حول دعوات النزول فى 15 إبريل !!!

[م الغزالى]

الجيش ينتظر !!! كالعادة سيحدد موقفه بناء على حركة الشارع ، سيسحب موافقته على بيع الجٌزر .

لو تم الحشد فعلاً وبصورة كبيرة (أشك فى هذا) ...، سيذهب السيسى فهناك من ينتظر الفرصة لذلك ولكن ماهو البديل :

عسكرى أخر ....والأيام بيننا

وللحديث بقية !!!

 

[حشيش]

 

 

[KANE]

 

 

[م الغزالى]

هو نفس العسكرى الغبى بيقرأ من نفس الكتالوج من إيام البكباشى حتى العرص !!!

إتفرجوا لأخر الفيديو ...عاوزنا دايماً نجوع علشان هم يعيشوا سوبر باشوات !!!

علشان كده بأشفق على البقر للى بيأيد العسكر لأنه كالأنعام بل أضل سبيلاً

 

 

[محمد علي عامر]

.



محمد منير


اسمعوا بقى الحكاية مش ناقصة ده بلد بيتباع حته حته مافيش حاجة اسمها خلافات ومن حق اى مصرى بل من واجبه انه ينزل يحمى البلد سواء كان يمينى أو يسارى او اخوانى او اى حاجة وماحدش حيشيل فضل الدفاع عن البلد ولا حيركب على الحدث ، دى قضية مصير واللى حيفتح سيرة دول اخوان ولا يسار ولا دول كانوا عملوا وكانوا ساوو حيبقى مش من البلد ده ..نحن امام الطوفان وامام الطوفان لا سييل ألا الوحدة الكاملة وإلا الموت ..هم يريدون تفرقتنا الى فرق ولن يحدث ...شيروا جميعا ..مصر مش للبيع ...خلاص الاخوان اعلنوا النزول ومن حقهم خلصنا واحنا نازلين عشان نمنع بيع الارض مش عشان اى هدف تانى ..شيرو والتزموا












.

 

 

[محمد علي عامر]

هاني عز الدين





هـــــــــــــــــــــــام جـــــــــــــــــــــــــــدااااا..

مظاهرات 15 ابريل .. قد تكون اخر التظاهرات ان لم تنتبه !!
الساده الافاضل من كل التيارات سواء اسلامية او يسارية او ثورية او ليبرالية اليكم هذا التحذير الهام ويرجى الالتزام بكل ما يرد به..
.قد علمنا من مصادر موثوق بها ان الثورة المضادة متمثلة بالسيسي و أجهزته الأمنية قد عقدوا العزم على الدخول بين صفوف الثوار والمتظاهرين يوم 15 ابريل وذلك لسب الاخوان او اتباع التيار الاسلامي عموما وكذلك منهم من سيتقمص دور الاسلامي ليسب الشباب مستغلين حالة الانقسام الواضحه وبشده التي ظهرت على الفيس .. مما يهدد هذا اليوم بأكملة .. هدفهم اشعال حرب بين كل الفصائل في الميداين لتأتي على كل من فيه ... لذلك نرجو منكم الاتي:
1- عدم رفع اي شعارات حزبية او دينية او اى لافتات لاشخاص بعينهم
2- فقط المسموح به هو علم مصر
3- عدم استخدام اي هتاف مناويء لاي تيار ايا كان تحت اي مسمى
4- الهاتفات فقط منائه للسيسي (العرص) ولسياساته
5- عدم الانتباه لاي فرد يقوم ببث الفتن او الهتاف ضد اي تيار
6- الابتعاد قدر الامكان عن اي مكان يتم فيه نداءات عدائية لاي تيار حتى وان كان تيار انت نفسك معارض له
7- احرص كل الحرص على قبول الاخر والترحيب به ايا كان التيار التابع له
8- كل من يرى في نفسه عدم القدرة على الالتزام بهذه التعليمات عليه ان يلزم بيته .. فنحن في غنى عن اشعال حرب في الميدان
واخيرا اخواني و رفاقي الاحباء في الله والوطن لا سبيل لنا للخروج من قبضة حكم العسكر الا بالتوحد .. فلنتوحد جميعا في الميدان وليكن شعارنا "ايد واحده" .. وامامكم فضاء الفيس بوك يتسع للخلاف والنقد .. ولكن في الميدان كلنا ايد واحده .. ضد عدونا المشترك..

