الضرائب للمقيمين خارج كندا

[Ehab Salem]

الصحف المصرية والعربية

اقتباس المشاركة الأصلية كتبت بواسطة shawi قرانا سابقا عن اناس اتعمل لهم تحقيق في المطار يعني اتاخدت افاداتهم وبياناتهم في مكتب خاص ثم تركوا للدخول ولكن ما اثر ذلك على تجديد البي ار او الحصول على الجنسيه لا ندري المفروض ان تقيم ما مجموعه سنتين بالايام ليكون بامكانك تجديد البي ار وهو يلزمك في الدخول من السفر الخارجي او الدولي لان السفر الداخلي بالطائؤه بيطلبوا اثبات شخصيه عليه صوره يغني جوازك او حتى رخصه القياده ينفع لكن الدولي لا الجواز والبي ار ومن تجربه الفاصل ايهاب سالم في باب عمار يا كندا فقد تقدم لامتحان الجنسيه والبي ار منتهي وايضا الجواز منتهي لكن الاكيد ان فيه اثبات شخصيه صالح مثلا رخصه القياده؟ الان الجنسيه تحتاج للتقدم ليها اثبات انك جمعت 3 سنوات من اخر اربع سنوات عند تقديم الطلب وليس 5 سنوات كما كانت سابقا واللي هي صلاحيه البي ار اصلا 5 سنوات.

العزيز بشمهندس شاوي
يجب في كل الأحوال مراعاة شرط السنتين في الخمس سنوات للمحافظة على الإقامة حتى لو الشخص ناوي يرجع ولا يخرج من كندا ولا يجدد البي أر حتى حصوله على الجنسيه لأنه عند عودته للإستقرار في كندا بعد اللاندينج تاريخ خروجه من كندا آخر مره واللي بيكتبه على الكارت على الطائره سيكشف لظابط الهجره إنه لن يستطيع الوفاء بشرط السنتين في الخمسه وفي الحاله دي سيسمح له بالدخول لكن مع تحويله لقاضي هجره وهتكون قضيه وهم الآن لا يتسامحون مع هذه الحالات مطلقا.... زمان كانوا طيبين لكن مع نصب المهاجرين وكدبهم إتغيروا
Posted via Mobile Device

 

 

[samurad]

اعتقد ان التحقيق فى المطار دة للناس الى خلاص متبقى فى البى ار اقل من السنتين وقت دخولهم لكندا ... وزى مايهاب قال هم بيعملوا كدة علشان يتعلم عليه عندهم ... انما لو واحد لسه فى البى ار بتاعته اكتر من سنتين يعنى حيظبط وضعه القانونى يبقى حيدخل عادى .

اما بالنسبة للى بيسالوا على الروابط بكندا .. الموضوع باختصار هل انت جى تعمل لاندج وراجع فى المستقبل القريب وله البعيد ؟؟ يعنى لو جى مثلا بعد 5 او 6 شهور وحتستقر يبقى اتكل على الله واعمل كل اوراقك ..علشان تبقى كل اوراقك اتظبطت وقت الاستقرار .. وتكون فايق لشغلك .. لو ناوى تيجى تلحق فى الاخر .. يبقى خليك فى الامان ومتعملش غير البى ار .. لان حتى البى ار انت مبتعملهوش .. هو بيتعمل اتوماتيك بالمطار

 

 

[mostafasalem]

انتم حيرتونى الصراحه يعنى الواحد لما يعمل اللاندنج هيعيش ازاى من غير ما يفتح حساب فى البنك؟؟ و البنك اكيد هيطلب منك السين نمبر يبقى لازم نعمله. خصوصا لو هتقعد فتره شهرين او تلاته زى حالاتى كده لانى مضطر استنى عشان استلم البى ار .

