المنزل الصينى ...!! هل سيحل مشكلة اسكان الشباب ؟

[D@rk_Kn!ght]

الصحف المصرية والعربية

هذا نموذج لمنزل صينى قد يكون يوما حلا لمشكلة اسكان الشباب

مش عارف هل احنا ترسخ فى ازهانا انه لازم البيت يكون مسلح ومدرع ولا ايه

انا شخصيا شايف انه عملى واعتقد انه مش مكلف ( دى يفيدنا فيها الخبراء بقى )
وممكن تغير التصميم والديكورات بسهولة كل ما تزهق









ده موقع الشركة

 

[Matrix]

دعوه لموضوعي

أطلق العنان لمشاعرك ، كن إنسان.

بصراحة السرعة مذهلة.

عموما ً المنشأت سابقة التجهيز أو ما يطلق عليها precast

مستخدمة في الغرب واليابان منذ عقود طويلة

وهي غير شائعة في مصر أو غالبية دول العالم الثالث - مستخدمة ولكن على نطلق ضيق - لأسباب ليس هذا مجال شرحها.

ويمكن الشركة دي بتحاول أنها تسوقها على نطاق شعبي للإستفادة من ثغرة موجودة في السوق

ولكن أنا اللي لفت نظري في الفيديو هو أن ال panels أو الوحدات المستخدمة لتركيب البيت خفيفة جدا لدرجة أنها مش محتاجة ونش ,,,وكمان أحيانا بأشوف عامل واحد بيرفعها بأيد واحدة
وده ممكن يكون مؤشر على إحتمالية عدم نجاحها في مصر او دول الشرق الأوسط.

أنا معرفش ليه جاللي إحساس وانا بأشوف الفيديو أن الواحد لو خبط الحيطه برجلة البيت كله هيقع,,,,أو لو واحد بيجري في الدور اللي فوق ممكن البيت كله يتهز ,,,او لو حريقة ممكن تخلص على البيت كله في لمح البصر......ده طبعا كله إنطباع سريع بدون دراسة متأنية لكفاءة العزل وصلابة المادة المستخدمة.

 

 

[Dr.Samo]

اقتباس المشاركة الأصلية كتبت بواسطة Matrix بصراحة السرعة مذهلة. عموما ً المنشأت سابقة التجهيز أو ما يطلق عليها precast مستخدمة في الغرب واليابان منذ عقود طويلة وهي غير شائعة في مصر أو غالبية دول العالم الثالث - مستخدمة ولكن على نطلق ضيق - لأسباب ليس هذا مجال شرحها. ويمكن الشركة دي بتحاول أنها تسوقها على نطاق شعبي للإستفادة من ثغرة موجودة في السوق ولكن أنا اللي لفت نظري في الفيديو هو أن ال panels أو الوحدات المستخدمة لتركيب البيت خفيفة جدا لدرجة أنها مش محتاجة ونش ,,,وكمان أحيانا بأشوف عامل واحد بيرفعها بأيد واحدة وده ممكن يكون مؤشر على إحتمالية عدم نجاحها في مصر او دول الشرق الأوسط. أنا معرفش ليه جاللي إحساس وانا بأشوف الفيديو أن الواحد لو خبط الحيطه برجلة البيت كله هيقع,,,,أو لو واحد بيجري في الدور اللي فوق ممكن البيت كله يتهز ,,,او لو حريقة ممكن تخلص على البيت كله في لمح البصر......ده طبعا كله إنطباع سريع بدون دراسة متأنية لكفاءة العزل وصلابة المادة المستخدمة.