شييييييييييييييييييييييييييييييييييييير في كل مكااااااااااااااااان..
#شير

#عواد_باع_ارضك
#العرص_باع_أرضك
#السيسي_باع_ارضه
#جمعة_الارض_هي_العرض

 

 

[م الغزالى]

كلمتين على هامش دعوات نزول بكرة:
1-
أولاً غريب جداً إن ناس مننا تتحول بسرعة من قمة الاحباط، وحتى شتيمة الشعب، إلى قمة الأمل كإنه خلاص سقط بالفعل وبنتخانق على توزيع الغنائم، ومش هنسمح الاخوان يركبونا تاني!

على فكرة يا جماعة الدول الفاشلة أنظمتها ممكن تكمل عادي، مادام مفيش بديل منظم أو حتى غير منظم يطرح نفسه في خانة "الممكن" شعبيا، ولمؤسسات الدولة، وكذلك خارجيا..
بشار الأسد لسه رئيس، وهناك تفاصيل مبهرة في بيروقراطية دولته اللي ماشية بوزاراتها وموظفيها عادي جداً جداً جداً، والقذافي لولا الناتو كان زمانه بيحكم إلى الآن عادي جداً برضه، والبشير مازال يحكم السودان أو نصفها يعني، رغم انه بالمناسبة قادم على أطلال ثورة في شعب ثوري جداً قبل الربيع بكتير.

2-
الإخوان مركبوش الثورة بانهم نزلو فيها وادعوا صناعتها، ولا عندهم جيش سرقوا الثورة بيه .. الإخوان أخدوا الحكم بانهم كانو تنظيم سياسي كبير نزل انتخابات نزيهة وفاز بيها .. ياريت محدش ينسي دي!!!!
ولو بكرة مفيش اخوان خالص، والسيسي سقط بايدك انت بس كمان، برضه بعدها ممكن ييجي ناس من الاخوان يعملو حزب جديد ويترشحو تاني، ولو انت مش موجود ومش منظم نفسك هيفوزو تاني وحقهم والله.

ولعبة الانتخابات ملهاش دعوة بالثورات .. حزب النور كان ضد الثورة تماما، والانتخابات أصلاً حرام، ثم في كام شهر عملو حزب يعتمد على ظهيرهم القائم بالفعل، واللي هوا ((تنظيم الدعوة السلفية)) مش مجرد ناس مقتنعة بافكار - ود نقطة فيها جهل رهيب من النخبة السياسية المصرية لفهم حزب النور!! - وأخدو اصوات 4 مليون مصري في انتخابات 2012، بينما قائمتك "الثورة مستمرة" اخدت 740 الف صوت فقط في عز هيلمان الثورة .. دي مشكلتنا الأولى والرئيسية والله مش مين يتظاهر فين.

3-
للأسف ناس كتير مش مقدرة خطورة يوم بكرة.
دي أول مرة يكون معانا قضية رابحة ينفع يجتمع عليها الناس .. واخطر مرة يكون السيسي في مواجهة ضغط داخلي جدي، سواء شعبي او من اجنحة داخل نظامه، لكن في المقابل لو عدا منها بسلام هيكون اقوى بكتير داخليا وخارجيا!
معونات اقتصادية ضخمة من السعودية، وثقل ادخال السعودية طرف في أهم معاهدة بالشرق الاوسط هيرفع جداً قيمة السيسي عالمياً، ومن دلوقتي معروف ان الفرنسيين والالمان على أعلى مستوى جايين مصر، وموضوع ريجيني فيه وساطات عشان يتلم.
وخطة السعودية لعمل حلف موسع شرق أوسطي، بما فيه ثقل اسرائيل بشكل غير مباشر، ضد ايران وداعش، بتمضي للأمام بكون السيسي ركن أصيل فيها، بما يرفع أهميته الإقليمية.

بكرة يوم مصيري في مسار السنتين القادمتين الحاسمتين .. لو السيسي عدا زنقة الجزر دي سيخرج أقوى، ولو عدا تجديد الفترة الاولى للتانية سيخرج أقوى بما لا يقاس، وهنبقى مهددين جدياً بعدها ندخل في مرحلة شباب الثورة الايرانية اللي بمئات الآلاف استسلموا للاحباط أو للمنافي، خاصة ان الثورة والله عدا عليها 5 سنين، وبعد سنتين هيبقى عدا عليها 7 سنين، يعني جيل جديد غيرنا لم يراها أصلاً طلع.