 

 

[mezo]

طب ايه المشكلة ان يكون معاك كارت اى تى ام من مصر وتسحب بيه من كندا او كريديت كارد من مصر وبتشتغل فى كندا او لو زنقت اصرف كاش وانا كنت فى كندا كل معاملاتى كانت كاش وفلوسى فى جيبى على طول ومستعملتش حساب البنك هناك خالص ولو كنت اعرف موضوع الروابط مكنتش فتحته اصلا وكنت فضلت فى الامان ومش مستنى قرار من ضرائب كندا انى مقيم ولا مش مقيم وعلشان كدة انا فتحت التوبيك ده مخصوص علشان الى ميعرفش زى مانا كنت مش عارف فيعرف وياخد كل الاحتياطات اللازمة وكمان نتبادل الخبرات فى الموضوع ده لانك مش هتلاقى ناس اتكلمت فيه كتير مع انه موضوع مهم جدا وبشوية احتياطات بسيطة بنتجنب مشاكل كتيرة جدا فى موضوع الضرائب ده

 

 

[Ehab Salem]

اقتباس المشاركة الأصلية كتبت بواسطة mostafasalem انتم حيرتونى الصراحه يعنى الواحد لما يعمل اللاندنج هيعيش ازاى من غير ما يفتح حساب فى البنك؟؟ و البنك اكيد هيطلب منك السين نمبر يبقى لازم نعمله. خصوصا لو هتقعد فتره شهرين او تلاته زى حالاتى كده لانى مضطر استنى عشان استلم البى ار .

ممكن تفتح حساب جاري.... السين نمبر مطلوب فقط في حالة حساب التوفير عشان الضرايب التي تستحق على ارباحه
أو ده كان الحال سنة 2007.... معرفش ايه الوضع حاليا.... هل القوانين إتغيرت
Posted via Mobile Device

 

 

[Ehab Salem]

اقتباس المشاركة الأصلية كتبت بواسطة samurad اعتقد ان التحقيق فى المطار دة للناس الى خلاص متبقى فى البى ار اقل من السنتين وقت دخولهم لكندا ... وزى مايهاب قال هم بيعملوا كدة علشان يتعلم عليه عندهم ... انما لو واحد لسه فى البى ار بتاعته اكتر من سنتين يعنى حيظبط وضعه القانونى يبقى حيدخل عادى . اما بالنسبة للى بيسالوا على الروابط بكندا .. الموضوع باختصار هل انت جى تعمل لاندج وراجع فى المستقبل القريب وله البعيد ؟؟ يعنى لو جى مثلا بعد 5 او 6 شهور وحتستقر يبقى اتكل على الله واعمل كل اوراقك ..علشان تبقى كل اوراقك اتظبطت وقت الاستقرار .. وتكون فايق لشغلك .. لو ناوى تيجى تلحق فى الاخر .. يبقى خليك فى الامان ومتعملش غير البى ار .. لان حتى البى ار انت مبتعملهوش .. هو بيتعمل اتوماتيك بالمطار

متفق مع كل ما قاله سامح في هذه المشاركة
الله ينور :)
Posted via Mobile Device

 

 

[mostafasalem]

اقتباس المشاركة الأصلية كتبت بواسطة mezo طب ايه المشكلة ان يكون معاك كارت اى تى ام من مصر وتسحب بيه من كندا او كريديت كارد من مصر وبتشتغل فى كندا او لو زنقت اصرف كاش وانا كنت فى كندا كل معاملاتى كانت كاش وفلوسى فى جيبى على طول ومستعملتش حساب البنك هناك خالص ولو كنت اعرف موضوع الروابط مكنتش فتحته اصلا وكنت فضلت فى الامان ومش مستنى قرار من ضرائب كندا انى مقيم ولا مش مقيم وعلشان كدة انا فتحت التوبيك ده مخصوص علشان الى ميعرفش زى مانا كنت مش عارف فيعرف وياخد كل الاحتياطات اللازمة وكمان نتبادل الخبرات فى الموضوع ده لانك مش هتلاقى ناس اتكلمت فيه كتير مع انه موضوع مهم جدا وبشوية احتياطات بسيطة بنتجنب مشاكل كتيرة جدا فى موضوع الضرائب ده

