مصريين الخارج أرفعوا راسكم

[nash]

الصحف المصرية والعربية

اقتباس المشاركة الأصلية كتبت بواسطة شينكاوي اسمحوا لي هقول كلمتين بس محدش يزعل مني , اذا كنا احنا في منتدي - لا استهين بحضراتكم ابداً- وكتير جداً مننا عنده افكار تنفع تكون نواة لمشاريع قومية تنتقل بالبلاد لبر الأمان فاكيد هناك من هو أعلم منا ويمتلك خطط منظمة ولها دراسات جدوي ومع ذلك لم تكن مطروحة اصلاً للنقاش ايام الطاغية , كلام احمد باشا كلام مهم جداً وبيضع يده علي نقطة غاية في الاهمية الا وهي نقطة المشاريع القومية بمعني ان يجب ان يكون خلال العشر سنوات القادمة مش اقل من 5 مشاريع قومية كبيرة تكون هي محور عمل الحكومة ولازم تتنوع ما بين زراعية وصناعية وتعليمية وسكانية وعلمية وطبعاً قد يسخر البعض من ذكر كلمتي علمية وتعليمية مع بعض ويعتبرونها خطأ وانا بقول لأ لأن هناك فرق بين الاتنين فالأولي ستكون مهمتها النهضة التكنولوجية السريعة بمصر بدون انتظار مخرجات النهضة التعليمية يعني مش معقول نقول ولعوا في الاجيال الحالية وننتظر الاجيال القادمة اللي هتكون متعلمة صح في إطار النهضة التعليمية وبعدها نبقي ننهض تكنولوجياً , الخمس محاور دول لابد من الاهتمام بهم واعتقد ان البلد مليانة فلوس بجد وهناك فلوس ضخمة لو تم تجميعها لدي مصريو الخارج ولو الحكومة هتقول للناس دي هاتوا الفلوس انا بضمنها وهوزع عليكم ارباح حقيقية من نتاج تلك الاموال وانها ضامنة لتلك الاموال ضد السرقة وسوء الإستخدام الناس كلها هتدفع مع ضرورة وضع ضوابط ضد التسقيع اللعين وضد المضاربة , يا ناش مصر فيها عقول جبارة وانا شفت العقول دي برا مصر ومكنتش باخد بالي منها وانا في مصر , yes we can .

ياشينكاوي المنتديات كانت في لحظه من اللحظات نواة للثورة سواء بمتابعه الأحداث لحظه بلحظه... او فتح النقاشات في ملفات الفساد... هي قوة وإن كانت لاتتعدي حدود الفضاء السايبري...

حد فاكر مشروع كان أتحط في المحاورات زمان؟ كان رائع جدا ... مجموعه من الناس فيهم المهندس والدكتور والمحامي والمحاسب ..حطوا فلوسهم علي بعض واشتروا أرض وبنوها وكل واحد اخد شقته والباقي اتباع واتوزعت الأرباح بينهم....

محاولات الإصلاح شخصيا شايفاها جاده وفي طريقها الصحيح ... شرف مسافر علي السودان هايفتح ملف ميه النيل ... وربنا يسهل وتتحل المشكله ...


الناس برة مصر وجوة مصر في حاله ترقب لإداء الحكومه.. وفي حاله الثبات والمصداقيه هاتلاقي الجميع وقفوا معاها وهما واثقين ومطمنين ...

أنا شايفه أن البشاير قربت والله مازياده تفاؤل ... بس الواقع بيقول كده

قولوا يارب وأدعولنا ولو شيك بعشرين ألف هادعيلك أنا

 

 

[O.S.A.M.A]

اقتباس المشاركة الأصلية كتبت بواسطة شينكاوي ملوش فايدة ولا نعرف لأمه استخدام تخيلي حضرتك انا لما اتولد القعقاع قلت اروح اسجله في السفارة والمفروض اني طالما سجلته علي الباسبور يبقي يطلعوا له شهادة ميلاد مصرية تومتيكي تومتيكي لقيت الراجل بيقولي لازم تسجله في مصر قلتله ازاي قالي ابعت حد من قرايبك يسجله لك قلتله انا يتيم ووحيد ومقطوع من شجرة ومعنديش غير امي ست كبيرة واكيد مش هخليها تروح مصلحة حكومية قالي يعني معندكش عم او خال قلتله عندي يا عم بس انا اتكسف اطلب من حد يخلصلي مصالح حكومية لاني عارف ان المصالح الحكومية خنقة وبهدلة لقيته بيبصلي ويقولي لو عاوز تسجله من هنا بتطلع الشهادة بعد 5 شهور قلتله مش مسجله وهو معه باسبور وهدورله ع الجنسية السودانية وهيبقي مش محتاج يعمل شهادة ميلاد, الراجل اتخنق مني بس انا عندي حق المفروض يكون في تطور تكنولوجي اكتر من كدا وان يكون هناك سيستم مباشر تقدر من خلاله انك تخلص حاجة بسيطة زي دي بدون متقرف الناس وتتعبهم معك , الروتين والتخلف التكنولوجي لازم يتم القضاء عليه فوراً وإلا سيصبح كل شئ بلا معني وبدون فائدة .

