ينفع اللي سرق يسوي وضعه وخلاص؟

[FINETOUCH]

الصحف المصرية والعربية

كشف الحراميه ناقص اسماء كتييييييييير..مش عارف هما واخدين الامان من مين

 

 

[bond]

جت فكره قد تكون فكاهيه بس عجبتنى
تخصيص مدينه فى الصحراء من طراز المساكن الشعبيه يجمع فيها جميع الفاسدين فى الدوله الذين ليس عليهم عقوبات جنائيه وتحديد اقامتهم ويقطع عنهم جميع الاتصالات والتليفزيون والراديو ووضعهم تحت الحراسه المشدده ونطلق على المكان دولة الظلم وننظم رحلات سياحيه عالميه الناس تيجى تتفرج عليهم وتدفع تذاكر

 

 

[abysaleh]

اقتباس المشاركة الأصلية كتبت بواسطة nash القانون بيحميهم يابيرو .. الثغرات القانونيه اللي نفسي تتسد بأسمنت مسلح هاتلاقيلهم مخرج من الورطه ... وأكيد فيه ناس ممكن تفرح برجوع الحق وتنسي القصاص ... للأسف الشديد

لااازم يتعمل محكمة منفصلة للثورة لمحاربة الفساد والفاسدين...والعقوبات فيها تكون مشددة ....
اللي بيحصل دلوقتي دا اسمه تهريج الصراحة...وعمالين يشغلونا بلأ ونعم علشان ننسى اهدافنا الاساسية...بس على مين

اقتباس المشاركة الأصلية كتبت بواسطة أحمد باشــا كنت داخل اقول كده سبقتيني

من بعض ما عندكم يا فندم

حضرتك وافاضل كتير من المطاريد من اكتر الناس اللي باستفيد برأيهم وآراءهم وتحليلاتهم واستفدت كتييير منهم.. بصراحة بانتظر اي شئ تكتبوه علشان اقراه

 

 

[مودة]

دعوه لموضوعي

مدونة مودتي بلا حدود

اقتباس المشاركة الأصلية كتبت بواسطة bond جت فكره قد تكون فكاهيه بس عجبتنى تخصيص مدينه فى الصحراء من طراز المساكن الشعبيه يجمع فيها جميع الفاسدين فى الدوله الذين ليس عليهم عقوبات جنائيه وتحديد اقامتهم ويقطع عنهم جميع الاتصالات والتليفزيون والراديو ووضعهم تحت الحراسه المشدده ونطلق على المكان دولة الظلم وننظم رحلات سياحيه عالميه الناس تيجى تتفرج عليهم وتدفع تذاكر

ياسلام لو كانت المساكن عشوائية
خليهم يدوقوا اللي عايشوا في الناس

 

 

[محمد علي عامر]

لأ طبعاً

هناك مقولة معناها أخبرني كيف حصلت على أول مليون جنيه وأخبرك إذا كانت أموالك حلال أم لا.

الأموال و الأراضي و النفوذ الذي حصلوا عليه بغير حق هو الذي راكم ثرواتهم وبالتالي فإن ثرواتهم كلها من أول مليم إلى آخر نكلة هي ملك للشعب يجب أن تعود إليه ويجب أن يعاقبوا بالسجن على جرائمهم والتي آخرها جريمة محاولة إستعباط الشعب بتلك العروض الهبلة.

ويجب ألا ننسى أنه لا يمكن إسترجاع ما أنفقوه ببذخ على أنفسهم و عائلاتهم من أموال الشعب في السنوات الماضية.

هؤلاء يجب القصاص منهم و أن تعلق صورهم على أبواب المصانع والمصالح الحكومية حتى يتذكر كل صاحب منصب يوسوس له شيطانه أن هذا سيكون مصير من يسرق أموال الشعب

 

 

[م الغزالى]

بالعاطفة لآ
بالعقل والمنطق نعم
وأعتبره حل برجماتى لآن البلد تقريباً فى حالة إفلاس الأن!
والإجراءات طويلة وخاصة خارج مصر ولن نعيد إلا جزء منها لأن البلاد الموجودة بها لاتسمح بخروج هذه الأموال الطائلة بسهولة

 

 

[only you]

طب يا جماعه اذا كان اللى بيتكلم مجنون اللى بيستمع عاقل بناءا على ايه بيتكلمو على انها اموالهم ولهم مطلق الحريه فيها هم لسه ما استوعبوش الدرس؟هى مش فلوسهم اللى سرقوها دى تحت التحفظ خلاص ؟ولا ايه؟مش عارفه يا جماعه من وقت للتانى بحس اننا ما قدرناش نقلع شجرة الكوسه من جدورها

 

 

[O.S.A.M.A]

ازيك يا نوشا
الكلام ده طبعاً ما ينفعش خالص لأن فيه تجاوز لحق المجتمع
فى كل حالات القتل العمد "عدا حالات الثأر" ممكن يحصل توافق على دفع الدية ولكن القضاء بيرفض الموضوع ده لأن فيه حق المجتمع وهو حق بيدافع عن حق المجتمع فى حياة آمنة لا يتكرر فيها نفس اللى حصل
يبقى بالتالى ما ينفعش أن شخص حتى وإن تنازل عن كل ثروته أن نقول خلاص عفا الله عما سلف وإلا هاتبقى فوضى

عموماً هما بس يرجعوا كل الفلوس اللى نهبوها وبعدين نبقى نشوف ساعتها هانعمل أيه

 

 

[nash]

اقتباس المشاركة الأصلية كتبت بواسطة مودة لا اله الا الله سيدنا محمدا رسول الله ربنا سبحانه وتعالى كشفهم وقدرنا وقبضنا عليهم نقوم ايه نسيبهم كده لا والف لا القصاص القصاص شوفي كده حديث الرسول صلى الله عليه وسلم قال الرسول صلى الله عليه وسلم ("إنما أهلك الذين من قبلكم أنهم كانوا إذا سرق فيهم الشريف تركوه، وإذا سرق فيهم الضعيف أقاموا عليه الحد، والله لو أن فاطمة بنت محمد سرقت لقطعت يدها".)

صدق الرسول الكريم وماينطق عن الهوي

حكمة رب العالمين أن أكيد أعطاهم الفرصه مرة وأتنين يمكن يتوبوا .. وفي الأخر كان مستوي العقاب علي قدر مستوي الجرم غير بأة عار يلازمهم لأجيال الله أعلم بهم...

 

 

[nash]

اقتباس المشاركة الأصلية كتبت بواسطة bond الاصل فى العقوبه هو الخطوره على المجتمع وافساد الذمم وتكريس الظلم الاجتماعى وانهيار منظومة القيم انا ارى ان هؤلاء البشر يجب ان تؤمم ممتلكاتهم لصالح الشعب والحكم عليهم بتكملة حياتهم فى سجن المزرعه يزرعوا فراوله وكنتالوب

سؤال خارج الموضوع خالص

أشمعني فراوله وكنتالوب؟