ينفع السياحة في مصر تبقى من غير خمور؟

[مصرية]

الصحف المصرية والعربية

فيه عندي تساؤلات كتير وتضارب قوي بين أهمية السياحة في مصر بالنسبة للدخل القومي وبين تهيئة فرص عمل للشباب وبين إن يكون معظم الدخل القومي المصري مصدره من الخمور والقمار الموجود في الفنادق والنوادي الليلية سواء في سيناء أو في القاهرة

طبعا ده غير المناظر المؤذية لنساء بملابس السباحة أو الملابس الصيفية الخفيفة اللي بيستخدومها عادي وكإننا مش في دولة عربية إسلامية

طيب هو مينفعش السياحة غير كده؟ يعني مينفعش يبقى فيه قواعد أو قوانين تقول إن ده ينفع وده مينفعش؟

قبل ما السادات يتوفى كان مفيش دخل من السياحة وكنا بنعتمد على التصنيع والتصدير والبترول وأموال العاملين في الخارج ... مش عارفة هل دلوقتي بقى ممكن نرجع تاني ولا السياحة بشكلها الحالي بقت جزء لا نستطيع التخلي عنه من الميزانية في الدولة؟

 

[Dr.Samo]

المعلومة دى قديمة ومعرفش مدى صحتها بنسبة 100%
لكن اللى اعرفة أن الفندق الخمس نجوم لازم يكون فيه صالة قمار وبيقدم خمور
ودى من إشتراطات الهيئة العالمية للفنادق اللى بتصنفها
يعنى الفرق ما بين فندق 4 نجوم وخمس نجوم الموضوع دا
برضه عندنا فطاحل السياحة وأهمهم اكسيلانس يفتينا فى النقطة دى
بس فيه نقطة مهمه ازودها على تساؤل حضرتك يا د.مصرية
لو الكلام دا صح ....غزاى الفنادق دى مش بتبيع خمور فى السعودية مثلا ومعروف هناك ان الفنادق مافيهاش خمور أو قمار
وهل مصر ممكن تبقى زى السعودية فى الموضوع دا

 

 

[only you]

كان فى موضوع قبل كدا تقريبا للفاضل حشيش وقلت رايى ولا زلت مصره عليه مفروض نصمم على هويتنا الاسلاميه قلبا وقالبا واللى عاجبه يجى بلدنا على كدا اهلا وسهلا واللى مش عاجبه يالا باى اعتقد حتى دا ممكن يكون اكثر تشويقا للاجانب انهم يجو بلد وعارفين انها هتكون مختلفه تماما عن بلدهم وانهم مش هيقدرو يعملو نفس اللى بيعملوه هناك بصراحه العيب فينا احنا بنستهبل بجد عارفين الحرام وبنعمله ورافضين نقتنع ان الفلوس الجايه من وراه حرام واعتقد تجربة السعوديه مثال يا ريت نحتذى بيه

 

 

[Dr.Samo]

المعلومة دى قديمة ومعرفش مدى صحتها بنسبة 100%
لكن اللى اعرفة أن الفندق الخمس نجوم لازم يكون فيه صالة قمار وبيقدم خمور
ودى من إشتراطات الهيئة العالمية للفنادق اللى بتصنفها
يعنى الفرق ما بين فندق 4 نجوم وخمس نجوم الموضوع دا
برضه عندنا فطاحل السياحة وأهمهم اكسيلانس يفتينا فى النقطة دى
بس فيه نقطة مهمه ازودها على تساؤل حضرتك يا د.مصرية
لو الكلام دا صح ....غزاى الفنادق دى مش بتبيع خمور فى السعودية مثلا ومعروف هناك ان الفنادق مافيهاش خمور أو قمار
وهل مصر ممكن تبقى زى السعودية فى الموضوع دا

 

 

[أحمد باشــا]

في السبعينات كان فيه جماعات بتحطم محلات نوادي الفيديو و الغريب ان الشرطة كانت احيانا بتقبض على شوية صيع شاربين سبرتو علشان يتشجعوا بهذه الغزوة المباركة

انا رأيي انه تبدأ مشروعات سياحية ليس بها خمور او قمار و المفروض انها تقدم خدمات و تكون مقنعة بحيث تنافس الأخرى و تكون قدوة

اصل انا موش مقتنع ان انا امنع غيري علشان انا مؤمن بكده

انا ابقى قدوة و مثال يحتذى به

فهكذا كان المسلمون الأوائل

 

 

[حسام]

