انا السبب فى الى مصر وصلت ليه ؟

[Raouf]

الصحف المصرية والعربية

انا كتبت الموضوع ده علشان فجأة كدة ضميرى وجعنى و كان لازم اعترف بحاجة

انا واحد من الناس الى لازم يتحاسبوا على الوضع الى وصلت اليه مصر . انا فى الحقيقة برة البلد دلوقتى
لكن لما كنت فى مصر كنت ناقم على الوضع جدا و بلوم كل المؤسسات و الافراد على الانهيار الاخلاقى و التربوى و المادى فى مصر
و لما سافرت و قعدت افكر فى حال بلادى اكتشفت الحقيقة انى كنت ( و اعتقد مازلت ) جزء من كل ده . انا كنت بعمل حاجات صغيرة لكن مثلا لما اكسر اشارة او امشى عكسى اوازيد من السرعة
و بعد كل ده تيجى المشكلة ان علشان عندى معارف فى المرور و بشوية هدايا اشيل او اقلل المخالفات الى علي ماكنتش ساعتها بفكر انى باساهم فى نشر الفساد و الرشوة و المحسوبية و كل الى كنت باشتكى منه فى السياسة و البلد بشكل عام كنت للاسف بزودوه
ده طبعا مثل من حاجات كتير
بس فى الحقيقة لما وصلت للنتيجة دى كان بعد فوات الاوان و سفرى ( و اكيد هارجع تانى )
افتكرت والدى ربنا يديله الصحة لما كنت باتكلم عن الفساد قالى الفساد مش هو السبب ده العرض . السبب الحقيقى ثقافة واحدة بس موجودة عند المصريين هى السبب فى كل ده
ثقافة الفهلوة . انك تاخد حق واحد تانى حتى لو كان فى ابسط الامور زى انك تتعرف على موظف و هو بالفهلوة برضه يدخلك من غير ما تقف فى الطابور مع باقى الناس
و قيس على ده كتير و الغريب انى لما راقبت سلوكى و سلوك المصريين اكتشفت ان ده ما يميز المصرى عن باقى الجنسيات ( الفهلوة ) و قدرتنا العجيبة على مخالفة القوانين حتى لو القوانين دى مش هتضرنا .
انا مؤمن تماما انى واحد من الاسباب الى وصلت مصر الى هذا الوضع
ياترى فى حد تانى مسئول زى ولا انا لوحدى ؟

 

[اصيل]

اقتباس المشاركة الأصلية كتبت بواسطة Raouf انا كتبت الموضوع ده علشان فجأة كدة ضميرى وجعنى و كان لازم اعترف بحاجة انا واحد من الناس الى لازم يتحاسبوا على الوضع الى وصلت اليه مصر . انا فى الحقيقة برة البلد دلوقتى لكن لما كنت فى مصر كنت ناقم على الوضع جدا و بلوم كل المؤسسات و الافراد على الانهيار الاخلاقى و التربوى و المادى فى مصر و لما سافرت و قعدت افكر فى حال بلادى اكتشفت الحقيقة انى كنت ( و اعتقد مازلت ) جزء من كل ده . انا كنت بعمل حاجات صغيرة لكن مثلا لما اكسر اشارة او امشى عكسى اوازيد من السرعة و بعد كل ده تيجى المشكلة ان علشان عندى معارف فى المرور و بشوية هدايا اشيل او اقلل المخالفات الى علي ماكنتش ساعتها بفكر انى باساهم فى نشر الفساد و الرشوة و المحسوبية و كل الى كنت باشتكى منه فى السياسة و البلد بشكل عام كنت للاسف بزودوه ده طبعا مثل من حاجات كتير بس فى الحقيقة لما وصلت للنتيجة دى كان بعد فوات الاوان و سفرى ( و اكيد هارجع تانى ) افتكرت والدى ربنا يديله الصحة لما كنت باتكلم عن الفساد قالى الفساد مش هو السبب ده العرض . السبب الحقيقى ثقافة واحدة بس موجودة عند المصريين هى السبب فى كل ده ثقافة الفهلوة . انك تاخد حق واحد تانى حتى لو كان فى ابسط الامور زى انك تتعرف على موظف و هو بالفهلوة برضه يدخلك من غير ما تقف فى الطابور مع باقى الناس و قيس على ده كتير و الغريب انى لما راقبت سلوكى و سلوك المصريين اكتشفت ان ده ما يميز المصرى عن باقى الجنسيات ( الفهلوة ) و قدرتنا العجيبة على مخالفة القوانين حتى لو القوانين دى مش هتضرنا . انا مؤمن تماما انى واحد من الاسباب الى وصلت مصر الى هذا الوضع ياترى فى حد تانى مسئول زى ولا انا لوحدى ؟

الفهلوه احتكار مصري..من الوزير للغفير كل البلد ماشيه بالفهلوه..حتى في اخطر قضاياها...
وبدون زعل كده 99,99 من المصريين فهلويين...يبقى كلنا شركاء في الجريمه على راي زميل لنا وانا اولهم..

 

 

[Prof]

عزيزي رؤوف
لست وحدك.


