الجزء الثانى : طريقه التقديم فى Saskatchewan - Occupations in Demand - مابعد الحصول ع

[marwa fathy]

الصحف المصرية والعربية

ايه هيا النوك اللى بتنزل ف اليسته وتنفع من غير المعادله يا دكاترة

 

 

[khaled_sabry]

اقتباس المشاركة الأصلية كتبت بواسطة marwa fathy ايه هيا النوك اللى بتنزل ف اليسته وتنفع من غير المعادله يا دكاترة

هو مبدءيا انا ملاحظ ان تقريبا معظم النوكات اللى اغرفها مش محتاجه معادله
فنعرفشى لكن احتمال كبير تكون كل النوكات اللى بتنزل فى الليسته مش محتاجه معادله
شوفى اقرب نوك ليكى فى اليسته و بعد كده شوفى ان كان محتاج معادله فى ساكشوان و لا لاء
posted via mobile device

 

 

[khaled_sabry]

السلام عليكم
عاوز احكيلكم حكايه سريعه يمكن تلاقو فيها معلومات تهمكم
من كام يوم و انا بتابع جروب الهنود لاقيت واحد من اللى كانو مستنيين ال AOR كاتب ان الملف بتاعه رجعله
رجعله ليه ياعم الحج - علشان فيه وثيقه Schedual 4 نسى يوقعها و
علشان سؤال رقم 2 Category فى ال Generic form اختار فيه Skilled Worker بدلا من Provincial Nominee

طبعا انا الدم نشف فى عروقى - لانى عندى غلطتين فى ال Generic form الغلطه بتاعت الاخ ده بالاضافه الى غلطه كمان من عندى
السؤال رقم 2 Category : برضه اختارت Skilled Worker بدلا من Provincial Nominee
و السؤال رقم 12 اختارت فيه Defendant A Type بدلا من Defendant 1 Type
انا عارف بموضوع الخطأئين دول من بعد مابعت الظرف - بس وقتها سألت و قالو انها اخطاء غير مؤثره علشان كده ماهتمتشى فى وقتها
لكن كلام الواد الهندى ده قلقنى - خصوصا ان الايلتس بتاعى يخلص 11/11 يعنى لو الملف رجع دلوقتى يبقى لازم اعمل ايلتس جديد ده غير الوقت الضايع قبل كده و الوقت اللى حيضيع بعد كده لاقرب حجز ايلتس

طيب اعمل ايه - المفروض ان ال AOR جاى الايام دى خلاص - انا قولت اعمل اللى عليا و صلحت ال Generic form و اخته اسكان و بعته على Case Special inquiry
https://secure.cic.gc.ca/enquiries-r...e-cas-eng.aspx
و دى صفحه ممكن تبعت من عليها تحديثا الوثائق بتاعتك او تستفسر منها على مشكله متعلقه بالملف بتاعك - و اللى بتبعته بيتراجع بعد كام يوم يعنى تقريبا فى حدود اسبوع
المهم بعت الاصل فى dhl تخوفا لحسن مايعترفوش بالاسكان اللى بعته علشان التوقيع و كده - و قولت انا كده مش حقدر اعمل حاجه تانى

بس تانى يوم الموافق 8 نوفمبر لاقيت ميل من ال CIC - و اسقط فى يدى لانى توقعت ان ده ميل رجوع الفايل
بس الحمد لله طلع ده ميل ال AOR العظيم : - و طبعا ماكنشى لسه اتفتح الريكوست اللى بعته على CSI و لا التحديث وصل بالبريد يعنى كأنى ماعملتش حاجه و خسرت ال 570 جنيه بتوع البريد على الفاضى

نستنج ايه من القصه الطويله دى
هى ان الملف بيرجع فى حاله لو فيه وثائق ناقصه او مش موقعه او لو فيها اخطاء جوهريه فى البيانات - يعنى اسم مكتوب غلط مثلا او رقم باسبور غلط
لكن البيانات الروتينيه زى الحجات اللى عملتها غلط بيفوتوها و ممكن مستقبلا يطلبو ابديت فيه تصليح الاخطاء دى - لكن مش بيرجعو الملف عليها

طيب امال هما رجعو ملف الواد الهندى ده ليه ؟ هما رجعو ملفه علشان نسى يوقع فورمه - و قالوله انه غلط فى category بالمره لكن ده مش سبب رئيسى فى الرجوع

معلومه كمان انا بعت الملف 29 يوليو و اخدت ال AOR فى 8 نوفمبر باليل (و بعدها بكام ساعه دونالد ترامب فاز - الظاهر كانو مستنيينى) يعنى خدت 103 يوم تقريبا و ده متوسط توقيت الحصول على ال AOR فى الفتره دى لكن كان قبل كده 70 يوم فى فتره اغسطس و فضلت تزيد تدريجيا

