Hashish QR Code

[حشيش]

الصحف المصرية والعربية

[HASHTAG]Hashish QR Code[/HASHTAG]

نجح العالم المصرى الجليل حشيش فى تطوير تقنية الـ BarCode لتصبح فى خدمة المواطن العربى أينما وجد





لو حكينا يا حبيبى نبتدى منين الحكاية

الأول لازم نعرف يعنى إيه QR Code أو Quick Response Code

معناه إنك ممكن تحول أى معلومات ترغب فى مشاركاتها مع الغير إلى صورة تحتوى على مجموعة من الخطوط والأرقام تُعرف بالـ BarCode كما فى الصور أعلاه

يعنى مثلاً أنا ححول المعلومات دى عنى إلى صورة بار كود:

(أنا حشيش ... أحب الملوخية ... أكره السيسى ... موطنى الأصلى مصر ... رقم تليفونى 123456789 ... بريدى الإلكترونى: حشيش@حشيش.كوم)

لو قرأت البار كود ده بأى Scanner حيطلع لك البيانات دى كلها عنى

دلوقتى بقى نيجى للطريقة:

1- حمل ابليكيشن QRAFTER QR Reader على الموبايل أو الأيباد بتاعتك ليمكنك من قراءة أى بار كود.

2- أدخل البيانات التى ترغب فى تخزينها فى الباركود عن طريق هذا الموقع الأمريكى الجامد جندن

ممكن تدخل أى معلومات سواء نص أو كيفية الإتصال بك أو فيديو يوتيوب أو صفحتك على فيسبوك أو أو أو وسيتم تحويل المعلومات إلى صورة بار كود.

3- حمل صورة الباركود التى تم تصنيعها إلى جهازك وبعد كده بدل ما تبعت بياناتك على شكل نصوص طويلة تبعتها على شكل صورة يستطيع كل من يملك أبليكيشن الـ Scanner من قراءتها

 

[NazeeH]

انت بتذاكر من ورانا يا شيشو

يعني ليك في العلام ، وطلعت ابن مدارس أهه

صحيح ... العلام حلو يا ولاد
--------

حيث كده بقى ... الشندوشتات والمخلل على مين؟

 

 

[canada wait me]

الله يسامحك يا حشيش حسستني بالفرق بين التعليم فى الخارج والتعليم المجانى

 

 

[حشيش]

اقتباس المشاركة الأصلية كتبت بواسطة NazeeH انت بتذاكر من ورانا يا شيشو يعني ليك في العلام ، وطلعت ابن مدارس أهه صحيح ... العلام حلو يا ولاد -------- حيث كده بقى ... الشندوشتات والمخلل على مين؟

اقتباس المشاركة الأصلية كتبت بواسطة canada wait me الله يسامحك يا حشيش حسستني بالفرق بين التعليم فى الخارج والتعليم المجانى

ربنا يجبر بخاطركم يارب ... خايف أقول لكم كمان إنى مرشح لجائزة نوبل فى الفيزياء عن الإختراع ده لتقولوا عليا نتاش

 

 

[حشيش]

ده وصف وكلمات مفتاحية لمنتدى المطاريد

 

 

[حشيش]

ودى صفحة المطاريد على فيس بوك ... أنا شاطر قوى!

 

 

[عالي مستواها]

وليه كل ده عشان ايه نحول
معلومات الى صور
هنشتغلو في المخابرات ياحشيش

 

 

[حشيش]

اقتباس المشاركة الأصلية كتبت بواسطة عالي مستواها وليه كل ده عشان ايه نحول معلومات الى صور هنشتغلو في المخابرات ياحشيش

حضرتك بتكلمينى؟

 

 

[حشيش]

اقتباس المشاركة الأصلية كتبت بواسطة عالي مستواها وليه كل ده عشان ايه نحول معلومات الى صور هنشتغلو في المخابرات ياحشيش

إزاى بقى! ... إحنا ممكن نعمل شغل الله ينور بالإختراع ده ... يعنى ممكن مثلاً نحط فيديو عن طريق الكود ده بدل ما نحط الفيديو نفسه وبكده نخلى تحميل الصفحات يبقى زى الصاروخ للناس اللى داخلة من الموبايل وممن نحط لك الـ CV بتاعك كله فى كود من دول ونوزعه على كل المحافظات فى قبلى وبحرى ومتبقيش ملاحقة عالشغل اللى حيجيلك وممكن نبيع تى شيرتات عليها كافة معلومات السخص من دول بخمشتاشر جنيه بس علشان لو تاه مثلاً البوليس يعرف هوه مين بدل ما ينزلوا ضرب فى أمه لغاية ما يبان له اصحاب وحاجات كتير جندن

 

 

[FINETOUCH]

والله انا فخور انى اعرف واحد زيك يا شيشو
انت عارف يا حشيش من يوم ما بقيت مواطن الكترونى وعرفت افك الخط بتاع الكومبيوتر ما قابلتش واحد بالنبوغ والعبقريه دى
دا انت عللامه يا اخى اوعى تقول لى انك واخد الاعداديه كمان