Arabic Discussion Forum with a Special Interest in Travel and Immigration

د. يحي الشاعر · 9th May 2010, 10:12 PM

أشجـان السيد العربى ... بالبلدي عن حرب بورسعيد 1956

لم تخلي بورسعيد من "الحكايات" ...

وعندما كنت أكتب بشكل متواصل في منتدي بورسعيد ، خطر لي أن أتطرق لبعض "الحكايات"
بلسان رجل بورسعيد أطلقت عليه "السيد العربي" وذلك تكريما لصديق خلال سنوات الدراسة و تدريب الفدائيين وايضا المقاومة السرية المرحوم "السيد الكومي أسكنه الله واسع جناته ه
الذي كان يطلق عليه السيد العربي .

الهدف ، هو النقد "بلسان البلدي" و "التطرق إلي المشاكل" و التعليق علي "أحداث" و"اوضاع محلية" وأيضا علي "حواديت" ...مبالغة و ســـرح و فشـــر تتخطي عظمته ابولمعة في تخيلاتهم ولكن "أبطالها حقيقيين" ... ولكن بطولاتهم "تخيلاتهم وســـرحهم " وهذه أحدهم ......

كنت أبدأ الكتابة ن بدون اي فكرة مسبقة ....

فيما يلي سطوري حرفيا ....

وقد يحتمل ان أعيد نشرهم هنا أيضا

د. يحي الشاعر

د. يحي الشاعر · 9th May 2010, 10:13 PM

أنـا وأبـولمعة ، ومـورهـاوس ... !!! ياناس إختـشوا بقى وبلاش

اقتباس

27 مايو 2006, 13:46

أنـا وأبـولمعة ، ومـورهـاوس ... !!! ياناس إختـشوا بقى وبلاش تهريج ، إحنا لسـه عايشين على قيد الحياة ...!!!! ...!!!!

رددت علي "السيد العربى" موافقا لأفكاره .......

..... معلهش "ياأخويا" ..، ما هوه ده الفرق ..... بيننا ......وبينهـــم ..... !!!! ..... رجـــالنا ...أولاد بــلدنا .أولاد الأرض الطيبة ...... ورجــــالهم ..... !!! ..

مافيش حد من قادتنا ، ركب الحصان ... ومسك بالسيف ، وبدأ يرقص به ، إلا بتوع سواح الهرم ...

و ما فيش حد من قادتنا ، مسك ببندقية ، ووقف فى البلكـون ، وضرب طلقة ..... فى الهواء .... يا سيد ... فى الهواء .... !!!

ومافيش حد من قادتنا ... جاب كام شخصية ممثل دوبـل ، تركب بدلا منه العربية ، وتروح تزور الجماهير .... .... ولا تفتح بقها ... علشان الناس مايعرفوش أنه "تمثيل ..."

كلــهم رجالة ، الى توفاهم الله .... واللى عاش ، ربنا يطول فى عمره

فوافق "السيد العربى" .... ولكنه ، نظر الى بسمات وجهى ، وكأنه أحس بأننى أخبىء شيئا فى جونى ، اود أن أخلص منه وأبيح به ... فقــال متســائلا ....

"... طب والنبى قوللى ، ... إنت مافيش حــاجة ضايقتك ... ؟ أو بتضايقك ..... ؟؟؟ ......فى بورسعيد ...؟؟؟

فجذبت إنتباه السيد العربى الى أننى لا أود أن أدخل ، ولن أتطرق الى أى موضوع داخلى ....!!! " ، فــإننى احضر الى مدينتى ضيفــا لزيارة وطنى ، ولا يمكننى خلال وقت زيارتى القصير من التوقح والأدعاء بمعرفتى للأحوال ... فى المدينة ... علاوة على ذلك ، فـهذا ليس من شأنى ، فهناك أشخاص وشباب يعبرون عن رأيهم ،
وبما أننى أعيش فى الخارج ، فلا بد أن أترك "... العـيش لخبازينه ..."

... " ... أنا مش قصدى ، سيــاسى ، أنا قصدى ، بالنسبة للى إنتم عملتوه زمـــان ...... ؟؟؟

... أيوه "يا عربى " ..... ما هيه دى المصـــبة ..... زمــــــان ..... !!!

.... طب قــوللى أى حاجــة وحياتك ... !!!... خلينى أتحسر معاك ....

لم يكن أمامى الا الأستجابة ، ف "السيد العربى" يوجد فى نفس كل منا .... ... ذكر وأنثى ....

شــوف ياعربى .....

سأسرد لك قصة حدثت من قريب ، فـــى بـــورســـعيد "
..... لبيت دعوة كريمة من صديقى الحبيب وزميل الكفاح فى المقاومة السرية المسلحة ، " الدكتور الصيدلى " محمود عبد الغفور ، لألقاء محاضرة أمــام عدد من رجـال الأعمال البورسعيديين عن "غــزو بورسعيد ، تاكتيكيتها ، وتسلسل أحداثها ...

وهى محاضرة مزودة بخرائط عسكرية ، وبيانات أصلية مفصلة عن القوات البريطانية والفرنسية ،وجداول مفصلة عن أسماء السفن والوحدات الأنجلوفرنسية ، والغارات الجوية وأهدافها وساعة وقوعها وما حققته، ... الخ ، وهذه المعلومات موجودة فى كتابى ...

