كورسات الانجليزيه بعد الوصول الى كندا

[om saif]

الصحف المصرية والعربية

اخواتى وحبايبي السلام عليكم ورحمة الله وبركاته
الله يرحمك يا امى كانت تقول الغريب اعمى ولو كان بصير
لما جيت لكندا كان فى اشياء كتير غايبه عنى وعرفتها متاخر واحب اعرفها للناس
بالنسبه لدراسة الانجليزيه فى حاجه اسمها LINK ده مستواه كويس للناس اللى ابيض بالانجليزى او اقل من مستوى تلاته
بيمتحنوك وبعدين بيحددوا المستوى والكورسات مجانى وفى حضانه داخل المركز لو عندكم بيبي
طيب ايه الجديد؟؟
اقولكم فى الكولج او المعاهد اللى بتدى شهادات معتمده زى مثلا الجونكوين كوليدج فى اوتاوا
بتدى انجليزى او فرنسي نفس اللينك بس اكثر تقدما يعنى لو مستواك باللينك 8 بيكون مستواك 5 بالكوليج لانها اقوى بكتير
الكورسات بفلوس لكن فى حاجه اسمها بيرسري يعنى زى منحه غير مرتجعه من الدوله يشجعوك لتدرس وتخلص كل المستويات
فاذا مستواكم مثلا 3 فى اللينك انصحكم انصحكم انصحكم بالذهاب للكوليج مباشرة واداء امتحان تحديد مستوى ومن ثم الالتحاق بيها مباشره ... لماذا ؟
لانها توفر عليك الوقت والجهد والمال وبعدها بتقدر تلتحق بالجامعه بدون مشاكل كتير او تلتحق بالكولج نفسها بدون شروط
كمان عندهم حاجه اسمها سكند كارير يعنى لما تخلصوا المستويات عندهم ببلاش هتدخلوا الشهاده دى ببلاش وفرص العمل من خلالها كبيييييره لان فيها كو اوب يعنى خبره عمليه وده بيرجح كفة الشغل بكندا

ربنا يوفقكم جميعا حبيت اوفر الوقت والجهد عليكم وربنا ييسر لنا ولكم

 

[منحوسه]

الله الله الله الله

 

 

[canada wait me]

ربنا يجزاكى خير يا ام سيف

ويرحم والدتك ويغفر لها


ونتمنى تفصيل ادق ولنكات او عناوين

مع التحية

 

 

[منحوسه]

اقتباس المشاركة الأصلية كتبت بواسطة om saif اخواتى وحبايبي السلام عليكم ورحمة الله وبركاته الله يرحمك يا امى كانت تقول الغريب اعمى ولو كان بصير لما جيت لكندا كان فى اشياء كتير غايبه عنى وعرفتها متاخر واحب اعرفها للناس بالنسبه لدراسة الانجليزيه فى حاجه اسمها LINK ده مستواه كويس للناس اللى ابيض بالانجليزى او اقل من مستوى تلاته بيمتحنوك وبعدين بيحددوا المستوى والكورسات مجانى وفى حضانه داخل المركز لو عندكم بيبي طيب ايه الجديد؟؟ اقولكم فى الكولج او المعاهد اللى بتدى شهادات معتمده زى مثلا الجونكوين كوليدج فى اوتاوا بتدى انجليزى او فرنسي نفس اللينك بس اكثر تقدما يعنى لو مستواك باللينك 8 بيكون مستواك 5 بالكوليج لانها اقوى بكتير الكورسات بفلوس لكن فى حاجه اسمها بيرسري يعنى زى منحه غير مرتجعه من الدوله يشجعوك لتدرس وتخلص كل المستويات فاذا مستواكم مثلا 3 فى اللينك انصحكم انصحكم انصحكم بالذهاب للكوليج مباشرة واداء امتحان تحديد مستوى ومن ثم الالتحاق بيها مباشره ... لماذا ؟ لانها توفر عليك الوقت والجهد والمال وبعدها بتقدر تلتحق بالجامعه بدون مشاكل كتير او تلتحق بالكولج نفسها بدون شروط كمان عندهم حاجه اسمها سكند كارير يعنى لما تخلصوا المستويات عندهم ببلاش هتدخلوا الشهاده دى ببلاش وفرص العمل من خلالها كبيييييره لان فيها كو اوب يعنى خبره عمليه وده بيرجح كفة الشغل بكندا ربنا يوفقكم جميعا حبيت اوفر الوقت والجهد عليكم وربنا ييسر لنا ولكم

ممكن يا ام سيف تكتبى المعلومات اللى بالعربى بالانجليش لانى بحاول ابحث عنها ومش عارفه لو تنزلى اللينكات يكون افضل

 

 

[معمارية]

ام سيف .....بارك الله فيك وفي عائلتك ......لأ تتخيلي حاجة المهاجريين الجدد لهكذا معلومات ....الله يجعل لك في كل حرف حسنة .......ويرحم والدتك ويدخلها جناته ....امين يارب .....ارجوكي ام سيف ان تمدينا باي معلومات عن البدايات الاولى في كندا .....في جميع نواحي الحياة ....مع جزيل الشكر

 

 

[FaresSamy]

ربنا يكرمك ويجعله فى ميزان حسناتك.. طيب انا سمعت ان الدنيا بيبقى عليها ضغط اوى وفى ويتنج ليست طويييييييييييييييييييييييييييييييلة جدا هل دة فعلا صحيح؟ونظام الدراسة بيكون ايه يعنى كام ساعة فى اليوم والليفل بياخد وقت اد ايه؟

 

 

[um omar]

جزاكي الله خير أم سيف وربنا يرحم والدتك ويجعل مثواها الجنه إن شاء الله

السؤال الكورسات دي بتكون بس للي ناوي يدرس في الجامعه او الكوليج بس ولا هي فيها اقسام دراسه لغه؟

 

 

[ابو اياد]

عند حضرتك خلفيه عن الدراسه من جديد فى غير مجال التخصص اساسا
يعني انا مثلا انا خريج تجاره وعايز اغير كاريير وادرس IT فا دا عادي وبيعتمدو بس على الايلتس وشهاده الثانويه العامه ؟

 

 

[om saif]

جزاكم الله خيرا جميعا
هاجهز اللينكات وانزلها بامر الله تعالى
السكند كاريير للي دراس جامعه وهم عندهم منه كذا تخصص فقط يعنى مثلا بزنس وطبي وتكنولوجيا
اللى مجاله قريب بيدرس واحد من دول والدوله بتدفعله
اما بالنسبه للغه انجليزى او فرنسي هم بيغطوا تكاليفها بشرط ما تسقطش وتلتزم لحد ليفل 8
بعد الليفل ده بتدخل كوليج او جامعه عادى وبتكون اتعلمت وببلاش
انا باتكلم عن اونتاريو واكيد السيستم ده بكندا كلها
ما تروحوش على كورسات اللينك روحوا الكوليج على طول ووفروا وقت وجهد وفلوس
اما بالنسبه لسؤال الويتنج ليست فما فهمتش ويتنج ليست لايه بالضبط عشان اعرف اجاوب؟

 

 

[om saif]

https://www3.algonquincollege.com/lan...ans-diplomats/
المستويات والاسعار اللى هتدفعها الدوله مكتوبه وكل مستوى 8 اسابيع فقط
يعنى لو المدام مثلا مستواها 4 يبقي8 شهور متواصل بتخلص كل المستويات

موضوع السكند كارير مش لاقياه على الويب سايت بس عندى فى جريده وممكن احطلكم الارقام وخصوصا اللى جايين اوتاوا