حكاية شاب بيخطط للهجرة وأسباب هجرته

[shody]

الصحف المصرية والعربية

اقتباس المشاركة الأصلية كتبت بواسطة أهرامات الجيزة بالنسبة لما ذكره الأستاذ شريف محمد ، مشكوراً طبعاً ، بخصوص تعلم البرمجة و الشبكات ، والله يا أستاذنا في مصر مش هتفيد أوي و هنرجع تاني نلف على وسايط ، أما في كندا ، أنا معاك ، بتكون مفيدة و كويسة ، لكن أنا عايز أكون هناك إن شاء الله محاسب ، غير كدا ، أنا بصراحة حضرت مرة محاضرة مجانية عن الأوراكل ( تخصص البرمجة) لقيت نفسي تايه ومش فاهم حاجة ، رغم إنها كانت أول محاضرة في الكورس

أنا حبيت اساسا أباركلك على المغارة الجديدة وربنا يوفقك فى مشوارك بس ليا تعليق بسيط ال
الأوراكل E_business suite حاليا مطلوب فى معظم الوظايف فى كندا بس أنك تكون أشتغلت عليه مش البرمجة بتاعته بالإضافة إلى برنامج الSAP وبصراحة أنا بشوف دايما سايت التوظيف بتاع monsterjobs عشان أشوف الناس ديه عايزه أيه وأحاول يبقى معايا .
يعنى فى معلومة مهمة جدا لأخواناالمحاسبين كندا من 2011 هتطبق الIFRS يبقى لازم قبل ما نسافر يبقى معانا شهادات ان أحنا عارفين IFRS.

 

 

[أهرامات الجيزة]

اقتباس المشاركة الأصلية كتبت بواسطة shody أنا حبيت اساسا أباركلك على المغارة الجديدة وربنا يوفقك فى مشوارك بس ليا تعليق بسيط ال الأوراكل E_business suite حاليا مطلوب فى معظم الوظايف فى كندا بس أنك تكون أشتغلت عليه مش البرمجة بتاعته بالإضافة إلى برنامج الSAP وبصراحة أنا بشوف دايما سايت التوظيف بتاع monsterjobs عشان أشوف الناس ديه عايزه أيه وأحاول يبقى معايا . يعنى فى معلومة مهمة جدا لأخواناالمحاسبين كندا من 2011 هتطبق الIFRS يبقى لازم قبل ما نسافر يبقى معانا شهادات ان أحنا عارفين IFRS.

شودي باشا ،،

شكراً على التهنئة بالمغارة اللي منورة بمشاركتك ،

وكمان عرفت أنا برضو نفس الخبر بتاع إلغاء الـ GAAB وتطبيق IFRS وهتلاقيه مكتوب في مشاركة قديمة بمغارة المحاسبين
أنا عارف إن في فرق مابين أوراكل وفروعها المختلفة ( نظم إدارة التصنيع - النظام المحاسبي - البرمجة - وغيره ) أنا كنت برد على الأستاذ شريف محمد ، والمحاضرة اللي أنا حضرتها كانت بتاعة أوركل البرمجة وليس فاينانشيال

 

 

[great expectations]

اخي الفاضل
صدقا قلبي يتمزق لقصتك التي تعني الكثير لي لان احد اسباب بحثي عن الهجرة هو عدم قدرتي علي تحمل الحال البائس للشباب المكافح والمحترم
سيكون عنوان موضوعي القادم بس لو ربنا اراد لي الهجرة
وهو سؤال
هل نهاجر من مصر ام من المصريين

صدقوني الاجابة بكل اسي نحن نهاجر من سوء حال المصريين شعبا وحكومة
نعم انتقد وانا مصري طبعا بس شايف ان ما فيش فايدة وان العيب الكبير في الشعب والحكومة معا
ما احنا الحكومة
تكاسل وتراخي وعدم رغبة في العمل وكراهية متبادلة وعنجهية وصفات سلبية كثيرة تخفي الاجابية