.... بدأت أشرح تكتيكية الغزو .، واتطرق لتفاصيل سرية عديدة ، وكان الأهتمام بالمزيد ، ينمو مع الوقت ....

.... وفــــــــــــــــجـــأة .......
..... قاطعنى أحد الحاضــرين .....!!!!! ...بصوت رنان وبقــوله عن نفســـه ما يلى ...، وأنقل كلماته حـرفيا " ...... أنــــــــــا اللـــى خــــبـيت ودفــنت مـــــورهــاوس ...... !!!! ...." .......!!!!!

توقفت عن مواصلة محاضرتى ....

وتمعنت وجهه ، لأن الأفندى عمره حسب "شـــــــــكله .... !!! " لن يزيد اليوم 27 مايو 2006 عن 55 "خمسة وخمسون" عاما، وبكل حساب متسامح ، نصل الى النتيجة ، يعنى ، أن حضرة الأفندى كان عمره 6 (ستة) سنوات وقتهــا ...... !!! يوم 14 ديسمبر 1956

ســاد الصمت على القاعة ، ونظــر جميع الحاضرون الى الأفندى المذكور ، ثم تطلعوا لى ، فقد لا حظوا من توقفى ، أننى " ســـــــأرد وأجيب ...." وأنتظــروا ..... "معركة ... فضيحة ... خنـاقـة ...؟؟؟ لست أدرى ...!!!

نظرت الى صديقى الدكتور محمود عبد الغفور ، حتى أستأذنه " كمضيفى" على قطع تسلسل المحاضرة ، لأرد على " وقـــاحة وسفـــالة جاذفة ..."

نظر الى "حبيب قلبى الدكتور محمود ، وأشار لى بيديه ، بشكل مستور ، نعرفه سويا جيدا ، بما معناه .....

"..... ســـيـبـه .... يمــهـــيـــص ......... "

واصلت محـاضرتى ، ولمأ إنتهيت ، وجه العديد الى من الأسئلة ...... !!!

وقبـــل أن أختم محــاضرتى شــاكرا .... ، لــم أريدهـــا تعــدى علية بالشــكل ده ......

وجهت نظرى الى الأفنـدى المذكــور ، وبكل أدب قلت له مايلى متســـائلا ........!!!!

...... عجـيب يا أستاذ ...، ده أنـــا اللى دفـــــنـتـه ، وساعـدنى "السيد البوص" ، .... !!!! هوه أنــــت كنت مـــســـتـــخــــبى فـيـن بـقـى. وقتها....؟؟؟ ...... علشـــان أنـــــا مـــاشـــوفـــتـــــكـش ........؟؟؟ !!!!

إبتســم العديد ، وظهرت علامات الرضــاء على وجه الصديق الدكتور محمود عبد الغفور ... ، بينــما إستــدار الأفندى إيـــاه ، ليــغادر القـــاعة وينسحب فى كل هدوء

......علق " السيد العربى " بقولـه ....."مـعــلـهــش ، مــاهو أصل البلد دلوقت بقت مليانه من الصنف ده .....!!!

قلت له ، إحنــا كنا بنسميهم " أبــولــمــعــة ". خلال أيامنا ، أيـــام زمـــان .. !!!!.

ضحــك "السيد العربى " وتمتم ،"..... أيــــوه ، ..... أيــــام زمــــان "

فقد كانت هذه الجملة دائما، البداية لقصص ومهيصــة "أبولـــمعـة"

مــا أود أن أوجهه بهذه السطـــور ، هوه رجــــاء قلبـــى وتحــــذير صـــادق

....... يــانـــاس إختشـــوا بقى وبلاش تـــهـــريــج،........ إحنـــا لســـه عـــايـشـــين ومازلنا على قيد الحياة ...!!!! ...!!!!

كــل أصدقائى فى المقاومة ... واقفين مع بعض ، ومخلصين لبعض ، رغم خمسين سنة ، لا ننقلب على بعض ، ونتمسك ببعض ، لأنها أيــــــــام شـــريفة ....... أيــــــــــــــــــام زمـــــــــــــان

.... وما دمت أعيش ، فســـأفتح فمى ، وسأكتب ، وسأسرد " الحــــقــــيــــقــــة للجميع

والله زمـــــــــــــــــــــــان

د. يحى الشاعر

د. يحي الشاعر · 9th May 2010, 10:18 PM

أشجـان "السيد العربى" (القسم الثانى) عن مـعركة الأشـبـاح في بورسعيد

اقتباس

أنتوا سألتوا ... هوه راح فين بقى ... ؟؟؟ السيد العربى .... ؟؟؟؟

سأخبركم فى رسالة قـادمة .... من الذى أقترحه عليكم ، لمواصلة سرد أشجان "السيد العربى" فى جيانولا على فنجان القهوة السادة ...

...
...
شـــاب إبن حلال قوى ...
زيكم كلكم .....
....

......

بس دلوقت، لازم "السيد العربى" يكمل القصة .... ويسرح بأشجانه ... !!!
.........

......
............
... صباح الخير ياخالد ...

صباح الفل يابيه ....!!!!

.وحشتنا ... وإشتقنا لحضرتك ....!!

.... يالله يــاصبرى ... بسرعة .....!!!

... نادى "خالد" على زميله ، ليحضر القهوة السادة مع الحبهان ....!!!

القهوة جاية ..... على طول ...

واستدار خالد ليترك السيد العربى يهوم بعيدا مع أشجانه ... !!!