 

 

[Fly bird]

الف مبروك يا باشا وربنا يكمل لك على خير ان شاء الله

 

 

[khaled_sabry]

اقتباس المشاركة الأصلية كتبت بواسطة Fly bird الف مبروك يا باشا وربنا يكمل لك على خير ان شاء الله

الله يبارك فيك و عقبال مانتجمع هناك

--------------------------
حاجه هايفه اخدت بالى منها الناهرده فى جروب الهنود - لاقيتهم بيتكلمو على السايت ده
https://welcomepackcanada.com/about/
و ده عباره عن سايت للمهاجرين الجدد بتسجل فيه بياناتك و معاد وصولك و هما يبعتولك WelcomePack - فيها ايه البتاعه دى - بصراحه ماهتمتشى و ماكملتش قرايه لان انا لسه بدرى عليا
بس اهه هديه و السلام و تفيد اللى حيروح قريب هناك
انا مخصص الموضوع ده لاى ملاحظه بشوفها و مايكونشى حد اتكلم عليها قبل كده لغايه استلام الفيزا : علشان كده ممكن تلاقو ملحوظات هايفه شويه

انا ليكم عليا ان شاء الله لو ربنا اراد و الموضوع كمل على خير حعمل جزء ثالث لحجز الطيران (حيبقى مفيد للى عمره ماركب طياره زى حلاتى) و اجراءات اللاندينج هناك و تفاصيل اول اسبوع كمان
دعواتكم بقى

 

 

[liketlove]

ربنا يكرمك يا خالد وعقبال الفيزا واللاندينج ان شاء الله

 

 

[khaled_sabry]

ملحوظه تانيه عرفتها الناهرده
صديقنا عم ريمون (الادمن هنا) لاقيته نطلى فى الجروب و قالك ان شهادة الميلاد الانجليزي دى تعتبر نسخه موثقه Certified copy - و ده عكس ماهو متعارف عليه و اللى انا شخصيا كتبته فى اول الموضوع انها original علشان عليها ختم نسر
طيب بتقول كده لييييييه يعم ريمون - قالك علشان مكتوب عليها Certified True translation of the Arabic original
طيب معقوله عدت الملحوظه دى على كل اللى قدمو فيدرال ؟ - فيه ناس كتير اوى استعملو الشهاده دى فقط مع الفيدرال فى ال CIC فى النظام القديم و نظام الاكسبريس انترى و الملف الورقى
انا شخصيا استعملها فى ساسكتشوان علشان الحصول على نوميناشن و بعتها هى هى فى الملف الورقى و اخدت ال AOR (ده معناه ان الملف الورقى كامل ) - فلو كده ازاى اتقبلت
- اولا بالنسبه لساسكتشوان : هما طالبين على الموقع بتاعهم طالبين Original or Certified copy - يعنى لو قدمتلهم Certified copy دى شغاله
- ثانيا بالنسبه للملف الورقى بتاع CIC: بصيت على الاتشيك ليست بتاعت الملف الورقى لاقيتهم طالبين نسخه من شهاده الميلاد اساسا مش الاصل و انا باعتلهم Certified copy مش copy بس يعنى يحمدو ربنا

طيب تأثير ده علينا او على اللى بيحضر ورقه - و لا حاجه (علوضعنا لحد ما نقابل ربنا )
الهدف بس انك تعرف ان شهادة الميلاد الانجليزي بتعتبر Certified copy او original -اختلف الخبراء
لكن كده كده مش حتفرق فى الورق الفيديرال بكل انواعه و كل مراحله حتى كمان لبتوع الاكسبريس انترى

طيب بالنسبه لاخواتنا الكيبيكاويه (اللى الموضوع ده مش موجهه ليهم اصلا ) - ممكن تفرق معاهم انا معرفشى الورق المطلوب منهم ايه بس مدام عواطف الكيبيكاويه رخمه اساسا و بالتالى كلمه Certified copy / original
ممكن تخرب الدنيا معاها

 

 

[khaled_sabry]

السلام عليكم - رجعت اشاركم فى خطوه جديده - كتبتها متأخر بس قولت استنى لغايه لما اخلص الخطوه دى

اخر تطور وصلناله كان استلامى ال AOR فى 8 نوفمبر
تانى يوم لاقيت البروفيل كل لما ادخل على status بتاعت الملف يقولى Application status is currently unavailable. Please try again later
المشكله دى كانت ظهرت عند ناس كتير فى جروب الهنود وراحت لوحدها فعلشان كده ماقلقتش رغم انها لغايه دلوقتى المشكله موجوده و حقيقى طولت معايا - الحاجه الوحيده اللى كنت خايف منها انها تأثر على البروسيسنج بتاع الملف بتاعى لكن الحمد لله طلع البروسيسنج شغال عادى زى ماحنشوف فى باقى المشاركه