موضوع جميل للفارس المظلم
العزيز ماتريكس يبدو من تعليقك إنك مهندس معمارى
بالنسبة للبريكاست ومن بعده البريفاب فكان له مصانع فى مصر يمكن وصلت لعش مصانع
وفيه عمارات كثير فى المدن الجديدة (الحى الصينى فى 6 اكتوبر ) ، بعد عمارات العاشر من رمضان تم تنفيذها بنظام البريفاب فى أوائل التسعينات
المشكلة ليست فى النظام فالنظام من أفضل وأسرع النظمة توفيرا للحلول ومستخدم فى العديد من الدول المجاورة (السعودية - الأمارات - قطر - وطبعا الأراضى المحتلة )
لكن المشكلة كانت فى تطبيقة ، بحث صغير سوف يظهر مشكلات تركيب الأعمدة مع الكمرات والأسقف (الكونكشنز) وعدم إستخدام مواد لصق جيدة او عزل مناسبة وعدم تجهيز الجوايط بالطرق الصحيحة .
المشكلة الثانية كانت فى إحساس الدولة إن هذا النظام غير مناسب للعديد من المقاولين (حتى الأن نظام الشدة الخشبية والقوائم الخشبية موجود فى مصر دونا عن دول العالم ) وتنفيذ هذا النظام سيحصر مقاولى الباطن فى 3-4 على مستنوى مصر ، وهو ما ادى إلى إغلاق مصانع البريفاب (بإستثناء مصنع سامكريت ويعمل فى البريكاست) .
المشكلة الثالثة هى ماذكرتها بالأحمر وهى مشكلة نفسية ، العميل المصرى الذى يقوم بعملية البناء أهم حاجة عندة كمية الأسمنت والحديد اللى جوة الخرسانة وإزاى نزوده ....... طبعا لما تقلة العمارة مافيهاش حديد أساسا ، او تم تصنيعها من مواد تانية تكافئ الحديد ولكنها هتخلى المبنى ستابل وتكلفته أقل ...فالأكيد أنه سيبحث عن مهندس أخر غيرك

 

 

[Dr.Samo]

طب الكل سمع عن تكنولوجيا النانو
فيه حلم لأحد المعماريين (إن شاء الله أجيب الفيديو بتاعة)
بيحلم إن البيت يبقى عامل زى الزرع ....بيكبر لما تسقية بالمية

 

 

[Matrix]

دعوه لموضوعي

أطلق العنان لمشاعرك ، كن إنسان.

اقتباس المشاركة الأصلية كتبت بواسطة Dr.Samo موضوع جميل للفارس المظلم العزيز ماتريكس يبدو من تعليقك إنك مهندس معمارى تلميذك يا دوكتور بالنسبة للبريكاست ومن بعده البريفاب فكان له مصانع فى مصر يمكن وصلت لعش مصانع وفيه عمارات كثير فى المدن الجديدة (الحى الصينى فى 6 اكتوبر ) ، بعد عمارات العاشر من رمضان تم تنفيذها بنظام البريفاب فى أوائل التسعينات المشكلة ليست فى النظام فالنظام من أفضل وأسرع النظمة توفيرا للحلول ومستخدم فى العديد من الدول المجاورة (السعودية - الأمارات - قطر - وطبعا الأراضى المحتلة ) حتى في الدول دي -هو مستخدم على نطاق أوسع من مصر- ,,,لكن مازالت الطريقة التقليدية هي الأكثر شيوعا,,,لأنه مازالت تكلفته اعلى من الطريقة التقليدية ,,,رغم أنه من احد أسباب إختراع هذه الطريقة هو خفض التكاليف بجانب السرعة. ويمكن سبب زيادة التكاليف أنهم بيستخدموا الطريقة اللي هي تعتبر closed يعني كل واحد يخلص التصميم بتاع المنشأ بتاعه ويبعته المصنع ,,,والمصنع يبدأ يصنع الpanels المطلوبة لهذا المنشا بالأبعاد المطلوبة له تماما,,,يعني المصنع بيصنع لكل حاله لوحدها. بينما في أوروبا والعالم المتقدم بيستخدموا الطريقة اللي هي تعتبر open يعني المصنع أصلا بيصنع panels كتيرة بمقاسات معينة وأنت كمهندس أثناء التصميم تحط الكتالوج ده قدامك وتختار منه ما تشاء علشان توصل لهدف التصميم بتاعك وطبعا هيساعدك في كده مرونة وجود مقاسات متعدةة في الكتالوج,,,,,,,وهنا التكاليف بتكون أقل بكتير من الطريقة ال close نتيجة وجود ما يسمى بال mass production لكن المشكلة كانت فى تطبيقة ، بحث صغير سوف يظهر مشكلات تركيب الأعمدة مع الكمرات والأسقف (الكونكشنز) وعدم إستخدام مواد لصق جيدة او عزل مناسبة وعدم تجهيز الجوايط بالطرق الصحيحة . المشكلة الثانية كانت فى إحساس الدولة إن هذا النظام غير مناسب للعديد من المقاولين (حتى الأن نظام الشدة الخشبية والقوائم الخشبية موجود فى مصر دونا عن دول العالم ) وتنفيذ هذا النظام سيحصر مقاولى الباطن فى 3-4 على مستنوى مصر ، وهو ما ادى إلى إغلاق مصانع البريفاب (بإستثناء مصنع سامكريت ويعمل فى البريكاست) . المشكلة الثالثة هى ماذكرتها بالأحمر وهى مشكلة نفسية ، العميل المصرى الذى يقوم بعملية البناء أهم حاجة عندة كمية الأسمنت والحديد اللى جوة الخرسانة وإزاى نزوده ....... طبعا لما تقلة العمارة مافيهاش حديد أساسا ، او تم تصنيعها من مواد تانية تكافئ الحديد ولكنها هتخلى المبنى ستابل وتكلفته أقل ...فالأكيد أنه سيبحث عن مهندس أخر غيرك طيب يا دكتور في ظل وجود هذه المشاكل ,,هل توجد إمكانية للتغلب عليها وعمل منشأ أقل تكلفة واكثر سرعة دون التنازل عن المتانة ,,,,ممكن من هنا نطلع بفكرة شركة - ليه لأ- تبدأ على نطاق ضيق بمنشأ ولا أتنين وبعد كده لو الفكرة ناجحة ممكن تكتسح السوق,,,,بس اعتقد أهم حاجة لنجاح فكرة ذي دي أنها تنجح في أستعمال مواد متوفر محليا بكثرة وذلك لضمان خفض التكاليف.