......
....
...
..

د. يحى الشاعر

د. يحي الشاعر · 9th May 2010, 10:26 PM

فوزي الــهــــجاص و مـعركة الأشـبـاح في بورسعيد

اقتباس


	..... ياسلام ..... "ياسيد" .... أيــام ...!!! يابختها حيطان قهوة جيانولا .... دى سمعت كلام وأسرار كتير .... ...تمتم لنفسه "السيد العربى" وتذكر ضرولرة تكملة إجابته على قصة "الأشباح" فى المنتدى ......وابتسم ...!!! ورأى "خـالد" ، الجرسون إبتسامته من بعيد ، وكان يعلم معناها ... أن السيد العربى سييسرح بأفكاره .... فأسرع ليحضر فنجان القهوة ، ... ومن لهفته على عدم فواته شيئا مما يتمتم به "السيد العربى".... .....كاد ينزلق على بلاط جيانولا ، ولكنه ملك توازنه بشكل فنى رائع ... ووضع فنجان القهوة السادة على المائدة ..........!!! واتجه الى الصالة غير أنه تراجع وتسلل مقتربا لينصت ...!!!.... .... وتمتم " السيد العرب" لنفسه ، بصوت يسمعه خالد ، فقد كان يحس بوجوده ، ... فقد كان خالد مشهورا برائحة الكولونيا الطيبة ، التى تحيط به ....اينما ذهب ... ، أهدتها له "سائحة" فرنسية ، أتت للمدينة للتذكـر أيام شبابها على أرض مصر .... قبل 1956 ... !!!! ... آه ، أنا كنت فين المرة اللى فاتت ... ؟؟؟؟ ... سأل نفسه "السيد العربى" ... والله نسيت ... !!! " .آه.... ... عرفت .... معركة الأشباح اللى بيدعوا وبيقولوا أنها قامت ليلة الانسحاب بين الفدائيين والمحتللين بجانب الجامع التوفيقي من ناحية قسم العرب ؟؟ ....." أشباح مين يــاعم ... وليلة الأنسحاب مين ياريس ... ؟؟؟؟ ... ده بغبغوا اللخبطان ... قصدى لخبطوا البغبغان ... قصدهم 23 ديسمبر ...... أو 22 ديسمبر ... ؟؟؟؟؟ .... لـــم يحــــدث شىء "بــالــمـــرة" بين الفدائيين والمحتللين بجانب الجامع التوفيقي او فى حى العرب .... وأى كلام يقال غير كده ........... "مــهــيــصة وأبــو لـمـعـــة ....... " ... "تـــانى .... !!! .... ابولمعة ... الله ... ؟؟؟ والهجص ده ... ؟؟؟؟ الشباب تصدوا ، فى شارع حسن ، وشارع عبادى النيرانوحولين الجامع العباسى ...النار كانت بتلتهب فى المبانى ، واللى زاد المصيبة ، أن أنابيب البوتاجاز كان بتنفجر وتزيد النار إالتهاب ... ياساتر يارب ... زى جهنم ...المنازل تلتهب ... الصريخ ...فيه ناس راحوا فى البيوت دى ، وماحدش عارف ... راحوا ... دابو ... بقوا فـحـم ....قتلى وشهداء الجرحى فى كل مكان ... منظر مؤلم ، ... المهم ، بعد كام يوم ... تكونت المقاومة السرية ...، ومنزل فوزى الهجاص كان بالقرب من مبنى قسم العرب ."قسم تانى" .. ... المهم ... سألت عنه .، فكنا نعرف بعض .... ... فينه ..؟؟؟ فـــوزى ..أفـــندى ....؟؟؟ مين ... ؟؟؟ فوزى ؟؟؟؟ فوزى مين .يافندم ...قصدك .. فوزى حجـــ .... " ... !!! ... ... ....... ... لآ .. ... سلامتك بقى ده فــك وكان من أول اللى طفشم وهـاجر وا للمطرية ...!!!! ....... ؟؟؟؟؟؟ آه .....مع اللى سابوا المدينة قبل الغزو .... فى المراكب الله حطتها المحافظة علشان تهجر *** والأطفال والشيوخ .....!!!! الله ... ؟؟؟ والهجص ده ..بتاع زمــان ... ؟؟؟؟. ... ده كان من أول ناس ... اللى خـــافوا وهــربوا ... فــك ... !!! ... ...... ........... . .... ... .......

د. يحي الشاعر

د. يحي الشاعر · 9th May 2010, 10:31 PM

[SIZE=×4]فوزي الــهــــجاص و مـعركة الأشـبـاح في بورسعيد

- بقية -

[/SIZE]

اقتباس

ومضت السنون ،الطويلة ... ...

وكنت أزور القاهرة فى أجازة ،.....

.... وعندما خرجت من مطعم "التابعى الدمياطى" فى شارع سليمان باشا فى القاهرة ، وبعد أكلة "طعمية وفول محترمة" بأتمشى ، فشاهدت فى كشك كتب ... كتابا إسمه ....

... "البطولة المصرية فى سيناء وبورسعيد " ....

...صادر عن مكتبة مصر ، 3 شارع كامل صدقى , الفجالة القاهرة ....

اشتريته فورا ... فكنت متلهفا لمعرفة ماكتبوه عن بورسعيد ....

