Arabic Discussion Forum with a Special Interest in Travel and Immigration

ELSHAMY · 4th October 2008, 04:21 PM

اخوانى الأعزاء

فكرت انى أنزل الحلقات الجديدة من "الشامى رجع من كندا يارجالة" فى منتدى المطاريد بالتزامن مع نزولها فى "المحاورات"...و قلت أخد رأيكم أذا موافقين..... ثانيا مش عارف ايه المكان المناسب اللى أضع فيه التوبيك...؟

تحياتى

Batman · 4th October 2008, 04:36 PM

اقتباس

المشاركة الأصلية كتبت بواسطة elshamy


	اخوانى الأعزاء فكرت انى أنزل الحلقات الجديدة من "الشامى رجع من كندا يارجالة" فى منتدى المطاريد بالتزامن مع نزولها فى "المحاورات"...و قلت أخد رأيكم أذا موافقين..... ثانيا مش عارف ايه المكان المناسب اللى أضع فيه التوبيك...؟ تحياتى

موافقين أكيد يا دكتور شامي ، والمكان المناسب هو طبعاً توبيك باسم د.الشامي طبعاً
1- د. الشامي
2- باتمان
في الانتظار

toronto · 4th October 2008, 04:41 PM

تورونتو وكنت اود ان اكون اول المصوتين .بون شانس ايه بيان فنيه.

gadolly · 4th October 2008, 06:37 PM

1- د. الشامي
2- باتمان
3-تورونتو
4-جادوللي

nona alawaal · 4th October 2008, 06:58 PM

اقتباس

المشاركة الأصلية كتبت بواسطة ELSHAMY


	اخوانى الأعزاء فكرت انى أنزل الحلقات الجديدة من "الشامى رجع من كندا يارجالة" فى منتدى المطاريد بالتزامن مع نزولها فى "المحاورات"...و قلت أخد رأيكم أذا موافقين..... ثانيا مش عارف ايه المكان المناسب اللى أضع فيه التوبيك...؟ تحياتى

ده حضرتك هتنور المغارة كلها .. المكان اللى حضرتك تحبه ... اكيد من الافضل فتح توبيك خاص لحضرتك

Dr Ayman Kamel · 4th October 2008, 08:40 PM

اقتباس

المشاركة الأصلية كتبت بواسطة ELSHAMY


	اخوانى الأعزاء فكرت انى أنزل الحلقات الجديدة من "الشامى رجع من كندا يارجالة" فى منتدى المطاريد بالتزامن مع نزولها فى "المحاورات"...و قلت أخد رأيكم أذا موافقين..... ثانيا مش عارف ايه المكان المناسب اللى أضع فيه التوبيك...؟ تحياتى

انا من المؤيدين لفتحك توبيك هنا
لكن نحب التميز لانقبل عمليات القص واللصق نحن هنا ب د شامى فى ثوبه الجديد
انا ارجح حلقات خاصة حصريا مش بيقولوها كده فى الدش ولا ايه

- د. الشامي
2- باتمان
3-تورونتو
4-جادوللي
5-مدام نونا
6 ايمن

great expectations · 4th October 2008, 09:58 PM

قناوي 7
وشكرا
طبعا عاوزين حلقات منقحة طبعة ثانية يا بروفيسور شامي وكل عام وانتم جميعا بخير

samehelassad · 4th October 2008, 10:04 PM

- د. الشامي
2- باتمان
3-تورونتو
4-جادوللي
5-مدام نونا
6 ايمن
7: قناوي
8: سامح
9: سامح
10: سامح
معلش ماهو انا بلعب في الوقت الضايع.

yassir · 4th October 2008, 11:36 PM

اقتباس

المشاركة الأصلية كتبت بواسطة samehelassad


	- د. الشامي 2- باتمان 3-تورونتو 4-جادوللي 5-مدام نونا 6 ايمن 7: قناوي 8: سامح 9: سامح 10: سامح 11: ياسر

تحياتى لدكتورنا العزيز....

ELSHAMY · 5th October 2008, 07:06 AM

أخوانى....أخواتى مطاريد الجبل...

رغبة من الشامى فى افادة اخوانه المطاريد اللى خايفين ينزلو من الجبل و يهاجروا ... و هؤلاء اللى بيستعدوا و عايزين معلومات فى السريع...و هؤلاء اللى لسه لم يتخذو القرار..فسيبدأ الشامى فى سرد وقائع احتلال كندا بواسطة جيشه الباسل...

وهذه الحلقات حتكون بالتزامن مع نزولها فى المحاورات لأن الشامى مش عايز يكون ناكر للجميل...ومافيش شك ان المحاورات لها عل كل واحد فضل يشكل معين...