طبعا حد هيقوللي ده تعميم

عارف

بس فيه سمات عامة غالبة

نكمل بعدين

بس لو سمحت يا صديقي لا تتاخر

ابدا من اليوم وقبل الغد وهاجر

 

 

[great expectations]

انت كنت شغال في ابيكو صح ؟

 

 

[walidfh]

تسجيل متابعة
مع دعائي لك ان يكلل الله خطواتك بالنجاح والتوفيق

 

 

[د عمرو الجندى]

Egypt is an extremely stupid environment for professional life and professionals This is

not something that can be fully appreciated on a 'look-see' trip

Frustrations and difficulties are not insignificant and often arise from ridiculous

time wasting activities and hard understanding views that cannot be circumvented and result in

long working hours

 

 

[أهرامات الجيزة]

اقتباس المشاركة الأصلية كتبت بواسطة qenawy انت كنت شغال في ابيكو صح ؟

لا يا دكتور قناوي باشا كنت شغال في الشرق الأوسط للكيماويات -

تبع جهاز توزيع المهن الطبية للأدوية - فرع غرب - الهرم

 

 

[أهرامات الجيزة]

نسيت أكتب لكوا إن في أول يوم ليا في الشغل في مكتب المحاسبة ( الأولاني ) ، اللي العيال اللي فيه إتفقوا ميدوش ليا شغل ولا يعلموني حاجة ،، واحد منهم قاللي لو سمحت ممكن الموبايل ، قولت له ماشي إتفضل ، عمل نفسه بيرن على موبايله اللي ضايع منه ، وبعدين بعـد 10 دقائق رجعه لي ، تخيلوا إكتشفت إيه ؟؟

السافل كتب رسالة قذرة مليانة كلام قبيح وبعـتها إلى لحوالي أكتر من 40 شخص مسجلين عندي على الدليل ، وناس من معارفي زعلوا مني و بصعوبة إقتنعوا إن مش أنا اللي بعت الكلام ده ،،

كلمت الواد اللي عمل كدة براحة ف الأول وف نص الكلام بدأت أضرب فيه ضرب موت ، العيال التانيين إتلموا على صوت حاجة كل شوية تتـهـبـد في الأرض ، و تقول آآآه ، (على حد وصفهم لصاحب المكتب )، أصل أنا إستدرجته على حجرة مدير المكتب (كانت فاضية وقتها وكنت لسة جديد معرفش إنها أوضته وكمان كان لسة ماجاش) وقفلت الباب وحطيت وراه كرسي يمنع فتح الأًكرة واللسان بتاع الكالون ، سلكوه من إيدي بأعجوبة
، طبعا الكل غلطني ، لكن صاحب المكتب كان مصدقني ، لكن معمـلش حاجة وكان سلبي جداً

كملت في المكتب ده فترة ولما زهقت ، ومتعلمتش حاجة ، روحت ماشي

 

 

[ياسر جعفر]

عزيزى المحاسب / أهرامات الجيزه باشا
أعتقد و الله أعلم أن المجهودات الجباره إللى سيادتك ضيعتها فى المحروسه مصر .. لو كنت بذلتها فى كندا كان زمانك دلوقتى أنجح رجل أعمال و تجاره فى كندا
يا باشا ... أى مجهود بيبذل فى مصر بيبقى شبه إللى بينفخ فى قربه مقطوعه

******

 

 

[Prof]

اقتباس المشاركة الأصلية كتبت بواسطة ياسر جعفر عزيزى المحاسب / أهرامات الجيزه باشا أعتقد و الله أعلم أن المجهودات الجباره إللى سيادتك ضيعتها فى المحروسه مصر .. لو كنت بذلتها فى كندا كان زمانك دلوقتى أنجح رجل أعمال و تجاره فى كندا يا باشا ... أى مجهود بيبذل فى مصر بيبقى شبه إللى بينفخ فى قربه مقطوعه *****

*****