علشان كده كنت باخلى ولادى يتولدوا فى مصر
علشان الخنقة

 

 

[nash]

اقتباس المشاركة الأصلية كتبت بواسطة Abu Youssef طب ادينى شوية الله يكرمك عشان خلص من عندى بوصى يا ناش ... الموضوع ببساطة أن احنا من زمان كنا بنمتلك مشاريع كبيرة وعظيمة ومش عايز اقولك أن كل مردودها مردود عظيم للبلد لكن كنا بنصطدم بالفساد أخوكى اتكب على عينه زمان من حوالى عشر خمستاشر سنة وقولت يا واد افتحلك مشروع واعمل شغل أنظمة على كبير وبخاصة انى كنت باشتغل مع وزارات وهيئات حكومية المهم مرت الأيام وعملت مع شركة فى مصر مشروع ضخم للتعليم عن بعد ومش عايز اقولك ان احنا اللى حطينا كراسة الشروط لوزارة التربية والتعليم فى مصر يعنى ضامنين المكسب تماماً المهم ... دخلت أحد الشركات الأجنبية السوق المصرى فعلشان يكرموهم بما انهم هايزودوا استثماراتهم فى مصر حبوا يجاملوهم فادوهم المشروع ده !!!! وطبعاً بما ان الشركة جاية من برة فمش فاهمة الدنيا فيها ايه ؟؟ باظ المشروع واتحطمت الأحلام والأمال وانا جالى احباط لأنى بما انى كنت شغال فى مكان قوى حسيت بالمهانة علشان كده نفسي المشاريع فى مصر تتعمل أولاً بأيدى أولادها وانا واثق تماماً اننا نملك الكثير من الأفكار

مهما حاولت هافضل متفائله ( وش مطلع لسانه )

بص انا عايزاك تنسي ... انسي يا أبو يوسف ركز في بكرة وأرمي الماضي الأسود....

أي نعم من يومين لما غلطت ورحت استلم بطاقتي للمرة الثالثه لإنها ماوصلتش علشان عربيات الشرطه أتحرقت... لقيت الستات الجميلات قاعدين بيفطروا ... وربنا المعبود طلبوا مني أستني شويه لما يخلصوا علشان أيديهم فيها زيت مطرح الطعميه... ياجبروتهم يا أخي ... مفرقش معايا غير الطعميه اللي علي الصبح....

دلوقتي أي واحد بيهرج أو يماطل أو يتلكع تقدر تقدم فيه بلاغ وأنت حاطط رجل علي رجل ... إن شاء الله لما تنزل الأجازة هاتلاقي حاجه تانيه خالص

أرفع راسك فوق أنت مصري الخارج

 

 

[nash]

اقتباس المشاركة الأصلية كتبت بواسطة شينكاوي ملوش فايدة ولا نعرف لأمه استخدام تخيلي حضرتك انا لما اتولد القعقاع قلت اروح اسجله في السفارة والمفروض اني طالما سجلته علي الباسبور يبقي يطلعوا له شهادة ميلاد مصرية تومتيكي تومتيكي لقيت الراجل بيقولي لازم تسجله في مصر قلتله ازاي قالي ابعت حد من قرايبك يسجله لك قلتله انا يتيم ووحيد ومقطوع من شجرة ومعنديش غير امي ست كبيرة واكيد مش هخليها تروح مصلحة حكومية قالي يعني معندكش عم او خال قلتله عندي يا عم بس انا اتكسف اطلب من حد يخلصلي مصالح حكومية لاني عارف ان المصالح الحكومية خنقة وبهدلة لقيته بيبصلي ويقولي لو عاوز تسجله من هنا بتطلع الشهادة بعد 5 شهور قلتله مش مسجله وهو معه باسبور وهدورله ع الجنسية السودانية وهيبقي مش محتاج يعمل شهادة ميلاد, الراجل اتخنق مني بس انا عندي حق المفروض يكون في تطور تكنولوجي اكتر من كدا وان يكون هناك سيستم مباشر تقدر من خلاله انك تخلص حاجة بسيطة زي دي بدون متقرف الناس وتتعبهم معك , الروتين والتخلف التكنولوجي لازم يتم القضاء عليه فوراً وإلا سيصبح كل شئ بلا معني وبدون فائدة .

