كيف تبيع الترمواي

[أحمد باشــا]

الصحف المصرية والعربية

يعني الشركة عندها قطعة أرض لا تعلم كيف تستغلها و تستثمرها

قوم تعمل مسابقة و تبيع كراسة شروط ب 500 جنيه موش عارف ليه ..... ؟؟؟؟

لأن لا فيها رسومات و لا برنامج و لا أي شئ يسوى فلوس ... مجرد شروط

و المطلوب دراسات جدوى و تصميمات معمارية من 50 مهندس او مكتب إستشاري على الأقل

و جايزتين مجموعهم 13 الف جنيه بجزء من حصيلة بيع الكراسات

و مفيش أي إلتزام بتنفيذ المشروع الفائز و حصول صاحبه على مستحقاته وقتها

يعني الموضوع ببساطة ان الشركة لما فكرت نعمل ايه بالأرض

قالو و نفكر ليه و نتعب دماغنا و نصرف فلوس على الدراسات

نستغل البشر و نعمل إعلان و جايزتين هنجيب تكلفتهم أكيد و يفضل لنا باقي أكيد

و نلم بتاع خمسين دراسة جاهزة نقعد نقارن بينهم و نتعلم و نفهم ببلاش و العالم بقى هي اللي تدفع مصاريفهم

طبعا الكلام ده بيحصل نتيجة لغياب دور نقابة المهندسين و حمايتها للمهنة

ده حتى هناك مخالفات صريحة لقانون المهنة من جهات حكومية بتنشر مناقصات عن أعمال هندسية و إستشارات مع ان القانون بيحدد أتعاب المهندس و يحظر على أي مهندس أن يتقدم بعرض أقل من لائحة الأتعاب

 

[!! Lidooooo !!]

نفس النصبة دي بتحصل في اعلانات تصميم الشعارات الاعلانية (اللوجو)

ويتسابق المئات بخلاصة تجارب وخيارات متعددة

للحصول على الجائزة المعلن عنها

ثم يأتي الفلحوس صاحب الاعلان ويعدل قليلا على التصميم الفائز .. عشان يضرب ع الجايزة كمان

ولا من شاف ولا من دري

 

 

[HanyMan]

هى بقت كدة؟ اية التفتيح اللى فية رجال الاعمال دة؟

 

 

[aymanology]

بخصوص النصب جالي من يومين رساله علي موبايل المدام
مكتوب : المرسل : mbc 1
مبروك كسبت 50 الف دولار .. اتصل علي الرقم الفلاني ( رقم دولي ) المكالمه مجانيه

اتصلت طبعا وهي دقيقه واحده ولقيت الرصيد خلص واتاري الدقيقه ب 5 جنيه
وواحده بتتكلم لبناني وعماله ترغي ..( بس هي رساله مسجله مش واحده بتتكلم مباشره)

المشكله مش في الرساله نفسها المشكله انها جايه بعنوان قناه تلفزيونيه مشهوره .. فين الرقابه بقي علي كده!!!

المهم بعدها بيومين لقيت رساله تانيه جايه من رقم دولي بتقول : انا اماني من سويسرا ارجوك كلمني
وسايبين رقم دولي برده .. بس علي مين بقي

 

 

[أحمد باشــا]

اقتباس المشاركة الأصلية كتبت بواسطة !! Lidooooo !! نفس النصبة دي بتحصل في اعلانات تصميم الشعارات الاعلانية (اللوجو) ويتسابق المئات بخلاصة تجارب وخيارات متعددة للحصول على الجائزة المعلن عنها ثم يأتي الفلحوس صاحب الاعلان ويعدل قليلا على التصميم الفائز .. عشان يضرب ع الجايزة كمان ولا من شاف ولا من دري

مره اشتركت في مسابقة معمارية

كان أفضل تصميم بس مخدش حتى جايزه تشجيعية

بعدها بكام سنة لقيت الوزير في برنامج صباح الخير يا مصر جايب المشروع و بيفتخر انه من إنجاز وزارته

 

 

[أحمد باشــا]

اقتباس المشاركة الأصلية كتبت بواسطة HanyMan هى بقت كدة؟ اية التفتيح اللى فية رجال الاعمال دة؟

لا .... دي شركة قطاع أعمال

كمان

 

 

[أحمد باشــا]

اقتباس المشاركة الأصلية كتبت بواسطة aymanology بخصوص النصب جالي من يومين رساله علي موبايل المدام مكتوب : المرسل : mbc 1 مبروك كسبت 50 الف دولار .. اتصل علي الرقم الفلاني ( رقم دولي ) المكالمه مجانيه اتصلت طبعا وهي دقيقه واحده ولقيت الرصيد خلص واتاري الدقيقه ب 5 جنيه وواحده بتتكلم لبناني وعماله ترغي ..( بس هي رساله مسجله مش واحده بتتكلم مباشره) المشكله مش في الرساله نفسها المشكله انها جايه بعنوان قناه تلفزيونيه مشهوره .. فين الرقابه بقي علي كده!!! المهم بعدها بيومين لقيت رساله تانيه جايه من رقم دولي بتقول : انا اماني من سويسرا ارجوك كلمني وسايبين رقم دولي برده .. بس علي مين بقي

آخر حاجة رسالة من رقم في مونتريال بكندا للإتصال ( مجانا ) لمعرفة طريقة دفع الجائزة

بعدها رسالة من نفس الرقم بيقول ان ده آخر تنبيه

 

 

[KANE]

the oldest tricks in the book, is renewed

 

 

[أحمد باشــا]

و حتى الصفاقة الشديدة بعدم إعتماد جهة محترمة للإشراف على المسابقة

و كمان مفيش أسماء للجنة التحكيم

يعني إستهبال مفضوح و نية مكشوفة لإستغلال شقى و فلوس المهندسين الغلابة

 

 

[chemistry]

واحد صاحبى اتصلت بيه شركة سياحه وقالتله :
مبروك رقم تليفونك كسب فى السحب معانا لرحلة 4 أيام 3 ليالى للغردقة هاف بوورد شاملة الافطار و العشاء ل فردين فى غرفة مزدوجة للتاكيد برجاء التكرم بالمجىء لمكتب الشركة اليوم الفلانى و الساعه لفلانيه
لمهم
راح و قالوله هناك :
حجز الغرف بالفطاروالعشا مجانى لكن المواصلات على حسابك و روح ادفع فى الخزينه تمن تذكرتين
قالهم انا مش ممكن احجز من بره من اى شركة سياحه
قالوا لا عشان الفندق اللى احنا متعاقدين معاه لما يشوف الاوتوبيس يعرف انك عميل عندنا و ميطالبكش بأىحاجه
راح دافع تمن التزاكر حوالى 150 ج
و المكت ده كان عليه ناس امم
و لما وصلهناك بالسلامه و داخل الفندق و بيديلهم استمارةالحجز المجانيه
اكتشف المصيبه الكبرى عندما قال له موظف الاستقبال :
أنت برده وقعت مع الشركة النصابة دى



متخيلين موقفه كان عامل ازاى هو وزوجته
و عند عودته لمصر وجد بابالشركة مغلق و عندما قام بالخبط على الباب كثيرا
فتحله شخص و قاله :
عايز ايه
فحكاله الحكايه و لسه مخلصش من تكملتها لقى الراجل بيقوله اكملك ايه اللى حصل بعدين و راح شاتم شتيمه صعبة شوية على الشركة و على صاحبى
ونزل متنكد اخر حاجه و اتعقد وبقى خايف انه يروح اى شركة سياحية تطلع نصابة

ط