Arabic Discussion Forum with a Special Interest in Travel and Immigration

!! Lidooooo !! · 2nd January 2011, 03:44 PM

الصحف المصرية والعربية

هذه الدراسة السوسيولوجية

دارت ماسنجريا الآن بيني وبين عالم اللهجات بروف في محاولة جادة منا لرد الكلمات لأصولها

أدعوكم للمشاركة بويكليكساتكو يا حضرات

waleed says:
انا هاقوم اسخن لوبيا ولحمة ورز
Prof says:
كل دول في نفس اللحظة

waleed says:
وفي نفس الحلة لو عايز

Prof says:
حلة

Prof says:
تعرف كصة تسمية المحلة بهذا الإسم؟
بالمناسبة يعني

waleed says:
بروف انتا اللى ليك في الفولكلور زي حالاتى
فاكر اغنية الافراح الريفية:
الحلة ع الوابور قوم عشي عيالك

انا رايحة بيت ابويا انا مش راجعالك

هاه

لأ مش عارف
قول

Prof says:
كان فيه جارتين ساكنين جنب بعضهم البعض
واحدة راحت للتانية تستلف منها حلة.. فالتانية جابت لها حلة
فالأولانية ما اقتنعتش
فقالت لها فين يا أمي الحلة.. قالتلها: "ما حلة اهي"

ومع الوقت تحرف الإسم إلى "محلة"

waleed says:

اشي خياااااال

Prof says:
شفت
waleed says:
waleed says:
اه شفت

ويحكي ان نفس ذات الجارة راحت تستلف من جارتها في راس البر الف جنيه عشرات
waleed says:
فادتهملها ميات
فقالتلها دي مش عشرات

"دي ميات"

و حرفت بنفس الطريقة
لتصبح "دمياط "

Prof says:

دي مياط
صح صح صح

waleed says:
شفت

Prof says:
مية مية يا لييد
انت باحث في تاريخ الأمم
زيي

waleed says:
بس مين يقدر

احنا مكاننا مش هنا يا بروف

Prof says:
ده فيه درر تانية
waleed says:
تيجي نروح كندا ؟

Prof says:
طب تعرف مطروح أصل تسميتها إيه؟
waleed says:
طبعا
يحكي ان روميل
وقت الحرب العالمية
واثناء تخطيطه لقتال مونتجمرى
كان يستعين بالجواسيس
وكان منهم جاسوس رزل
وتبت

وحركته بطيئة
فكان روميل يزيحه غاضبا
قائلا
يا جدع اتحرك

"ماتروح" تشوف شغلك
ومنها جاء اللفظ "مطروح"
والذي صادف وقتها محل خدمة الجاسوس

Prof says:
لا انا توصلت لكصة أخرى
waleed says:
ايه

Prof says:
في قديم الزمن واحد كان مسافر ليبيا
waleed says:

Prof says:
فأخد الناقة بتاعته واتجه في اتجاه ليبيا بمحاذاة الساحل الشمالي..
وبعدين مشي كتير أوي لحد ما تعب
فوجد إعرابي كان يقضي حاجته بجوار شجرة

فسأله.. أنا رايح ليبيا يا أخي.. أروح منين..
فرد عليه الإعرابي غاضبا:

"ما تروح" يا أخي تسأل حد تاني..
مش شايفني مشغول
Prof says:
وبمرور الوقت تحرفت "ماتروح" إلى "مطروح"

Prof · 2nd January 2011, 03:50 PM

أيوة هي دي السوسونوجا صح

!! Lidooooo !! · 2nd January 2011, 03:59 PM

Prof says:
طب واسماعيلية

waleed says:

احم احم .. ورد في الأثر

Prof says:
زمان كان فيه ناس بتعزف سمسمية..
أيون
waleed says:
ان صيادين الكنال
Prof says:

طب خش بروايتك انت

waleed says:
كانوا يجتمعون لسماع السمسمية
فكان كبيرهم يتوسط الحلقة
قائلا
بس ياض منك له
Prof says:
دي شكلها نفس النظرية بتاعتي
waleed says:
اسمع دية
Prof says:
مما يدلل أكثر على صحة النظرية السوسونجا
waleed says:
او اسمع ليا
ومنها صارت اسماعيليه
Prof says:
أيوننننن
هي هي
waleed says:

Prof says:
بس انا صياغتي مختلفة حاجة بسيطة
waleed says:

طب قول

Prof says:
زمان كان فيه ناس بتعزف سمسمية.. وكانوا قاعدين في المنطقة التي بنيت فيها الاسماعيلية فيما بعد.. فجه جماعة من الأعراب عاملين دوشة وصوت جمال وبتاع.. فبتوع السمسمية انزعجوا من الدوشة وقالولهم: يا أخي انت وهو إحنا بنعزف.. "إسمع ليا"..
فنظر الأعرابيين في دهشة وقالوا "إسمعلية".. ومع الوقت تحرف اسمها وأصبح "إسماعيلية"
waleed says:
اللــــــــــــــــــــه

