رجاء بحذف أيقونات يساء استخدامها

[حسام]

الصحف المصرية والعربية

السلام عليكم ورحمة الله وبركاته
تحياتى لادارة المنتدي وأعضائه الكرام
أقترح وأرجو ان يلاقي اقتراحي فبولا لديكم بحذف أيقونات يساء استخدامها فى أوقات كثيرة
وتساهم فى جو مشحون بالمنتدي وبالمناقشات بين الأعضاء
ولو أنها تستخدم بين الأعضاء الأصدقاء على نحو الهزار
من ضمن تلك الأيقونات:



أعلم أن البعض سيرفض اقتراحي وله احترامي لموقفه
ويمكن أن يعجب اقتراحي البعض الآخر
والراى لادارة المنتدي وأعضائه الكرام

 

[مدى]

هي فكرة راقية زي شخصك الجميل يا دكتور حسام..
بس هي بتعبر عن حجات جوانا في لحظات ما ..
ممكن الأيقون الأول ده موافقة معاك ..
لكن أيقون التلطيش ده لذيذ (وشراني ) بيخرج طاقة الغضب يعني..
وايقون الشاكوش بردوا مش فيه أزمة كبيرة ..
ااقصد مش معنى ان بعض الناس بتسي أستخدام السكين مثلا فأحنا نمنعه ..
اللي بيفرق كل واحد ازاي بيستخدمه ودي بترجع للشخص ..


مع أحترامي المتزايد لحضرتك..

 

 

[زهرة بريه]

اقتباس المشاركة الأصلية كتبت بواسطة مدى هي فكرة راقية زي شخصك الجميل يا دكتور حسام.. بس هي بتعبر عن حجات جوانا في لحظات ما .. ممكن الأيقون الأول ده موافقة معاك .. لكن أيقون التلطيش ده لذيذ (وشراني ) بيخرج طاقة الغضب يعني.. وايقون الشاكوش بردوا مش فيه أزمة كبيرة .. ااقصد مش معنى ان بعض الناس بتسي أستخدام السكين مثلا فأحنا نمنعه .. اللي بيفرق كل واحد ازاي بيستخدمه ودي بترجع للشخص .. مع أحترامي المتزايد لحضرتك..

هو ده اللى انا عايزه اقوله بالظبط
تحياتى ليكى يامدى وللدكتور حسام

 

 

[مودة]

دعوه لموضوعي

مدونة مودتي بلا حدود

حسام
دنا كنت عايزه اطالب بمزيد من الايقونات
مع اني مش بستعملها كتير
وش بيشد في شعره
واحد بيجري
عجوز
في ايقونات كتير بتبقى معبرة وبتختصر كلام كتير

 

 

[حسام]

ماحدش هيقدر يشكك فى ان صورة ممكن تعبر أحسن من ألف كلمة زي ما قال الصينيين
انا مش هخترع العجلة يا جماعة
واللى عايز ايقونات زيادة وجديدة اوك
مادام مافيهاش اساءة لآخر
لكن اللى نشوفه شراني بطريقة لذيذة وهزار بين الأصحاب يا مدى
ممكن يستعمله غيرنا بشكل مش محترم
يعني ايه لازمة ايقونة اللى بيشد حد أو وش حد ويحطه في التواليت دي؟
وايه لازمة اللى بيضرب التاني أقلام وشواكيش؟
عارف انها زي السكينة كدة تطبخ
وكدة تدبح
لكن انا شايف الحقيقة ان فيه بعض الايقونات وهي كام واحدة بس الحقيقة مش كتير
بجد اسائتها أكتر من نفعها
اساءة واحدة منها أكبر من نفع استخدامها الف مرة
والأمر للجميع
ايمانا مني بالديموقراطية
ووالله ما أتكلمت الا بعد حادثتين حصلوا فى مناقشات بين الاعضاء امبارح والنهاردة اللى كانت من نصيب العبدلله
وتحياتى للجميع

 

 

[سمو الأميرة]

اقتباس يعني ايه لازمة ايقونة اللى بيشد حد أو وش حد ويحطه في التواليت دي؟

و الله دي معاك حق فيها
و الحمد لله ما اتوقع اني استعملتها اساسا

اقتباس [SIZE=×4] وايه لازمة اللى بيضرب التاني أقلام وشواكيش؟[/SIZE]

لأأأأأةةة
انا ممكن بكون اتكلم عن حد خالرج اطار المنتدى و افش غلي بالصورة دي

و حتى لو بين الاعضاءبتكون مزح متل ما عم نشوف

 

 

[سهران لوحدى]

استاذ حسام الاخوه والاخوات الاعزاء
انا شخصيا كنت افاجا بالايقونات ما اعرفش معناها لانى جديد فى استخدامها
بصراحه اتعلمت على كبر
لكن لقيتها بتعبر افضل من الكلام
وياريت زى ما بتقول نبتكر تعبيرات اكتر
فكرت اتعلم لغة حديث الاصبع للتحاور مع الصم والبكم
وهل ممكن الايقونات تطويرها لتكون لغه سهله
ايه رايكم..؟

 

 

[Tornado]

اقتباس المشاركة الأصلية كتبت بواسطة مدى هي فكرة راقية زي شخصك الجميل يا دكتور حسام.. بس هي بتعبر عن حجات جوانا في لحظات ما .. ممكن الأيقون الأول ده موافقة معاك .. لكن أيقون التلطيش ده لذيذ (وشراني ) بيخرج طاقة الغضب يعني.. وايقون الشاكوش بردوا مش فيه أزمة كبيرة .. ااقصد مش معنى ان بعض الناس بتسي أستخدام السكين مثلا فأحنا نمنعه .. اللي بيفرق كل واحد ازاي بيستخدمه ودي بترجع للشخص .. مع أحترامي المتزايد لحضرتك..

نفس الكلام اللي عاوز اقوله

 

 

[MFaisal]

لالالالالالالالالالالالالالا

كله الا ده [SIZE=×4]

ماينفعش أتكلم من غيره
[/SIZE]