أكيد طبعا جزيل الشكر لحضرتك على التوبيك مع انى متابع من فتره طويله المحاورات و قرأت خبرات ناس أفاضل كتير ممن كان لهم السبق لكن الصراحه اول مره حد يتطرق للنقطه دى اول مره فعلا اعرفها بشكر حضرتك مره تانيه. خصوصا ان الموضوع ده بيخلينى افكر اقلل فتره اللاندنج بدل ما استنى شهرين او تلاته اخليها اسبوعين مثلا او شهر بكتيره بس مش عارف الصراحه اعمل ايه فى موضوع كارت البى ار خصوصا انى ما اعرفش حد فى كندا ابعت عليه البى ار كارد

 

 

[samurad]

اقتباس المشاركة الأصلية كتبت بواسطة Ehab Salem متفق مع كل ما قاله سامح في هذه المشاركة الله ينور :) Posted via Mobile Device

تلاميذك يامستر ايهاب

اقتباس المشاركة الأصلية كتبت بواسطة mostafasalem أكيد طبعا جزيل الشكر لحضرتك على التوبيك مع انى متابع من فتره طويله المحاورات و قرأت خبرات ناس أفاضل كتير ممن كان لهم السبق لكن الصراحه اول مره حد يتطرق للنقطه دى اول مره فعلا اعرفها بشكر حضرتك مره تانيه. خصوصا ان الموضوع ده بيخلينى افكر اقلل فتره اللاندنج بدل ما استنى شهرين او تلاته اخليها اسبوعين مثلا او شهر بكتيره بس مش عارف الصراحه اعمل ايه فى موضوع كارت البى ار خصوصا انى ما اعرفش حد فى كندا ابعت عليه البى ار كارد

وايه المشكلة انك متعرفش حد بكندا .. فيه فى المنتدى هنا طريقة اشتراك فى حسابات بريدية عن طريق شركات يستقبلوا كل الكروت بتاعتك ويبعتوهالك عى عنوانك باى بلد

 

 

[mostafasalem]

شكراً ساموراد فى ناس فعلا قالت على مكاتب بريد بتعمل الخدمه دى بس مش عارف لسه الموضوع ده شغال عادى ولا فى مشكله كمان فى ناس بتقول ان فى جست هاوسز بتقدم الخدمه دى انها تستقبل ميلاتك و تبعتهالك على بلدك لو حبيت ايه رأي سيادتكم فى موضوع الجست هاوسز ده هل حد جربه ؟ حاجه زى دى الواحد يثق فيها ؟ وانهى احسن مكاتب البريد ولا الجست هاوسز؟؟
تحياتى ولكم جزيل الشكر

 

 

[alexandria]

اقتباس المشاركة الأصلية كتبت بواسطة mezo وانا بعمل السين كارد وبعد الموظفة ماخلصت وعرفت انى مش هقعد فى كندا غضبت وقالتلى طب جاى تعمل السين نمبر ليه ده هتحتاجه علشان الشغل والتشيلد بينفيت وكدة فقلتلها انى هعمله علشان افتح حساب فى البنك واحول عليه فلوس من برة كندا فهديت وقالتلى ماشى فالافضل لحضرتك تعمل السين نمبر بس متفتحش حساب فى بنك لو هتمشى بسرعة لكن لو هتطول شوية ممكن تفتح حساب فى البنك وتعمل كريديت كارد وتستعمله علشان تاريخك الائتمانى وانت ماشى تبلغ البنك انك هتقعد مدة طويلة برة كندا ولو قدرت تاخد منهم ورقة انهم عارفين انك هتسيب كندا لفترة طويلة يبقى افضل وبعد ماتسيب كندا بحوالى اربع او خمس شهور تملأ الفورم الى انا حاططها هنا فى الموضوع وتحط فيها الروابط الى برة كندا ومش هيبقى عندك روابط فى كندا غير اللاندنج وممكن حساب البنك الى هتكون علقته وكدة موقفك القانونى هيبقى سليم مية فى المية ان شاء الله ومش هيبقى مطلوب منك اى ضرائب نهائى

اعلقة ازاى و لو سيبتة مفتوح هابررلهم دة ازاى