Arabic Discussion Forum with a Special Interest in Travel and Immigration

ana_3enady · 15th November 2009, 07:22 AM

دعوه لموضوعي

السلام عليكم يا قاطني كوكب الأرض

كلامي ان شاء الله هايكون بالعامية وبالبلدي .. ونعتبره حكاوي قهاوي .. (الله يمسيكي بالخير يابنت الاتربي)

من وجهة نظر العبد لله هاتكلم على الصفات المفروض انها تكون في الراجل .. لو حد عنده زيادة يقول على طول

نبدأ .. ع البركة ومش عاوز حد يضرب

اذا كنت عاوز تبقى راجل يبقى :-

- ما تخونش.

- ما تظلمش.

- ما تفتريش.

- ما تهملش.

- ما تهمش.

- ما تستغلش.

- ما تنكرش.

- عن مسؤوليتك ما تملصش.

- لو غلطت ما تكابرش.

- لو غلطت اتحمل مسئولية غلطتك.

- اعتمد على نفسك وتوكل على الله وما
تتواكلش على غيرك.

- تواضع وما تتكبرش.

- احترم نفسك مع الناس أدام نفسك الأول قبل ما تكون أدام الناس.

- سامح وما تفجرش.

- خلى عندك كبرياء وعزة نفس وما تتذلش.

- صون كرامتك أدام نفسك قبل الغير.

- ما تجادلش غير في الحق .. ولو اللي أدامك
غبي .. سيبه.

- شيل مسئولية نفسك الأول علشان تقدر تشيل مسئولية أسرة بعدين .. أهلك مش دايمينلك.

- اتجرأ بس ما تتبجحش علشان ما تبقاش جحش.

- حافظ على غيرك.

- ماتسكتش عن الحق.

كان معكم
د/ عندي أبو شنب
باحث وخبير في أمراض رجولة العصر

Farida · 15th November 2009, 07:35 AM

كل الصفات دى تنفع كمان تبقى فى الست ......ايه المشكله يعنى ليه الراجل ما يخونش و الست اللى تخون يعنى و ليه الرجل يخلى عنده كبرياء و الست تخلى عندها احساس بالدونيه و الذل .....اشمعنى الراجل يعنى ما يسكتش عن الحق و الست اللى تبقى شيطان اخرس ....
انا شايفه العنوان يبقى اوقع لو كان كيف تكون انسان او بنى ادم محترم و ايجابى ,,,,,,,,,,,,,,و شكرا

مدى · 15th November 2009, 07:42 AM

بلاش كل واحدة تمر قدامك تعلق عينك عليها...لمجرد أنها أنثى وبس..
بجد حركة بتخلي الواحد ينزل من النظر أوووي..

Farida · 15th November 2009, 07:45 AM

اقتباس

المشاركة الأصلية كتبت بواسطة مدى


	بلاش كل واحدة تمر قدامك تعلق عينك عليها...لمجرد أنها أنثى وبس.. بجد حركة بتخلي الواحد ينزل من النظر أوووي..

ايوه اهو كده بقى نصيحه رجالى ميه ميه

ana_3enady · 15th November 2009, 07:56 AM

دعوه لموضوعي

RobertInole

اقتباس

المشاركة الأصلية كتبت بواسطة Farida


	كل الصفات دى تنفع كمان تبقى فى الست ......ايه المشكله يعنى ليه الراجل ما يخونش و الست اللى تخون يعنى و ليه الرجل يخلى عنده كبرياء و الست تخلى عندها احساس بالدونيه و الذل .....اشمعنى الراجل يعنى ما يسكتش عن الحق و الست اللى تبقى شيطان اخرس .... انا شايفه العنوان يبقى اوقع لو كان كيف تكون انسان او بنى ادم محترم و ايجابى ,,,,,,,,,,,,,,و شكرا

والله يا دكتورة .. أنا وجهت الكلام للرجالة وماقصدتش لا من قريب ولا من بعيد عكس كدة للستات .. لكن فيه أشباه رجالة .. الكلام ده موجه ليهم

ana_3enady · 15th November 2009, 07:57 AM

دعوه لموضوعي

RobertInole

اقتباس

المشاركة الأصلية كتبت بواسطة مدى


	بلاش كل واحدة تمر قدامك تعلق عينك عليها...لمجرد أنها أنثى وبس.. بجد حركة بتخلي الواحد ينزل من النظر أوووي..

أيون كدة .. استمروا يا معشر النساء في توجيه النصائح لمعشر الرجال

الله يحرقك يا وديع .. قومت الجنس اللطيف علينا

nohope · 15th November 2009, 09:23 AM

لو على صفات الراجل اللى انت بتقول عليها دى يبقى بدور على واحد مش موجود اصلا

مدى · 15th November 2009, 09:50 AM

اقتباس

المشاركة الأصلية كتبت بواسطة ana_3enady


	أيون كدة .. استمروا يا معشر النساء في توجيه النصائح لمعشر الرجال الله يحرقك يا وديع .. قومت الجنس اللطيف علينا

مين وديع ده ياكابتن طلعت..!

ana_3enady · 15th November 2009, 10:02 AM

دعوه لموضوعي

RobertInole

اقتباس

المشاركة الأصلية كتبت بواسطة nohope


	لو على صفات الراجل اللى انت بتقول عليها دى يبقى بدور على واحد مش موجود اصلا

احم احم

موجودين بس انتم مشواخدين بالكم

ana_3enady · 15th November 2009, 10:05 AM

دعوه لموضوعي

RobertInole

اقتباس

المشاركة الأصلية كتبت بواسطة مدى


	مين وديع ده ياكابتن طلعت..!

الله يهده قوم علينا الرقابة

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

Latest Threads By This Member
Thread	Forum	Last Poster	Replies	Views	Last Post
يا ادارة	إقتراحات ... مشاكل تقنية	Admin	1	1023	21st June 2012 06:17 PM
i will respect egypt's future president	موضوعات عامة ... موضوعات خفيفة ... منوعات	ana_3enady	6	4353	17th June 2012 08:48 AM
عذرا أيتها الدنيا	أدب وشعر وقراءات متنوعة	HanyMan	7	2273	11th June 2012 09:29 AM
ما تفوتنيش انا وحدي	موسيقى وأغانى	كلزار	5	1042	30th April 2012 08:09 PM
صارت سنة 2012	أدب وشعر وقراءات متنوعة	ana_3enady	4	1564	29th April 2012 10:41 AM

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
هل تفضل ان تكون مجنونا مع الناس !او تكون عاقلا وحدك ؟	محمد أبوزيد	مناقشات وحوارات جادة	6	26th February 2012 10:07 PM
كيف تكون قائدا ناجحا؟	Matrix	منقوووووووووووولات	6	10th October 2011 08:35 AM
كيف تكون شابا ايجابيا من وجهة نظر النظام المصرى ؟؟	MFaisal	شؤون مصر الداخلية	10	4th April 2010 09:52 PM
لنشاهد كيف تكون اخلاق المنافس	انسان بقلب ملاك	الشباب والرياضة	6	24th May 2009 08:45 PM
رساله من ريما	امانى	أدب وشعر وقراءات متنوعة	1	14th January 2009 06:49 PM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

موضوعات عامة ... موضوعات خفيفة ... منوعات

كيف تكون رجلا !!