Arabic Discussion Forum with a Special Interest in Travel and Immigration

زهرة بريه · 9th July 2011, 04:07 PM

قد تلهو بنا الحياة فننسى..
الا أن القلب دائما يحن لذكراهم..

ففى القلب لهمـ مأوى..
وهم رغمـ البعد أحلى..

أصدقاء الطفولة.. هم أصدقاء العمر

هنا..\
سنعيش على ذكراهمـ..

زهرة بريه · 9th July 2011, 04:26 PM

TRUE FRIENDSHIP "NEVER" ENDS, Friends are FOREVER
الصداقة الحقيقة لاتنتهي ، الأصدقاء دوما يبقون كذلك..

زهرة بريه · 9th July 2011, 04:28 PM

Good friends are like STARS You don't always see them, but you know they are ALWAYS
THERE

الأصدقاء الحقيقيون كالنجوم ، لا تراها دوما * لكنك تعلم أنها موجودةفي السماء

زهرة بريه · 9th July 2011, 04:58 PM

أول صديقة لىّ فى حياتى كانت هى كل حياتى
بينى وبين بيتها خمس خطوات كانت قريبه فى القلب والمكان..
كانت دايما تعدى علىّ علشان نروح المدرسه لو اتأخرت فى يوم اقعد أعيط لحد ماتيجى..
وقضينا مع بعض سنه أولى وأول سنه تانيه
وفجأة من غير مقدمات قالولى هند سافرت مع أهلها نقلوا من البلد وراحو مكان تانى كان بالنسبه لى ابعد مكان فى الدنيا..
واتصدمت!
لدرجة ان مدرسة الفصل لاحظت اكتئابى وانى دايما لوحدى مبكلمش حد فكتبت رسالة لـ ماما فى كراسة الواجب تقولها فيها تاخد بالها منى لانى عندى شبه حالة توحد..
وعدت سنه والمدرسه دى بقت هى صحبتى وامى وملت علىّ حياتى..

وفجأة بعد ماحياتى استقرت وانافى سنه تالتة رايحه المدرسه عادى لقيت هند فى المدرسه بس للاسف كان متغيره راسها متخيطة وعامله عمليه وباباها جاى معاها علشان يوصى المدرسين عليها وانا بشوفها لاول مرة كنت هتجنن عليها وبصينا لبعض من بعيد وهى مع باباها وما اتكلمناش وفى اخر اليوم قربنا من بعض كأننا اول مرة نتقايل واول كلمة نطقت بيها كانت"سيبتينى ليه؟"
واكتشفت بعد كده انها وقعت على راسها بعد ما سافروا وحصلها ارتجاج فى المخ لولا ان ربنا سلم كانت هتموت علشان كده رجعت مع اهلها البلد تانى بس المرة دى فى بيت تانى بعيد عنى مابقتش جارتى بس فضلت حبيبتى لحد 3 اعدادى ورجعنا افترقنا..
بس لحد دلوقتى لسه على اتصال ببعض حتى بعد زواجها لما بتيجى بشوفها ..

كلزار · 9th July 2011, 05:03 PM

هجيلك بكرة ابقي استنيني

زهرة بريه · 9th July 2011, 05:45 PM

اقتباس

المشاركة الأصلية كتبت بواسطة كلزار


	هجيلك بكرة ابقي استنيني

تنورى فى كل زمان ومكان

البيت بيتك ياست الكل..

bosy · 12th July 2011, 10:39 AM

اقتباس

المشاركة الأصلية كتبت بواسطة كلزار


	هجيلك بكرة ابقي استنيني

هو حضرتك؟

only you · 13th July 2011, 06:34 PM

ما فيش فى الدنيا اجمل من انك تلاقى صديق مخلص احيانا بيكون اقرب من الاهل او مرايتك اللى بتشوفى فيها مميزاتك وعيوبك والصدر الحنين اللى تفضفضيله بهمك ويهونها عليكى ويسمعك وقت ما تحتاجى تتكلمى ويشركك همومك قبل افراحك رغم اللى بيتقال انهم بقو نادرين انما انا شايفه ان لسه الدنيا بخير ربنا يخليلى الدكتوره شاديه صاحبت عمرى

نفرتارى · 13th July 2011, 09:05 PM

تحياتى اصدقائى وصاديقاتى

الحقيقه موضوع الصداقة مهم جدا لان اهم حاجه فى الدنيا

هم الاصدقاء لانهم يعتبرو امرايه ال بتشوف نفسك فيها من

غير زيف ولانفاق وهى المرسى ال ترتاح فيها ولذلك يجب

ان يكونو على مستوى جيد على الاقل مثلك وفى الاخر معهم بتهون

مشاكل الدنيا تحياتى اصدقائى مرة اخرى

زهرة بريه · 14th July 2011, 09:56 AM

اقتباس

المشاركة الأصلية كتبت بواسطة only you


	ما فيش فى الدنيا اجمل من انك تلاقى صديق مخلص احيانا بيكون اقرب من الاهل او مرايتك اللى بتشوفى فيها مميزاتك وعيوبك والصدر الحنين اللى تفضفضيله بهمك ويهونها عليكى ويسمعك وقت ما تحتاجى تتكلمى ويشركك همومك قبل افراحك رغم اللى بيتقال انهم بقو نادرين انما انا شايفه ان لسه الدنيا بخير ربنا يخليلى الدكتوره شاديه صاحبت عمرى

فعلا عندك حق ياطنط اونلى
أنا بحب كلمة جميلة جدا الامام حسن البصرى كان بيقول فيها:
اخواننا احب الينا من اموالنا واولادنا واهلونا..

وربنا يخليلك صديقتك د/ شادية ويدوم عليكم نعمة الصحبة..

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

Latest Threads By This Member
Thread	Forum	Last Poster	Replies	Views	Last Post
تأجيل التأجيل	منقوووووووووووولات	دكتور مهندس جمال الشربيني	2	1628	27th August 2012 12:41 PM
الطرطور والقرطاس	منقوووووووووووولات	زهرة بريه	0	956	15th December 2011 11:01 AM
زياد العليمي يكتب في التحرير: مصر التي سنبنيها	منقوووووووووووولات	nash	1	1196	9th December 2011 03:43 PM
قالّك «الشعب واعى»!	منقوووووووووووولات	زهرة بريه	0	863	3rd December 2011 04:44 PM
نداء للإخوة البلطجيه..!	منقوووووووووووولات	ممدوح56	3	1140	13th November 2011 06:56 AM

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تحذير من عمر عفيفى للمصريين الغلابة اصحاب المدخرات البنكية	fatfouta	شؤون مصر الداخلية	3	2nd September 2011 10:47 PM
اصحاب المحلات يحاولون فتح التحرير ويشتبكوا مع المعتصمين	fatfouta	ثورة مصر ... 25 يناير 2011	28	31st July 2011 11:01 PM
تحية لأهل السويس اصحاب الثورة الحقيقيين	Farida	ثورة مصر ... 25 يناير 2011	4	16th February 2011 10:13 PM
الى اصحاب نظرية المؤامرة الأستعماريه .........و شهد شاهد من اهلها !!!	Farida	مناقشات وحوارات جادة	13	22nd May 2009 07:53 PM
الى اصحاب العيون القوية	انسان بقلب ملاك	معرض الصور والفنون الجميلة	2	28th April 2009 12:10 PM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

ذكريات الطفولة

أعز اصحاب