حوار مع هندوسي ....بقلم بدرورة آل الضب .!!!

[Badroora]

الصحف المصرية والعربية

بغض النظر عن نوعية الدين الذى يعتنقه الانسان , سواء صحيح من وجهة نظرنا ام لاء.
المهم اللى توصلت له ان كل شخص بيحاول يدور على طريق هداية يتبعه وشيء روحانى يحثه على معاملة الناس معاملة حسنه او بمعنى اخر تهذيب نفسي.
بحكم عملى الذى يجمعنى بجنسيات مختلفة واديان مختلفه وفى الحقيقة ويسامحنى الله لو خانى التعبير ارى ان كل دين بيهذب معتنقيه قبل شينكاوى وميزو ميجبولى آيات تكفرهم انا بتكلم عن عن الدين المعاملة لا اقارن الاديان ولا باقول دا احسن من دا ...ماشي .
بداية
رأيت موبايل زميل معنا " طبيب" هندى هندوسي عليه صورة طفل جميل اعتقد ان الصورة دي كتير منتشرة حتى زمان فى بيتنا كنت بلاقيها على مفارش التربيزات عندنا .. وتلاقى اهلى مش عارفين ان دا اله الهندوس
المهم دار حوار بينا طبعا بالانكليزية وانا هاكتبة بالعربي .
انا: الله صورة مين البيبي الامور دا SO cute
هو: دا صورة God
أنا: اى God u mean
هو: my God
أنا: مش انتم بتعبدوا البقر؟
هو: فى كذا اله ودا واحد منهم.
أنا: طيب فين صورة الاله دا وهو كبير هو مش بيكبر بردوا؟
هو: لحظة هافتح الاميل واواريكي كل الصور.
أنا: طبعا وهو بكل فخر وعزة وفرحة على وشة
هو: جابلى صورة صنم مرصع بالالماظ وعقود من الورد
أنا: دا Diamonds حقيقي
هو: ايوة وورانى مكعبات دهب خالص محطوطة تحت رجلين الصنم.( بافكر الاجازة دي اطنش اهلى واعمل زيارة للهند اشوف الدهب دا )
أنا: قولتله منين كل دا؟
هو: قال اثناء الصلاة فى المعبد لازم نتبرع بدهب بفلوس عشان تلاقى شغل كويس .. عيالك يبقا اصحاء.. تعيش حياة سعيدة..
أنا: والحاجات دى بتروح فين؟
هو: بيبنوا بها مستشفيات ومدارس ودور لرعاية المسنين.
أنا: طيب معلش احساسك ايه وانت بتعبد صنم من حجارة لا يضر ولا ينفع وانت عارف انك اقوى منه وممكن تكسره وممكن تصنع غيره ودى مش تعتبر صفات اله ابدا.
هو: ابتسم ابتسامة حسيت منها انه مش عارف يرد واتلجلج مع انه مثقف جدا وذكى لابعد الحدود .
أنا: لحقته بسؤال تانى عشان اغطى على احراجه من السؤال الاولانى.طيب الاله بتاعك فى المعبد طيب يا ترى فى اله بردوا فى السما زينا.
طبعا انا سؤال غبي جدا يعنى معرفش ليه عندى اعتقاد ان ربنا موجود فى السماء فقط واجابته هو كانت الرد المناسب اللى المفروض اقوله .
هو: God موجود فى كل مكان السما الارض كل مكان.
أنا: طيب كلمنى على تاريخ الديانة بتاعتكم
هو: الديانة مسمهاش الهندوس
انا: امال اسمها ايه
هو : العرب هما اللى طلعوا عليها هذا الاسم من خلال الاختلاط وتبادل الثقافات ومتابعتهم للهندوس فى صلاتهم والمعابد طلعوا عليهم الاسم دا لكن مافيش ديانه اسمها الهندوسية.
انا:طيب عندم كتب زى المصحف او الانجيل كدا بتقروا منها وتتبعوها
هو: لا بس عندنا مؤلفات اشخاص هما اللى عملنها عبارة عن قصص للاله والمغامرات بتاعته
بصراحة عجبنى جدا رده انه مأفتاش وقال اه عندنا كتب ونازلة من السماء .
أنا: طيب عندكم شيوخ زينا او قساوسة زى المسيحيين
هو: لا عندنا فيلسوفيين
انا: طيب قصص الاله دي بتتكلم عن ايه؟
هو: قصص عادية بس من خلالها بتعملنا السلوك الصحيح وطريقة تعامل كويسة مع الاخرين.
انا: ازاى يعنى؟
هو: يعنى لا نسرق .. لا نؤذى مشاعر الاخرين.و نساعد الناس.. كل شخص يعتبر اله.
انا : يعنى ايه كل شخص اله؟
هو: يعنى لو شخص طلب منى حاجة لازم البيها لانها هتسعد الاله ولو اغضبت حد كأنى اغضبت الاله.
انا: انا بصراحة سعيدة جدا بالكلام معك عن الديانة بتاعتك من زمان نفسي كنت اتناقش معاك بس كنت خايفة لا تزعل
هو: لا ازعل ليه .. هو فى حاجة اخجل منها
الدكتور دا بقي من الاكثر الشخصيات ذكاء وعلم وادب واخلاق.. وعمر ماحد طلب منه اى طلب ورفض ابدا حتى لو مشغول وهيموت من التعب ولو سألته سؤال فى اى حاجة يشرحها بضمير وفعلا رجل متدين.
اتعلمت منه او الفائدة اللى طلعت منها بالحوار دا وحبيت انقلها لكم اننا كمسلمين فقط مش كفاية .. يعنى كمسلم واؤذى خلق الله .. وانكد عليهم.. واجرح مشاعرهم مش هاكون ابدا مميز.
يا ريتنا بجد نتحلى باخلاق الاسلام ونكون صورة كويسة تعبرعن ديينا.. للاسف احنا العرب مقارنة بجميع الاديان اكبر اساءه للدين الاسلام .. ومحدش يستغرب احنا فينا العبر ومحميين تحت راية الاسلام .
والاسلام بريء من افعالنا....
اللهم اهدينى واعفو عنى واغفر لى وارحمنى .. وتجاوز عنى.. واهدنى الى الحق .. واخيرا اسأل الله الهداية لى ولكم ...
بقلم
بدرورة