..... وقلبت فى صفحاته ... حتى لفت أنتباهى القصة رقم 14 "
قصة طويلة ... من صفحة 123 حتى صفحة 131 " وعنوانها

...... " فوزى حجـــ ....، . قاطع آذان الجنود ...." .....

... الله ... ؟؟؟؟ ... آذان الجنود .. ؟؟؟؟ ..... ده أنا لازم أقراها بقى ......

...
......
.............

قرأت ، وقـرأت وقـــرأت ....

وأندهـشـت ، وأسـتـغـربت ...، وتــعــجــبــت ....

ياساتر ياناس .... !!!

ده واحـد فـك وجـرى ... ودـلوقـت .. ؟؟؟

.... بقى قاطع آذان جنود بريطانيا العظمى ... ده مش كلامى ،
ده التعليق تحت صورته المرسومة فى الكتاب

...
......
....

صدقونى واللهى ... "مش كلامى" ومش من عندى ، وأصور لكم الصفحة ، بش مش عايز حد يتهمنى بالتشهير بأحد ... غرامة فلوس ... "مــــلايين ... لما الواحد بيفتح بقه ويقول الحقيقة ...!!! ؟؟؟؟

وبعدين بيحكوا بقى .......كيف أنه "فوزى الحــــ ..... أخذ ينظم صفوف الشباب ...!!!

حتى أنه قسم الـمقاومة الى عدة فرق ..!!!! لآنه .

...
.......

" ... كـــــان فوزى قـــائدا للـــفرقة الأولى ، وقوامها ستون شابا ...، إختارهم من الأنتحاريين ..... الخ الخ الخ .....

ياخيبتى يامــصر ...."

...
.....
........

فرق ... يعنى مش مجموعات ... !!!!

وبعدين ....

ده كل عدد أفــراد المقاومة السرية الرسمية المسلحة لم يزيد على خمسون فردا ....كانت بتعمنا المخابرات العامة ، بجبروتها ، والبوليس ، والمحافظة ، وضباط الجيش ... واقفين ورانا ... لم نكن نزيد عن "خمـــسون مقـــــاتــــلا ... "

اللى بيحاربوا .... اللى موجوده أسمائهم فى السجلات الرسمية وعارفة بيهم القاهرة ... ورئاسة الجمهورية ... ودلقت ... المحــافظة .....

....
......

أسمهم كلهم فى كتاب " الوجه الآخر للميدالية ، حرب السويس 1956".. وفى أى مجموعة ... وكانوا بيعملوا وعملوا ايه ... ومين كان قائد المجموعة

أسمهم كلهم فى كتاب " الوجه الآخر للميدالية ، حرب السويس 1956".. وفى أى مجموعة ... وكانوا بيعملوا وعملوا ايه ... ومين كان قائد المجموعة ...

....
.......
...

المهم ...

أنا قرأت كلمة جــامع التوفيقى ...ومعركة الأشباح يوم الآنسحاب ...وفكرت ...

...
....

طيب إختشوا بقى .. ده إحنا كان مركز قيادة المقاومة السرية فى مبنى قسم ثان .، وكنا بنشوف وعارفين اللى بيدور حوالينا ......

.....
....
.........

المهم ... وللحقيقة المشرفة .... فقد حدثت عدة معارك بالقرب من الجامع التوفيقى ....

ويظهر أنهم قصدهم الكمين الليلى ، فى شارع "سعد زغلول " أمام محل ابوزكرى ، تاجر السمك ، مساء "أو بمعنى أصح ... نصف ليلة 14 - 15 ديسمبر 1956 .، لما حمينا ظهر رجال الصاعقة ، فى عمليتنا المشتركة معاهم وهوجمت فيها معسكر الدبابات ..

ده فعلا ... كانوا أشباح سوداء .... ماهوه نور الفوانيس فى الشرع كان بيرمى الظل على الأرض ... وبقينا ... أشباح ....

....
.......

تانى يوم ... البح بدرى ... هرب الأنجليز من جوه البلد .... وتلااجعوا فى الشريط الرفيع بين المينا وشارع فؤاد ... وحطوا اسوار شلك سائك ..ز وبدأو يختموا ذراع كل واحد يخرج أو يدخل المنطقة ....

... ثم أبتسم "السيد العربى " لنفسه ، ونادى على "خالد" الجرسون ..

.....
.......

.... أؤمر يافندم ....!!!

...
.......

بس تعرف ياخالد ...
...
...... أيوه يافندم ... ؟؟؟؟

... أحنا برضه زورنا الختم ... وبقينا ندخل المنطقة المحرمة ...

بس دى قصة ثانية بقى ياخالد ...

....
.........

إبتسم "خالد" للسيد العربى قائلا ...
... ...زى ما تؤمر حضرتك ...

...
......

وفهم خالد أن السيد العربى كان يعرف ، بأنه ينصت لتمتمته "

...
.....

ونهض "السيد العربى" وغادر المقهى ، وهو يتمنى من قلبه ،
أن يجد الشباب هذا الكتاب المهذل ...

.... ليقرأوه ويضحكوا ... على .... أبـــو لمعة المهياص

..... قاطع آذان جنود بريطانيا العظمى

وحتي اليوم ، لا يزال هناك ، من يصدق حدوتة "قطع آذان الجنود الإنجليز" ...

