لما المجـــاري إتجننت

[Morial]

الصحف المصرية والعربية

لما المجاري إتجننت
طفحت روايح بالتِكيت
و إتنعنشت وصهللت
وعاشت الدور التِبِِت
.........................
لما المجاري قالولها عيب
قالت : و مني ما عمره عيب
دا أنا جوفي مسك و عود وطِيب
حتي اسألوا الطقم الحبيب

............................
أدي أول الغيث مسخرة
وتانيها قطرة مقطّرة
محسودة بس مِبَخَرًة
وعاملة ميم باء قنطرة

............................
إستكفي بقي يا أم الخلول
إتلمي جيبتلنا الذهول
هاريتينا تفاهات للعقول
ما كفاية حاوية براز وبول

 

[!! Lidooooo !!]

ندمت الآن -والآن فقط - .. على دفاعي عن خاصية وضع حد زمني لتعديل المشاركة

 

 

[romany beshay]

ايه الريحة دى

 

 

[Morial]

اقتباس المشاركة الأصلية كتبت بواسطة !! Lidooooo !! ندمت الآن -والآن فقط - .. على دفاعي عن خاصية وضع حد زمني لتعديل المشاركة

ليه يا استاذ ليدووو
قصيدتي وحشة للدرجة دي ؟
ده انا حتي بحاول اقلد هشام الجخ في جرأته
دمت بود

 

 

[Morial]

اقتباس المشاركة الأصلية كتبت بواسطة romany beshay ايه الريحة دى

هي وصلت عندك ؟

 

 

[!! Lidooooo !!]

اقتباس المشاركة الأصلية كتبت بواسطة Morial ليه يا استاذ ليدووو قصيدتي وحشة للدرجة دي ؟ ده انا حتي بحاول اقلد هشام الجخ في جرأته دمت بود

رأيي وسبق أن أوردته في تعليق على ماينسب للشاعر احمد فؤاد نجم من قصائد تملأ بريدنا الالكتروني ... والرجل ببساطة برئ منها

الرجل جرئ ويفاخر في كل ندوة انه الأطول لسانا .. لكن الجرأة نفسها "لها فــن" - حتى الكتابة في مثلث التابوهات نفسه لها فن، وإلا سقطت في المباشرة-

وبالتالي يسهل على المتذوق لشعر الفاجومي -أو حتى الجخ- أن يميز أشعاره من كتابات المتمسحين به ليحتموا باسم الرجل وتاريخه


أظن انه لو كانت خاصية التعديل قائمة .. فلربما فكرتي -اليوم أو غدا - في مراجعة البيت الأخير

لأنه ذكرني بخاتمة صديقنا أليكس في في هذه القصيــــــدة

وهو رأيي الشخصي الذي لا ألزمك به طبعا ..

لكنك سألتني وأجبت

 

 

[Morial]

دعنا اذن من الفاجومي وهشام الجخ
وبعدين مين الجخ علشان تقارنه حضرتك بالفاجومي
اقول لك ؟
دعنا منهما الاثنين
ويمكنك القول بإنني احدي تلميذات مدرسة الخروج عن المألوف
فلقد مللت حقا الكتابة علي رائحة البرفيوم
و لنجرب رائحة اخري علها تكسر حدة الملل
ومن يعرف ؟
لعل لقصيدتي متزوقيها
فلولا اختلاف الذواق لــــ
بس تعرف قصيدة اليكس طوحفة
ولا كنت عمري هشوفها لو مكونتش كتبت القصيدة الرومانصية دي

 

 

[only you]

اسمحى لى احييكى على الجراه فى اختيار مفردات جديده مما ينم عن مولد كاتبه متميزه ومتفرده الاسلوب خالص تحياتى وبانتظار جديدك تقبلى مرورى

 

 

[bond]

احم
القصيده جميله
والتشطيب فاخر
يعنى سوبر لوكس
اتمنى ان اللتحق
بمدرسة الخروج عن المألوف
ياترى هل هى تجريبيه ام قوميه ام خاصه