Arabic Discussion Forum with a Special Interest in Travel and Immigration

سهيلة · 8th October 2009, 09:44 AM

حصللى مشكله شنيعه مع البوتجاز الغاز امبارح

وكان بيسرب

لولا ساتر ربنا كنتو سمعتو خبر رجوعى لمصر ف صندوق

الحمد لله

بس انا بصراحة اتعقدت خلاص من البوتجاز الغاز

قررت اشترى كهربا

ايه رايكوا هل هوة آمن اكتر

هل فيه ميزات تانيه عن الغاز؟؟

toota · 8th October 2009, 09:50 AM

الف سلامة عليكي يا سهيلة...وحمدلله على السلامة..

الكهربا حلو...بس بيستهلك كهربا كتير اظن....غير كده الفراخ المشويه بتطلع تحفة فيه...لانها بتتشوى على نار هادية......

ابتسامــة · 8th October 2009, 10:11 AM

ألف سلامة يا سهيلة
مفيش فرق كبير بين الاتنين في رأيي
مع وضع نقطة استهلاك الكهربا اللي توتا قالتها في الاعتبار

moka · 8th October 2009, 10:22 AM

.
.

حمدلله ع السلامة سيدتي الكريمة

ومن واقع تجربة .. البوتاجاز ابو كهرباااا ... بيسحب كهربااا على كيف كيفك يعني فاتورة اخر الشهر الله ينور ..!

سهيلة · 8th October 2009, 10:54 AM

الله يسلمكوااااااااا جميعا

لا الكهربا هنا يا جماعه موش علينا الفاتوره صاحب الشقه هوة اللى بيدفع

يعنى ما يهمكوش

لكن بالنسبه لعنصر الامان

هوة ممكن يكهرب؟

mohsen · 9th October 2009, 02:35 AM

اقتباس

المشاركة الأصلية كتبت بواسطة سهيلة


	الله يسلمكوااااااااا جميعا لا الكهربا هنا يا جماعه موش علينا الفاتوره صاحب الشقه هوة اللى بيدفع يعنى ما يهمكوش لكن بالنسبه لعنصر الامان هوة ممكن يكهرب؟

شوفى يا استاذتنا:

أنا باستعمل الفرن الكهربا بقالى 35 سنة و لسة ما اتكهربتش.

آخر واحد اشتريته من حوالى 5 سنين و ده اللى وصى به الحكيم لقمان:

سطح زجاجى Glass top

تنظيف ذاتى Self cleaning ( و ده تنظيفه أسهل بكثير من ال Easy cleaning)

الفرن يعمل بالإنتقال الحرارى Convection oven

haya · 9th October 2009, 06:41 AM

الف سلامة عليكي يا سهيلة ماتشوفيش شر ابدا
طبعا الكهربا احسن وانضف بكتير
ونقطه ان الكهربا علي صاحب العمارة يخليكي ما تتردديش لحظه في انك تجيبيه

hoppa · 9th October 2009, 07:10 AM

اقتباس

المشاركة الأصلية كتبت بواسطة maksoof


	شوفى يا استاذتنا: أنا باستعمل الفرن الكهربا بقالى 35 سنة و لسة ما اتكهربتش. آخر واحد اشتريته من حوالى 5 سنين و ده اللى وصى به الحكيم لقمان: سطح زجاجى Glass top تنظيف ذاتى Self cleaning ( و ده تنظيفه أسهل بكثير من ال Easy cleaning) الفرن يعمل بالإنتقال الحرارى Convection oven

طب و الله شكله جميل يا استاذ مكسوف
بس ياترى موجود فى مصر....غالبا حيكون غالى الثمن دا اذا لقيناه اصلا.....خسارة نفسى اشترى واحد لجهازى لانى انا كمان عندى مواقف مش كويسة مع البوتجاز و شعرى اتحرق قبل كدا

بس ليا سؤال هو فكرة عمله انه فيه ملف بتمر فيه الكهرباء بتتحول لحرارة
يعنى زى فكرة عمل سخانات الكهرباء الصغيرة
طيب هو مش كدة بطئ فى تسوية الأكل ؟!

على فكرة احلى حاجة فيه انه مش حيبقى فيه شياط فى الحلل و خصوصا الستانلس مش كدة

hoppa · 9th October 2009, 07:13 AM

اقتباس

المشاركة الأصلية كتبت بواسطة سهيلة


	لولا ستر ربنا كنتو سمعتو خبر رجوعى لمصر ف صندوق الحمد لله

الف سلامة عليكى يا دكتورة سهيلة...قدر و لطف
انا الاخرى بقى عندى عقده من الفرن و البوتجاز الغاز .......منتيش وحدك يا حبيبتى

Doudy · 9th October 2009, 09:34 AM

سلامتك يا سهيلة

قدر و لطف ربنا سلم

كل حاجة و ليها مخاطرها

ما تتعقديش من الغاز و لا حاجة حتى الكهرباء برضه ليها مخاطرها

المهم خدى بالك كويس و ربنا يستر

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

Latest Threads By This Member
Thread	Forum	Last Poster	Replies	Views	Last Post
ارجو المساعدة لو امكن؟	تكافل إجتماعى	only you	2	1608	3rd May 2011 07:48 PM
افراح الامارات	أبناؤنا فى الخارج	um omar	2	1624	12th February 2010 06:56 PM
سيدات المنتدى العاملااااااااات بليييييييز ؟	شؤون المرأة	um omar	26	3427	14th January 2010 03:36 PM
روق شويه والعب اللعبه دى	قهوة المطاريـــــــــــــــــد	مدى	34	3466	13th October 2009 07:41 PM
ايه رايكوا ف البوتجاز الكهربااااااا؟	شؤون المطبخ	um omar	17	5404	8th October 2009 09:44 AM

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رايكوا فى سلسة القادمون (the arrivals )	زورو	موضوعات عامة ... موضوعات خفيفة ... منوعات	5	27th October 2010 10:14 PM
أزمة البوتجاز تشتعل في القاهرة والمحافظات	biopasha	شؤون مصر الداخلية	4	11th February 2010 05:29 PM
ايه رايكوا يا جماعه فى ميتنج الازهر يوم الجمعه؟	bosy	ترحيبات ... مناسبات ... علاقات عامة	12	10th August 2009 04:48 PM
ايه رايكوا فى محمد حماقى؟	bosy	موسيقى وأغانى	175	26th November 2008 12:59 PM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

شؤون المطبخ

ايه رايكوا ف البوتجاز الكهربااااااا؟