8 ديسمبر لاقيت عندى ميلين
اول ميل جه من مكتب اوتوا (معنى كده ان ملفى راح مكتب اوتوا كما هو متوقع ) و الحاج الاوفسر بيطالبنى بدفع ال rprf ليا انا و زوجتى
ايه ياعم ماانا كنت دفعتها قبل ما الجنيه يتعوم بكام يوم و بعت الايصال فى CSI - لكن ماعلينا بتحصل عملتله ريبلاى و بعتله الاصال تانى

طيب الميل التانى هو طلب الميديكال اللى طال انتظاره
الميل لاقيت فيه فورمه الميديكال اللى الكود بتاعها IMM1710 ليا انا فقط بدون وجود باقى افراد اسرتى ؟؟
و مكتوب فى التعليمات ان قدامى مهله 30 يوم فقط لاجراء الفحص الطبى ده !!!
انا مافهمتش هل كده دى غلطه و لا ايه - طيب افرح و لا ازعل يعنى
طيب دلوقتى اعمل ايه ----

حنعرف انا عملت ايه فى المشاركه القادمه علشان فيها تفاصيل كتير
و كمان المعلومات اللى فيها تنفع للورقى و لل ee

 

 

[khaled_sabry]

مشاركه اعتراضيه
الاول نعرف ايه الكشف الطبى و امتى يتعمل
اللى وصلتله بعد بحث الكام يوم اللى فاتو و اللى فهمته من الموقع الرسمى اللى فى النك ده
https://www.cic.gc.ca/english/informa...exams-perm.asp
الكشف الطبى نوعين
1- upfront medical exam
و ده تقدر تعمله فى اى وقت بعد النوميناشن و قبل مايطلب منك الكشف الطبى - و هنا الدكتور حيديلك فورمه اسمها IMM 1017B تبعتها فى الظرف الورقى بتاعك او ترفها على الموقع لبتوع ال ee
2- الطريقه التانيه هى انك تستنى لغايه لما الاوفيسر يطلب منك اجراء الكشف (زى ماحصل فى حالتى) و بيتبعتلك الفورمه IMM 1017 و بيبقى فيها رقمك IME ووقتها يبقى قصادك 30 يوم تعمل فيهم الكشف ده

لسبب مجهول - كل المترشحين (بما فيهم انا ) فاكرين ان ال upfront medical ده اوبشن خاص بالاكسبريس انترى فقط بينما بتوع الملف الورقى مجبرين يستنو لغايه لما يتبعتلهم الميديكال ريكوست !!!!

و من هذا المزنق احب اقول للاخوه و الاخوات اصحاب الملفات الورقيه انهم يقدرو يعملو upfront medical و يبعتوهه مع الملف من الاول خالص و يوفرو وقت
و الكلام ده عن تجربه بعض الناس من الملف الورقى عملو كده و اتقبل عادى بالاضافه الى الموقع الرسمى مش رابط ال upfront بالاكسبريس انترى نهائى

 

 

[khaled_sabry]

زى ماقولتلكم قبل كده انا معملتش ال upfront medical - و انتظرت الميديكال ريكوست و جهه اخيرا و لكن الفورمه IMM1710 مافيهاش غير بياناتى انا فقط ورقم ال IME ليا انا فقط
هو الجديد و اهم حاجه فى الفورمه دى هى رقم ال IME فقط - و معنى كده ان ما اتعملشى رقم لافراد اسرتى

اتصلت بمستشفى انجلو امريكان علشان اعرف موقفى و ردت عليا المسؤله عن الموضوع ده سكرتيره او ممرضه تقريبا اسمها مارى - وكان ردها كالاتى
الكشوفات بتبقى مربوطه برقم IME على السيستم EMedical (واضح ان IME هو ال Primary key فى جدول الافراد على مستوى الداتابيز )
فلو كنت اتصلت بيها قبل ماتيجي الفورم كانت عملتلى upfront medical و اتعمل لكل واحد رقم ال IME و مشى الموضوع صح من الاول لكن طالما اتبعتلى ميديكال ريكويست يبقى فيه ارقام IME اتعملت ليا و لكل واحد من افراد اسرتى و لو هى عملتلى كشف من غير ماتعرف رقم ال IME اللى اتعمل يبقى هى حتعمل واحد جديد و ساعتها حتحصل لخبطه جامده علشان حيبقى افراد عيلتى عندهم رقمين IME على الEMedical
طيب دلوقتى اعمل ايه - ابعت لل CIC و قولهم على الفورم اللى ناقصه
و بناء عليه - ماتقدرشى تعملى الكشف غير لما تيجي الفورم كامله