أختلف مع أستاذ أصيل، الفهلوة ليست احتكار مصري ولا اختراع مصري، الفهلوة هي في الأصل "الطيب" تعني القدرة على ابتكار حلول، وفي تصوري هي إحدى القدرات الهامة جدًا والمفيدة جدًا بل والتي تميز الجنس البشري عن ما عداه من كائنات بشكل كبير عندما يوظفها عقله توظيف جيد، فالكائنات الأخرى أيضًا لديها هذه القدرة على الابتكار.

المشكلة في سوء توظيف هذه القدرات والذي يحولها إلى "فهلوة".

بكل أسف أرى أيضًا أن النسبة مبالغ فيها، فليس 99.9% من المصريين فهلوية وياريت كان كده.
أقول يا ريت لأن في زمان ما نأمل أن ينصلح حال المصريين وعندئذ ستكون هذه "الفهلوة" كنز لا يفنى، طبعًا في صورتها الطيبة.




glgl

gl

 

 

[Prof]

اقتباس [SIZE=×4]. انا كنت بعمل حاجات صغيرة لكن مثلا لما اكسر اشارة او امشى عكسى اوازيد من السرعة[/SIZE]

بس أنا بطلت أمشي عكسي، كان في مكان واحد بس، بس بطلت، بقيت أقف في الإشارات عن عمد والناس ترقع كلاكسات وأنا قافل القزاز، بطلت ازود السرعة عن اللازم عشان ده من جانب آخر بيوتر بدون لزوم.
وبهذه المناسبة فيه ملحوظة، نسبة التزام الناس بالإشارات في الفترة الأخيرة في تزايد، تحديدًا من بعد الإشارات أبو كاميرات وعددادات، وفي إشارة روكسي مثلاً أصبح الالتزام بالإشارة التزام كامل (طبعًا ده في الأوقات اللي كنت مرييت فيها).
gl

gl

 

 

[اصيل]

ماشي يا بروف النسبه عاليه OK
لكن الفهلوه مرض خبيث ابتلينا به واحد اكبر واهم اسباب تاخر البلد...
ولا يمكن الثقه في انسان فهلوي ..والحلول كلها مؤقته...انا اكره الفهلوه واعتبرها عدو لمصر...
وفي النهايه انا مصري وفي الفهلوه ...لكن الحمدلله ماشي على علاج كويس ان شاء الله يريحني منها...وياريت البلد كلها تنسى الفهلوه....

 

 

[ana_3enady]

دعوه لموضوعي

RobertInole

ايييييييييييييييييييييييييه .. على كدة انا السبب الرئيسي لخراب البلد

م استغلال سلطات لواسطة لمحسوبية لرشاوي .. يا ليلة طين .. دانا ما عتقتش








بس على فكرة .. عمري ما استخدمت كــــــــــــــــــــــــل اللي قولته لا لإيذاء الغير ولا لأخذ حق غير حقي .. بس كان للتمرير والتسهيل

glgl

 

 

[ana_3enady]

دعوه لموضوعي

RobertInole

الذين يشاهدون محتوى الموضوع الآن : 21 ( الأعضاء 1 والزوار 20) ‏ana_3enady


يا قهلايا قهلا بالزوار















استر على عبيدك يا رب

 

 

[Raouf]

اقتباس [SIZE=×4] وبهذه المناسبة فيه ملحوظة، نسبة التزام الناس بالإشارات في الفترة الأخيرة في تزايد، تحديدًا من بعد الإشارات أبو كاميرات وعددادات، وفي إشارة روكسي مثلاً أصبح الالتزام بالإشارة التزام كامل (طبعًا ده في الأوقات اللي كنت مرييت فيها).[/SIZE]

و هو ده الى انا بقوله ان الالتزام عندنا بسبب الخوف من العقوبة مش وازع اخلاقى بس فى الحقيقة انا شفت ناس بتقف فى الاشارات الساعة 4 الفجر و من غير كاميرات و لوحدهم فى الشارع ( علشان معندهمش ثقافة الفهلوة )
بس فى الحقيقة كل الى انا عملته و بنعمله بيضر المجتمع لانه بيرسخ ثقافة ان القانون موضوع علشان يقرفك و يزهقك و الحقيقة القانون موضوع علشان ينظم العلاقة بين الناس و بعضها
و لما كسرت القانون انا جيت على حق ناس تانية و بكدة انا ضريتهم من غير ماعرف او يعرفوا
مش عارف ايه صحوة الضمير الى جاتلى على فجأة دى
ربنا يستر و اكمل كدة

 

 

[dr-amira]

وهى الفهلوة ديه بتختفى ليه من المصريين لما يروحوا الخليج اوكندا ....ليه بره مصر بننضبط واول ما ننزل اجازة نسوق الفهلوة فعلا ...واضح ان احنا اللى خربنا البلد فعلا ....ربنا يسامحنا

 

 

[nash]

هما مين المصريين؟ هما أنا وأنت وهي وهم وهن
كلنا شركاء في الجريمه بطريقه ما.. محدش يعفي نفسه من المسئوليه..
يااااما دورت علي واسطه علشان أخد حقي فقط لا أكثر ولا أقل