تصدق بفكر أغير عنوان التوبيك للرقم القومي الندل؟

عاملي حاله قهر نفسي وإكتئاب بسبب التفكير صبح وليل ( أيه فايدته بس يارب )

يعني أنا أروح مرور القطاميه ... يقولي لااااااااااا أنتي تبع الشروق.... ليه ياعم الحاج... هو كده ماتسأليش... طب فايده الرقم القومي أيه ؟؟ مايتحط في الكومبيوتر وتطلعوا البيانات الناقصه وخلاااااص لكن أبدا أومال مين يتمرمط ويسوق علي طريق سفر كله مطبات ولوري بمقطورة والسبب الرقم القومي ومحل الإقامه...

المفروض الرقم ده يبأة بدل اوراق كتيرة بتنطلب لما تتهور وتحاول تخلص مصلحه ليم في هيئه حكوميه

منهم لله لما بفتكر ببأة عايزة

 

 

[O.S.A.M.A]

اقتباس المشاركة الأصلية كتبت بواسطة nash مهما حاولت هافضل متفائله ( وش مطلع لسانه ) بص انا عايزاك تنسي ... انسي يا أبو يوسف ركز في بكرة وأرمي الماضي الأسود.... أي نعم من يومين لما غلطت ورحت استلم بطاقتي للمرة الثالثه لإنها ماوصلتش علشان عربيات الشرطه أتحرقت... لقيت الستات الجميلات قاعدين بيفطروا ... وربنا المعبود طلبوا مني أستني شويه لما يخلصوا علشان أيديهم فيها زيت مطرح الطعميه... ياجبروتهم يا أخي ... مفرقش معايا غير الطعميه اللي علي الصبح.... دلوقتي أي واحد بيهرج أو يماطل أو يتلكع تقدر تقدم فيه بلاغ وأنت حاطط رجل علي رجل ... إن شاء الله لما تنزل الأجازة هاتلاقي حاجه تانيه خالص أرفع راسك فوق أنت مصري الخارج

أنا طول عمرى يا نوشا وانا رافع راسى لفوق وعلشان كدى ما كونتش باشوف اللى تحت

المشكلة الحقيقة فى الناس اللى بتاكل طعمية دول ومش حاسين بالمسئولية

يعنى انتى عارفه بلدنا هاتبقى أجمل وأجمل لو كل واحد فينا عمل اللى عليه

أما بقى بخصوص انى لما انزل اجازة هالاقى حاجة تانية دى فأنا الحقيقة مش ضامنها لأن بصراحة كل يوم باكلم الولاد فى مصر وبيحكولى على بلاوى كتير
أحنا للأسف بقت أولى الأولويات دلوقت هيا الأمن وواضح ان لسه موضوع الأمن ده بدرى عليه وبعدها نبقى نشوف موضوع المشاريع لأن مافيش بيزنس فى بلد ما فيهاش أمان

 

 

[O.S.A.M.A]

اقتباس المشاركة الأصلية كتبت بواسطة nash تصدق بفكر أغير عنوان التوبيك للرقم القومي الندل؟ عاملي حاله قهر نفسي وإكتئاب بسبب التفكير صبح وليل ( أيه فايدته بس يارب ) يعني أنا أروح مرور القطاميه ... يقولي لااااااااااا أنتي تبع الشروق.... ليه ياعم الحاج... هو كده ماتسأليش... طب فايده الرقم القومي أيه ؟؟ مايتحط في الكومبيوتر وتطلعوا البيانات الناقصه وخلاااااص لكن أبدا أومال مين يتمرمط ويسوق علي طريق سفر كله مطبات ولوري بمقطورة والسبب الرقم القومي ومحل الإقامه... المفروض الرقم ده يبأة بدل اوراق كتيرة بتنطلب لما تتهور وتحاول تخلص مصلحه ليم في هيئه حكوميه منهم لله لما بفتكر ببأة عايزة

