى ما عملت فى ثورة يناير !

انما انت عمرك ما تبقى موسى و لا ينفع تبقى موسى !

الثورات دى للأنقياء و للأطهار !


المخلص يعنى ..انت فاشل فى كل حاجة ...فى الحكم فاشل و فى الحرب فاشل و فى المعارضة فاشل و فى الثورة فاشل

و 30 يونيو مكنتش (( اينكلاب )) ولا حاجة .

كانت مطلب ديمقراطى و قانونى و دستورى مليون فى المية

مطلب لو اى رئيس محترم فى الدنيا و بيخاف على بلده و على شعبه ..انصاره و معارضيه ..كان هيستجيب له

كان هيطلب اشراف دولى على الاستفتاء و كان هيعمله .

دى الديمقراطية , مش يطلع يقول الحرب الاهلية ! ....لأن دا الاينكلاب فعلا !

اوكرانيا قدامكم اهى يا معلمين .


----------------------------------------------------------------------

واحد هيقول ...طاب 30 يونيو كانت عاوزه استفتاء ...لكن دا محصلش و العسكر حكموا و هيجيبوا رئيس عسكرى

أقوله ...دى نتيجة افعال مرسى من ناحية ..ولأن العسكر و الاخوان وجهين لعملة واحدة ... فدى نتيجة طبيعية و

متوقعة برده ...من رحمة ربنا بالثورة المصرية ان اعدائها أغبياء مبيفهموش ...بيتعاملوا مع الثورة على انها فرصة

للحكم !

وزى ما الاخوان مكنوش فاهمين و الطمع و الجشع عماهم ...فالعسكر بعد 30 يونيو بنفس التراجيديا ...بيعملوا

نفس الاخطاء ... و الخطوات المتكررة تؤدى حتما لنفس النتيجة .


اتقل تاخد حاجة نضيفة


---------------------------------------------------------------------------------

واحد تانى يقولى طاب وهو انت متوقع ان الاخوان و الاسلاميين هيقتنعوا يعنى ان الديمقراطية كدا و ان مرسى كان لازم يعمل استفتاء وانه غلطان ؟

هقوله لا طبعا ... التيار دا و الحمد لله مفهوش بنى ادم بيعقل ! السمع و الطاعة اللى الجماعات دى بتتربى عليها ...بيقتل اى تفكير فى دماغ الانسان

بيبقى عامل زى عسكرى الامن المركزى كدا ...لا بيفهم ولا بيسمع و لا بيعقل ولا بيدرك ...بيجيله أمر و بينفذه و خلاص .

إلا من رحم ربى ... اللى ربنا بيرحمه و بينورله و دا بيطلع بدرى بدرى ...فطرته السليمة بترفض العبودية ..حتى لو متغلفة بأهداف سامية و نبيلة .


---------------------------------------------------------------------------

واحد تالت يقولى ...طاب ما كنتوا استنيتوا لغاية انتخابات البرلمان و البرلمان كان عزل مرسى

اقوله ..انت عبيط على فكرة !

مرسى و جماعته مكنوش هيسيبوا الحكم ولو بعد مليون انتخابات و مليون استفتاء

بص كدا على حماس فى غزة ... 8 سنين فى الحكم ...8 سنين من أول و آخر انتخابات شارك فيها الفلسطينين .

عملوا اى انتخابات بعد كدا .؟؟

فى مواطن غزاوى واحد شارك برأيه و بصوته فى اى انتخابات فى غزة ستان ؟

لاء خالص ابدا !

مفهوم الاسلاميين عن الانتخابات ...انها بتتعمل مرة واحدة بس ...بيعة و تفضل فى رقبتك لغاية لما تموت ...لو فكرت تخلعها ...يموتوك هما عادى !

يوصل بيها للسلطة ...وبعدين يالا كل واحد يلعب فى مناخيره ...احنا حكمنا خلاص !

يعنى كل اللى انت شايفه دا كان هيحصل كان هيحصل ....بعد سنة ..اتنين ...عشرة .. كان هيحصل

الحمد لله اننا خلصنا بدرى بدرى قبل ما يتمكنوا اكتر و الموضوع يبقى اصعب و الدم يبقى اكتر من كدا

 

[تكسير]

هو ده تفكير الربع جنية المخروم


يا حبيب قلبي
أطرح علي نفسك الإستفسارات دي
1 هل في أوكرانيا الجيش أنحاز لفئة وإنقلب إنقلاب ؟؟؟
2 هل اخذ الرئيس الاوكراني فرصته ووقته ام مكث سنة تلعب ضده كل اجهزة الدولة الاكرانية لعبة النطة ؟؟؟
3 هل فرم الرئيس الأوكراني المتظاهرين وقتل منهم 800 في ميدان ؟؟؟ او 350 امام مبني الحرس الجمهوري الأوكراني ؟؟ أو 400 عند المنصة ؟؟؟ او 500 في ميدان النهضة الاوكاراني ؟؟؟؟
4 هل تاجر الرئيس الأوكاراني بالدين هههههههههههههههههههههههههههه؟؟؟؟
5 هل في أوكرانيا معرضين بحجم الخرتيت زي عندنا في مصر ؟؟؟



