Australia VS Canada ؟؟

[znaty]

الصحف المصرية والعربية

في وجهة نظري
سبب بعد الناس عن استراليا ..هو العنصرية التي لا تطاق هناك
كفاية المذابح اللى عملوها في المواطنيين الاصليين
لدرجة ان لغاية فترة قريبة جدا ..كان تقليد الاصليين في اي لبس او تسمية او حتى التاتو اللي كانوا بيحطوه على وشوشهم كانت جريمة يعاقب عليها القانون
العجرفة الانجليزية الشهيرة ..لانك تقريبا عايشة في لندن
العنصرية ضد جميع الملونين موش بس المسلمين
صعوبة وتعقيد اجرائات التقديم ..بالذات انك تقريبا بتعمل فايل معادلة كدة علشان تاخد نقط المهنة
الفايل دة مقرف وفيه سيرة ذاتية 2000 كلمة وشوية اجرائات متعبة ومكلفة كمان
في نفس الوقت اجرائات كندا اسهل طبعا
كندا الناس بتحس انها شبه امريكا ..وطبعا امريكا كانت حلم الملايين
وتقريبا مافيهاش عنصرية
بس لو جيت للمناخ والطبيعة والعمل ..استراليا للاسف تكسب بالثلث

 

 

[MFaisal]

اقتباس المشاركة الأصلية كتبت بواسطة znaty في وجهة نظري سبب بعد الناس عن استراليا ..هو العنصرية التي لا تطاق هناك كفاية المذابح اللى عملوها في المواطنيين الاصليين لدرجة ان لغاية فترة قريبة جدا ..كان تقليد الاصليين في اي لبس او تسمية او حتى التاتو اللي كانوا بيحطوه على وشوشهم كانت جريمة يعاقب عليها القانون العجرفة الانجليزية الشهيرة ..لانك تقريبا عايشة في لندن العنصرية ضد جميع الملونين موش بس المسلمين صعوبة وتعقيد اجرائات التقديم ..بالذات انك تقريبا بتعمل فايل معادلة كدة علشان تاخد نقط المهنة الفايل دة مقرف وفيه سيرة ذاتية 2000 كلمة وشوية اجرائات متعبة ومكلفة كمان في نفس الوقت اجرائات كندا اسهل طبعا كندا الناس بتحس انها شبه امريكا ..وطبعا امريكا كانت حلم الملايين وتقريبا مافيهاش عنصرية بس لو جيت للمناخ والطبيعة والعمل ..استراليا للاسف تكسب بالثلث

أنا سألت وقرأت فى موضوع العنصرية ده كتير جدا يا زناتى باشا .. وفى النهاية كل اللى سألتهم قالو ان العنصرية هناك حالات فردية خفيفة لا تعبر عن الشعب الأسترالى ..

الأستاذ محمود الأفوكاتو الله يرحمه قال كده فى المحاورات زمان
ونفس الكلام قاله الأستاذ متفرج اللى بيعيش فى استراليا 6 شهور فى السنة .
والعضوة بطيخة ( dudy سابقا ) قالت انها ماشافتش اى عنصرية تماما
وسألت ناس مصريين مهاجرين لاستراليا قالو نفس الكلام .

واثناء بحثى على النت وجدت الحوار ده من موقع اسلام ويب بيتكلم عن المسلمين فى استراليا وده اقتباس من الحوار

اقتباس هل المجتمع الاسترالي مختلف عن االمجتمع الغربي والأمريكي من حيث العنصرية ؟ ج: الشعب الاسترالي بشكل عام هو شعب طيب وبسيط وغير عنصري، فإذا وجدت عنصرية أو كرها أو حقداً لدي أسترالي فأعلم ان هذا بإيعاز وتعليم ودسيسة من إنسان غربى علمه وأوغر صدره علي العرب والمسلمين ، ولكن عندما تذهب إلي القري النائية بعيداً عن المدن الكبيرة تجد السماحة والوداعة والاحترام ، فالشعب الاسترالي شعب طيب ، والعنصرية ليست متأصلة فيه بل هي مدسوسة من قبل الغربيين (أمريكي أو أوروبي) هل هناك دعوات عنصرية في استراليا عقب حوادث 11/9 في إطار صراع الحضارات ؟ ج. استراليا لم تشهد أي حوادث عنصرية مثلما شهد المجتمع الأوروبي والأمريكي إلا في أول يوم، تعرض مسجد خشبي في مدينة (برزبن) للحرق وفي مقابلة 7 كنائس تعرضت للحرق. لكننا ذهبنا كرجال دين وشجبنا هذا العمل فقمنا بزيارة الكنائس وقاموا بزيارة المساجد.

