فهرس الموضوعات واعلانات ادارية هامة

[ايجيكويب]

الصحف المصرية والعربية

انا واحد من المطاريد ومليش دعوه بالمنتديات التانية مع اني اعرف ناس كانوا عليها بس ياريت فعلا متتنقلش المشاكل معاهم وهما جايين وكمان احنا كلنا هنا شلة واحدة بساعد بعض كلنا وبنحاول نفيد بعض مش عاوزين نحس ان فى ناس جاية شلة بتطرد ال مطاريد من مكانهم وخلاص عشان يكونوا هما أسياد المكان
مغارة المطاريد لكل ال عاوز يستفيد ويفيد غيره ويكون مطرود نافع - انا حاسيت من بعض المداخلات ان الفخايده هجموا على مغارتنا - وياريت تكون المداخلات مفيده بقدر الامكان عشان الواحد ميقعدش يقلب الصفحات وكأنها مجلة ميكى أو مجلة حوه - تشكرات وانت فين وحيكى وميكى والفيل صديقى وحاجات من لزوم احنا شلة وحبايب والغريب يخبط دماغة فى الحيط لاننا منعرفهوش من المنتدى السابق انا مش زنبي اني معرفش المنتدى السابق
وشكراً

 

 

[Moderator04]

الزملاء الكرام

تحية طيبة وبعد

نرجو أن يكون الجميع قد قرأ مداخلة الزميل الفاضل gadolly واستوعبها وهى بصفة عامة متفقة تماماً مع التوجه العام لإدارة منتدى المطاريد التى لن يسعدها توجيه أى إهانات لمنتدى المحاورات أو القائمين عليه أو إلى غيره من المنتديات ... نرجو من الجميع التركيز على إثراء باب الهجرة إلى كندا بما يعود بالنفع على جميع المشاركين به وعلى زوار المنتدى ... نشكر لكم حسن تعاونكم معنا

 

 

[Moderator01]

تم حذف جميع المشاركات الخارجة عن مضمون الموضوع بعد التشاور وتهيب الإدارة بالجميع عدم تعمد تحويل مسار الموضوع عن الغرض الذى طرح من أجله طبقاً لما تنص عليه المادة الثالثة من قواعد المشاركة

 

 

[yassir]

يصعب علي المرور على مثل هذا الكلام الطيب من الاخ العزيز جادولى و لا أخرج عن صمتى مؤيدا سائلا الله تعالى ان يقرب بين قلوب المصريين فأنه وحده أهل لذلك و القادر عليه .....لم يعد هناك امل فى التقارب و التواد بين أهل الأرض الطيبه المشتتين فى بقاع الارض من أدناها الى أقصاها الا ان ينزع الله ما فى قلوبهم من ضيق فيصبحوا بعونه أخوانا .....
تحيه تقدير لاخى الفاضل حشيش لموقفه الطيب للمره الثانيه فى الترحيب بالباحثين عن الحريه دون تردد ....

 

 

[ehabtaher]

بس ليا تعليق صغير

على اللى عنده احساس ان الفخايده جايين ياخده مكانه فى المنتدى

انا اللى شفته ان القادمين الجدد يا دوبك دخلوا وانا منهم على التوبيكس الجديده واللى اتعملت باعضاء جدد برضه ومعروفين سابقا منهم
ولم يحاول احد مزاحمه احد من الموجودين فى اى كهف او مغاره
اعتقد بس حاول يشرب قهوه او شاى كضيف وخرج على طول علشان المثل بيقول ( يا بخت من زار وخفف) واعتقد ان ده اللى بنحاول نعمله اننا نزور ونخفف و اللى بنتقل عليهم بس الناس اللى بيننا وبينهم عشم شويه ولما بنضغط عليهم بالكلام زياده هما عارفين ان احنا بنهزر معاهم فاللى خايف من الزوار الجداد

يفكر فى شعور الكنديين الاصليين ايه فى وصول مهاجرين جدد وكيفيه التعامل معاهم

وفى النهايه


كلنا مهاجرين سواء من سنه او سنتين او 5 سنوات
فلسه جدد

 

 

[حشيش]

اقتباس المشاركة الأصلية كتبت بواسطة yassir يصعب علي المرور على مثل هذا الكلام الطيب من الاخ العزيز جادولى و لا أخرج عن صمتى مؤيدا سائلا الله تعالى ان يقرب بين قلوب المصريين فأنه وحده أهل لذلك و القادر عليه .....لم يعد هناك امل فى التقارب و التواد بين أهل الأرض الطيبه المشتتين فى بقاع الارض من أدناها الى أقصاها الا ان ينزع الله ما فى قلوبهم من ضيق فيصبحوا بعونه أخوانا ..... تحيه تقدير لاخى الفاضل حشيش لموقفه الطيب للمره الثانيه فى الترحيب بالباحثين عن الحريه دون تردد ....