عايزين سحبة أسكندراني من الحنجرة مصحوبة ببلغم فرش

اقتباس الحمد لله اننا خلصنا بدرى بدرى قبل ما يتمكنوا اكتر و الموضوع يبقى اصعب و الدم يبقى اكتر من كدا

ده انت بقي إنقلابي وبتعلن عن كدة
طيب كويس أنك تخليت عن البوب البوذي وتبعت السيسي ورسالته , علي الأقل التاني نبي مرسل من الله ورسالته هي
نسائنا حُبلي بنجمكمو
لقد صبأت يا سفوريا
صحيح إليي مالوش اهل ( تيار يعني ) الحكومة اهله ههههههههههههههههههههههههه


وتصبر بقول الشاعر المغفور له حين قال
( ضرب الحكومة ما يعرش الرجالة )

الله يرحمك يا بوب ويرحم إيامك

علي فكرة مصر دلوقتي لا تقارن بأوكرانيا ولا إي من الدول المُحترمة دي
ولكن قارنها بأفريقيا الوسطي , او نامبيا , او الصومال
قارنها بالعشوائيات الحاكمة في أشباه الدول العاجزة
مصر وللأسف خربت بشوية حمير ولا بيفهموا حاجة
وعاملين نفسهم فهيمة ولاد المعرضين

 

 

[ysma]

تعليق أعجبنى فى الفيس بوك:

مبارك ترك التحرير ... أصدي فيتالي كريشتوكو ترك التحرير ..
هاللأ بييجي مرسي أوكراني وحزب الإخوان الأكرانيين
والسنه الجاي بييجي السيسي الأكراني وبذبحهم و يحرر الشعب الأكراني....

الشعب يريد إسقاط النظام

 

 

[تكسير]

التيار الليبرالي والعلماني النكرة . دائما يُحب ان يجعلص الأمور التافهة في عقله لكي تبدوا وكأن فيها منطق . علي الأقل بالنسبة لهم , ولكن بمجرد ان تخرج الجعلصة العويصة من حناجرهم حتي تنفجر الأرض ضحكا وبكاء في اًن واحد
يعشقون الربط بين التناقضات المستحيلة , والتي لا تربطها إي علاقة , لكي يبدوا فيها بصمات رجل المستحيل الخفي القادر علي ربط إي شيئ بأي شيئ
فسقوط الأندلس والإتحاد السوفيتي كان بفعل تنظيم الأخوان الخبيث (( جدا )) , والذي سقط بشكل عجيب في يوم واحد وسُجن كل أعضائه في يوم واحد , وذلك بفضل الرجل المعجز الذي لا نظير له الذي فهم المخطط الألعوباني الجهنمي لتحالف الصهيوأخواني العالمي , مما جعله يستحق وبجدارة لقب رسول ونبي
هذا الرجل الذي هدد أسطول الولايات المتحدة بطائرات جيل قديم صنع أمريكا ذاتها , فجعل بوارجها تفر فرار الغزال من أمام السواحل المصرية المحمية جدا
الامريكان حلفاء الاخوان , بزعامة كبير الاخوان الحج أوباما حُسين
نحن وللأسف لدينا مجانين ومهابيل , تقدموا صفوف المجتمع , وأصبح لهم السلطة , والكلمة , فانهالوا علينا بكل صنوف الخبل , جعلونا مسخرة امام كل من له عقل , أو قادر علي مجرد التفكير , لقد كان أيام مبارك التعريض يُمارس علي إستحياء , وبقليل من الخجل , اما الان فهناك تسابق حميم علي لقب معرض مصر الأول
بلا مواربة , عيني عينك
وأصبحت مصر وعقلائها مساجين , والمجانين طلقاء يخربون ويفسدون البلاد ببلاهه وعبط وغباء
نحن لا نحتاج لساخر من نوعية باسم يوسف لكي يُخرج لنا ضحكات القلب الباحثة عن مخرج , الأن فعلا لا حاجة , فقط أنظر لاخبار من نوعية ضرير تم إعتقاله بتهمة القنص , وستموت ضحكا من الألم
الاخبار من مصر تؤكد علي أهبلة الدولة
فعلا مصر تمر بأزمة , لا تقل خطورة عن إي أزمة
أزمة عقل وعقلاء
تكسير دماغ