https://www.islamweb.net/media/index....ang=A&id=10227

 

 

[znaty]

قلتلهم ااقدم على استراليا لما ماجبتش اسكور في الايلتس
قعدوا يقولولي عزيمة ايه وارادة مين
جاي تقولي الكلام دة دلوقتي يا ضبش ؟؟كنت فين قبل ماعيد الايلتس واروح كندا

 

 

[بطيخة]

اقتباس المشاركة الأصلية كتبت بواسطة nash بطيخه ممكن تفيدنا هاقولها ونشوف المعلومات بتاعتها ... إن شاء الله تفيد التوبيك ده ينفع يعني أقول بطيخه... وبعدين أقول هاتفيدنا؟؟ طب إزاي... منك لله

معلش اتأخرت شوية في الرد بس عايزة أحضر تقرير ميه ميه








ماهو ده المطلوب بس مش بالذمة حاجة تفطس من الضحك

 

 

[ehabtaher]

اقتباس المشاركة الأصلية كتبت بواسطة حشيش أنا كمان مستغرب يا ضبوشه ليه الإقبال فى المنتديات على توبيكس الهجرة لكندا أكتر بكتير عنه لإستراليا ونيوزيلاندا بالرغم من أن المناخ فى الأخيرتان أفضل جداً منه فى كندا؟!

الهجره لكندا هى مفتاح الهجره للاتنين التانيين

يعنى كندا اسهل من ناحيه شرط الانجليزى
التانيين عايزين فوق ال سبعه فى الايلتس

التانيين عايزينك تقيم شهاداتك قبل ما يمشولك فى اجراءات الهجره

يبقى تعمل ايه

تروح كندا
تاخد الباسبور

وبعدين براحتك بقى تقعد هنا تروح هناك انت ومزاجك


انا شخصيا كنت بافكر فى نيوزيلاندا ولكن لتعقيدات الامور واللى قابلتها من ناحيه تقييم الشهادات و قوه لغه الانجليزى قلبت على الناحيه التانيه

ومحدش عارف الخير فين

 

 

[اسكندرانية كنداوية]

أول ما فكرت فى الهجرة فكرت فى استراليا و عملت إلأسيسمنت بس جاء الرد سلبى إزاااى ما أعرفش و كنت مستاءة شويتين لكن بعد كدة قلت الحمد لله و عسى أن تكرهوا شيئا و هو خير لكم
لية!!!!
جاءت مديرة إدارة إسترالية معاها دكتوراة فى القسم اللى كنت باشتغل فية و هو قسم تعليمى و أكثر من مرة تطلب إنى أحضر برامج تعليمية يوم واحد جزء عملى و جزء نظرى أو كورس مدته أكتر من إسبوع و طبعا بعد العمل و البحث و التمحيص وإلأعداد أروح أقدم المطلوب و يكون الرد يعنى إت إز أوك بس مش هو دة بالظبت المطلوب و تاخد الهارد و السوفت كوبى من الشغل و تروح مغيرة فية شوية ألوان و جملة مكان جملة تانية وتجيب اللى أنا عملته على إنه هو ده اللى هى عايزاة وعملته وتدى هولى تانى بمنتهى البجاحة و عينى عينك على إن هى اللى عملته
حصل الموضوع دة كتير أأأأأأه لحد ما إتنقلت من إدراتها بسبب الإحباط
و لحظى البمب المكان التانى بعد ما أتنقلت بكام شهر ييجى رئيسى المباشر أسترالى حاصل عل ماجستير دة كمان حكاية يعمل داون لود لمحاضرات باوربوينت من النت و يحط عليها إسمه ويدعى إنه محضرها أنا شوفته بعينى اللى حياكلها الدود وبمنتهى القدرة يقول قدامى إنها محاضرته الى جانب شوية مما سبق مع الرئيسة االأولى بس الحمد لله دة ما طولش وهو اللى مشى مش أنا
الخلاصة تجربة مريرة مع الأستراليين كأشخاص المفروض ذوى مكانة علمية مرموقة
تجربتى المريرة الأخرى مع جامعة أسترالية باعمل معاها ماجستير منتهى العنصرية مع العرب عموما فى تصحيح الإسيمنت والأبحاث مقارنة مع أى جنسية وخصوصا الأوروبية مش بس فى المواد الدراسية لا فى المصروفات كمان أنا وواحدة أسترالية كنا متأخرين فى دفع المصاريف لإن الجواب اللى فية قيمة المصاريف وصل متأخر هى بمنتهى البساطة أعطوها سماح لإنه مش ذنبها لكن أنا لازم أفع غرامة تأخير وطبعا الويب سايت مغلق مش ممكن أقدر أبدأ اى حاجة المهم قلت ما باليد حيلة قولوا لى كام وأدفع وطبعا الخطاب أياه أتأخر يعنى غرامة تانية على تأخير دفغ الغرامة وهكذا لغاية ما ضاعت الفلوس المدفوعة و ضاع السيميستر
و تقولوا لى مافيش عنصرية أمال لوكنت عايشة هناك كانوا عملوا فيا أية
الحمد لله إن الأسيسمنت فشلت
استراليا لاااااااااااو ألف لااااااااااا
أسفة للإطالة لكن قلبى شايل كتير