و لذلك فان الشامى ليس لديه ثوب جديد يظهر به فى وسط المطاريد لسبب بسيط و هو ان الشامى باع كل هدومه عشان يغطى مصاريف احتلال كندا...

يعود الشامى للسرد التاريخى للغزوة الكبرى الثانية لامارة الفرنجة المعروفة حديثا باسم "كندا"

اذا عدنا بالذاكرة قليلا نتذكر أن الجيوش الشامية كانت قد عادت من غزوتها الأولى منذ شهور قليلة .... عادت و قد تركت خلفها حامية عسكرية فى كل مدينة تم فتحها و ذلك لزوم لم فلوس الضرايب و المكوس و كل الحبشتاكانات الأخرى.....

و بعد العودة ....أقامت المملكة الشامية مهرجانات مهولة احتفالا بالجيش الفاتح العظيم فى كل مدن المملكة..... و كان كبار رجال الدولة فى انتظار الجيش المظفر فى المطار بباقات الورود...و تم توزيع المكافأت على جنود البعثة العائدة.... و خرج الجميع من المطار و قد تجمعت الحشود لتحية الابطال...و قد أعدت المملكة للبعثة مجموعة من الجمال المزينة باعلانات كوكاكولا حتى يتسنى للجماهير رؤية الابطال اللى سمعوا عنهم فى محاورات المصريين فى التوبيك بتاع "الشامى رجع من كندا يا رجالة"....

ولكن لسوء الحظ أحد الجمال تعطل فتم الاستعانة باتوبيس تكريم الفريق القومى اللى كان لسه راكن فى المطار و ماحدش ركبه من ساعتها....

و أستغل القائد الشامى هذه الفرصة العظيمة و عقد لقاءا صحفيا شرح فيه الصعوبات التى لاقاها الجيش فى رحلته و التى تم تذليلها بفضل توجيهات ملك المملكة الشامية المفدى...وهنا تعالت صيحات الجماهير " بالروح بالدم نفديك يا....".

وهنا شعر الشامى بأن الوقت قد حان لأن يعلن أنه يهدى هذا النصر العظيم الى قائد البلاد المفدى الملهم الموهوب و حرمه المصون... و قام بتسليم مفتاح كندا الى كبير الياوران عشان يوصله للمعلم....

فى هذه الاثناء...حضر مندوب مملكة الامارات المجاورة و همس فى أذن القائد الشامى ان حاكم المملكة يدعو الجيش و جنوده لحضور احتفالات تكريم و هدايا دهب و ياقوت و مرجان ....فلم يكن أمام قائد الجيش الشامى الا ان يرضخ للاغراءات و يدخل المطار مرة أخرى و يركب طيارة مملكة الامارات....و قد ترك الجماهير المحتشدة تجرى ورا الاوتوبيس الفاضى.....

وهناك كانت حكاية أخرى

الى اللقاء...قريبا

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

Latest Threads By This Member
Thread	Forum	Last Poster	Replies	Views	Last Post
مبروك الزمالة البريطانية د. Precanadian	ترحيبات ... مناسبات ... علاقات عامة	znaty	14	3479	26th October 2010 10:33 PM
مين يحفظ القرأن معانا ؟	شؤون إسلامية	Aseel ali	172	11862	13th October 2010 11:35 AM
متشابهات القرأن	شؤون إسلامية	ELSHAMY	10	2314	13th October 2010 03:15 AM
اتخذت القرار....وداعا يا...	مواضيع شخصية	احمد عرفة	67	6081	1st February 2009 05:48 PM
حد عاوز حاجة من كندا...؟	مواضيع شخصية	ELSHAMY	31	3145	13th December 2008 06:31 AM

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الموقف يحتم تدخل الدولة والمخابرات العامة	د. يحي الشاعر	العدوان الثلاثى وحرب 1956	3	10th January 2023 02:13 PM
الخليج vs كندا .. لماذا يترك الكثيرون العمل بالخليج و يغامرون بالهجرة الى كندا	هشام المصرى	الهجرة إلى كندا	187	9th December 2022 06:10 AM
عرب كندا....عن حياة العرب فى كندا.!!	Badroora	الهجرة إلى كندا	62	26th June 2015 06:47 AM
السلف الصالح	ana_3enady	شؤون إسلامية	1	4th January 2011 07:12 AM
حملة شعبية في كندا للمطالبة بتوقيف بوش في جرائم حرب ... عمار يا كندا ...	MFaisal	شؤون عربية ودولية	0	6th October 2009 06:35 PM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

الهجرة إلى كندا

الشامى يحتل كندا....يا مطاريد