انا محبوسة فى مطبخ المطاريد

[بندق]

الصحف المصرية والعربية

اقتباس المشاركة الأصلية كتبت بواسطة Lee Lee وانا رديت عليك قبل كدا وقولتلك لاء فكر شوية وارجع بالذاكرا ورا قيمة سنة كدا وانت حتعرفنى علطول

لا صعب اوى .. سنة؟ السنة اللى فاتت دى كانت زحمة للغاية لدرجة انه الهارد دسك اتملى ومحتاج يتفرمت وأبتدى من جديد

 

 

[بندق]

اقتباس المشاركة الأصلية كتبت بواسطة إكرام يوسف ضحكتيني يا دكتورة. أنا فهمت الموضوع من سياق المداخلات.. أومال لو شفتي تعليقات العيال بتوع اللجان الإليكترونية على مقالاتي.. حاجة تفطس من الضحك.. من أول اللي يتريق على اني تخينه.. لغاية اللي يقول لي شكلك احدة عانس ومش لاقية راجل يلمك.. لغاية اللي يقول لي برضه شوفيلك حلة محشي اعمليها.. وصولا بقى إلى الألفاظ البذيئة وقلة الأدب.. ده أكل عيشهم.. على طول تعرفي ان العيال دي اصلا ما بتدخلش تقرا المقال لأنها لو قرته أصلا مش حتفهمه..العيال بتوع اللجان الإليكترونية دي عيال السلك ضاربها وبايعة كرامتها وشرفها بتراب الفلوس..وشغلتهم كده.. أول ما اللي مشغلهم يعرف اني نزلت مقال على طول يبعتلهم الرابط ويقول بسك عليها يجروا بسرعة كل واحد يتقيأ اللي جواه من غير ما يقرا المقال أساسا.. يا ستي ما تدقيش.. أنا كل ما اشوف تعليقات من دي كتير بافرح أكتر اني واجعاهم لدرجة انهم يخصصولي العيال المرتزقة دي .. يعني بيتصرف عليا ميزانية مش بطالة..لو كان كلامي مش بيوجعهم ما كانوش اهتموا. الخلاصة ..لما تلاقي حد يخرج من مناقشة الرأي إلى الشخصنة والتلقيح على الشخص صاحب الرأي ومحاولة تشويهه تعرفي ان كلامك بيوجعهم ومش قادرين يردوا عليه..فبيحاولوا يشوهوا صاحب الرأي نفسه وممكن الحقارة توصل لتأليف أكاذيب همه أول ناس عارفين انها كذب.. وبعدين الحقيقة ما بتستخباش.. وبتلاقي الكذبة بتنكشف بعد شوية.. كووووووول ده حطيه تحت جزمتك..واضحكي.. عشان كلامك بيوجع

يا أستاذة طول عمرك أسلوبك رفيع دمث والحين أرى لغة مختلفة تماما وطريقة فى الكتابة لم أتعودها وأراها مو لابقة عليكى على رأي اخواننا اللبانيين


بالمناسبة عندى سؤال حيرنى كتير فى حسابك على الفيس بوك اذا هو حسابك فعلا رأيت بوستات عجيبة .. باختصار تلك التى تردد نفس ما ردده العسكر الذين حكمو مصر من سنين طويلة وانتى تعرفى انها افتراء محض ..

وسألتك هناك ميت مرة ولم تردى على ترى مالمقصود من اعادة نشر ما نشروه لتشويه صورة الغير وانتى اول العارفين انها سمة الحكم من اول يوليو 52 الى اليوم؟ واعذرينى على صراحتى لكنى وجدتها فرصة وانتى ضيفة فى مطبخنا

 

 

[Lee Lee]

اقتباس المشاركة الأصلية كتبت بواسطة جرديز ويمكن مش عاجبهم كلام حضرتك وخلاص هما فعلا مش عاجبهم كلامك وايدولوجيتك بس بيعبروا بطرق غير متحضرة مش ده احتمال برده

لاء مش احتمال

اذ لم يعجبهم الراى او الفكرة او المقالة - يعنى مش عجبهم الكلام - اذن اختلافنا فى الراى
واختلاف الراى لا يفسد الود ولا يصل الى ابعد من ذلك ( هذا من منطق المثقفين العقلاء طبعا )