 

 

[MFaisal]

اقتباس المشاركة الأصلية كتبت بواسطة بطيخة معلش اتأخرت شوية في الرد بس عايزة أحضر تقرير ميه ميه ماهو ده المطلوب بس مش بالذمة حاجة تفطس من الضحك

مستنيين تقريرك النارى يا آنسة بطيخة

 

 

[بطيخة]

اقتباس المشاركة الأصلية كتبت بواسطة ضبش مستنيين تقريرك النارى يا آنسة بطيخة

اسفين على الانتظار ...

المختصر المفيد في الهجرة إلى أستراليا

إلى جميع اللي ناويين على الهجرة .. أحب أقولكم انه الموضوع ده مش تحريض على الهجرة ....... بلدك أولى بيك .......
"ولو انه الحكومة هتحبني اوي اني بحرض الشعب يطلع من بلده .... خليهم يتشطروا على الكراسي بقى ......"

هجزأ الموضوع إلى فقرات حسب الفيز visas المتاحة علشان تعيش في أستراليا..

في البداية، أحب أوضح أنه هناك العديد من الطرق للحصول على إقامة مؤقتة (قابلة للتجديد) للعيش في أستراليا، ومنها تستطيع تحويلها إلى إقامة دائمة، ومن إقامة دائمة إلى جنسية...

WORKERS

• Employer Sponsored Workers:
بالضبط زي أخوانا اللي عايشين في السعودية "استقدام على كفالة العمل" – بس الفرق انه مش هيجيبوك مزارع علشان تشتغل مهندس وهات اللي يغير المهنة –
وتنقسم إلى جزئين:
o Temporary Visas: وتنقسم إلى:

o Temporary Business (Long Stay) – Standard Business Sponsorship (Subclass 457)
فيزا تمنحها شركة لصاحب مهنة مطلوبة وتتراوح مدة الفيزا بحسب العقد من يوم كحد أدنى إلى أربع سنوات كحد أقصى، وحامل هذه الفيزا يحق له الدخول والخروج إلى أستراليا عدد لا محدود من المرات بمدة إقامته في أستراليا.
وطبعا شروطها انه لازم تكون تتقن اللغة الإنجليزية، وتتوافر الخبرات المطلوبة، وبعض الشروط الصحية العامة (بس كل ده طبعا لازم له اثباتات). ومن أحد الشروط الهامة طبعا لهذه الفيزا انه لا يجوز لحاملها العمل في مكان اخر، ولنقل "كفالته" لازم يسأل صاحب العمل الجديد ان يوفر له هذه الفيزا.

o Temporary Business (Long Stay) – Service Sellers:
وهي فيزا مدتها من كحد أدنى 6 شهور وحد أقصى 12 شهر. وتمنح لأغراض معينة تتعلق بأعمال الجهة المنتسب لها صاحب الفيزا مع شركة داخل أستراليا، مثل التوقيع على عقد أو تقديم خدمات من شركة خارج أستراليا إلى شركة داخل أستراليا.