4-
اللي بينصر أي حِراك إنه فيه "عوام المصريين" غير المسيسين .. الملايين اللي نزلو ثورة يناير مكانوش النشطاء أصحابنا، ولا الصحفيين والمثقفين، ولا اعضاء أحزاب كذا، والمثل ينطبق على ملايين 30 يونيو.
ولما الملايين دي رفعت الغطاء رجعنا بضع عشرات على سلم النقابة.
وبالتالي غريب برضه ان ناس تتكلم كان بايدها فعلا تحكم حركة الملايين أو الآلاف أو 20 نفر غير نفسه.
وأي طرف سياسي ميحطش في باله مايقول ويفعل لاجتذب الملايين "العوام" احسنله يدفن نفسه.

5-
نزول الإخوان في حد ذاته كمواطنين مصريين بنفس مطالب اليوم بلا أي تمييز مش مشكلة، بل في صفه اصلا لإكثار العدد العام، لكن المشكلة لما يكون النزول بمطالب مختلفة وبصور مرسي، لأن ده بيُفقد اليوم أكبر ميزة فيه إنه يوم لقضية وطنية جامعة، وساعتها دول مش هيبقو "مواطنين مصريين غاضبين" بل أعضاء كذا، وهتقلب خناقات داخلية وسط المتظاهرين وحاجة بؤس .. بالمناسبة برضه أثر شبيه هيحصل لو تحول ليوم الاختفاء القسري أو ليوم الحرية لعلاء عبدالفتاح صديقنا، أو لو رفرفت رايات 6 ابريل مكان رايات مصر.
في الوضع الأول "كُلفة القمع" بكرة عالية جدا جدا على النظام، ميقدرش يفتح الرصاص على متظاهرين من عوام الناس عايزين يحافظوا على أرضهم، وتمن فتحه غالي جداً .. لكن في المقابل مجرد ظهور لافتات خاصة، وبالذات لو إخوانية تنخفض كلفة القمع فوراً. إرهابيين أو شباب مشاغبين وبدأوا عنف وتخريب واضطرينا نتعامل معاهم ..الخ.
دي أسبابي العملية الواقعية لرفض بيان الإخوان واعتباره كارثة على الحراك، لكن مش موضوع اسطوانة "الحقو هيركبونا" .. لما يبقى فيه حاجة تتركب الأول!
6-
لو كل مرة تلاقي الاخوان هتقول لا مش لاعب، يبقى مش هتلعب للأبد!
لازم تلقى صيغة غير دي أيا كانت .. في ذكرى يناير ظ¢ظ*ظ،ظ¤ مثلا كان فيه فصل بين اماكن التظاهر والهتافات.
7-
احنا في لحظة "هدم"، ده حِراك معارض، وده ممكن يشمل اي حد فعلياً، وايوة ثورة يناير كان جنبك فيها مصطفى بكري متشال على الاعناق في أول يوم، وكان جنبك من كل الالوان والاوساخ، وكان طبيعي تقبل الكل والفرز كان فقط على اساس مع مطالب الميدان ام لا، وبعدها نبقى نقطع بعض سياسيا.
نفس الكلام حالياً، التطهرية والفرز دي لو انت في لحظة "بناء نظام سياسي"، أو حتى لو انت بتعارض معاك تنظيمك جاهز فيه 100 الف بينزلو بمزاجك في المكان والزمان، فتملي شروط المشاركة.
لكن احنا حالياً بنشتغل على "النداء الشعبي العام"، ومصلحة للكل إن عوام الناس يحسو ان فيه تيار عام رافض، زي ما حصل في 25 و 30، وده يشمل الفلول والمباركيين والشفاشقة والإسلاميين وأي حد بلا تمييز حتى لو كان سمير غطاس، مادام مش هيرفع يفط أو مطالب تمييزية.
8-
ثورة يناير نفسها في قراءة أخرى كانت استقواء جناح من النظام "الجيش" بالشعب ضد جناح آخر "الداخلية وشلة التوريث"، وده وضع كل ثورات العالم غير الدموية، كلها في جوهرها محاولة اصلاحية للضغط لفتح المناخ السياسي العام، ولا تشمل تغيير جذري في لحظتها، ثم تدخل مرحلة تفاعلات تدريجية للتحول الديموقراطي، كل اوروبا الشرقية وكل قصص سقوط الانظمة العسكرية في امريكا الجنوبية كدة. تحول شديد الهدوء والتدريجية، منخفض الكلفة والمكاسب والمثالية.
النوع التاني هو ثورات دموية تنهي النظام بوجوده المادي وشخوصه، آلاف او ملايين الضحايا، نموذج ليبيا وسوريا مثلا، او قديما فرنسا وروسيا.
مفيش أنواع اخرى أعرفها، واللي يعرف غيرها يقولنا.
............
(لا أدعو للنزول غداً لإني مسافر، ومش هدعو حد لمخاطرة انا مش هكون فيها)