ولكن - حينما يحدث التطاول والتراشق بالالفاظ وتعدى حدود الادب والاخلاق والزوق العام
اذن الموضوع اكثر بكثييييييير من مجرد اختلاف فى الراى ( وتكون النتيجة انهم طلعو لا هم مثقفين ولا عقلاء )

اقتباس المشاركة الأصلية كتبت بواسطة جرديز ولا بيقبضوا ولا حاجة [/COLOR]

ازاى

لا صعبة شوية انى اقتنع

طيب المصاريف الجامدة دى منين

وفلوس الدشداشة والقبقاب منين

ومصاريف الانتخابات النزيهة منين

ايه عاوز تفهمنى انهم لقو الفانوس السحرى وطلبو من العفريت السبع طلبات

ع جنب بقى


ايه رايكم - لان اميرة جمعتينا حواليها كدا كلنا وبقى للمطبخ شكل تانى الذ واطعم
نسميه الصالون الثقافى التاريخي السياسي لمطبخ اميرة

 

 

[مصرى فقط]

مصري فقط منور المطبخ
المشكلة أن الجهلة اللي بيفتكروا أنهم عشان قرأوا
كم كتاب وخدوا لهم شهادتين خلاص يبقى مافيش حد يعارضهم ولايناقشهم لأنهم من أكابر المثقفين ونسوا أن الأدب والأخلاق فضلوهم على العلم والشهادات
والمصيبة تلاقيهم من المنادين بالديموقراطية
ويرفعوا شعاراتها و يجعروا بيها في كل محفل وهما
مش بيعرفوا يتعاملوا مع الناس غير بالأساليب الديكتاتورية والقمعية ونظرة الإستعلاء

بس تعال هنا وقلنا
ماهي آخر معلوماتك عن
المطبخ السياسي هو فيه حلل
محشي وممبار وغوزي ولا فيه حاجات تانية

شكر مزايا انسانية المطبخ منور بستاته وشيفاته ورينا يجعله عامر
المطبخ السياسى لا يختلف عن مطبخ بيتنا الا فى المأسوف على شبابه الخروف(اذا كنتى عازيه تعملى عزومة كبيرة وتعملى اوزى مع ارز بالمكسرات علشان خاطر الفشخرة) فى المطبخ بيقدمه بعد الذبح والسلخ والتسوية فى الفرن اما المأسوف عليه المواطن المصرى الغلبان بيقدموه احيانا حى وبيلعب بس برضه بعد السلخ والتسوية فى الفرن

 

 

[إكرام يوسف]

اقتباس المشاركة الأصلية كتبت بواسطة جرديز ويمكن مش عاجبهم كلام حضرتك وخلاص ولا بيقبضوا ولا حاجة هما فعلا مش عاجبهم كلامك وايدولوجيتك بس بيعبروا بطرق غير متحضرة مش ده احتمال برده

لأ طبعا مافيش احتمال يكونوا أصلا قرأوا المقال.. لأن اللي مش عاجبه حاجة بيفندها ويحاول يثبت خطأها ويقول الصح فين. لكن اللي يدخل يقول كلام هايف من النوع ده إما مدفوع بفعل انه مخبر انترنتي من بتوع اللجان الإليكترونية ود طبعا بيكون انسان ضايع ووضيع بايع كرامته بقرشين فبيحاول يرضي أسياده على قد فلوسه، ومافيش وقت يقرا أو يفهم لأنه وراه مقالات كتاب أحرار آخرين لازم يشتمهم.. أو بيعبر عن غل وحقد ونقص شخصي ومش بيقدر أصلا يقرا المقال ولو قراه فعلا مش بيفهمه زي ما قال سافاري لأن النقص اللي جواه مخليه مش طايق من الاساس صاحبة المقال.. وكل ما تكون الشتيمة بذيئة بيبان أكتر ان الكلام بيوجع.. ولأنهم بطبيعة الحال أغبيا ما بيفهموش ان الكلام ده بيخلي الكاتب يحس ان رسالته وصلت وأثرت

 

 

[مصرى فقط]

dr-amira اهلا و سهلا بيك يا مصرى فى المطاريد ...منور الجبل كله

د.اميرة شكرا لك على الترحيب فى مغارة المطبخ العامرة
ايه رأيك فى طبخ المجلس العسكرى؟ نفسه حلو فى الطبيخ ولا مش قد كده؟
انا رأى الشخصى انه يجيد استعمال البهارات والتوابل بكل انواعها فى الاكل ولكن الاكل بتاعه مش مسبك قوى يعنى لا يعطيه حق فى التسويه وانه يكثر من استعمال اللحوم فى كل وجباته