o Subclass 422 – Medical Practitioner (Temporary) Visa: هذه الفيزا تخص الأطباء المتدربين، والطلبة الحاصلين على درجة الطب من أستراليا. وتسمح لك هذه الفيزا للاقامة في استراليا كطبيب متدرب من 3 شهور كحد أدنى إلى أربع سنوات كحد أعلى. وللتقديم على هذا النوع من الفيز يحتاج الى التعاقد او الحصول على اتفاقية من احد المستئفيات الاسترالية المحلية. كما تسمح هذا الفيزا في استقدام الزوج او الزوجة، ابنائك، او اي اقرباء من الدرجة الاولى.
o Labor agreement: وهي فيزا تختص باستقدام للعمال او اصحاب المهن الغير مذكورين في "Temporary Business (Long Stay) Subclass 457" وايضا يجب فيها ان يتم التوقيع على عقد من قبل شركة ترغب في استقدامك.

o Permanent Visas: وتنقسم الى عدة انواع:
o Employer Nomination Scheme (Subclass 121/856):
o Regional Sponsored Migration Scheme (Subclass 119/857) :
o Labor Agreement: "نفس الاولانية بس دي دائمة بقى"

تسمح هذه الفيز لاصحاب الخبرات العالة في الحصول على عمل في استراليا من قبل الجهة المعنية باستقدام هذا الشخص، او المقيمن اقامة مؤقتة في استراليا بالحصول على فرص عمل افضل عند توافر الخبرات والمهارات المطلوبة، لكي تستطيع التقديم على هذه الفيزا يجب ان تكون حامل Qualifying Visas:
• Business (Temporary) Class TB
• Cultural/Social (Temporary) Class TE
• Educational (Temporary) Class TH
• Family Relationship (Temporary) Class TL
• Interdependency (Temporary) Class TM
• Medical Practitioner (Temporary) Class UE
• Special Category (Temporary) Class TY
• Supported Dependant (Temporary) Class TW
• New Zealand Citizen (Family Relationship) (Temporary) Class UP
• Skilled-Independent Regional (Provisional) Class UX
• Subclass 457 - Business (Long Stay)
• Working Holiday (Temporary) Class TZ
• Student (Temporary) Class TU (where the award course for which the visa was granted has been completed by the visa holder)
• Confirmatory (Temporary) Class TD
• Graduate-Skilled (Temporary) Class UQ
• Subclass 161 - Senior Executive (Provisional)
• Subclass 164 - State/Territory Sponsored Senior Executive (Provisional)
• Skilled (Provisional) Class VC
• Skilled (Provisional) Class VF.
The following additional visa qualifies for RSMS only:
• Subclass 471 Trade Skills Training (where the apprenticeship for which the visa was granted has been completed by the visa holder).


: Professionals and other Skilled Migrants
o هذا النوع من الفيز مختص للحاملين شهادات وخبرات ولكن ليسوا على كفالة اي شركة، ولديهم المهارات المطلوبة توفيرها في استراليا، فان كنت ممكن في القائمة ولديك الاوراق الثبوتية يمكنك العمل في استراليا.
وفي اللينك ده هتلاقي المهارات المطلوبة في استراليا:
https://www.immi.gov.au/asri/a-z.htm#a

VISITORS

• Working Holiday:
هذه الفيزا لبعض الدول فقط (لا تشمل مصر)، وهي للشباب الراغبين في العمل في استراليا مع تكلمة دراسات عليا او كورسات.
• Medical Treatment: وهي للعلاج داخل استراليا كحد اقصى 12 شهر.
وطبعا في نفس الفئة هناك الكثير من انواع الفيز الاخرى كالسياحة وغيرها. لا تخص الهجرة لذلك لم يتم ذكرها.

اي استفسارات احنا جاهزين

تحياتي .... بطيخة

 

 

[MFaisal]

طيب يا جماعة فى نقطة مهمة جدا للبعض ( وأنا أولهم )

ايه هى تكلفة اجرائات الهجرة والضمان المالى المطلوب لهجرة كندا ( فيدرال / كيبك ) واستراليا ؟؟

 

 

[الحائرة]

اقتباس المشاركة الأصلية كتبت بواسطة medopharm بس انا ملاحظ انا كفة استراليا غالبه شويه من ناحية البطاله والرواتب واللى كنت اعرفه ان الرواتب فى كندا احسن من استراليا ياترى رواتب الصيادله عامله ايه هناك؟؟؟

السلا م عليكم
بصراحة يا جماعة انا مبهورة وانا بقرأ مشاركاتكم و آراءكم -أنا بجد حاسة انكم
بتقرأوا أفكارى و بتردوا عليهااكسيلانس هو اللى قاللى اسالكم بخصوص
استراليا أم كندا لأنى لسة محتارة وبما انى صيدلانية ممكن اعرف موضوع
رواتب الصيادلة اللى بيسأل عليها medopharm