منقول عن صفحة محمد أبوالغيط

 

 

[م الغزالى]

«الداخلية»: دعوات التظاهر غدا «مغرضة».. ونحذر من الخروج على الشرعية

------
شرعية أمه !!!!! هى اللى قالت له ماتطمعش فى اللى فى إيد غيرك ؟
زى ماكان بالضبط بيطلب من عباس كامل يقول لهم 20 مش 10 مليار فاكرين التسريبات ؟

 

 

[م الغزالى]

أسماء المساجد التى ستخرج منها مسيرات #الأرض_هي_العرض

بعد اتفاق القوى الثورية على المشاركة في تظاهرات معارضة للانقلاب العسكري بدعوى خيانته لتراب الوطن والقسم الذي أقسمه يوم أن استولى على حكم مصر ( وأن أحافظ على تراب الوطن وسلامة أراضيه ) ، حيث قام بعد المحامين برفع دعاوى قضائية تجاهه تلزمه بايقاف التوقيع على اتفاق ترسيم الحدود مع المملكة بخصوص جزيرتي تيران وصنافيروالواقعتين جنوب خليج العقبة بالبحر الأحمر ، واعتبار ماتم بشأنها كأن لم يكن ، وبلغ البعض منهم طلب محاكمة السيسي بتهمة الخيانة العظمى أيضاً .

وعلى مواقع التواصل الاجتماعي تداول الكثير من النشطاء ورموز الحركات الثورية على مواقع التواصل الاجتماعي، قائمة بالمساجد والميادين التي ستنطلق منها مسيرات جمعة “الأرض هي العرض“، يوم الجمعة المقبل الموافق 15 ابريل 2016 بجميع أنحاء مصر من أجل إعلان رفضهم اتفاقية ترسيم الحدود التي وقعها النظام المصري مع السعودية، والتي تقضي بتنازل مصر عن جزيرتي تيران وصنافير للمملكة.

وتحت شعارات “راجعين الميدان” و”جمعة الكرامة” و”جمعة الأرض هي العرض“، أعلن الداعون للتظاهر عن مسيراتهم التي ستنطلق عقب صلاة الجمعة مباشرة، وجاءت قائمة المساجد والميادين التي ستخرج منها المسيرات في محافظات مصر كالأتي:

محافظة القاهرة :

مسجد عمر ابن الخطاب – جسر السويس / مسجد ميدان المطرية – المطرية / مسجد الخلفاء الراشدين – مصر الجديدة / مسجد الاستقامة بميدان الجيزة / مسجد مصطفى محمود فى المهندسين / مسجد الفتح فى رمسيس / مسجد الحسين بالأزهر / مسجد السلطان حسن في ميدان العتبة / مسجد الرفاعى فى ميدان السيدة عائشة / مسجد الخزندار وكنيسة الأنبا أنطونيوس بشبرا / مسجد حسين صدقى ومسجد الأوقاف وكنيسة العذراء بالمعادى / مسجد يوسف الصحابى بميدان الحجاز مصر الجديدة / جامع عمرو بن العاص / مسجد صلاح الدين ومسجد الباشا بالمنيل / مسجد السلام بالهرم / مسجد أسد بن الفرات بالدقى / مسجد السيده زينب .

محافظة الإسكندرية :

مسجد القائد إبراهيم وكنيسة المرقصية بمحطة الرمل / مسجد شرق سيدى بشر شارع المعهد الديني وشارع 45 / التجمع في حديقة الخالدين أمام مسجد القائد ابراهيم

محافظة السويس :

مسجد الأربعين / مسجد سيد الغريب / مسجد السيد حمزة

محافظة بورسعيد :

مسجد السلام / المسجد التوفيقي

محافظة الإسماعلية : ميدان الممر

محافظة الغربية : ميدان الشون بالمحلة

محافظة الشرقية :

مسجد التوحيد فى بلبيس / مسجد كفر الحوت فى فاقوس / مسجد الفتح بالزقازيق والتجمع بميدان التحرير فى الزقازيق

 

 

[م الغزالى]

أخبار المنوفية إيه ؟