طائرة حربيه عاجله لبور سعيد

[nash]

الصحف المصرية والعربية

المشير يأمر بإرسال طائرة حربيه محمله بالمواد الغذائيه لبورسعيد .... الخبر قرأته بصورة عاجله علي الجزيرة مباشر مصر...

يعني ايه؟

 

[brain]

يعني الناس في بورسعيد محاصرين بقالهم اسبوع
و في ناس بتنفخ في النار علشان تشعلها كمان و كمان
و بعد ما فشلوا في اشعال الصراع بين الشعب بكل الطرق
مش فاضل غير تأليب المحافظات على بعض
بس مهما عملوا مش هينجحوا

 

 

[dr-amira]

مباشر 6 إبريل


مباشر 6 ابريل l خاص | مراسلون
#m6april #egypt #tahrir #6april #25jan #11feb

"أرسل اليوم المشير طنطاوى بطائرة تحمل معاونة غذائية لشعب بورسعيد المحاصر".. صرح بذلك اللواء عادل الغضبان قائد قوات تأمين بورسعيد , وأضاف أن الطائرة ستصل عصر الجمعة وسيكون فى استقبالها اللواء\ محمد فريد قائد الجيش الثانى الميدانى وأعضاء مجلس شعب المحافظة, وأشار قائلا أن المشير صدق على إرسال تلك الطائرة بعد تعرض بورسعيد لحصار اقتصادى واجتماعى أدى إلى تضرر أهالى المدينة ونقص السلع التموينية الأساسية , أما عن رد فعل أهالى بورسعيد عن إرسال تلك الطائرة فقد علت أصوات النشطاء السياسين على موقع التواصل الاجتماعى الفيس بوك رافضين هذا الأسلوب الذى من شأنه عزل بورسعيد أكثر عن المحافظات المجاورة محملين المجلس العسكرى مسئولية عزل بورسعيد جغرافيا وسياسيا واقتصاديا عن مصر , مطالبين إياه بتحمل المسئولية فى إثبات براءة مدينتهم وإظهار الجانى الحقيقى



و انا كمان مش عاجبنى ...الحل مش فى ارسال طيارة بالاكل ..الحل فى ارسال قوات لتأمين مداخل البلد و مخارجها لتأمين و حماية التجارة بينها و بين باقى المحافظات ...الحل فى سرعة اظهار نتايج التحقيق ..الجيش كده بيؤكد على عزل بورسعيد

 

 

[oskasan]

ايه الفيلم الهندي ده
حصار ايه
هي بور سعيد بقى فيها جدار عازل ولا اسلاك شائكه لمنع الدخول والخروج منها
وعلى افتراض يعني ان التجار امتنعوا عن بيع اي منتجات غذائيه للمحافظه
هي بور سعيد مدينه تسلقيه .. يعني مافيهاش انتاج وعايشه على التجاره فقط؟
وحتى لو كده
في عز أزمات الحروب بين الدول هناك تجار يعملون تحت بير السلم لتوريد ما يتم حظره ومنعه
سوريا وليبيا كانوا تحت الحصار الإقتصادي وكان هناك واردات وصادرات تعمل في الخفاء
التجار لا يأبهون للسياسه
يعني ايه حصار لمدينه داخل محافظه لنفس الدوله
ايه الشو العبيط ده
وكمان طياره عسكريه واحده هي اللى هاتأكل محافظه

 

 

[ابو السام المصرى]

ليه ؟ وايه حكايه حصار بورسعيد دى !