طلب ترشيح مشرف عن أبواب الهجرة

[Amro Elsayed]

الصحف المصرية والعربية

اقتباس المشاركة الأصلية كتبت بواسطة Akram Group الف الف مبروك لاخويا عمرو السيد وفعلا هو شخصية متعاونه ولايتأخر عن مساعدة الناس وان شاء الله يكون اضافه جيدة للاشراف واختيار جيد من الادراة

اخويا و حبيبي ربنا يخليك يارب والله يا اكرم ربنا يعلم اننا بدآنا المشوار مع بعض و ان شاء الله ننهيه مع بعض و نكون متشاركين في كل حاجه مع كل اصحابنا هنا في المنتدي قول امين يارب


عمرو

 

 

[سيف الدولة]

الف مبروك دكتور عمرو السيد..وآمل في يوم قريب الاقي باب للهجرة الى ..مصر..لأني ان شاء الله بشوف انها حتصير جنة بإذن الله

 

 

[Amro Elsayed]

اقتباس المشاركة الأصلية كتبت بواسطة mazen atrash الف مبروك دكتور عمرو السيد..وآمل في يوم قريب الاقي باب للهجرة الى ..مصر..لأني ان شاء الله بشوف انها حتصير جنة بإذن الله

يااااااه يا استاذ مازن بجد ممكن يجي اليوم ده ان شاء الله قريب و يتلم الشمل لينا كلنا في كندا او في مصر المهم نكون مع بعض

و شكرا لتهنئتك و اتمني ليك كل الخير

عمرو

 

 

[omaniser]

اقتباس المشاركة الأصلية كتبت بواسطة Amro Elsayed يااااااه يا استاذ مازن بجد ممكن يجي اليوم ده ان شاء الله قريب و يتلم الشمل لينا كلنا في كندا او في مصر المهم نكون مع بعض و شكرا لتهنئتك و اتمني ليك كل الخير عمرو

مفيش بيبس ولا حتة جاتوة يا عم عمرو امال صوتنا اتنبح واحنا بنصوتلك مفيش حاجة علينا علعموم الف مبروووووووك وعقبال لما نشوفك فالبرتا مدير صيدلية من بتوعنا

 

 

[VERDI]

أشكر الاخوة الافاضل , هاني ودكتور الرفاعي واخي العزيز استشاري, على ترشيحهم ليا,, انا والله ماقريت الموضوع الا من شوية, فأعتذر عن التاخير, وشهادتكم وسام على صدري.

طبعا كما وضحت الادارة مشكورة اني أفتقر للشروط لاني مشرف في منتدى آخر وأفتخر بالانتساب له, كما أن الاشراف في متدى بحجم المطاريد مسئولية اكبر مني بكثير, وكما أنني أحب التمتع بحريتي المطلقة على الدوام , فمكاني المفضل بجانب الاعضاء.
والف مبروك لاخي العزيز عمرو السيد, اختيار في منتهى التوفيق, ويستحق عمرو أكثر من ذلك لحسن خلقة المعروف وحبه اللا محدود في مساعدة الآخرين.

ويعز عليا طبعا افتقاد اخي العزيز قناوي وأخي الفاضل بايو باشا في موقعهم في الاشراف, , اود أن لا نفتقدهم كأعضاء , فلا غنى عنهم أبدا فطالما ساعدا اجيالا من المهاجرين, فلكم جميعا كل الحب والود والتحايا

 

 

[ehabtaher]

بس انا بارشح د فاروق لانه شباب ومواضيعه ليها قيمه فى المنتدى خصوصا فى كندا
انا مش عارف حاقدر على مسئوليه زى دى والا لا وخصوصا اننى باذاكر

وده ما يمنعشى ان د عمر برضه اضافه لباب الهجره لكندا طبعا
ياريت كلهم يقبلوا الاشراف

 

 

[Amro Elsayed]

اشكركم يا جماعه علي ثقتكم الغاليه ومشاركتكم في ترشيحي لمنصب مشرف باب كندا

وأستأذنكم فى إغلاق الموضوع بعد إستيفاء الغرض منه