انا عايش في بلد عايشة اساسا ع السياحة
وأنا مش ضد السياحة
لكن أتمنى برضة اللى ييجي مصر ييجي وهوة محترم قوانينها وثقافتها
وياريت يلغي شرب الخمور والكلام الفارغ ده
وياريتها على كدة وبس
مصر من الدول المصنفة بأنها دول يأتي اليها السياح بنوعية السياحة الجنسية
وعلى فكرة لو عملنا مشروعات محترمة ممكن تغنينا عن الذل ده
المشكلة فى أهالى هذة المناطق زي اسوان والاقصر وغيرها
عايزينها سياحة وموسم
وفلوس ساهلة
انما لو اتعمل مصانع ومشروعات
وتجيلهم فلوس قدها ولو أكتر حتى
هيرفضوا
للأسف اتطبعوا بالكسل وحب فلوس السياحة والعمل الموسمي
لو كل مدينة فى مصر يتعمل فيها مصنع جديد ضخم يخدم صناعة معينة
ربنا هيغنينا عن السياحة وقرفها

 

 

[Raouf]

طيب معلش
هو ايه المشكلة اننا نعمل مصانع و يبقى فى سياحة و زيادة الخير خيرين
و معلش سؤال تانى
ايه المشكلة لما السياح يشربوا كحوليات طالما مش بيأذونا
دى اسئلة بجد على فكرة
انا مش بادافع عن الكحوليات انا بادافع عن حرية فرد عايز يشرب و مش هيأذينى بالعكس هايفيد البلد
و كمان عن تجربة فى بلد مانعة دخول الكحوليات

 

 

[جرديز]

اقتباس المشاركة الأصلية كتبت بواسطة Raouf ايه المشكلة لما السياح يشربوا كحوليات طالما مش بيأذونا دى اسئلة بجد على فكرة انا مش بادافع عن الكحوليات انا بادافع عن حرية فرد عايز يشرب و مش هيأذينى بالعكس هايفيد البلد

طب ما يروح يشربها في بلدهم يا أستاذ رؤوف !!!
هو فعلا المشكلة عندنا والا عندهم ؟؟؟!!!
وبعدين حيفيد البلد ازاي ملعش عشان مش فاهم الجزئية دي كويس !
طب السجاير حرمتها لا تصل لدرجة حرمة الخمور , ومع ذلك لا انت ولا الاجانب تقدروا تشربوا سجاير indoors
إذا كان ده لإقرارهم بضررها المتعدي على الغير , فأين ثمن الضرر المادي والمعنوي للخمور ؟!
كتير بشعر اننا مصرين على امتهان أنفسنا بشتى السبل .
المشكلة لا تتعلق بحريته هو في معاقرة الخمر , فهذا شيء لا يعنيني ولا يعني أي مسلم ... إنما المشكلة هي في ارتباط السماح بالخمور بضرورة تقديمها بشكل مهني يقوم به عمال يشرف عليهم موظفون يتحكم فيهم مدراء يزودهم بذلك مستوردون .
وكل هذه الدائرة محرمة في الشريعة الإسلامية بدءا من عملية الاستيراد وانتهاء بالدخل .
معنى ذلك ان تجبر جميع العاملين في قطاع السياحة على ارتكاب الحرام .

 

 

[only you]

اقتباس المشاركة الأصلية كتبت بواسطة جرديز طب ما يروح يشربها في بلدهم يا أستاذ رؤوف !!! هو فعلا المشكلة عندنا والا عندهم ؟؟؟!!! وبعدين حيفيد البلد ازاي ملعش عشان مش فاهم الجزئية دي كويس ! طب السجاير حرمتها لا تصل لدرجة حرمة الخمور , ومع ذلك لا انت ولا الاجانب تقدروا تشربوا سجاير indoors إذا كان ده لإقرارهم بضررها المتعدي على الغير , فأين ثمن الضرر المادي والمعنوي للخمور ؟! كتير بشعر اننا مصرين على امتهان أنفسنا بشتى السبل . المشكلة لا تتعلق بحريته هو في معاقرة الخمر , فهذا شيء لا يعنيني ولا يعني أي مسلم ... إنما المشكلة هي في ارتباط السماح بالخمور بضرورة تقديمها بشكل مهني يقوم به عمال يشرف عليهم موظفون يتحكم فيهم مدراء يزودهم بذلك مستوردون . وكل هذه الدائرة محرمة في الشريعة الإسلامية بدءا من عملية الاستيراد وانتهاء بالدخل . معنى ذلك ان تجبر جميع العاملين في قطاع السياحة على ارتكاب الحرام .

 

 

[أحمد باشــا]

النقطة اللي لازم نذكرها ان شرب و إدمان الكحوليات في البلاد الغير إسلامية مشكلة حقيقية يعانون منها الأمرين

و نحمد الله الذي عافانا