طبعا بعت ميل فى وقتها و بعت كمان CSI بالمره - و لغايه دلوقتى ماحدش رد على الاتنين (عدى 11 يوم لغايه دلوقتى)
طبعا عداد ال 30 يوم بيمر و الوقت مش فى صالحى

فى اليوم رقم 7 اتصلت بالدكتور كريم سيدهم (عياده الاسكندريه) و شرحتله الموقف و كان رده كالاتى :
انى اقدر اكشف انا و افراد عائلتى عادى جداا !! - طيب و ارقام ال IME المفقوده ليهم !! قالى هو يقدر يعمل ارقام ليهم عادى بدون مشاكل
طبعا انا ماصدقت و حجزت معاد الساعه 3 ونص (هو بيفتح 4 بس يومها ذوقيا فتح بدرى نص ساعه بدون ما اطلب علشان الحق اعمل كله فى يوم واحد علشان مسافر)
و بناء عليه سافرنا الاسكندريه - عيادة د كريم سيدهم فى 18 شارع سيسوستريس فى محطه الرمل
طبعا انا فى ذهنى العديد من الاسئله و هل بعمل ارقام IME لافراد اسرتى ممكن الدنيا تتلخبط و لا لاء - هو دقيق جداا بصراحه و لاقيته قبل ما ينشئ رقم بيدور الاول برقم الباسبور اذا كان متسجلين على السيستم و لا لاء
ده غير انه و احنا فى العياده جم 3 حالات مماثله لحالتى ( ان IMM1710 يبقى للمتقدم الرئيسى فقط بدون افراد الاسره) - فحسب كلام الممرضه ان ده بقى الطريقه الجديده اللى بتتبعها ال CIC و انهم مبلغين الدكتور بكده

خلصنا الكشف عنده الساعه 6 الاربع - المشكله ان التحاليل و الاشعه فى اليكس سكان اللى فى مصطفى كامل و هما بيقفلو الساعه 7 ونص
طبعا نتيجه انى مش عارف اسكندريه كويس فسيبت عربيتي و ركبت تاكسى (طبعا بعد ماطلعت عيني انى الاقى تاكسى يحن عليا و يوديني هناك ) - على حظى السئ فيه تصليحات فى الكورنيش فى سموحه فالطريق واقف
المهم بعد جهد دخلنا اليكس سكان الساعه 7 و ثلث (قبل 10 دقايق من الاغلاق) يعنى اخدنا تقريبا ساعه و نص ف الطريق - اكتشفت بعد كده فى الرجوع ان الترام اسرع بكتير و المشوار ده كله كان خلص فى نص ساعه

نيجي لطبيعه الكشوفات و اللى اتقالت فى موضوعات كتير
الكشوفات بتبقى كشف نظر بسيط و ضغط و باطنه و شويه فحوصات سريريه بسيطه و الدكتور بيسألك اذا كان عندك مشاكل صحيه او كسور مثلا او عملت عمليات قبل كده - و ده لكل افراد العائله
التحاليل و الاشعه : للى اكبر من 12 سنه بيعمل اشعه صدر و تحليل دم و تحليل بول
من 5 - 12 سنوات بيعملو تحليل بول فقط
اقل من 5 سنوات مش بيعمل اى تحليل و لا اشعه

طبعا قبل ما تروح لازم تبقى محضر الباسبورات (الاصل) + 3 صور منها / 2 صور شخصيه لكل فرد باى مقاس مش مقاس محدد

نقارن بين الكشف فى القاهره و الكشف فى الاسكندريه
الكشف فى القاهره مميزاته أن الكشف و التحاليل و الاشعه فى نطاق المستشفى
سلبياته : انهم بيشتغلو من الساعه 9 لغايه 4 العصر - و بالتالى حتاخد يوم اجازه لو كان كشفك فى وسط الاسبوع
- ده غير ان عليهم زحمه كبيره لانهم بيشتغلو لكذا سفاره تانيه ففى الغالب لو حجزت حتاخد معاد بعد اسبوع

اما بقى الكشف فى الاسكندريه
ميزته انه بيبداء من 4 العصر حتى 7
الضغط عليه اقل من القاهره و بالتالى بتاخد المعاد غالبا بعد يوم او يومين من الاتصال
سلبياته هو بعد مكان عمل الاشعه و التحاليل و بالتالى غالبا حيبقى الكشف على يومين

طبعا لما تتصل بالعياده اللى حتروحها لازم تقولهم موقفك بالظبط
اتمنى ان الكلام ده يساعد اى حد حيعمل الميديكال الايام دى