ساويرس : كنت بهزر وماحدش يزعل منى يا جماعة

[fatfouta]

ساويرس يعتذر عن نشره صورة "ساخرة" لرجل ملتحي وسيدة منقبة بعد الهجوم عليه
Fri, 24-06-2011 - 9:27
نجيب ساويرس



اعتذر المهندس نجيب ساويرس - مؤسس حزب المصريين الأحرار - عن نشره لصورة كارتونية تظهر "ميكي وميني" كرجل ملتحي وسيدة منقبة علي صفحته الخاصة بموقع تويتر، معلقا عليها بـ"ميكي وميني بعد.." وذلك بعد أن شن رواد الموقع هجوما حاداً على ساويرس وردوا عليه بردود حادة لما اعتبروه سخرية من المسلمين، وتهكم من النقاب وإثارة للفتنة الطائفية.
وهو ما جعل ساويرس يسارع يحذف الصورة التهكمية من صفحته ويكتب رسالة اعتذار عبر موقع توتير باللغة العربية والإنجليزية مساء اليوم الجمعة قال فيها: "اعتذر لمن لم يأخذ الصورة على محمل المزاح، أنا اعتبرتها صورة مضحكة ولم أعني بها عدم احترام لأي أحد. آسف".
جريدة الدستور

 

[fatfouta]

بما انى عاملة لساويرس follow على تويتر فاشوفت الصورة الصبح

وهو شالها لما لقى هجوم عليه


بصراحة عيب يا ساويرس السخرية من اى حد مهما كنت مختلف معاهم...عيييييييييب

 

 

[fatfouta]

الصورة اللى كان حاططها على صفخته على تويتر اهى

 

 

[إكرام يوسف]

هو إيه حكاية الهزار اللي شغال اليومين دول؟ الشيخ الحويني بيهزر والشيخ شومان بيهزر وصبحي صالح بيهزر ونجيب ساويرس بيهزر.. بس الشهادة لله هو الوحيد اللي قال آسف.. كويس برضه الاعتذار فضيلة كويسة.
خلاص يا جماعة بقى لعبنا كتير وهزرنا كتير.. خلينا في الجد بقى شوية

 

 

[fatfouta]

عندك حق والله الكل يغلط وبعدين يقول بهظر او كانت لحظة غضب

ياريت نبقى مسئولين شوية عن كلماتنا وخصوصا اذا كنا من الشخصيات العامة اللى الكلمة محسوبة عليهم

بس اذا كان على الاعتذار اهو الراجل اعتذر

 

 

[brain]

ليه بنختبر صبر بعض ؟
ليه مصرين على اننا نضع انفسنا على حافة الهاويه ؟
نفسي نفهم اننا في مرحله مهمه جدا
هنضحك كتير اوي لما نعديها على خير
و بايدينا اننا نعديها على خير
مش صعب و الله

 

 

[brain]

اقتباس المشاركة الأصلية كتبت بواسطة brain ليه بنختبر صبر بعض ؟ ليه مصرين على اننا نضع انفسنا على حافة الهاويه ؟ نفسي نفهم اننا في مرحله مهمه جدا هنضحك كتير اوي لما نعديها على خير و بايدينا اننا نعديها على خير مش صعب و الله

للاسف ده اللي بيحصل دلوقتي
كل واحد بيشوف التاني هيستحمل لغاية فين
و في الاخر نقول الدنيا بتولع ليه ؟
بالنسبه لموضوع المقاطعه
كده بقت حاجه حلوه اوي
بعض الزملكاويه على مواقع الفتنه الكرويه بينادوا انهم يقاطعوا فودافون لانها تمول الاهلي
و دلوقتي نقاطع موبينيل لانها ساويرس
و تفضل اتصالات تلم كل المشاركين
و الارباح تسافر عبر البحار و الصحراء الى الشركه الاماراتيه
هو ده الكلام
اخيرا بالنسبه للمعلم ساويرس
ساويرس بيحارب زي ما قلت قبل كده علشان الاخوان ميوصلوش الحكم
اي حد هيوصل الحكم اول حاجه هيعملها هيفتش وراء ساويرس
ساويرس مبارك هو عبود الملك فاروق
و ان شاء الله نهايتهم واحده

 

 

[only you]

اقتباس المشاركة الأصلية كتبت بواسطة AlexG ولسة ياست الكل ... دانا هعمله موضوع مستقل لوحده هوا والبرادعى اللى بيرشحه فى كل حتة وعاملله دعاية مجانية على قناته ... عشان الناس تعرف حقيقة هؤلاء .... لولا انى مش فاضى اليومين دول زى الاول ... كنت قعدت وجبت المستخبى ... ملحوقة قريب ان شاء الله ....

اديله ما ترحموش خلى الشعب يعيش

اقتباس المشاركة الأصلية كتبت بواسطة brain للاسف ده اللي بيحصل دلوقتي كل واحد بيشوف التاني هيستحمل لغاية فين و في الاخر نقول الدنيا بتولع ليه ؟ بالنسبه لموضوع المقاطعه كده بقت حاجه حلوه اوي بعض الزملكاويه على مواقع الفتنه الكرويه بينادوا انهم يقاطعوا فودافون لانها تمول الاهلي و دلوقتي نقاطع موبينيل لانها ساويرس و تفضل اتصالات تلم كل المشاركين و الارباح تسافر عبر البحار و الصحراء الى الشركه الاماراتيه هو ده الكلام اخيرا بالنسبه للمعلم ساويرس ساويرس بيحارب زي ما قلت قبل كده علشان الاخوان ميوصلوش الحكم اي حد هيوصل الحكم اول حاجه هيعملها هيفتش وراء ساويرس ساويرس مبارك هو عبود الملك فاروق و ان شاء الله نهايتهم واحده

يسمع منك ربنا يا براين للاسف الناس دى بتولع الفتنه ونرجع نقول مين اللى ولعها واحنا فى ظروف مش متحمله اصلا البلد على حفا شفره من نار

 

 

[fatfouta]

@NaguibSawiris Naguib Sawiris
اعتذر لمن لم يأخذ الصورة على محمل المزاح، أنا اعتبرتها صورة مضحكة ولم أعني بها عدم احترام لأي أحد. أسف.

 

 

[دموع الورد]

ده مش هزار دى اسمها قلة ادب ووضاعة وحقارة

ايه قلة الادب والسفالة والانحطاط الاخلاقى ده ايييييييييييييه
اتهبل ولا اتجنن فى عقله ده ولا ايه ولا غرته حرية الثورة المزعومة وصوت العلمانيين اللى طلعوا زى الفئران من الجحور
ونسى انه فى مصر يعنى دولة اسلامية واكبر دولة اسلامية وعربية
ده ايه اللى بيحصل ده هو احنا فى مصر ولا فين بالظبط
اعتذاره غير مقبول اساسا