 

 

[بندق]

اقتباس المشاركة الأصلية كتبت بواسطة إكرام يوسف لأ طبعا مافيش احتمال يكونوا أصلا قرأوا المقال.. لأن اللي مش عاجبه حاجة بيفندها ويحاول يثبت خطأها ويقول الصح فين. لكن اللي يدخل يقول كلام هايف من النوع ده إما مدفوع بفعل انه مخبر انترنتي من بتوع اللجان الإليكترونية ود طبعا بيكون انسان ضايع ووضيع بايع كرامته بقرشين فبيحاول يرضي أسياده على قد فلوسه، ومافيش وقت يقرا أو يفهم لأنه وراه مقالات كتاب أحرار آخرين لازم يشتمهم.. أو بيعبر عن غل وحقد ونقص شخصي ومش بيقدر أصلا يقرا المقال ولو قراه فعلا مش بيفهمه زي ما قال سافاري لأن النقص اللي جواه مخليه مش طايق من الاساس صاحبة المقال.. وكل ما تكون الشتيمة بذيئة بيبان أكتر ان الكلام بيوجع.. ولأنهم بطبيعة الحال أغبيا ما بيفهموش ان الكلام ده بيخلي الكاتب يحس ان رسالته وصلت وأثرت

العبارتين بالأحمر أفهم أنهم متعارضتين تماما

كيف تصل الرسالة ولم تقرأ أصلا

 

 

[إكرام يوسف]

مش متعارضتين يا أستاذ بندق.. المخبرين اللي بيدخلوا يشتموا على طول من غير مايقولوا اي رأي مخالف.. طبعا ماقروش المقال.. لكن الرسالة وصلت للي مشغلينهم.. كمان أصحاب الغل والحقد الشخصي برضه اللي بيدخلوا يشتموا على طول.. الرسالة أصلا واصلة لهم ..ان انت ضد مصالحهم..فما بيكلفوش نفسهم يقروا.. أو بيقروا سطرين تلاتة يوجعوهم وما بيكملوش..بدليل ان مرة مقال بمجرد ظهوره على موقع احدى الصحف كان فيه ما لايقل عن خمسين مداخلة شتيمة في مدة لا تزيد عن سبع دقائق.. يعني ناس جاهزة..وصل لهم الرابط دخلوا يهبهوا فورا من غير حتى ما يعرفوا ايه الموضوع..يعني اللي داخل يتكلم عن تخني ـ وبالمناسبة المسألة دي مش عاملالي أي مشكلة لأن الشخص المعني بالأمر عاجباه الحكاية دي ـ ماقراش أصلا المقال، والا كان حاول يبين انه فاهم حاجة مختلف معاها..واللي شايفني عانس بادور على عريس طبعا ماعندوش فكرة عن اي حاجة قالوله بسك عليها يا زكي قدرة دخل زكي قدرة يهبهب ومش فاهم اصلا ايه الحكاية.. الناس بقى اللي ما بيعجبهمش مقال أو كاتب على بعضه وبياخدوا موقف منه بيستخسروا أصلا يضيعوا وقت في الرد عليه.. أنا لما أكون مش عاجبني كاتب وشايفه انه عميل أو مأجور أو تافه .. مش باضيع وقت أصلا في قراءة مقالاته، وطبعا ماعنديش وقت ارد على تفاهاته..لكن اللي بيتحمق ويدخل يشتم ويضيع وقته وجهده ـ وحسناته بالمرة ـ ده غالبا قابض تمن كرامته أو حاقد بشكل شخصي .. وده بيرضي الكاتب ويحسسه ان كلامه بيوجع وكمان بيطمنه انه كسب شوية حسنات زيادة بالمرة

 

 

[dr-amira]

اقتباس المشاركة الأصلية كتبت بواسطة Lee Lee ايه رايكم - لان اميرة جمعتينا حواليها كدا كلنا وبقى للمطبخ شكل تانى الذ واطعم نسميه الصالون الثقافى التاريخي السياسي لمطبخ اميرة [/SIZE]

ضحكتينى يا لى لى ..نسميه الصالون الثقافى التاريخي السياسي لمطبخ اميرة بالخل و التوم

 

 

[dr-amira]

تصدقى يا اكرام ..انا مرة لقيت نفس الناس راده نفس الردود على اكتر من موقع