|
اقتباس |
|
|
|
|
المشاركة الأصلية كتبت بواسطة حشيش |
|
|
|
|
|
|
|
كما لا يخفى على حضراتكم أن المنتدى يمتلئ بعشرات المعرفات التى تعمل ليل نهار بغرض الترويج لأجندة جبهة الخراب الوطنى وفلول مبارك بغرض إفشال وخلع أول رئيس مصرى مدنى منتخب بإرادة الشعب وشرعية صندوق الإنتخابات ... هذه المعرفات أو اللجان الإلكترونية كما يحلو للبعض تسميتها يتقاضون أجوراً عن نشر الشائعات وتهويل الأحداث ومحاولة إعطاء صورة كاذبة للقارئ الغير ملم بتفاصيل الأحداث على أرض الواقع بأن مصر تغرق وأن الفوضى والعصيان المدنى وإنهيار وإفلاس مصر قادم لا محالة إلا لو تداركنا الأمور فى أسرع وقت وقمنا بخلع محمد مرسى اليوم قبل غداً ... طبعاً جهات التمويل معروفة وهى كل من له مصلحة فى إعادة إستنساخ نظام مبارك بمسمى جديد وبراق ألا وهو (الثورة مستمرة)! ... اللجان ينشرون أخباراً أغلبها غير موثق أو مدعوم بأى مصادر إخبارية موثوق بها بل ومعظم ما ينشرونه من إشاعات وأكاذيب يبدأ بالعبارة الشهيرة (صرح ناشطون على فيس بوك بكذا وكذا!!!!) وكأن الفيس بوك يستوثق من الأخبار المنشورة به أو أنه لا يمكننى أن أذهب الآن وأنشر ما أشاء من أخبار عن أى قيادى فى جبهة الخراب الوطنى بدون حسيب أو رقيب! ... الإدارة من جانبها أصدرت أكثر من إعلان إدارى بضرورة إدراج روابط أى أخبار منشورة على صفحات المنتدى حتى لا تنجح هذه اللجان فى تحويله إلى ما يشبه الجرائد الصفراء وبدأت فى حذف الأخبار الغير مدعومة بروابط واتخاذ ما يلزم من إجراءات إدارية للحيلولة دون تكراره مستقبلاً ... لكن يبقى الدور الأهم فى محاربة الشائعات على عاتق جميع الأعضاء الشرفاء الذين يعلمون أن الحرية لا تعنى نشر أكاذيب ومغالطات وشائعات تستهدف تدمير الوطن وتخريب الإقتصاد وضرب قطاع السياحة وقطع الطرق والكبارى وإحراق المنشئات العامة والخاصة! ... هذه ليست حرية تعبير أو نقد بناء يخدم مصلحة الوطن ولكنها الفوضى وليس لها أى مسمى آخر! ... وكما أن بالمنتدى عدة موضوعات كلها منصب على إفشال الرئيس المنتخب وخلعه بالقوة والعنف لا لشيئ إلا لأنه ينتمى لجماعة الإخوان المسلمين دعونا هنا نتصدى لهذا الإتجاه بنشر أخبار صحيحة وموثقة بروابط لمواقع إخبارية موثوق بها لفضح زيف هؤلاء الذين يسمون أنفسهم بجبهة الإنقاذ الوطنى والله من وراء القصد وهو يهدى السبيل
|
|
|
|
|
|
1- خلط واضح بين موقف شخصى مؤيد للاسلام السياسى وموقف ادارى المفروض انه على الحياد بين الجميع , طبعا هنا مفيش حياد ولا حاجة و ناقص نحط صورة المرشد على بانر المنتدى ,, بمعنى أوضح المنتدى تحول إلى دعاية مجانية للأخوان المسلمين ولــ محمد مرسى و بيتم بشكل ممنهج اقصاء أى صوت معارض و عشان نعرف نقصى الصوت المعارض دا لازم نتهمه انه ممول و انه أجير و أنه خاين و أنه يسعى لخراب البلد باسقاط محمد مرسى
2- محاولة اظهار الحيادية بأن الادارة تمنع نشر أخبار غير موثقة ,,, سبحان الله يعنى ,,اتبح صوتنا زمان عن مشاركات من هذا النوع , فيديوهات مضروبة و أخبار مضروبة و شغل قص و لصق و فيديوهات آسفين ياريس بتاعة اليكس جى و من هم على شاكلته !