على فكرة يا نوشا اللى انا اعرفه عن مشروع الرقم القومى انه فعلاً مشروع كبير وان المفروض انه هايوحد كل المعاملات كمان بيه
يعنى زى ما بيحصل هنا فى الدوحة رقمك الشخصى هو رقم بطاقتك كل معاملاتك تبقى بالرقم القومى
لكن المشروع وقف أو نقول اتعطل شوية لأن الحرامية ما كانوش عايزين يوصل التطور فيه للحد اللى هو معمول علشانه لأن هايدفعوا فلوس فيه فهوا كفاية انه يبقى بطاقة شخصية
وكمان على فكرة فيه ناس كتير ضايعة ما تعرفش عن الرقم القومى حاجة أصلاً
فانتى تحمدى ربنا وتبوسي أيدك وش وضهر أن عندك رقم قومى .. هاتنهبى ؟؟

 

 

[nash]

اقتباس المشاركة الأصلية كتبت بواسطة Abu Youssef أنا طول عمرى يا نوشا وانا رافع راسى لفوق وعلشان كدى ما كونتش باشوف اللى تحت المشكلة الحقيقة فى الناس اللى بتاكل طعمية دول ومش حاسين بالمسئولية يعنى انتى عارفه بلدنا هاتبقى أجمل وأجمل لو كل واحد فينا عمل اللى عليه أما بقى بخصوص انى لما انزل اجازة هالاقى حاجة تانية دى فأنا الحقيقة مش ضامنها لأن بصراحة كل يوم باكلم الولاد فى مصر وبيحكولى على بلاوى كتير أحنا للأسف بقت أولى الأولويات دلوقت هيا الأمن وواضح ان لسه موضوع الأمن ده بدرى عليه وبعدها نبقى نشوف موضوع المشاريع لأن مافيش بيزنس فى بلد ما فيهاش أمان

مش هاتشائم برضه

عارف الست من دول مرتبها بعد الخصومات واللذي منه مايجبش حاجه وده من لسانهم علي فكرة والمصيبه الأكبر أنهم بيشتغلوا بقالهم فوق ال13 سنه بعقود مؤقته وأسمهم تبع وزارة الداخليه ...دول يهتموا إزاي بيك وبيا وبغيرنا وهما قرفانين عيشتهم....والله العظيم وهي بتحكي دخل شاب في الحديث وقال انا كمان تبع مصر للطيران وضحكوا علينا بعد الإعتصامات وقالولنا هايثبتونا بعقود دايمه ....

لو المواطن العادي أخد حقه مضبوط... وقتها اللي يقصر في عمله يستاهل التبليغ والعقاب...

موضوع الأمن... مش زي مانت فاهم.. والله البلد فيها أمان معقول والناس رايحه وجايه وزي الفل بس فيه تضخيم للحوادث بس هي هي النسبه بتاعه قبل الخلع العظيم...

كلمه تشاؤم كمان وهاعملك بلوك

 

 

[nash]

اقتباس المشاركة الأصلية كتبت بواسطة Abu Youssef على فكرة يا نوشا اللى انا اعرفه عن مشروع الرقم القومى انه فعلاً مشروع كبير وان المفروض انه هايوحد كل المعاملات كمان بيه يعنى زى ما بيحصل هنا فى الدوحة رقمك الشخصى هو رقم بطاقتك كل معاملاتك تبقى بالرقم القومى لكن المشروع وقف أو نقول اتعطل شوية لأن الحرامية ما كانوش عايزين يوصل التطور فيه للحد اللى هو معمول علشانه لأن هايدفعوا فلوس فيه فهوا كفاية انه يبقى بطاقة شخصية وكمان على فكرة فيه ناس كتير ضايعة ما تعرفش عن الرقم القومى حاجة أصلاً فانتى تحمدى ربنا وتبوسي أيدك وش وضهر أن عندك رقم قومى .. هاتنهبى ؟؟

اللهم لك الحمد والشكر يارب

نفسي قبل ما أشوف أحفادي أخلص ورقي بالرقم القومي

اروح اشتري أرض مثلا يبأة بالرقم القومي.. ابيع هدومي يبأة بالرقم القومي وكده يعني

أنا مستنيه الامور تهدا شويه وهاروح لشرف بنفسي وأكلمه في الموضوع