لو كان عندك خيار undo في الحياة كنت هتستخدمه كام مرة وفي إيه؟

[KANE]

الصحف المصرية والعربية

السلام عليكم ورحمة الله وبركاته

طبعاً كلنا عارفين زرار undo أو تراجع في البرامج اللي يخليك تتراجع عن حجات عملتها ولم تعجبك او ترضى عنها وتعود لنظامك القديم ويدار ما مدخلك شر


الآن تخيل أن الحياة لديها نفس الخيار


ترى هل كنت ستستخدم هذا الخيار؟ وفي ماذا ؟

 

[Farida]

ياريتنى ما كنت حطيت رجلى فى مشوار المنتديات دى

 

 

[وفا]

ترى هل كنت ستستخدم هذا الخيار؟ وفي ماذا ؟

نعم سأستخدم هذا الخيار ..,,’’

في كل وقت ضيعته في حياتي لم أذكر المولى فيه ..,,’’
في كل وقت لم أؤؤدي صلاتي في وقتها ..,,’’
في كل صلاة لم أخشع فيها كما امرني الاله..,,’’
في كل دمعة ذرفت من عيني لمن لا يستحق معرفتي ..,,’’
في كل كلمة لأمي لم أسمعها في وقتها ..,,’’
في كل صديق عرفه قلبي وحطمه بقسوة ..,,’’
في كل ليل لم أقم لله فيه ..,,’’
في كل عمل لم أخصله لله ..,,’’
في كل يوم مر بلا فائدة أو مساعدة ..,,’’
في كل رمضاان لم أتقرب الى الله فيه ..,,’’


..,,’’

 

 

[راضى]

تخيل مرعب
انك كل شوية تهد نفسك وترجع تبنى حد تانى- وهو البنى آدم أيه غير شوية تجارب حلوة و مرة بيتعلم منهم وبيبقى هو

انك تكون بنى آدم بلا مقاومة لأنك غيرت كل تجاربك الفاشلة ولم تتعامل مع كل الأشرار الذين آذوك فى حياتك فلم تتعلم شئ - نعم الشر معلم قاسى لكنه صادق جدا

وطالما ان الأنسان لا يرضى عن حاله أبدا فاهتقعد تمسح وتعدل وتغير وترجع تغير وتعدل يعنى بالكتير ممكن تلاقى نفسك واقف عند سن الطفولة وعمال ترجع وتعدل فى حياتك

ولو حصلت المعجزة ورضيت هتلاقى نفسك شخص تانى غير اللى أبتدى اللعبة

يعنى انت فى الحقيقة بتعرض عليا الأنتحار و حد تانى يعيش بدالى

لا يا سيدى شكرا

مش عايز أعمل UNDO

 

 

[مصرية]

ياريت كان فيه كنت أكيد حستخدمه بس مش في حاجات كتير
زي ما راضي قال إحنا عبارة عن شوية خبرات لازم تكون موجودة علشان تتكون شخصيتنا بس أوقات بتاخد قرار يأثر على حياتك كلها وتكتشف إنه كان قرار غلط وقتها حعمل undo ووماخدش القرار ده تاني

كمان حعمل زي ما وفا قالت وحستخدم الخاصية دي علشان أعوض كل الأوقات اللي ضيعت فيها صلوات ولم أتوكل على الله حق توكل

 

 

[عاشقه البحـر]

ياريت كان موجود

كنت هستخدمة فى بعض حاجات كنت اتمنى انها متحصلش فى حياتى
وارجع وقت ضيعته
وفرص كتير ضاعت
وناس مكنتش احب اتعرف عليها فى الحياه
بس بردو الحياه كدة كويسه والحمد لله

 

 

[brain]

قعدت ادور بجد على قرار اتمنى استخدام هه الخاصيه معاه فلم اجد
راضي تماما عن كل اختياراتي و قراراتي المصيريه التي اتخذتها طوال حياتي حتى الان

 

 

[dede_alkady]

ياريت كان موجود كنت وقفت عامل الزمن
وفضلت طفله زى مانا غير مسؤوله عن شى

 

 

[ليون]

ياريت الواحد يقدر يمسح الأخطاء اللي عاملها في حياته .. بس الحمد لله ربنا امرنا بالاستغفار
وهوه غفور رحيم

 

 

[alex fox]

كنت مش هاضيع فرصة السفر الذهبية اللى جاتلى لأمريكا اثناء الدراسة
بلا شهادات بلا كلام فارغ
(قصدى شهادات من مصر طبعا)