موقف الادارة وقتها كان .. مش هنمنع حد انه يقول رأيه !
مش هنمنع حد أنه يعرض أى حاجة و يقول أى حاجة طالما ملتزم بقوانين المنتدى !
أنا شخصيا ليا موضوع بعنوان - انتم مع الثورة أم مع حرية التعبير - وشرحت وقتها ان الموضوع مش حرية تعبير انما تدليس بنشر فيديوهات و اخبار مضروبة الغرض منها التشويه فقط لا غير و برده فضلت الادارة على موقفها !
الفكرة كلها ان الفيديوهات دى كانت ضد البرادعى و 6 ابريل و نشطاء الثورة و مكنتش ضد الايسلاميست فكانت بتعدى عادى و حرية الرأى و حرية التعبير الخ الخ .
دلوقتى الادارة بتمنع أخبار -مشكوك فى صحتها فقط - يعنى لسه متأكدناش ان كانت صح اساسا ولا غلط
لكنها موجهة ضد الايسلاميست ...و دا انتماء الادرة الحالى فعشان كدا بتمنعها
3- اتهام رخيص لجبهة الانقاذ بأنها وراء خراب مصر ,, خراب مصر حاليا دى حقيقة لا جدال فيها ..شىء مؤكد بكل الوقائع و الدلائل و الأرقام ,, وبالذات موضوع الأرقام دا لأن الأرقام مبتعرفش تكدب و بمتعرفش تتنمى !
أرقام زى الاضرابات - المظاهرات - الاعتصامات
أرقام زى متوسط دخل الفرد و الناتج القومى
أرقام زى الدين العام -الدين الداخلى و الدين الخارجى
أرقام زى متوسط الأسعار
أرقام زى سعر صرف الدولار - احتياطى النقد الأجنبى - معدل التضخم .
كل دى أرقام بتقولنا بمنتهى الوضوح و الصراحة أن البلد دى رايحة فى ستين داهية و داخلة مرحلة تفسخ وانهيار مفهوم الدولة و لما تعرف ان مصر فيها 20 مليون ساكن عشوائيات و 4 مليون ساكن قبور و 3 مليون طفل شوارع و 40 مليون انسان تحت خط الفقر المدقع
تعرف على طول اننا رايحين لكارثة !
بمنطق - حماده - الراجل اللى اتسحل واتعرى و العالم كله شاف فيديو تعريته و سحله و تعذيبه - فالبعض بيرمى اللوم على جبهة الانقاذ !
حمادة كدا برده ..الداخلية قلعته ملط و سحلته و العالم كله شاف اللى حصل و السى ان ان -القناة الاخبارية رقم واحد فى العالم - ذاعت الفيديو - لكن حماده طلع و قال الداخلية ميه ميه ..محدش كلمنى ... المتظاهرين ضربونى و الداخلية انقذتنى منهم
اللى بيحكم هو الاخوان - الريس اخوان - الحكومة اخوان - مجلس الشورى اخوان -النائب العام ملاكى اخوان
يعنى السلطة التنفيذية كلها تحت سيطرة الاخوان
يعنى السلطة التشريعية كلها تحت سيرة الاخوان
يعنى السلة القضائية كلها تحت سيرة الاخوان
آى حد بيفكر أو بيحاول حتى .. هيخرج بنتيجة واحدة ميختلفش عليها اتنين
المسؤل الأول عن كل اللى بيحصل فى مصر سلبا أو إيجابا ...هو الاخوان
كونك بقى تسيب كل دا و تقول لاء المسؤل عن كل دا هو جبهة الانقاذ فأنت هنا زى حماده اللى الداخلية سحلته وقال المتظاهرين هما اللى عرونى مش الداخلية
4- جامدة جدا موضوع - رئيس منتخب - دى !
