انا محبوسة فى مطبخ المطاريد

[dr-amira]

الصحف المصرية والعربية

انا متحدد اقامتى ..او تقدروا تقولوا محبوسة احتياطيا فى مطبخ المطاريد ..القرار ده خده عضو هنا من المطاريد قرر انى لا اتناسب مع مستواه العقلى و مع فكره الدينى المتميز و انى غير جديرة بالتواجد فى ابواب المنتدى الاخرى نظرا لان كفاية اقعد فى المطبخ اعمل محشى و اقمع بامية ...
و انا من موقعى هنا تحت الحوض فى مطبخ المطاريد اعلن ان قعدتى فى المطبخ اقمع البامية احسن مليون مرة من انى اقعد اكفر الناس و اتهمهم فى دينهم و اشكك فى عقيدة الجميع و انى اهين الناس بكلام هاتحاسب عليه يوم الحساب

 

[waleedelrefiey]

يا كتورة أحمدي ربنا
حد يطول يقعد في المطبخ


بحاول مع مراتي بقالي كام سنة

أقولها أطلعي الشغل أنتي و أصرفي علينا
و أنا هقعد بالعيال و أطبخ و انظف


بس علي مين
بردك مش موافقة

 

 

[زعلان]

طيب حتطبخيلنا ايه النهارده

 

 

[مودة]

دعوه لموضوعي

مدونة مودتي بلا حدود

ميرووو خديني جنبك ياقمراية
الست مالهاش الا مطبخها وحللها دول ثروتها
بلا سياسة بلا قرف بلا وجع دماغ
وقال ايه ماقدرش يطلعها ودي كانت اخرتي مع اخر المواضيع الرائعة

 

 

[مزاياإنسانة]

مساءك ورد وعسل وقشطة
هو مين التنح اللي قال كده عشان
أ جيبه لك من لغاليغه
وأسلخه وأشويه
روح يا شيخ إلهي يعملوك محشي
كده تزعل الأميرة بتاعتنا أخي عليك بس من غير معرفك

هو مين ده اللي فاكر أنو ممكن يعيش من غير طبيخ
ولولا المطبخ واللي بيطبخوا فيه كان زمانه ميت هونفسه مايقدرش يعيش يومين على بعض
هو يقدر يعيش من غير أكل
ولا هو فاكر المطبخ كتاب يفتحه ويقراه
ياللا يورينا شطارته وشغله في المطبخ أقسم لك تلاقيه يحوص ويلوص في غسيل كوبايتين مش طبخة

بس إنتي عارفة الكلام بيتقال لي كتير لما
كلامي ما بيعجب وآل إيه مثقفين
لو كان عندكم حبة ثقافة كنتم عرفتوا أن المطبخ ده
ثقافة كاملة لكل شعب ثقافته الخاصة بيه
وعرفتوا أن الطبخ فيه شهادات وأن الطبخ والمطبخ مش أي أحد يقدر يدخلهم
ولا يتقن فنهم
بجد بحس أن الناس دي مش عارفة الثقافة
من أنهي باب و لاحنى شباك
لأنو الثقافة ليست مجرد معلومات الثقافة أن تكون ملم بكل اداب الحوار وتعرف قيمة الأشياء والأشخاص قبل
ماترد عليهم

ولايهمك يا دكتورة لايضر السحاب 000000000

 

 

[مودة]

دعوه لموضوعي

مدونة مودتي بلا حدود

تصدقي يا اميره اول مره اخد بالي اني عمري ماشوفتك واقفة في المطبخ

 

 

[مزاياإنسانة]

اقتباس المشاركة الأصلية كتبت بواسطة مودة تصدقي يا اميره اول مره اخد بالي اني عمري ماشوفتك واقفة في المطبخ

ماهي يا مودة الدكتورة لها مطبخها المختلف
إللي هو المعمل
فهي تطبخ حسب تخصصها



صباحكم فُل وعسل

 

 

[مودة]

دعوه لموضوعي

مدونة مودتي بلا حدود

الله يسعد صباحك يامزموزتي ياقمراية
وحشاني جدا على فكره
تعالي ياختي انتي وهي
بينا عالمطبخ ندردش براحتنا

 

 

[dr-amira]

اقتباس المشاركة الأصلية كتبت بواسطة waleedelrefiey يا كتورة أحمدي ربنا حد يطول يقعد في المطبخ بحاول مع مراتي بقالي كام سنة أقولها أطلعي الشغل أنتي و أصرفي علينا و أنا هقعد بالعيال و أطبخ و انظف بس علي مين بردك مش موافقة

غلطانة ..هى الست لها ايه غير مطبخها و حللها و محشيها و بميتها

اقتباس المشاركة الأصلية كتبت بواسطة زعلان طيب حتطبخيلنا ايه النهارده

اكيد بامية و محشى كرنب ..و اغسل الحلل و اقعد تحت الحوض استنى بختى

اقتباس المشاركة الأصلية كتبت بواسطة مودة ميرووو خديني جنبك ياقمراية الست مالهاش الا مطبخها وحللها دول ثروتها بلا سياسة بلا قرف بلا وجع دماغ وقال ايه ماقدرش يطلعها ودي كانت اخرتي مع اخر المواضيع الرائعة

تعالى جنبى يا مودة ده انا حتى لسة جايبة طقم تيفال روعة

 

 

[dr-amira]

اقتباس المشاركة الأصلية كتبت بواسطة مزاياإنسانة ماهي يا مودة الدكتورة لها مطبخها المختلف إللي هو المعمل فهي تطبخ حسب تخصصها صباحكم فُل وعسل

صباحك فل يا مزايا ..انتى فين من زمان
و الله يا مزايا باطبخ ...و طول ما انا فى البيت محتجزة فى المطبخ ..بس بكامل ارادتى