"حمدين صباحى" مرشحا لرئاسة الجمهورية

[mahmoudology]

الصحف المصرية والعربية

حمدين راجل نظيق اليدين بس بحس انه فيه عرق صعيدى شوية _no offense_ حماسى فى الوقت اللى بنحتاج فيه للعقل

 

 

[omar moka]

حمدين صباحى واحد مننا

 

 

[سيد جابر]

حمدين صباحى واحد مننا .

https://www.youtube.com/watch?NR=1&fe...&v=7BVLX5sXlD4

 

 

[MIGA]

بما إن الأستاذ حمدين من ريحة الحبايب فأنا أقدر أقول إيه اللى هيحصل لو بقى رئيس ، فى ظل نظام رئاسى يعنى

- كل المؤسسات السياسية هتتحل و مش هيبقى فيه غير الإتحاد الإشتراكى

- جميع هيئات الدولة - بما فيها إتحاد الكورة - هيبقى نصها عمال و فلاحين

- إعتبار الغرب أعداء و التعامل معاهم كفر و خيانة

- مصر هتتجه للمعسكر المعادى للغرب و اللى هيكون فى الحالة دى إيران و ساعتها هتبقى المبادئ الأساسية للمصريين إنهم يكونوا من الشيعة الإثنى عشرية الخاضعة لنظام التقية و ولاية الفقيه ، بالإضافة طبعاً للفكر الإشتراكى للأستاذ حمدين هيبقى فرض على كل مصرى إنه يعيش على التمر و اللبن و العيش المقدد و ميمتلكش أكتر من جلابية واحدة

- هناخد إحنا و الفلسطيين حق اللجوء لليبيا لأن على نهاية مدته هتكون مصر و أراضى الضفة وقعت فى إيد الكيان الصهيونى

و الله الموفق


********


لو هنتكلم جد بقى

فمع إعترافى إن الأستاذ حمدين أكثر المرشحيين و من أكتر السياسين المصريين عموماً وطنية و نزاهة و إحساس بالبسطاء ، و ده عن معرفة شخصية .. لكنه تحديداً آخر واخد يصلح يكون رئيس

البلد مش حمل إن يحكمها عبدالناصر تانى

 

 

[TOBIA]

يا جماعة كل اللى بنعانى منه الآن اللى زرعة جمال عبد الناصر و شلة العسكر اللى كانوا عاملين اشتراكيين الحكاية مش ناقصة عنتريات

 

 

[MIGA]

اقتباس المشاركة الأصلية كتبت بواسطة TOBIA يا جماعة كل اللى بنعانى منه الآن اللى زرعة جمال عبد الناصر و شلة العسكر اللى كانوا عاملين اشتراكيين الحكاية مش ناقصة عنتريات

 

 

[Osama_Khedr]

"صباحي" يؤيد نظاما رئاسيا برلمانيا

 

 

[nabil-aly]

مع احترامي ل ا حمدين لكن انا مش شايف انة يصلح كرئيس
مش هاقول كبيرة علية ومعندوش كاريزما والكلام دا لكن ببساطة لان تصوراتة للاصلاحات بمصر معظمها
لا يصلح للتطبيق ولو طبقت اعتقد انها سوف تخلق مشاكل اكثر منها حلول