وكأن الموضوع عقد اذعان مثلا أو صك عبودية !
انتخبناه 4 سنين يبقى يعمل اللى هو عاوزه خلال الاربع سنين دول , يقتل براحته و يسحل براحته و يعرى براحته
يسرق أقوات المصريين و يهتك أعراضهم و يستبيح حرماتهم و يسفك دمائهم و محدش يفتح بقه , أصله رئيس منتخب !!!!!!!!!!!!!!!!!!!!!!
لا يا باشا الموضوع مش كدا :-)
الانتخاب دا عقد مشروط ببنود و منصوص على مدته , هنا فى حاجتين ...بنود مشروط بيها العقد و مدة العقد
متجيش انت تمسك فى المدة و تسيب الشروط خالص ..كدا العقد ضرب منك !
أجرتلك شقتى 4 سنين عشان تسكن فيها ,,مينفعش تقلبها بيت دعارة ولا بنسيون و تيجى ببجاحة تقولى العقد اللى معايا 4 سنين !!!!!
انت اخليت بشروط العقد ... وانا حر انى امسك العقد دا واقطعه و ارميه فى الزبالة و اقولك اطلع من شقتى يا برنس
ولو مطلعتش يبقى انت معتدى على ملكى و هخرجك منها بالعافية , وحقى أو أهلك دونه !
5- الحقيقة فى تشنج واضح جدا فى كلام حشيش و فى كلام الاسلام السياسى عموما
لدرجة انهم بيقولوا كلام مش راكب على بعضه
ثقافة بقت عند السلطة دلوقتى ( ثقافة جبنة نستووووووو يا معفنييييين )
واحد بيهد خيم و بيضرب و بيقتل لأنه مشحون و لأنه مرتبك و لأنه مهزوز و تسأله بتعمل كدا ليه ؟؟ يقولك أصل معاهم جبنة نستو المعفنين ( مرتبك جدا و متشنج جدا )
لجان الكترونية - جبهة الخراب - الممولين - الحارة المزنوقة - الخمسة ستة سبعة تلاتة أربعة- المؤامرات - الاجندات
تيجى تدور على اى دليل على الكلام دا ..متلاقيش !
ياعم مش جبهة الانقاذ ممولة ؟؟؟ طاب ما تطلع ياعم ورق بالكلام دا !
طلع ورق بالفلوس اللى دخلت البلد للناس دى !
ياعم مش جبهة الانقاذ خونة ؟ طاب ما تطلع مقابلاتهم مع مخابرات دول أجنبية و تطلع ادلة خيانتهم
فين التسجيلات ياعم أنت و هو ؟؟
فين شغل داخليتك و أمنك الوطنى و جهاز مخابراتك ..ولا أنت نايم فى مية البطييييييييخ برده ؟ ولا مفيش اى ورق ولا اى دليل و اى هجص فى اى اتجاه ؟؟؟
انما هى حالة تشنج رهيبة بعد ادراك الفشل الذريع فى خطة التمكين والفشل الذريع فى ادارة الدولة !
عم الاخوانجى كان فاكر انه هيركب البلد و هيحكم زى ما مبارك كان بيحكم و هى دى الثورة !
الشباب دا خرج عشان يشيل مبارك و احنا نمسك مكانه و نعمل اللى احنا عاوزينه !
طاب اديك مسكت يا كبير ...ازى الحال ؟؟؟؟
تشنج كمان و كمان ... وألقى التهم جزافا ... ودور آلة القمع والسحل و القتل ...نزل داخليتك تقتل و نزل ميليشاتك
تقتل و قول الخونة العملاء الأنكاريين بانديتا شلولخ
أعلى ما فى خيلك أركبه و دلدل رجلك !