أما عن فوزي حــــ........ فقد إختفي من علي وجه الأرض ، بعدما كشف أمره

د. يحي الشاعر

د. يحي الشاعر · 9th May 2010, 11:08 PM

"إيه الحكاية ؟؟؟؟
سـيــنـــاء ... وأراضيها .... !!!

- 1 -

اقتباس


	.... ........ ... صباح الخير ياخالد ..... صباح القشطة يا فندم ...... !!!! ..... علي طول ..... السادة جاية ..... ..... إستعجل يا درش .... البيه وصل ..... يابني إستعجل ..... .... سعــادتك ، إمبارح .. يعني حكاية ودان العساكر دي .... ؟؟؟ كانت هذذه الجملة ، يا دوب خرجت من شفتي الجرسون خالد ، حتي فهم "السيد العربي" انه لازال بعض النقاط التي لا بد أن "يسرح باشجانه ويتمتم لنفسه بهم .... ... بس إنت جيب القهوة ... .... علي طول يا فندم ... هات يا درش وأسرع خالد ، ليحضر الصينية الصغيرة فوق المنضدة أمام "السيد العلابي" ... كان فنجان القهوة بوش ... ومنظره يطفو علي سطح فنجان القهوة السادة يعدل المزاج واتجه الى الصالة غير أنه تراجع خطوتين وتسلل مقتربا لينصت ...!!!.... و... حتي يستمع لهمس السيد العربي" ... كان يعرف طباعه ، بأنه لا يحب أن الحركة والدوشة حوله ... .... .... تمتم " السيد العرب" لنفسه ، بصوت يسمعه خالد ، فقد كان يحس بوجوده ، ... .... ... .. "مــهــيــصة وأبــو لـمـعـــة ....... ونهب وسرقة علي عينه " .... ... "تـــانى .... !!! .... يا خسارتكيا مصر ..... وتذكر السيد العربي ، مكالمة يحى الشاعر التليفونية مع أحد الشباب الأعزاء ، وتذكر تعليق الدكتور "محمود" له .... "أصل الأيام دى ، البلد مليانة منهم ...." !!! معلهش يا سيد... "سيد" ، اصل الذاكرة دى بتضعف ... والأبطال دلوقت بيموتوا واحد وراء التانى ، والحبل متساب علي راحته ... والسؤقة والنهب في البلد شغال غلي راسه .... ده زي المششار .. طالع آكل .. نازل ناهب ....حتي ديوم البلد رهنها ..... ... ده النهب علي عيني وعينك .... ألله يرحمك يا ايام زمان .... كان وقتها بيبيعوا الأرض بالمتر المربع .... دلوقت بيبيعوا سينا بالكيلومتر ..... .... سمع خالد هذه الجملة ، وتذكر ن كيف اصبحت أحواله المالية ... يادوب قادر يعيش .... .... ولا يهمك ... يا سيد الدنيا مالهاش امان ... تخلي المكسي عريان .... .... بس إللي أنا مش فاهمة .... إشمعني ما نقدرش ندخل أرضنا بجيشنا زي زمــأن .... ؟؟؟؟ ده حاجة عجيبة قوي .... يعني خمستاشر كيلومتر وبس ... وبعد كده ... عساكر بوليس وشرطة بس ... ومفيش سلاح إلا البنادق .... لا مدافع ولا دبابات ولا مدرعات ... حتي المطارات ممنوعة علي مصر ..... ...... ......... دى معــركة تانية "من عـــديد" ... بس مش اليوم اللى بيقوله ، إحـــنا كنـــا بنقـــاتل ونـــقتلهم ...... !!!! من غير تيـاتـرو ومــسرح تمثيل وإدعاءات فارغة وتزيينات لمبات فـــرح ...ومزيكة وهيصة وزمبليطة ..... ومن غـــــير تصـــفـــيـــق .... مـاكنـاش مـحـتـاجـيـنـهـا .... !!! ولـغاية النهاردة مـش مـحـتـاجـيـنـهـا .... !!! .... !!! خليهم اللى عملوها بقى ، يحلموا بأشباحهم . ولاهمه كانوا بيحاربوا أشــباح .... ؟؟؟؟؟ مــاهــوه ده اللى جاب علينا مصيبة 1967 ... !!! الكـــــــذب ....... !!!! لاحــول ولا قــوة الا بالله ..... بالمناسبة ... "كل سنه وهمه طيبين ... النهاردة بنقرب علي يونية يعني "عـــيدهــا ... ولا عيدهم ... ؟؟؟ " يخــرب بيتـــهم .... ضيعونـــا "وقتها وخذلونا ... ... كان خالد يتصنت ... ، وكان "السيد العربى" يعلم ذلك ، ولاحظ بطىء خالد فى تنظيف سطح المائدة ... فأبتسم "السيد العربى" ... لنفسه ... له حق ... مـاهو بيسمع كلام قد الدنيا ...ويضحك فى البيت ويسخسخ من الضحك عليهم ... ... ثم أبتسم "السيد العربى " لنفسه ، ونادى على "خالد" الجرسون .. ..... ....... .... أؤمر يافندم ....!!! ... ....... بس تعرف ياخالد ... ... ...... أيوه يافندم ... ؟؟؟؟ ... أحنا برضه زورنا الختم ... وبقينا ندخل المنطقة المحرمة ... بس دى قصة ثانية بقى ياخالد ... .... ......... إبتسم "خالد" للسيد العربى قائلا ... ... ...زى ما تؤمر حضرتك ... ... ...... وفهم خالد أن السيد العربى كان يعرف ، بأنه ينصت لتمتمته " ... ..... ونهض "السيد العربى" وغادر المقهى