 

[haya]

عارفة يا بدورة حديثك مع الدكتور ده حسسني بإن إحنا إللي مفتقدينه هو الانتماء لديننا
الدكتور ده لو ضغطي عليه شويه مش هايقدر يصد معاكي في حاجه هو مش مقتنع بيها 100% ومع ذلك هو عنده إنتماء شديد جدا للديانه ديه وجزء من هذه الانتماء بسبب إنتماءه لأسرته و بالتالي مش بيحاول انه يشغل مخه بخصوص الجزء ده بالذات و يواجهه نفسه بحقيقه ديانته ..

 

 

[رمضان]

انا طبعا زي العادة لم أقرا الحوار
ولكن استنكر ان تتحدثي مع هندوسي
اكيد رشيتي عليه برفان في الاول
وثم ده هندي كمان
يعني هندي وهندوسي

 

 

[Badroora]

اقتباس المشاركة الأصلية كتبت بواسطة haya عارفة يا بدورة حديثك مع الدكتور ده حسسني بإن إحنا إللي مفتقدينه هو الانتماء لديننا الدكتور ده لو ضغطي عليه شويه مش هايقدر يصد معاكي في حاجه هو مش مقتنع بيها 100% ومع ذلك هو عنده إنتماء شديد جدا للديانه ديه وجزء من هذه الانتماء بسبب إنتماءه لأسرته و بالتالي مش بيحاول انه يشغل مخه بخصوص الجزء ده بالذات و يواجهه نفسه بحقيقه ديانته ..

فعلا يا هايا كلامك صح .. الانتماء وحبنا لدنيا هو اللى يخلينا نغير عليه ونتبع الطرق الصحيحة عشان نكون صورة كويسة تعبر عن ديننا.
واتفق معك 100% انه مرتاح نفسيا لهذا الدين ومش بيحاول يشغل مخه اذا صح ولا غلط. المهم انه مرتاح وخلاص .. ربنا يهديه يا رب

 

 

[Badroora]

اقتباس المشاركة الأصلية كتبت بواسطة رمضان انا طبعا زي العادة لم أقرا الحوار ولكن استنكر ان تتحدثي مع هندوسي اكيد رشيتي عليه برفان في الاول وثم ده هندي كمان يعني هندي وهندوسي

اهى طريقتنا دي واسلوبنا فى التفكير اللى جيبانا ورى ..بناخد كل شيء بسطحية ونسخر من خلق الله حتى ولو كانوا افضل مننا علما وخلقا.
اللهم يهديك يا ابو صيام

 

 

[رمضان]

ارفض اتهامك لي بالسطحية وسأتقدم بشكوى الى الإدارة

ثانيا احنا افضل بالاسلام

 

 

[Badroora]

 

 

[Badroora]

اقتباس المشاركة الأصلية كتبت بواسطة رمضان ارفض اتهامك لي بالسطحية وسأتقدم بشكوى الى الإدارة ثانيا احنا افضل بالاسلام

اقرأ الكلام كويس .. قولت بناخد مش بتاخد.. يعنى انت وانا وكلنا.
وعاوز تشتكي حقك

 

 

[moka]

.
.

اقتباس أنا: طيب معلش احساسك ايه وانت بتعبد صنم من حجارة لا يضر ولا ينفع وانت عارف انك اقوى منه وممكن تكسره وممكن تصنع غيره ودى مش تعتبر صفات اله ابدا.

الحمدلله على نعمة الاسلام ..

 

 

[Badroora]