القرد لازم يرجع

[فــيــروز]

اللىّ استغربت له فى الموضوع سعادة و فرحة جمهورية "شوبمبونجا" بالشبكه اللىّ اشتروها !! طيب أمّا هى شبكه جامده كده "موبينيل" باعتها ليه !!

الأكثر إثاره للاستغراب إن الإعلانات بقت تتكلّم أكثر عن فرحة الشعب الشومبونجى الشقيق بشبكته الجديده و كأن الإعلان معمول عشان يمدح فى الشبكه القديمه اللىّ مابقتش تخصّنا !! ومابقيناش عارفين طيب أخبار الشعب المصرى الشقيق مع الشبكه الجديده إيه !!

أنا بردو باقول القرد يرجع لأنّى بارشّحه لتولّى منصب خطيييير ..

 

[النجم الثاقب]

هى الشبكة القديمة كانت جامدة .. بس الجديدة أجمد .. عشان كده ام نبيل باعتها و جابت الجديدة لأن الشعب المصرى يستاهل كل خييييير

و بعدين الشعب الشومبونجى الشقيق لازم يفرح طبعا .. عشان حاجتين .. اولا ان الشبكة دى مش أى حد كان بيستخدمها .. ده كان الشعب المصرى العريق .. يعنى حضارة عشرتاشر سنه .. يعنى كل حاجه حلوه .. ثانيا لأنهم متأكدين إن أم نبيل بتستخدم أحدث تكنولوجيا فى شبكتها

الشعب المصرى بقى فرقت معاه كتير من ساعة ما استخدم الشبكة الجديدة .. و الدليل انك لما تتصلى على شبكة ام نبيل هتلاقى صوت الرنه اختلف .. بدل ما كان رنه واحده طويله .. بقى رنتين قصيرين

بالنسبة لموضوع رجوع القرد بفكر أعمل استفتاء فى الموضوع و الناس تدلى برأيها فى الموضوع .. او اعمل جروب على الفيس بوك و نطالب كلنا برجوع القرد لمصر الحبيبة

 

 

[galaxy]

موضوع المجموعه بتاع الفيس بوك دا فكرني بفيلم جري الوحوش ............


لما نور الشريف كان عيان وبيموت ووبيخلص( لاحظوا الاسقاط يا ساده) وكل اللي طالع عليه يقول.............انا عايز اشوف القرد.....لازم اشوف اقرد...........هاتولي القرد

 

 

[النجم الثاقب]

اقتباس المشاركة الأصلية كتبت بواسطة galaxy موضوع المجموعه بتاع الفيس بوك دا فكرني بفيلم جري الوحوش ............ لما نور الشريف كان عيان وبيموت ووبيخلص( لاحظوا الاسقاط يا ساده) وكل اللي طالع عليه يقول.............انا عايز اشوف القرد.....لازم اشوف اقرد...........هاتولي القرد

انا بحاول الاحظ الاسقاط .. بس بصراحة مش قادر افهمه .. ينوبك ثواب تفهمينى

 

 

[galaxy]

اقتباس المشاركة الأصلية كتبت بواسطة النجم الثاقب انا بحاول الاحظ الاسقاط .. بس بصراحة مش قادر افهمه .. ينوبك ثواب تفهمينى

شوف يا نجم.........نور الشريف
كان بيخلص وبيموت وخلاص كل اهتمامه بالقرد.....كان هو اللي هيشفيه من اللي هو فيه
.......احنا برضه
البلد حالها صعب والحال مقلوب
وشبابهاكل همه انه
يدور علي القرد....يعني بنيجي ع الهايفه و...ندور ع القرد......

 

 

[النجم الثاقب]

ماشى يا بينى آدمين ( وش الليمبى ) .. خلاص كلكم بقى قلبكم على القرد و عايزينه يرجع لأرض الوطن .. يعنى انتوا بتحبوه اكتر منى

يبقى خلاص .. جت اللحظة الحاسمة .. أعلن بالأصالة عن نفسى و بالنيابة عنكم انشاء جمعية محبى القرد اللى بيتكلم و اللى هيكون مسئول عنها و عن تمويلها بالأموال اللازمة و كل حاجه فى كل حته الأعضاء ...


























فيرووووووووووووووووز .. و قااااااااااااائد المدفعية

 

 

[قائد مدفعيه المطاريد]

اقتباس المشاركة الأصلية كتبت بواسطة النجم الثاقب ماشى يا بينى آدمين ( وش الليمبى ) .. خلاص كلكم بقى قلبكم على القرد و عايزينه يرجع لأرض الوطن .. يعنى انتوا بتحبوه اكتر منى يبقى خلاص .. جت اللحظة الحاسمة .. أعلن بالأصالة عن نفسى و بالنيابة عنكم انشاء جمعية محبى القرد اللى بيتكلم و اللى هيكون مسئول عنها و عن تمويلها بالأموال اللازمة و كل حاجه فى كل حته الأعضاء ... فيرووووووووووووووووز .. و قااااااااااااائد المدفعية

يا نجم احب افرحك و اقولك طير من السعاده لانى قررت اقبل المنصب بس يا ترى هاخد مرتب كام و السياره لازم تكون موديل السنه و جميع الكماليات و باقى الاوبشن بقى (الاتصالات و السكن و الاجازات و تذاكر الطيران) نتكلم عليها بعدين
مش بس كده احب ابشرك ان القرد مبسوط من نشاطك كتييير

 

 

[فــيــروز]

باقترح نعمل جمعيه نسمّيها "جمعية محبّى القرد اللىّ بيتكلّم"

 

 

[guevara]

القرد بيتنطط ولا بطّل تنطيط .....طمنى يا دكتور

 

 

[امانى]

والله انا شايفة الاعلان دلوقت لمصلحة الشبكة القديمة مش الجديدة

انا بضم صوتى لصوت فيروز فى رجوع القردوترشيحه لهذا الدور الخطير