Arabic Discussion Forum with a Special Interest in Travel and Immigration

بنت البلد · 6th January 2012, 05:35 PM

دعوه لموضوعي

موده هنا يا أهلا بيكى فى المطبخ منوره

لو ملكيش مزاج للطبيخ عادى ادينا العنوان يوصل

الأكل

وتعالى اقعدى نتكلم ومعانا مزايا حتظبطنا بالقهوه

والشاى عليكى

والشمعه جنبنا عليا كمان

علشان نريح اعصابنا شويه واحنا قاعدين فى المطبخ

بنت البلد · 6th January 2012, 06:02 PM

دعوه لموضوعي

عدسة بنت البلد

مزايا حلو جدا أنك حطيتى طريقة القهوه

أيه رأيك أنا بجربها

بس قوليلى أحسن قهوه عندكم بتيجى منين وأسمها أيه

مزاياإنسانة · 6th January 2012, 07:21 PM

على عيني أنا جيت وجبت نوعين تمر وفطيرة تمر رهيبة

والله يا بنت البلد أحسن نوع في القهوة هي البرية والخولانية
وطبعا هذي بتيجي لنا من اليمن ومن منطقة الجنوب في المملكة
وهي أغلى أنواع القهوة
يجي بعدها البن الهرري وهو درجات طبعا

وأهم حاجة يكون تحميص القهوة بمزاج على نار هاااااااااااادية
طرق تحميص القهوة كثير طبعا أكيد شفتي طريقة
تحميص البدو في الخيام على الجمر ودي رهيبة

بعدين تتحط في صندوق زي هذا عشان تبرد

وبعدين تتحط في الهاون وتسمى عندنا (النجر)

وممكن مطحنة زي دي كانت عند جدتي

أما التحميص الحديث فبيكون في الفرن نحطها في صينية
ونولع النار تحت ونحمص براحتنا أو نستخدم حماصة كهربائية

و نشيلها في صحن واسع عشان تبرد وبعد ماتبرد
نطحنها بالمطحنة الكهربائية
وممكن نطحن معاها زعفران

أو نوديها للمحمصة يحمصها لي أريح
لأنو بيحمص لي ويطحن 10كيلو بــــ 15ريال
وأوفر برميل الغاز اللي ممكن يخلص على تحميصة 2كيلو

طبعا يفضل اللون حسب المزاج فيه ناس تحبها غامقة وناس تحبها وسط وناس تحبها فاتحة بس أنا تعجبني الفاتحة
لأنو ماتحسي فيها ريحة قهوة

الإضافات ممكن تضيفي على البن أثناء التحميص
ورق إسمه الشيبة أو الشنه له إسمين
ده بيدي ريحة مميزة للقهوة بس تحطي كم ورقة مش كتير مثلا الكيلو ورقة وحدة وممكن تطحنيها معاها وممكن تشيليها بعد ماتخلصي تحميص
وممكن تضيفيها مع القهوة وقت الغليان بس هنا تحطي حاجة
زي قصقوصة ظفرك يادوبك
الزعفران أنا أفضل أحطه في الترمس مع نقطتين مية عشان بس اللون يظهر فيما تجهز القهوة

في الشتاء وغيره يفضل غسل الترمس بماء سااااااخن قبل الإستخدام
الترمس بعد القهوة لازم يتنظف كويس بالفرشة
عشان القهوة فيها زيوت

الهيل أو الحبهان برضه يطحن فريش كمية تكفي فقط أسبوع
أفضل عشان ريحته تفضل طازة
البن ماتتركيه برا إلا إذا بتستخدميه كل يوم ويفضل برضه
كمية تكفي إسبوع فقط
والباقي يكون في كيس والكيس في علبة في الفريزر
وأي سؤال أنا حاضرة

بنت البلد · 7th January 2012, 05:53 PM

دعوه لموضوعي

عدسة بنت البلد

أعتقد نشتريها أسهل

عارفه عندنا مثل بيقول

شرية العبد ولاتربيته

وواضح أن القهوه بتاخد مجهود كبير

يبقى عليا الفحم والداله وعليكى القهوه

دى صوره من قعدتنا يوم الخميس

كانت قعده تدوخ فحم ودفا وبرد وهوا شديد

بنت البلد · 11th January 2012, 02:37 PM

دعوه لموضوعي

عدسة بنت البلد

فكره بسيطه للكيك

الكيك الجاهز أى نوع
أنا بستعمل روبن هود
علشان يطلع أحلى حطى معاه 3 معالق كريمه
بتخلى طعمه أحلى بكتير

