أنا شيفاكم كده فــ 2010..

[مدى]

الصحف المصرية والعربية

أنا شيفاكم كده فــ 2010..

يا حشيش.. هيدمنوك العالم..مش عشانك حشيش..لا عشان انت الحد اللي محتاجينه اووي..
محتاجين حدد اخلاق وواعي ومرح وحبوب..وصفات كثير اووي مش هنلاقيها في رئيس ولا صاحب مكان غيرك..
والمدونات هتكثر بكلام عارفك بحق..كلام عارف روح الإنسان اللي جواك بدون محاربة..وهتكون ملك..مش الهاكات بس..ملك قلوب كثيير هنا..
ومش هتستنى الزائر المليون ..لأنك هتقابل العضو المليون..تستاهل ياحشيش..تستاهل الخير أووي..

ويا بروف.. الفن والجمال الي بتصيغ بيه حجات كثير هيكون طريقك للسعادة..ماديا..معنويا..نفسيا ..وكله..وزي ماحضرتك نسمة حلوة جدا هنا..هتلاقي نسمات كثير مش بتخلص تملى حياتك.. أنا واثقة..

وياسنوستا..حياتك هتكون مليانة فرح كثير...هدوري ع لحظة سكووون في ظل القلوب اللي هتملاكي دفا..والشجرة اللي بتزرعي فيها من يجي 15 سنة..هتديكي احلى ثمر قلبك يشتهيه..بوسي هتملاكي حب..وانتي هتمليها حنان..

ويا براين..عارفك..عانيت كثير فــعالم شايف الثقافة ترف..وشوية كلام اخره تاء مربوطة..
السنة دي يابراين هتنتهي المعاناة..او هتخف شوية كثاار..هتلاقي اللي يسمع صوت العقل ..ويسمعك..وتنتهي نقاشاتك برضا..
انك صحيت عقول كثير..
وفــ حياتك ياسين هيسمعك احلى كلمة بابا ف الدنيا..ياسين أملك..وأملك كبير..

ويا مدام توتا..ريحة لبنان بدفاها وجمالها هتملى بيتك..ومحمد البكر هيكره اللاب توب ويحب المذاكرة وانتي وبس..وكل قططتك هتلاقيها بتتفنن عشان تنكش السعادة جواكي ..و2010 لحظة هتكتبها السنة دي مافهاش حزن ولا الم ولا صدمة ولا غيره..
عاوزة ااقلك حاجة مش مكانها هنا..
انتي حد محترم جدا جدا جدا..نموذج مشرف بجد للسيدة اللي المفروض كلنا نحتذيه..فخورة اني اعرفك هنا..

ويا مدام فريدة..كلمة الحق اللي بتخرج منك هتنصرك جدا..وكل الأسئلة اللي اجاباتها عندك بتبدأ ببسم الله الرحمن الرحيم .تونس..هتكون اجابات مليانة اشراق في حياتك..واخلاقك العالية هتلاقيها ف ناس كثيرر حواليكي وتسعدي بيهم..

ويا دكتورة شانا..السنة دي مش اسامة منير (الرخم) اللي هيكون موجود ف عيد ميلادك..مصر كلها هتحتفل معاكي مرتين..مرة لميلادك..ومرة لتهنيك بشريكك الفاضل فــ حبه ليكي واحتفاله..والحجات اللي بتحبيها هتزيد..زي ماحجات حلوة كثير اووي هتزيد..

ويا فيروز..كل حاجة هتبقى جديدة تماما (زي عربيتك..مبرووك)..احاسيس جديدة..وناس جديدة..وظروف جديدة..وكلها سعيدة ومريحة وممتعة..(بردوا زي عربيتك الجديدة)

ويا موكا الفاضل..فصولك كلها هتكون ربيع..زي لونك اللي بتكتب بيه..عمرك شفت 365 يوم ربيع..هتشوف السنة دي..في قلبك..

ويا دكتور رجائي..كل الأفراح المؤجلة هتلاقيها..والإحترام والذوق الي بيعرفوك تعريف..هتقابلهم فــ كثير..عشان ترتاح..وبنتك هتسعد قلبك السنة دي أكثر من اي سنة..والجنة اللي بتمنهالكم كل صباح..هتقيم السنة دي في بيتك..لأن حضرتك تستاهل ..تستاهل جدا..

