12 أغسطس ثورة الغضب على المجلس العسكرى

[only you]

الصحف المصرية والعربية

رصد | مصر : 6 أبريل تشارك فى مليونية الجمعة .. وتحذر من محاولة منعها .

 

 

[الفرعون المجهول]

ياريت تصحيح عنوان الموضوع من 12 يوليو إلي 12 أغسطس...

 

 

[plumber]

الثورة قامت على العسكر و العسكر لازالوا يحكمون
على جثتى لا لحكم العسكر لا للدكتاتورية لا للغباء لا لقمع الحرية لا لسرقة المناصب والثروات لا للعقول محدودة الفكر و الروءا لا للعسكر لا للعسكر كفانا ستين سنة جاتهم ستين خيبة

 

 

[bosy]

اقتباس المشاركة الأصلية كتبت بواسطة only you ميدان التحرير اصبح ثكنه عسكريه للجيش معتصمين هناك

ههههههه

فكرتينى بزميل ليا فى التحرير من كام يوم اتصل بيا وبيقوللى احنا نازلين التحرير تيجى معانا؟

كان بعد اول محاكمه لمبارك فباقولله ما هما بيحاكموا الراجل اهو نستنى شويه يومين حتى

قاللى لا ونسيب العساكر معتصمه؟...
احنا رايحين نشوف مطالبهم ونحاول نحققها لهم

 

 

[bosy]

اقتباس المشاركة الأصلية كتبت بواسطة Eng A7m3d طب ليه يعني ايه الهدف بالظبط

الهدف هو تطهير البلد من امتداد حكم مبارك

 

 

[ana_3enady]

دعوه لموضوعي

RobertInole

حسبي الله ونعم الوكيل

 

 

[مصرية]

طيب معلش هم عايزين يبقى الوضع في البلد شكله إيه ... يعني يسحبوا الثقة ويدوها لمين؟

مين في البلد دلوقتي حد يقدر يثق فيه أكتر من المجلس العسكري بالرغم من كل تجاوزاته؟

شايفة النداءات دي مش كويسة ومش مدروسة وحتودي البلد في طريق مش حلو أبدا

 

 

[Prof]

أنا مش مقتنع، واعتقد الكلام ده مش هايعمل إجماع أو أغلبية لعدة أسباب:
- الفلول والمجلس السمكري نجحوا في إنهم يعملوا حالة بلبلة واسعة في وسط الناس.
- الإجراءات اللي تم اتخاذها بعد جمعة 8 يوليو وبعد الاعتصام اللي تلاها صحيح هي مش كفاية لكن المجلس السمكري والفلول بيستخدموها بشكل سلبي لصالحهم وضد الثوار.
- الجو الرمضاني العام وحالة الإنهاك اللي الناس وصلت لها ووجود رغبة في الأنتخة، على الأقل في رمضان.
- تحدي المجلس العسكري مسألة تحتاج لترتيبات وحشد نخبوي موازي وإقناع للشارع غير متوفرين في الظرف الحالي.

هذا والله أعلم.

 

 

[بطاطا]

الن يأتى الوقت للكف عن ممارسة الهبل الثوري؟

يعنى الاسلاميين عرفوا يكسبوا المجلس العسكرى فى صفهم فبدل ما القوى الاخرى ما تحاول انها تعدل الكفة للحصول على توازن فى موقفها تزيد الفرقة بينها وبين المجلس وايضا تخصم من رصيدها ان كان موجود لدى الشارع ؟

الموقف الان فى صالح المجلس العسكرى واي محاولة للأنقلاب علية فاشلة سياسيا من قبل ان تبدأ خصوصا فى ظل ان المجلس حقق جميع مطالب "الثوار" من وجهة نظر الشارع .

من وجهة نظري هذة الدعوة تزيد من قوة المجلس وهو ما يضع الثورة فى موضع الخطر واشك فعليا فى مصدرها لأننا تعلمنا ان اكثر الأصوات ثورية هى من العملاء فى الاغلب.

لا نريد ان يأتى الوقت اللذى يخرج فية الناس الى الشوارع للمطالبة بالقبض على "الثوار" وتثبيت حكم العسكر .

ملحوظة خارج الموضوع:
موقف مثير للسخرية ان يخرج بعض الناصريين للمطالبة بأسقاط حكم العسكر

 

 

[only you]

يا جماعه كلامكم كله منطقى بس احنا عملنا الثوره عشان صوتنا يوصل من حقنا نعترض على اعمال العسكر خصوصا بعد ما فى احساس شبه عام باتفاق غير معلن بينه وبين القوى الاسلاميه على حساب الثوار اانا عارفه الوضع اصبح خطير جدا بس برضو ما ينفعش نسكت عليه الجيش فوق دماغنا من فوق بس الظلم هندوس عليه بالجزم