د. يحي الشــاعر

د. يحي الشاعر · 11th June 2013, 08:14 PM

يـــرفـــع

د. يحي الشاعر

د. يحي الشاعر · 30th October 2019, 09:52 AM

هـــوه شارع الكورنيش اللى عـالبـحر في بورسعيد
إسمه إيه دلوقت ... ؟؟؟

اقتباس

المشاركة الأصلية كتبت بواسطة د. يحي الشاعر


	اللى مافيش فيه خـير فى أولاده ، يبقى مافيش فيه خير فى الناس .... !!!! ... ........ قوللى يـاخــالد ... ؟؟؟ تحت أمرك ... يافندم ...!!! هى أسامى الشوارع الجديدة اللى فى البلد دى ... بورسعيدية ولا غــرب ...؟؟؟ ......... ............. والله يافندم ... كده ... وكــده ... ...... .......... ...... تليفون ياخــالد .... الحاجة...عا تيلفون ...... !!! ... ؟؟... أتىمن بعيد صوت المشرف على "جيانولا" ... ربنا يســتر ... تمتم خالد ، وأعتذر ل"السيد العربى" ... .... ........ يعنى أيـــه ... ؟؟؟ كــدة وكــدة ... ؟؟؟ .. أنا مش فاهمها دى ... !!! ... ....... تمتم السيد العربى لنفسه ..... طيب يـأعـنى ماعندناش رجــالة وسيدات ضحوا للبلد ويستحقوا التكــريم ... ... ...... شارع المحروسة ومعركته الشهيرة اللى الأنجليز بيحكوا عنها قصص ماحدش عارفه .... ... دى مصيبة وجهل ..... حتى لما سأل عنه موظفين فى مكتب ... بعتوه مع شقيقه عبد المنعم لحـارة جنب شأرع أسوان ... .... ....... طيب .... شارع ديليسبس بقى سعد زغلول ....، ...... وشارع أوجينا بقى مراته ... برضه معقولة ..ز أهوه كان زعيم ... وكلها بقى فى العـــيلة ... ...... وكتشنر ... بقى 23 يوليو ...." جــدعــان" ، بس دى مش بتــاعكوا طيب ، وايه بقى مع الكورتيش .... ؟؟؟ ....الكورنيش ... الشارع اللى استشهد على أسفلته حوالى 100 واحد .... .... ........ جنود الكتيبة الرابعة مشاة ... ،العسكر الرجالة ... فدائيين الحرس الوطنى ....، .... كلهم كانو فى خنادق جنب الكباين ... وراها ... مش بس كــده ... يوم الثلاثاء 6 نوفمبر ....الصبح بدرى ... الساعة 6 تقريبا ... ماهمه الأنجليز نزلت دباباتهم عالشاطىء .. والمدافعين كانوا مستنينهم ....، رغم النبالم ... .... .... والله إستعملوهـا ، رغم أنه ممنوع أستعمالها .. وحتى مصطفى شردى ، شافها يوم الأثنين بعد الظهر وصورها وكتب عنها فى الجرنان ...، .... ........ .... هوه كان مع "يحي الشاعر" فى خندق على الشط ، ورا ء مبنى المحافظة الحالى ... كان وقتها معسكر جيش ... مدفعية مضادة ..، وبعدين الطيارة جت ، وطارت واطية قوى ... و"ياسيد ياعربى" رمت قنبلتين اسطوانتين كده ، طولهم حوالى متر وشوية ، ... ويابنى ... النار مسحت الشاطىء ... لهب ... جهنم ... ياساتر مصطفى الله يرحمه استغرب ، وسأل "يحي الشاعر" ، لما شاف النار ... ..... ... ايه ده يا يحى ....؟؟؟ ... يــاســاتر... زى الجحيم ... ..... ... ايه ده .....؟؟؟ "يحي الشاعر" قال له ... "نــابالم يادرش ...من اللى استعملوها فى كوريا.... ... .... شــردى بدأ يلقط صور .ويصور وياخذ بالكميرا بتاعة لحظات ..... ... .... رجع "خــالد " ليضع فنجان القهوة السادة أمام "السيد العربى" ...واستدار ، ليكمل حديثه الهاتفى مع الحـاجة ... .... كانت مكالمة هــامة ... ستعطيهم المحافظة شقة سكن جديدة ، بالتقسيط فى أحد ألحياء الجديدة ... ... ....... مبروك "ياخالد" يابختك ياابنى ... والله تستحقهـا .... ... تستاهل مش أنت بورسعيدى قح ..؟؟؟. ...وليه لأ.....؟؟؟... ... المهم ....يا "سيد يأعربى" ... إحنا كنا فين ...؟؟؟ ... ....... القهوة كويسة النهاردة ...!!!! برازيلى ... ولا يمنى ... ؟؟؟ ياســاتر ... سيبك بقى من اليمن ... ..... ....... وأزاح "السيد العربى" ذكريات "حرب اليمن السعيد" وما أدت له فى النهاية من "إفــــلاس ألخـــزينة المصــرية" وتلتهـــا مصيبة 5 يونيو 1967 ... ....... كانت أفكار محزنة ... ولكن "السيد العربى" واصل الهيام فى حوادث شــارع الكورنيش ... وكان يكمن فى ذهــله ســؤال واحد ... يتكون من كلمـــة واحـــدة .... .... ....... "... لـــــــيه .. " أو بالعربى الفصيح .... لـــــمـــاذا ؟؟؟؟ مافيش فيه خير فى أولاد البلد ولا إيـــه....؟؟؟؟؟ !!!! ..... ..... .....