حمد الله عالسلامة يا باشمهندس ياسر ... مفتقدينك وياريت تبقى تطل علينا كلما سمح لك وقتك بذلك ... ياسر من الشخصيات التى نحسبها ولا نزكيها على الله على خلق ودين ولم يبخل منذ أن عرفناه أبداً عن مد يد العون لكل من يستشيره فى مسألة وله بصمة واضحة على باب الهجرة إلى كندا بالمنتدى منذ بداياته الأولى وعندما تناوب فى الإشراف عليه مع الأعزاء باتمان وحمودى

 

 

[Admin]

بسم الله الرحمن الرحيم

الأخوة والأخوات أعضاء المنتدى الكرام

السلام عليكم ورحمة الله وبركاته

لوحظ فى الآونة الأخيرة إزدياد وتيرة الخروج عن قواعد المشاركة المنظمة للكتابة فى باب الهجرة إلى كندا والذى تنطبق عليه نفس القواعد التى تنطبق على بقية الأبواب ... مثال على ذلك كثرة التعدى باللفظ على المحاور ونقد الأشخاص وليس الأفكار وتعمد تحويل سير المواضيع عن الغرض الذى أنشأت من أجله مما أصبح يشكل عبئاً على الطاقم الإدارى لحذف المخالفات والمشاركات الخارجة عن سياق المواضيع تباعاً ... وإن إدارة المنتدى إذ تحرص من جانبها على إتاحة أكبر قدر من حرية الرأى والتعبير دون تدخل منها إلا فى أضيق الحدود تنتظر من السادة الأعضاء من جانبهم أن يساهموا معها فى الإبقاء على الجو الودى الذى يسود المنتدى منذ بداياته الأولى ... تجدر الإشارة فى هذا السياق إلى أنه فى حال إستمرار المشاركات التى تفتقر إلى إحترام شخص المحاور سنجد أنفسنا مضطرين لحذفها تباعاً وكذلك إغلاق أو حذف الموضوعات التى تُنشأ بغرض بث أجواء التوتر والمشاحنة بين مرتادى أبواب الهجرة التى أُنشأت بغرض تقديم المعلومة والتجربة الشخصية المفيدة لأعضاء وزوار تلك الأبواب وليس بغرض شخصنة الحوار والإساءة للآخر وكذلك إتخاذ ما تنص عليه قواعد المشاركة فى حق المخالف ... نشكر للجميع حسن تعاونهم معنا ... مع تحيات إدارة المنتدى

 

 

[نهر النيل]

ليه طيب اغلقت الموضوع بدون ما يبدأ
مش يمكن عمدة تو عنده شئ يفيد بيه الاعضاء فعلا
اذا الاعتراض على شئ معين كان ممكن التنبيه على كل الاعضاء وصاحب الموضوع بإلتزام اداب الحوار في الموضوع مش بإغلاقه قبل مايبدأ

اسفه على اعتراضي لكن انا عارفه ان الادارة هنا محترمة وده الل شجعني اني استفسر منكم


ولكم جزيل الشكر

 

 

[ramyfathalla]

أولا أشكرك يا أدمين على كلامك الحلو و على احتواء المواضيع بشكل لطيف و جميل من قبل الادارة

ثانيا أنا محتار بين الأعضاء و فعلا بدأت أفقد الاحساس بالصدق تجاه بعض من الأعضاء الجدد هل هذا العضو الناصح من الوقوع فى أرض الضياع و الهلاك كندا صادق و لا لأ

طيب الناس اللى ناجحة و بنسمع عنهم فى المنتدى و غير المنتدى كذابين و بيضحكوا علينا علشان نروحوا كندا و نغرقوا زى ما هم غرقوا و لا ايه

والله يا أدمين تحس انك تهت من قبل ما تروح كندا و تخاف و تفرح و تحلم و تترعب و تتردد فى الهجرة مجموعة من الاحاسيس المتناقضة و بصراحة مش عارف ايه الصح و ايه الغلط

أنا مش ضد الانتقاد و كشف سلبيات كندا و لكن أنا ضد الالتفاف و تعليق كل فشل و كل ما هو غلط على قرار الهجرة الى كندا

كندا مش جنة و كمان مصر مش جنة و ما فيش بلد على الأرض جنة
المشاكل فى كل حتة على وجهه الأرض سنة الحياة لازم كل واحد يبقى عارف الكلام ده
نحن نجتهد فى الحياه و لا بد من التعب و المشقة
و كل واحد بيفكر فى الهجرة من منظوره الشخصى
من أجل مثلا
حياة كريمة
الحفاظ على الأموال أو الاستثمار
جنسية محترمة
التمتع بالحياة الغربية
و غيره من الأفكار المختلفة لكل واحد

أنا أسف على الاطالة يا أدمين بس حسيت انى عايز أتكلم و أقول رأيى و ده باختصار علشان لو حنقعد نتكلم عن الوحش و الحلو و عيوب مصر و حلاوة كندا و العكس مش حنخلص
و شكرا

و أخيرا يا رب يوفق كل واحد للهجرة الى كندا أو أى بلد لو كان فى مصلحته و خير له و لأولاده

 

 

[3omda To]

انتم حرين
انا كان غرضي احذر الناس اللي عايزا تضيع نفسها في كندا