Prof · 2nd January 2011, 04:11 PM

طب كفر الشيخ

waleed says:
ودي كمان
ذكر الجبرتي
ان مجذوبا

Prof says:
ايون

waleed says:
كان يجوب قري الدلتا
وكان البسطاء من فلاحي المحروسة
يطعمونه
خشية دعائه
(كصة يوسف ادريس)
فكان يهددهم ان تأخروا عليه

Prof says:
ايون

waleed says:
بأن يكشف وجهـه و يدعو عليهم بالويل والثبور
وعظائم الامور
لا مش عارف اكمل

انتو لخبطتونى
المهم انه اتنيل في الاخر
واتأخروا عليه مرة
فقعد يسب الدين و كداهوت
فالناس خرجت وقالت:
لقد كفر الشيخ

Prof says:

تصدق مونكن

waleed says:

Prof says:
يعني.. قد يكون هذا هو التفسير السوسونوجي الصحيح

waleed says:

Prof says:
بالرغم من إن أبحاثي المتعمكةأوصلتني لنظرية أخرى

waleed says:
قول يا بروفيسور الغبرة

Prof says:
كان فيه شيخ سافر واشتغل في الإمارات.. ربنا فتح عليه واتغنى فرجع اشترى كفر قصاد الكفر القديم اللي كان ساكن فيه.. فبأة اسمه "كفر الشيخ".

waleed says:
اشجينا

Prof says:
هاا
تمشي؟

waleed says:
اموت انا في الكلمة ونص

Prof says:

sincere · 2nd January 2011, 04:13 PM

اقتباس

المشاركة الأصلية كتبت بواسطة Prof


	أيوة هي دي السوسونوجا صح

سوسونوجا بصحيح يعني

Prof · 2nd January 2011, 04:13 PM

لييييييييد
أقترح أن نبحث بسرعة عن ساتر يحمينا من الرشق بالطماطم

!! Lidooooo !! · 2nd January 2011, 04:19 PM

معلش

مسيركو تعفوا قيمتنا برضك

مدى · 2nd January 2011, 04:28 PM

الواحد يحذر بعد كده..
اي التسييح العالمي ده..!!

بس توحفة جداً جداً ..

وبالطبع دي إجابة اي مصري صميم بيستخسر يقول (معرفش) ردا ع سؤال : هل تعلم لماذا ..
فتراه يستطرد ويستفحل وينتشر ويتوغل ويتوغل ويتوغل...

ودمتم..
:-)

Farida · 2nd January 2011, 04:37 PM

هايل طب ما تعرفوش المنوفيه دى جت منين

!! Lidooooo !! · 2nd January 2011, 04:50 PM

اقتباس

المشاركة الأصلية كتبت بواسطة Farida


	هايل طب ما تعرفوش المنوفيه دى جت منين

احتار العلماء صراحة في رد لفظة المنوفية لاصل بعينه

ولكن

ورد في الأثر ان ملهاة يونانية كانت تعرض على المسرح المدرج

وكان اسمها "هاالو شالابي" ناقشت فكرة الـ "منو .. فيه " في وصف أستك جورب البطل

تدليلا على ان ابناء هذه البقعة في وسط الدلتا سيتحلون بنفس الصفة الوراثية

التي يقابلها في المثل الدائر "من دقنه و افتل له " وهكذا

ولما تعاقب على المحروسة نفر من الحكام من نوعية "منه فيه" فقد سميت البلدة بالمثل

ويروى ايضا ان نقرا من الشعب خرجوا في حشود مليونية يصرخون في رفض الـ "منه فيه"

بهتافات تذكر الحاكم ان "منه له"

وشكرا

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

Latest Threads By This Member
Thread	Forum	Last Poster	Replies	Views	Last Post
ذكريــــــات ثوار المطاريد	ثورة مصر ... 25 يناير 2011	سنا الشرق	37	2615	24th January 2012 07:47 PM
فلان الفلاني .. رائعة!!	ثورة مصر ... 25 يناير 2011	أحمد فاروق	8	2202	21st January 2012 08:38 PM
عسكر و ثورة.. دعوة لمعرض كاريكاتير بروف!	ثورة مصر ... 25 يناير 2011	AzzA	50	3584	6th January 2012 11:17 PM
صناعـــــة الكــــــــذب	ثورة مصر ... 25 يناير 2011	تصحيح	5	1223	6th January 2012 12:50 AM
سيد حجاب .. الرائع!	شرفاء هذا الوطن	مــــلامــــح	18	2731	5th January 2012 09:14 PM

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
سمك فى الفرن مع الرمان	بندق	شؤون المطبخ	5	22nd October 2011 06:51 AM
سمك فى الفرن وصفة مختلفة	بندق	شؤون المطبخ	2	2nd November 2010 09:28 AM
مقالات أثرت فيا,,,,طاااااازه لسه طالعه من الفرن	معماري	موضوعات عامة ... موضوعات خفيفة ... منوعات	1	8th September 2010 10:12 AM
شريحة سمك فى الفرن بصوص البصل والليمون والخل	بندق	شؤون المطبخ	13	8th March 2009 01:31 PM
الحاجة أم الاختراع .. الفرن الشمسي	أسامة الكباريتي	فلسطين أرض الرباط	1	11th February 2009 08:02 AM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

قهوة المطاريـــــــــــــــــد

ويكيليــكســــــات ماسنجريـــــة .. بنار الفرن !!