- يتبع -

د. يحى الشاعر

د. يحي الشاعر · 30th October 2019, 09:54 AM

هـــوه شارع الكورنيش اللى عـالبـحر في بورسعيد
إسمه إيه دلوقت ... ؟؟؟

اقتباس

المشاركة الأصلية كتبت بواسطة د. يحي الشاعر

.........
.............

تمتم "السيد العربى" لنفسه متسائلا ....

وواصل هيمان أفكاره ....

..... أهــل البلد ،اللى كانوا بيدافعوا عنها ....جنب ميدان المحافظة ...

دى كان يابنى معركة ... إستعملوا فيها الصواريخ ، علشان يحطموا الفيلا . مقر المحافظ .... تصور .بقى ؟؟؟.

عـايزين يكسروا نفسنا بس ... ما فيش رمز سيادة وطنية ولا عزة ... إكسر ... أهدم ... أضرب ... بالصواريخ ...

وبرضه كانوا بينكروهــا " وبعدين "يحي الشاعر" بيكشف تفاصيلها فى كتابه ...
...
تصوروا ... بعدين إعترفوا بيها ... فى الأنترنت ...واحد منهم قال أستعملناهم.... !!!!!

ده ضربوا المستشقيات بالرشاشات ....

برضه كانوا بينكروهــا " وبيكشف تفاصيلها ..."يحي الشاعر" فى كتابه تصوروا ..برضه .

.... إعترفوا بيها فى الأنترنت بعدين......

المهم ... لما سمع الرجالة اللى كانو تحت البواكى ..شارع عبادى ، شارع الحسن .. جنب الجامع العباسى ... وراء أسوار . "جنينة الباشا ... سمعوا صوت دبــابات جايــة من نــاحية البحــر ...

هبوا من مكانهم وبدأوا بجروا ناحية البحر .....

... البنادق فى أيديهم ... ويهللوا ... "الـروس جـم ... الـروس جـم ...."
....
........

تراتاتات .... تراك تراكاكاك.... تراتاتات .... تراك تراكاكاك.... تراتاتات ....
...
......

روس مين يأوسطى ... ده كانت الدبابات السنتوريون الأنجليزى ....
...
......

وقع من رجالنا العديد عاللأرض، عالأسقلت ... مضروبين بالنار ... أستشهد منهم وأنجرح منهم ..كتير..

غلطنا ....بين علم الأورطة الملكية السادسة للدبابات 6 ر ت ر ، والعلم الروسى .

.... أصل الأثتين لونهم أحمر ..والدنيا كانت نص ضــلمة ....!!!.

...
......

جروا راجعين .... مات اللى مات ... عدت على جثتهم الدبابات الأنجليزى .... .... وأنجرح اللى أنجرح ... ومات اللى مات.
... بس .........

برضة ، .... وقفناهم شوية ...، مش زى بتوع البحرية ...لكن برضه وقفناهم ...

ودى جدعنة ...!!!!

عالشاطىء ... عالكورنيش ...

برضه استشهد العديد ..... استخبوا وعملولهم كمائن مستنيينهم لما ينزلوا من البحر ...

...
...
الكورنيش كان مليان جثث وجرحى ماتوا لأنهم لم يلحقهم أحد بسرعة ....

...
....

زى مايقولو العسكريين ...

كان شارع الكورنيش ...... أول حزام دفاعى متقدم .... !!!

وظيفته ومهمته ، عرقلة تقدم الجنود اللى نازلين برمائى ... وتحميلهم العديد من الخسائر ...

...
....
... وحــــــصل ... والأحصائيات بتاعتهم بتقول كده ...

....... أن شارع الكرنيش كلفهم كام واحد من عتدهم ...

... مـــاتو ... مش ... جرحوا !!!! ...

ثم حاول "السيد العربى" أن يتذكر إسم."شارع الكورنيش".. الآن بعدما تم تغيير إسم هذا الشارع...

ولكنه لم يتذكــر
....
.......

" .... خالد ...."
......
........

... أيوه يافندم .....؟؟؟ ... ، قهوة كمــان ...؟؟؟

....
........
أبتسم "السيد العربى " معقبا بسؤال بسيط
.....
.........

... هـــوه شارع الكورنيش اللى عـالبـحر إسمه إيه دلوقت ... ؟؟؟
.....
.........
"...... عـــادل الـــســـادات ... يافندم .... !!!!!"
.....
.......

... مين .... ؟؟؟؟

عـ........

قاطعه "السيد العربى " ..........

معلهش "ياخالد " ....

....اللى مافيش فيه خير فى أولاده ، يبقى مافيش فيه خير فى الناس .... !!!!
...
.....

مـــفـــهـــوم ......؟؟؟؟

يعنى ... مش ممكن ندي لأخوه شارع تانى ... ؟؟؟؟

ونعيد تسمية الشارع ليكون مثلا ... " شـــارع ألمــقـــاومــة ... " ؟؟؟ !!!!