كل دا ...بلا طائل ! بلا جدوى !
اى نظام حكم فى الدنيا بيحكم بالهيبة و الهيبة دى بتيجى بالاحترام أو بالخوف , المصريين بقى كسروا
حاجز الخوف خلاص فمش باقى غير الاحترام ,,,
ازاى تحترم رئيس كداب ؟
ازاى تحترم اللى قال مشروع النهضة و طلع فانكوش ؟
ازاى تحترم رجل مقالش حاجة إلا و كدب فيها أو رجع فيها ؟
ازاى تحترم رئيس جمهورية كلمته جاية من مكتب الارشاد ؟ مساعدينه ميعرفوش اى حاجة عن اى قرارات بياخدها ؟ مبياخدش قرار من دماغه ؟؟
حشيش يقدر يفرض دا فى المنتدى هنا ...لكن انزل الشارع مثلا و شوف هل دا راجل ليه هيبة أو احترام ؟
مرسى ملهوش هيبة لأنه ملهوش احترام و هو اللى عمل فى نفسه كدا مش غيره , فكرة بقى انك تقتل و تسحل و
تعرى و تمنع و تصادر و تحبس الخ الخ من ادوات الفاشية فدا برده مش هيعمل احترام ولا هيبة بالعكس يعنى دا
بيسقط الشرعية تماما !
فى حكم مرسى لدينا 100 شهيد ... ميت نفس اتقلت بلا أى ذنب ..
ولسه محدش بيعامل الراجل دا على انه رئيس دولة ! لسه ملهوش هيبة رئيس !
وكل ما يقتل أكتر و يستخدم عنف اكتر كل ما الموضوع بيزداد سوءا وعندك بشار الجحش مثال اهو !
مرسى لما راح لميركل يطلب منها فلوس أو يطلب اسقاط الديون , قالتله يلا يبنى من هنا ,شوف اللى بيحصل فى بلدك
و بطل قتل و قمع و سحل , احنا مش هنساعد ديكتاتور طاغية !
يعنى الهيبة أو الاحترام مش بس مش موجودين جوا مصر ...لاء بره كمان الصورة ابتدت تبقى أوضح !
فيديو تعرية حماده لف العالم
فيديو ميليشا الاخوان بتحتجز متظاهرين و تصلبهم على الشجر و تعذبهم و تستجوبهم
فيديو جبنة نستو يا معفنين .......
كووووووووول دااااااااا بيلف العالم يا برنسات .
كل ما بتتشنج أكتر ..كل ما بتفشل أكتر و اكتر و كل ما نهايتك بتقرب أكتر و أكتر
صعود الاسلام السياسى فى قمة المشهد رحمة من ربنا ... عشان نخلص بدرى بدرى
عشان الايسلاميست يفشلوا و الشعب كله يشوفهم فاشلين و العالم كله يشوفهم فاشلين و هما نفسهم يعرفوا انهم
فاشلين
تروق لى شخصيا تشنجاتهم
الموضوع مسألة وقت مش أكتر
أخيرا ..لا جبهة الانقاذ ولا البرادعى ولا حمدين ولا غيرهم - من شرفاء هذا الوطن ورجاله - ليهم كلمة على الشباب
ولا ليهم كلمة على الشعب
ولا ليهم دور فى فشل الايسلاميست الذريييييييييييييييييييييييييييييييييييييييييييييي ييييييييييييييييييييييييع
كلها حجج فاضية و بليد بيمسح الصمبورة
المشكلة انه مفيش وقت قدام البليد ... نص الوقت عدى خلاص و كلها دقايق و نلم ورق الاجابة و ياخد الصفر المتين
ويريحنا من وش أمه العكر ...يريحنا للأبد