Arabic Discussion Forum with a Special Interest in Travel and Immigration

بنت الشاطئ · 6th October 2011, 02:44 PM

دعوه لموضوعي

قيس وليلى كانو اسطورة عاشقين

بقو تيس وهبله مع بعض مأنتمين

عالفيس والياهو حت المسن مش عاتقين

اغانى واسطوانات على بعض شغالين

الهبله جالها عريس متريش ومتين

قالتله الحقنى السعد جه واهلى مرحبين

قالها وافقى دى فرصه ماتجيش مرتين

قالتله طب سلام وابقى اشوفك بعدين

التيس قضى ليله هم وغم مكتئب وحزين

وتانى يوم نفضلها وقالها فى ستين

ولقى موزة ماشيه تتمايل عالجنبين

همس لها ياترى الجميل يسمحلى بكلمتين

ردت وقالت اختشى بيتنا على بعد خطوتين

واخويا لو شافنا حيخلى وقعتنا طين

طب ممكن الميل بتاعك ياحلوة الحلوين

قالتله ماعطلكش بيتنا قدامك واهلى طيبين

الواد خدته الجلاله وراح طالب الايدين

ابوها شاله وحطه ونظرله نظرتين

وقاله محل عملك واهلك فين وحتتجوز منين

التيس بلم وتنح واتفاجئ بالكلمتين

وقال معلش اعذرنى دة انا لسه فى التلاتين

والشغل مسيرة ييجى كمان سنه ولا اتنين

وبكرة تروق وتحلى واحوشلى مليمين

ابوها قاله برة والبت صرخت وقالت ماليش فى الكحيانين

ودى كل الحكايه لمغفل من المغفلين

bond · 6th October 2011, 03:07 PM

برافو تصفيق حتى الصباح
قيس وليلى
قيس وليلى كانوا قصة رددوها من زمان
وعشان تبقى سيرة حلوة حوروها كان وكان
صورولنا ليلى جوليت وقالو ان قيسو جان
ليلى كانت ايدها طرشةواللسان مترين كمان
من لسانها جيرانها طفشوا مشيو وسابولها المكان
يعنى كانت بت شرسة من زمان قبل الاوان
فى الطفولة كت بتلعب بالطريشة والعقارب والديدان
كت بتمشى حافية دايمافى الصحارى عالحجارة وعالعيدان
كان فى ايدها شومة جامدةتقولشى ماسكة الصولجان
كت بتلبس فرو تعلب بعدسلخو واكل لحمة بحبهان
لمل كبرت ست ليلى زوقوها وجهزوها للجواز
اى حد بطولو ماشى واحنا حانشيل الجهاز
فات سنين وماحد لمح والشباب قرب يروح
ام ليلى بدت تنوح فجاة بان ابن الملوح
كان مفارق من زمان شغلو كان جنب السودان
ام ليلى راحت تزوروا فرصة تلعب فى الودان
ليلى راحت ليلى فاتت ليلى معشوقة الجيران
اخرو يعنى صاحبنا فرفر عمر اهلو ماشاف حنان
بعد يوم ظهرت له ليلى مسو مس من الجنان
قالتلو بوق الشعر اللى قالولنا عنة من زمان
قيس ابن عمى عندنا يامرحبا يامرحبا
بس وعليها القصة بدات جوزوها وكان وكان

بنت الشاطئ · 6th October 2011, 03:11 PM

دعوه لموضوعي

مدونه بنت الشـــــــــاطئ

ههههههههههههههههههههههههههههه

حلوة تسلم ايدك

مصري سكندري · 6th October 2011, 03:12 PM

دي آخرة كل
المغفلين
النايمين
السارحين في الخيال اللي ما لوش رجلين

تسلم الأيادي

بنت الشاطئ · 6th October 2011, 03:16 PM

دعوه لموضوعي

مدونه بنت الشـــــــــاطئ

هههههههههههههههههه

حلوة بس لوفكرت حتعرف مين المغفل الحقيقى فى الموضوع

geuvara · 7th October 2011, 07:32 AM

رائع نيفين

اسلوب وطرح جديد

اعتدت منك حروفا تغلفها المشاعر

الحب والانين

وها انتِ تفاجئينا بحروف المرح

وواقع من خلف الحروف حزين

دمتِ بود

مودة · 7th October 2011, 10:43 AM

دعوه لموضوعي

مدونة مودتي بلا حدود

ههههههههههه
جميلة جدا يانيفووو وخصوصا انها لون جديد ليكي بتكتبي فيه
اتمنالك التوفيق يااارب

بنت الشاطئ · 7th October 2011, 05:00 PM

دعوه لموضوعي

مدونه بنت الشـــــــــاطئ

جيفارا - مودة

اهلا بيكو نورتو التوبيك

geuvara · 7th October 2011, 06:26 PM

اقتباس

المشاركة الأصلية كتبت بواسطة بنت الشاطئ


	جيفارا - مودة اهلا بيكو نورتو التوبيك

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

Latest Threads By This Member
Thread	Forum	Last Poster	Replies	Views	Last Post
هذيان قلب	أدب وشعر وقراءات متنوعة	بنت الشاطئ	16	2263	14th September 2013 08:22 PM
مبروك لمصر	شؤون مصر الداخلية	س. نورينجتون	8	1455	3rd July 2013 10:04 PM
ما العشـــــــق	أدب وشعر وقراءات متنوعة	بنت الشاطئ	2	1654	25th June 2013 06:34 PM
تطــرف عشق	أدب وشعر وقراءات متنوعة	احمد لوقا	7	1617	8th June 2013 07:18 PM
حــــــروفــ مهـــــاجـرة	أدب وشعر وقراءات متنوعة	نور عبدالرحمن	144	39975	26th May 2013 03:19 PM

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
جزيرة قيس	بنت البلد	معرض الصور والفنون الجميلة	3	13th July 2011 04:20 PM
زكريا عزمي وأحمد عز ومشادة كلامية @@@	kokomen	شؤون مصر الداخلية	7	19th May 2010 02:09 PM
من زمان اختفى مسامح ومحمد زيدان	Muslim4ever	ترحيبات ... مناسبات ... علاقات عامة	3	24th December 2008 01:58 PM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

أدب وشعر وقراءات متنوعة

قيس وليلى