لأن ده بيشرفنا ، قوى ، وحتى الناش لما تمشى فى لبلد أو تزورهـا ، تقدر توصل بين أسم الشارع ، وماذا تم فى تـــاريخه ...

الأسم بكل اللغات .. يعطى المـــعنى اللى إحنـا عايزينه ، والناس حاتفهم إن ده الشارع اللى تمت فيه مقاومة الغزو ....

هـــــــكذا نحبذهــم ....

يــاريت نواصل ، ونتطرق أيضا لبعض المواضيع الأجتماعية اللى بتهم...

النقد .... "الــــــصـــــــريح" ... معاهم يعجب ، وده اللى إحنا عايزينه ولازم نواصله ...

لأن النقد "الــبــنــاء" يحتم على " التـفـكـيـر " ويوصل الى "الـــتعـــديل " .... و "التصــحيح" ... ويمكن "اــتــغــيـــر" .... كمان
..
..
ربنا يبارك فيكم

....
..

ونهض السيد العربى ، تاركا "جيانولا " وهو يضرب كف بكف

ويتمتم لنفسه سـائلا ......

" لــــــــــــيه ......؟؟؟؟؟ "

د. يحى الشاعر

د. يحي الشاعر · 23rd December 2019, 11:18 AM

قد تأتي الأيام ، وأواصل بقية ألكتابة " بلسان وصراحة "ألسيد ألعربي" ... ألشخصية
ألبورسعيدية

وقد تأتي ألأيام وأواصل نشر كثير مما لا يزال في "ألمجهول" للعديد، حتي يزداد ألوعي ألقومي والإعتزاز بوطننا ... وشعبنا وتاريخنا

وقد تأتي الأيام ، لأنشر "هـــنـــا" نصوص كاملة من كتابي .... حتي يتوسع نطاق "معرفة ما حدث" وما قامت به بورسعيد من أجل "مصر" ألحبيبة

فأليوم ... تعود ذكري أيــــام عزيزة علي ألقلب وألروح ، أشكر ألله سبحانه وتعالي ،
أن أنعم علي بمعاصرة رجوعها مرات عديدة وكثيرة

حــقـــا .... كانت ... مــرحــلـــة شملت أيام ولحظات ومواقف نعتز بهم ونفتخر

أدعو ألله سبحانه وتعالي ، أن يرحم شهدائنا ، ووالدتي ، وأشقائي وأصدقائي
وقادتي وزملائي في ألمقاومة وألكفاح ضد ألغزو الأنجلوفرنسي لبورسعيد وبورفؤاد
فلولاهم جميعا ولولا إخلاصهم ووطنيتهم وتضحياتهم ، ما إحتفلنا بهذا أليوم

كان ألغزو ألأنجلوفرنسي محاولة "الأستعمار " ، لأعادة مصر لعصر ألعبودية
والإذلال وألخنوع وتوطيد "عقدة ألخواجة" في ألنفوس

ولكن إرادة ألله سبحانه وتعالي دعمتنا وفقتنا وساعدتنا علي ألبقاء أحرار وأن تبقي مصر مرفوعة ألرأس ومنتصبة ألهامة... أمانة في أيدي ألأجيال ألتي تبعتنا وستتبعنا إن شاء ألله

ألحمد لله
و
إســـلـــمي يـــا مـــصـــر

د. يحي ألشاعر

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

Latest Threads By This Member
Thread	Forum	Last Poster	Replies	Views	Last Post
الـمـوســـاد מוסד ... جهاز الاستخبارات...	المخابرات والتجسس والجاسوسية	د. يحي الشاعر	0	156	14th May 2024 09:06 AM
الـمـوســـاد מוסד ... جهاز الاستخبارات...	المخابرات والتجسس والجاسوسية	د. يحي الشاعر	1	138	14th May 2024 08:38 AM
بالأرقام.. هذا ما خلفته ستة أشهر من الحرب على غزة	غزة العزة	د. يحي الشاعر	0	749	6th April 2024 09:41 AM
فيديو عن ناتنياهو يستحق ألتمعن	غزة العزة	د. يحي الشاعر	1	2151	9th March 2024 11:11 AM
حرب الاستنزاف .. ارقام وحقائق	حرب الإستنزاف 1956-1970	د. يحي الشاعر	1	1159	25th February 2024 01:03 PM

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الدفاع الجوي المصري التطور والأداء من بعد حرب 1956 حتى نهاية حرب 1967	د. يحي الشاعر	العدوان الثلاثى وحرب 1956	1	5th November 2013 05:20 AM
صور من حوادث الطائرات التى هاجمت بورسعيد 1956	د. يحي الشاعر	العدوان الثلاثى وحرب 1956	1	30th October 2010 07:19 PM
نشر تفاصيل أكثر عن عمليات المقاومة السرية المسلحة في بورسعيد 1956	د. يحي الشاعر	العدوان الثلاثى وحرب 1956	0	30th October 2010 06:44 PM
الدفاع الجوي المصري التطور والأداء من بعد حرب 1956 حتى نهاية حرب 1967	د. يحي الشاعر	نكسة يونيو 1967	0	4th December 2008 08:55 PM
الدفاع الجوي المصري التطور والأداء من بعد حرب 1956 حتى نهاية حرب 1967	د. يحي الشاعر	تاريخ مصر الحديث	0	18th September 2008 09:11 PM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

العدوان الثلاثى وحرب 1956

أشجـان السيد العربى ... بالبلدي عن حرب بورسعيد 1956