وممكن على وشه تحطى خلطة بتتعمل بسرعه ولذيذه

- معلقة زبده
نص كبايه سكر
نص علبة قشطه

دوبى الزبده وفوقها حطى السكر لما يبقى بنى حطى القشطه ( قيمر ) وسيبيه شويه يدوب

وتحطى منه فوق الكيك وشويه فستق فوقه لو تحبى

بتلاقى طعمه جنان

أتفضلوا

مسائكم قشطه

مزاياإنسانة · 11th January 2012, 04:24 PM

أممممممم يا بنت البلد شهيتيني بصراحة نفسي نعمل موضوع نحط فيه
أي صوص سهل وفي نفس الوقت بيدي منظر شيك للكيك وغيره
زي التوفي والكراميل
وصوص الليمون وصوص البرتقال
حطه عضو هنا أعتقد رؤوف أو لوروا واحد منهم كان
من ضمن طبخات الصيام للأخوة المسيحين مازالت الصورة عالقة في مخي وكل يوم أقول اليوم أعمله وأنسى الآن
جبت خليط كيك
ويمكن بالليل أتلوح في مخي وأعمله
ههههههههه ماتستغربيش أصلي أوقات بيجلي
نشاط مش في وقته أبداً

بنت البلد · 11th January 2012, 06:26 PM

دعوه لموضوعي

عدسة بنت البلد

اقتباس

المشاركة الأصلية كتبت بواسطة مزاياإنسانة


	أممممممم يا بنت البلد شهيتيني بصراحة نفسي نعمل موضوع نحط فيه أي صوص سهل وفي نفس الوقت بيدي منظر شيك للكيك وغيره زي التوفي والكراميل وصوص الليمون وصوص البرتقال حطه عضو هنا أعتقد رؤوف أو لوروا واحد منهم كان من ضمن طبخات الصيام للأخوة المسيحين مازالت الصورة عالقة في مخي وكل يوم أقول اليوم أعمله وأنسى الآن جبت خليط كيك ويمكن بالليل أتلوح في مخي وأعمله ههههههههه ماتستغربيش أصلي أوقات بيجلي نشاط مش في وقته أبداً

بالليل

معقول يامزايا

المطبخ لازم يتقفل أبوابه بعد العشاء

الفكرة حلوه أفتكرت معاها صوص كنت بعمله

بالحلاوه الطحنية ( الرهش ) كانت كويسه جدا

تعالى نعمل الموضوع وموضوع تانى للكيك

مودة · 12th January 2012, 12:42 PM

دعوه لموضوعي

مدونة مودتي بلا حدود

يااهل المطبخ ياستات ياحلوين
في طريقة سهلة جدا وصحية ومفيدة للفراخ

انا عملتها بفراخ سليمة يعني فرخة كاملة او بالفراخ المخلية

بعد ماتنضفي الفرخة كويس وتنقعيها بالليمون
اعملي خلطة من بصلة مبشورة وفص ثوم ومعلقتين زبادي وملح وفلفل اسود وكركم مطحون وبهارت مشكلة واحشي بيها الفرخة تحت الجلد وادعكيه كلها بالخلطة دي وسيبها كده اقلها ساعة
وقطعي بصل شرايح وبطاطس وكوسة وجزر وبسلة
وفي كيس الفرن الحراري
حطي الفرخة وعليها الخضار
ودخليها الفرن لمدة ساعة الا ربع
واعملي جنبها رز ابيض عادي او مكرونة
وبالعافية يااارب

مودة · 12th January 2012, 12:43 PM

دعوه لموضوعي

مدونة مودتي بلا حدود

اه لو فراخ مخلية اللي هي البانية
بنفس الطريقة
راائعة جدا طعمها وفايدتها

بنت البلد · 12th January 2012, 02:42 PM

دعوه لموضوعي

عدسة بنت البلد

طريقتها سهله وبتدي نتيجه حلوه فعلاً

مودة
تسلمى على الطريقة الحلوه

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مدونة بنت البلد	بنت البلد	مدونات الأعضاء	658	18th January 2014 02:04 PM
مطعم بنت البلد	بنت البلد	شؤون المطبخ	21	26th July 2011 05:05 PM
عيد ميلاد بنت البلد	Rapt	ترحيبات ... مناسبات ... علاقات عامة	53	15th July 2011 02:20 PM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

شؤون المطبخ

مطبخ بنت البلد