عمرو أديب .........حاجه تقرف بجد

[Farida]

الصحف المصرية والعربية

عمرو أديب - فقد مصداقيته بالنسبه لى - اول ما الماتش خلص اعزى الهزيمه الى ان الشرطه فى جنوب افريقيا و ال BBC بيقولوا ان بعض اللاعبين سهروا للصباح مع بنات الهوى و ان النتيجه طبعا انهم نزلوا الملعب مكسحين زى شحاته ابو كف فى فيلم غريب فة بيتى ......هو لم ينقل ما قيل لكن قال انه فعلا لاحظ كده ............بجد يعنى امبارح نقول المنتخب هزم بطل العالم و النهارده بعد غياب نجوم كتير و اصابات و شد و طبعا لياقه بدنيه نيله ..و بعد ده كله يقولوا علشان بنات الهوى و يقول انا ماليش دعوه ده الbbc بتقول لكن بجد الbbc نقلت الكلام ده عن الشرطه فى جنوب افريقيا .........طيب ما ايطاليا بطل العالم اتهزمت 3 - صفر ماحدش قال حاجه ..........
عمرو بيقول مصر و اسم مصر ازاى يهان بالشكل ده و مش واخد باله اننا بناكل الحشرات و الأكل المسوس فضلات العالم ده احنا يا عم اتهزمنا فى 67 و لحد دلوقتى لم نحاكم اللى اتسبب فى هزيمتنا .....................بجد حاجه تقرف

 

[kokomen]

بعد هزيمة المنتخب المصري من الولايات المتحدة 3 \ صفر وخروجنا من بطولة القارات


علق عمرو أديب على المنتخب بإتهام بعض اللاعبين المصريين بالتعامل مع فتيات الليل بائعات

الهوى وأرجع الهزيمة إلي هذا السبب ... مما سبب أستياء شديد للبعثة المصرية وسبب لهم إهانة


بالغة ... وأتصل مدحت شلبي وطه إسماعيل ... وكذلك شوبير أتصلوا باللاعبين وبسمير زاهر


الذي كذب هذا الكلام وأثبت أن الصحيفة التي نشرت هذا الكذب لأن اللاعبين تعرضوا لسرقة في


الفندق وعندما قاموا بعمل محضر في الشرطة لإثبات السرقة مما أثار حفيظة مسؤولي جنوب


أفريقيا ليدافعوا عن سمعة بلادهم ... إختلقوا هذا الكذب للشوشرة على اللاعبين المصريين ...


والآن أحمد حسن يتحدث تليفونيا مع أحمد شوبير ويدافع عن اللاعبين ويهاجم عمرو أديب


الذي نشر الخبر بطريقة مسيئه للفريق المصري ... سقطة إعلامية .. كبقية سقطاته المستمرة ..

 

 

[Farida]

موضوعى قبل موضوعك بدقائق ............
عمرو أديب - حاجه تقرف بجد




تم دمج موضوع عمرو أديب .. سقطة إعلامية سخيفة ... للفاضل كوكومين

إلى موضوع .. عمرو أديب - حاجة تقرف بجد ... للفاضلة فريدة

حسب زمن كتابة الموضوع ... شكرا لتفهمكم

 

 

[galaxy]

الان يا دكتورة فريده اتصلت سيده مصريه مقيمه في جنوب افريقيا وقالت ان كان فيه تيشيرتات هديه مطبوعه خصيصا للاعيبه مص ومهداه من زميله ليه هناك وبعتتها للمنتخب ...........التيشرتات دي ما وصلتش صلا للاعيبه ومدخلتش اصلا للفندق ولم تصل علي الاطلاق ...........يعني التيشرتات ما دخلتش لكن البنات دخلت !!!..............قمه المهزله ولله ..........يعني بدل ما نعالج لاخطاء لا بندبح ونتهم ..............علي راي مدحت لو كان ماتش امريكا هو الاولاني واتغلبنا من البرازيل وامريكا من البرازيل وجينا انتصرنا علي الازوري كنا فرحنا ومزعلناش ولا قلنا كدا وكنا قلنا طلعنا بشرف.............ايه الفرق.....احنا اصلا طموحنا التمثيل المشرف ربنا كرمنا بماتشين حلوين صحيح المفروض طموحنا ما سيقفش لحد هنا وكنا نكمل واللي بقوله مش دفع عن لمستوي لسيئ بس بجد احنا لا نجيد حتي فن النقد........

وبعدين ايه مصدر مسئول رفض ذكر اسمه ما يذكر يعني ولاا يه؟؟........صحيح كان نفسنا نفرح وصحيح عندنا اخطاء مميته وصحيح وصحيح ..................... بس لما حتي نحب نهاجم ما يكونش كدا بصراحه لاننا كدا بنحط للعيبه مهما كان غلطهم بصراحه مايرضيش حد ابدا يتهاجموابالصورة المهينه دي .........ربنا يهدي الجميع

 

 

[kokomen]

أنا لسه حالا معلق على هذا الكلام السخيف من مذيع سخيف زي عمرو أديب


يتهم اللاعبين بإتهامات باطلة .. ويعلق بطريقة سخيفة ... يمثل سطوة الإعلام وجبروته


ويستطيع أن يكيل الإتهامات بمنتهى البساطة دون حفظ لمشاعر وحقوق الناس .. سخيف فعلا

 

 

[toota]

مظنش اي من المسؤلين عن اللاعبين حيسمح بدخول بنات الهوى وضياع مجهود الناس دي قبل يوم من اهم ايام المنتخب المصري.. ايا كانت المغريات...ده كلام فارغ...ان كان المتكلم مجنون....السامع عاقل

 

 

[Farida]

الرد المناسب يبقى بالقتال فى الملعب لكن اللى شايفاه انهم بيقولوا لو ماحدش اخد لنا حقنا من عمرو أديب مش حاننزل الملعب ........المهم ان عمرو أديب بيكذب و يقول انا بانقل عن الصحف فى حين انه قال انه دى مش اول مرة و انه كان باين على اداء اللاعبين و ان مش معقول اننا نتهزم من امريكا بالشكل ده و غيره و غيره ........حاجه تقرف .........

 

 

[kokomen]

اقتباس المشاركة الأصلية كتبت بواسطة Farida موضوعى قبل موضوعك بدقائق ............ عمرو أديب - حاجه تقرف بجد

قرأت موضوعك يا دكتورة وعلقت عليه ... القلوب عند بعضها


الواحد شعر بإهانة شديدة من كلام وتعليق عمرو أديب السخيف على الموضوع


شكرا لك ... وأطلب ضم موضوعي إلى موضوعك

 

 

[Farida]

أحمد ادم بيقول حتى لو جبتوا لى مين يشهد مش حأصدق برضه و الله الناس بجد مش ممكن تجتمع على باطل ..........بجد مش معقول نتحول 180 درجه كده ..............

 

 

[Farida]

بجد أحمد شوبير بيرتب لحملة استقبال للمنتخب - هو مش قوى كده برضه - علشان يثبتوا لهم اننا مش مصدقين الكلام الفارغ ده ..........و فى نفس الوقت هانى شاكر كان اتصل بعمرو اديب اللى كان عامل زى العالمه فى الأفراح اللى ماسكه صاجات و هاتك يا قلة أدب ....................اتصل بشوبير و قال انه قال لو ثبت الكلام ده و انه طبعا مش مصدق و غيره من الكلام ده