مكتب / المستشار القانونى : للإستشارات القانونية ,,,,,

[kokomen]

الصحف المصرية والعربية

ألف مبرووووووووك


أنت أهل لها بإذن الله


أعانك الله على المهمة الشاقة في خدمة المطاريد الكرام


وأسمح لي ... بعد ما تأخذ نفسك شوية .... سوف أطرح على سعادتك شوية


أسئلة وإستفسارات قانونية ... ولك جزيل الشكر

 

 

[nash]

ألف مبروك سياده المشتشار ..وأنت أهل لها إن شاء الله

حاولت اهني هناك كانوا قافلين الباب معرفش ليه

حضرتك أنا من الصبح ماسكه الطبق في أيدي مابيطلعش غير للغاليين





ياريت حضرتك ترجعه بسرعه قبل ما يعدوا العهده

 

 

[haya]

يعني الواحد بكل ثقه ممكن يبطح اي حد او يعور عين اي حد وهو مطمن...

نهنئ انفسنا ونهنيكم يا سيادةالمشتشار..ومبروك عليكم وعلينا...

اتفضل الشيكولاته بقي ما بتطلعش غير للعاليين اوي ...

 

 

[وصال]

جهد مشكور يا سيادة المستشار ما شاء الله لا قوة الا بالله
الله أكبر

حبيت أضيف بس حاجة ظغنطوطة للأخ مسلم فور أيفر بخصوص تساؤله، بحكم أني براجع كتير من عقود التأسيس وشغل الشركات يعني أهو حاجة على الأد كده
الحقيقة الاخ مسلم فور ايفر موضحش هل الشركة شركة تضامن بالكامل، لو كانت تضامن بالكامل هيكون جميع الشركاء متضامنين، أما لو كان شريك واحد متضامن فمعناها الشركة أما توصية بسيطة أو توصية بالأسهم

عموما برضه عايزة أوضح معنى كلمة متضامن للأخ مسلم فور ايفر، علشان تكون الأمور واضحة عنده
التضامن أي أن التزامات الشركة تمتد للذمة الشخصية للشركاء، يعني لو الشركة عليها ديون ومفيهاش فلوس تسدد الديون فالشريك أو الشركاء المتضامنين ملزمون بسداد الديون من فلوسهم الشخصية حتى لو ملهاش علاقة بعمل الشركة، لذلك فصفة الشريك المتضامن عبء مش ميزة وكون هو خلى نفسه شريك متضامن وشال صفة التضامن من عليهم معناها انه خدمهم وتحمل أي أعباء مستقبلية وخلى مسئوليتهم في حدود ما دفعوه من ديون.
بالنسبة للمدير التنفيذي، لو كان هو الشريك الوحيد المتضامن فهو سيكون المدير التنفيذي بحكم القانون.

الإجراءات التي وضعها المستشار القانوني دقيقة جدا، وياريت تطابقها بالإجراءات اللي اتعملت في مصر.

دي كانت اضافة بسيطة من واقع الخبرة العملية (رغم انها خبرة اقتصادية مش قانونية) وهي لا تساوي شيء قياسا لما قدمه سيادة المستشار القانوني من خبرة دقيقة ورؤية متميزة.
تحياتي

 

 

[القلب الكبير]

الف الف الف مبروك ياسيادة المستشارعلى افتتاح المكتب ولو عايز اى خدمه
انا تحت الطلب تاجيل قضيه ترتيب مواعيد قضيه بسيطه اااامر بس حضرتك

 

 

[Ghost]

على بركه الله ... تمام كده الله ينور كمان و كمان

 

 

[المستشار القانونى]

اقتباس المشاركة الأصلية كتبت بواسطة kokomen ألف مبرووووووووك أنت أهل لها بإذن الله أعانك الله على المهمة الشاقة في خدمة المطاريد الكرام وأسمح لي ... بعد ما تأخذ نفسك شوية .... سوف أطرح على سعادتك شوية أسئلة وإستفسارات قانونية ... ولك جزيل الشكر

أخذت نفسى يا حج وأسأل براحتك , بس مش هرد عليك غير بكرة وعليك خير يا حج كوكو من

وأشكرك على المجاملة الرقيقة من سيادتك

 

 

[المستشار القانونى]

اقتباس المشاركة الأصلية كتبت بواسطة nash ألف مبروك سياده المشتشار ..وأنت أهل لها إن شاء الله حاولت اهني هناك كانوا قافلين الباب معرفش ليه حضرتك أنا من الصبح ماسكه الطبق في أيدي مابيطلعش غير للغاليين ياريت حضرتك ترجعه بسرعه قبل ما يعدوا العهده

الله يبارك فيكى يا أم ياسر وعقبال الواد الصغنون ياسر لما يبقى وكيل نيابة صغنن , ويكبر ويبقى مستشار قانونى قد الدنيا


ومتقلقيش الوسطة عندى

 

 

[المستشار القانونى]

اقتباس جهد مشكور يا سيادة المستشار ما شاء الله لا قوة الا بالله الله أكبر

على العموم يا أخت وصال مع أن كلام حضرتك كلة بالمذكر ومش أسلوب بنوتة صغننه زى ما بتقولى ومشكور كلمة خليجية بحتة لا يستخدمها إلا شخص قاعد فى السعودية

بس تشكرى على المجاملة الرقيقة والتكبير لتبخير المكان

 

 

[المستشار القانونى]

اقتباس المشاركة الأصلية كتبت بواسطة القلب الكبير الف الف الف مبروك ياسيادة المستشارعلى افتتاح المكتب ولو عايز اى خدمه انا تحت الطلب تاجيل قضيه ترتيب مواعيد قضيه بسيطه اااامر بس حضرتك

الله يبارك فيكى يا سيادة المحامية الكبيرة


والهمة معانا علشان الشغل كتر , وعايزين بعد ما نأخد الأعضاء على الخدمة المميزة ننزل أجر ونقاسم بالنص