أمثالنا الشعبيه

[Farida]

الصحف المصرية والعربية

من موضوعاتى المفضله فى اى منتدى اشترك فيه يالا كل واحد يقول اللى فى نفسه - ايدك معايا يا سناء-بسم الله نبتدى :
- ما أسخم من ستى الا سيدى
- ستى شاطرة و انا أشطر منها تعد اللحمه و انا اقطع منها
- البيت بيت ابونا و يجوا الغرب يطردونا
- قاضى العيال شنق نفسه
- جنازة بتار و لا قعدة الراجل فى الدار
- الحلو حلو و لو صحى من النوم و الوحش وحش ولو استحمى كل يوم
- هات حسنه وانا سيدك
- اللى معاه قرش محيره يجيب به حمام و يطيره
- فى حزنكم مدعيه و فى فرحكم منسيه
- قالوا لفرعون ايه فرعنك قال ما لقيتش حد يلمنى
- اللى تحسبه موسى يطلع فرعون
- سليم ما تكسرش و مكسر ما تأكلش و كل يا بنى و اشبع
- صباح الخير يا جارى انت فى حالك و انا فى حالى
- اصبر على جارالسو يا يرحل يا تجى له مصيبه تاخده
- انا غنيه و احب الهديه
- لا قينى و لا تغدينى
- اطعم الفم تستحى العين
- ان كان لك عند الكلب حاجه قول له يا سيدى
- اللى يخاف من العفريت يطلع له

 

[ابتسامــة]

بتعجبني جدا الأمثال الشعبية دي
معظمها يحمل الكثير من الحكمة والجمال
والقليل يحمل العكس تماما..

الملاحظ إن الأمثال في مختلف البلاد تتطابق تقريبا
في المعنى لتدل على ان التجربة الإنسانية متشابهة جدا..


/

والله يا دكتورة انتِ كتبت معظم الأمثال اللي اعرفها
خدوا بأه شوية:
خالتي وخالتك واتفرقوا الخالات

اللي ميعرفش يقول عدس

غلبت احايل فيك والطبع فيك غالب
وديل البوبي ميتعدلش ولو علقوا فيه قالب

لاقيني ولا تغديني

قال جبتك ياعبد المعين تعينني لقيتك ياعبد المعين تنعان

فاصل ونواصل

 

 

[Farida]

هايل يا ابتسامه عايزين اكتر ..خدوا دول

- امشى سنه ولا تعدى قنا (قنايه)
- البحر يحب الزياده
- يابخت من كان النقيب خاله
- فى الوش مرايه و فى القفا سلايه
- رايحه فين يا خشبه بين المراكب تعومى
- ضل راجل ولا ضل حيطه
- البعيد عن العين بعيد عن القلب
- أخر العنقود سكر معقود
- قبل ما تتجوز جابت المأذون و قبل ما تحمل جابت الكمون و قبل ما تولد سمته مأمون
- الجرى نص الجدعنه
- اضرب المربوط يخاف السايب
- حبيبك يبلع لك الزلط و عدوك يتمنى لك الغلط
- قال مال لحمتك مشغته قال اصل الجزار معرفه
- ما تعايبوا يا قوم الا على الصلاة و الصوم
- غير ولا تحسدش

 

 

[FINETOUCH]

اللى بيته من زجاج...





















ما يقلعش هدومه فى الصالون

 

 

[تقى]

ابعد عن القريب تبعد عن المصايب

قبل ماتناسب حاسب


امشي في جنازه ولاتمشي في جوازة

الحظ لما ياتي يخلي الاعمى ساعاتي

اللي معاه قرش محيره يجيب حمام ويطيره


الباني طالع والهادم نازل


قال مالك ياغراب قال بعجن القشده برجلي قاله كان بان علي رجليك


يابخت من بكاني وبكا عليا ولا ضحكني وضحك الناس عليا

 

 

[النوبة حبيبتي]

اقلب القدرة علي ُفُُُمهاتطلع البنت لامههههها

 

 

[Farida]

اقتباس المشاركة الأصلية كتبت بواسطة تقى ابعد عن القريب تبعد عن المصايب قبل ماتناسب حاسب امشي في جنازه ولاتمشي في جوازة الحظ لما ياتي يخلي الاعمى ساعاتي اللي معاه قرش محيره يجيب حمام ويطيره الباني طالع والهادم نازل قال مالك ياغراب قال بعجن القشده برجلي قاله كان بان علي رجليك يابخت من بكاني وبكا عليا ولا ضحكني وضحك الناس عليا

تقــــــــــــــــــــــــى واحشانى جدا و الله عامله ايه .........

 

 

[nash]

للاسف معنديش خلفيه جيده عن الأمثال..سوي كم واحده حفظتهم بالصدفه...

لبس البوصه تبأة عروسه...

ليمونه في بلد قرفانيين..

خنفسه شافت ولادها علي الحيط قالت ده لولي ملضوم في خيط.

الغجريه ست جيرانها.....دي جديده الحقيقه وطازة ...بس نفسي أعرف معنا ...

لا تعايرني ولا أعايرك ..ده الهم طايلني وطايلك..

قولت للهم أنا رايح أتفسح ..قال ليه هو أنا مكسح...سمعتها بالصدفه في احدي المسلسلات المصريه..وقائلها الممثل وائل نور

 

 

[Farida]

اقتباس المشاركة الأصلية كتبت بواسطة nash [size="4"][color="purple"] ليمونه في بلد قرفانيين..

متهيألى المثل ده ناقص حاجه

اقتباس الغجريه ست جيرانها.....دي جديده الحقيقه وطازة ...بس نفسي أعرف معنا ...

يانهار دى باينه قوى يعنى الغجريه بما انها صوتها عالى يعنى بتاخد حقها و حق غيرها بالصوت العالى لكن فيه ناس محترمه كتير مش بتحب تعلى صوتها و تربيتها ما تسمحلهاش فممكن ما تحبش المشاكل و الصوت العالى فمثلا تخلى البواب يجيب لجارتها الغجريه الحاجه قبلها علشان مش عايزه مشاكل و فضايح او لما جارتها الغجريه تنشر غسيل و ينقط على غسيل بقية الجيران يطنشوا علشان المشاكل و هكذا تبقى هى ست جيرانها لأنها ببساطه غجريه

 

 

[Excellence]

قالوا للقردة اتبرقعي.. قالت وشي واخد على الفضيحة