 

 

[Rapt]

اقتباس المشاركة الأصلية كتبت بواسطة Dr.Samo طب الكل سمع عن تكنولوجيا النانو فيه حلم لأحد المعماريين (إن شاء الله أجيب الفيديو بتاعة) بيحلم إن البيت يبقى عامل زى الزرع ....بيكبر لما تسقية بالمية

عسل يا دكتور

المتألق دارك نايت توبيك اورع ما يكون
بس فعلا فى حاجة غريبة شوية مدى متانة البيت ومدى قابليتة للتهجم
تحياتى دارك

 

 

[Remooo]

احنا شغالين فى مصر بنظام ايطالى مشابه
وحدات جاهزة بس من الفوم (فوم ساندوتش بانل) ومتنفذة فى بعض المشروعات فى اكتوبر والعاشر من رمضان
اهم حاجة فى الموضوع ده انه بيوفر الوقت وله مزايا اقتصادية جيدة
ولكن سوء المصنعية فى مصر للاسف بيفسد كل شىء.

 

 

[Remooo]

ودى اللينك
https://www.mdue.it/en/3/products/emm...gle-panel.html

 

 

[ehabtaher]

يعنى لو الواحد حب يعمل شاليه على البحر منه يكلفه كام على مساحه 100 متر دورين

على فكره انا راسلت شركه اينوفيدا المصنعه للبيت الصينى .. لكن لم يأتنى رد حتى الان

 

 

[ehabtaher]

اقتباس المشاركة الأصلية كتبت بواسطة ريم رجب احنا شغالين فى مصر بنظام ايطالى مشابه وحدات جاهزة بس من الفوم (فوم ساندوتش بانل) ومتنفذة فى بعض المشروعات فى اكتوبر والعاشر من رمضان اهم حاجة فى الموضوع ده انه بيوفر الوقت وله مزايا اقتصادية جيدة ولكن سوء المصنعية فى مصر للاسف بيفسد كل شىء.

يعنى ايه سوء المصنعيه

المفروض الشركه تعمل دورات لتعليم الناس هذا النظام مجانا مثلا فى شركه مقاولات التى تتبنى هذا النظام ... ويكون واحد من الشركه يشرف على الانشاءات لضمان التركيب بالمواصفات المطلوبه

والموضوع ده حا يخلى النظام ينتشر وبالتالى الشركه تكسب
تقريبا الشركه تسويقيا غير ناجحه لان ما سمعتش عن الشركه كتير