ويا أبو يوسف ..مش انت اللي هتسوق السنة دي وأنت مغمض..هي اللي هتسوقك..عارفة طريقها كويس ااوي..رايحة لسعادتك ورضاك..وضحكة بنتك العسل دي هتشوفها ف كل الوشوش..بنفس الإيقاع..

ويا نانا ..البنت الرقيقة السكرة اللي جواكي دي هتفرح اووي السنة دي..اصلا الفرحة هتستقصدك لوحدك..
وهتلاحقك ف كل مكان..وكل حاجة..واخواتك الولاد هيقربوا منك اووي..ومش هيسمعوا غير كلامك ..اطمني يانانا..اطمني اووي..


ويا ابتسامة .. مافيش السنة دي انتظار..مافيش انكسار ..مافيش غير اسمك وبس..ابتسامة دي هيكون عنوانك وطريقك ل 2010 ومافيش خساير السنة دي..كلها ربح..وزي مااي بشر قربه منك ربح ليه..انتي هتربحي اووي..يمكن قلب واحد ..بس هيكون بالكون كله..

ويا ضبش..الضحكة اللي مالية صورتك الرمزية يافندم..هتترجم لمعاني احلى كثير فــ حياتك..وهتلاقي وراك قلوب كثييير تحميك ..زي بالظبط مابتحمي حشيش بسبب وبدون..وحضورك هنا هيرجع كثير..لأنك اوقات سعادتك اللي هنشاركك فيها هيكثر..

ويا أمة العزيز..لبيا هتعيد معانا السنة دي وهتفرحي مع زوجك واهلك فـ نفس الوقت ..وهتكوني ف عز اووي..عز يملاكي ياعروسة..

ويا af273 الشفرة بتاعتك هتتحل السنة دي..هتحلها أنت لأنك هتوصل لكل اللي عاوزه..وكل اللي تحبه..متنساش وقتها تبدل اسمك للأسهل يا أحمد..

ويا أبو عمرو ..قد السماحة والنقاء اللي فــ نظرة والد حضرتك هتكون السنة دس سمحة معاك..وهتتحدى الغربة في منتداك زي مااتحدتها جوانا وجواك..انا متفائلة لك اووي..لأن حضرتك تستاهل..

ويا دكتور يحي الشاعر..مصر اللي بتكتب عنها هترجع تحيى السنة دي وأجمل كمان..التاريخ اللي سجلته هيكون نواة البداية لخير كبير ..وهتوصل رسالتك..هيوصل اخلاصك..ودعوات قلبنا وامنياته الكثير هتوصلك مكانك..

ويا أستاذ أسامة الكباريتي..هتوصل للنصر..وهنوصل معاك..وهنصلي في القدس..ياااااارب نصلي فـ القدس..وهنجتمع فــ بيتك تحت شجر الزيتون نحكي ملحمة النصر...يارب ..يارب..

ويا بيو باشا ..الحد الكويس اووي اللي جواك هيلاقي طريقه..وهتقطع شوط كبير لنوبل (بس سيبك من حزر فزر وذااااكر) وهتبعت لنا أحلى تحية من كندا ... والكبسة والكبسة والكبسة هتبقى حجات لذيذة كثير غير..متنسناش في نجاح يادكتور..ومش هنساك من دعواتنا..

ويا أستاذ أصيل ..الأصالة اللي متناسبش حد قد حضرتك ..هتقابلها...هتقابلها كثير..هترجع روح الناس الجدعة اللي مروتية من احلى نيل ..وحياتك هتقتبس النور من نظرة الرضا اللي هتملى عنيك..

ويا أستاذ أحمد باشا..الغنى اللي اتأجل سنين طويلة لأنك روحك كانت كافيك ..هيصاحبك ..مش جزاء قد ماهو مكافأة..كافحت..وللكفاح طعم حلو اووي..هتشبع منه السنة دي ياباشا..

ويا أستاذ كوكومن..كل الدعوات اللي دعتها ف دعاء الجمعة..هتستجاب خلاص ..مافيش حد بيثق ف ربنا كده..وربنا يخذله..وحضرتك واثق..وشددتنا من ايدينا للثقة دي..والقريب هيجيب ..واحفادك العساسيل هيقروا عينك بكل خير..تستاهل حضرتك ..تستاهل كوول خير..

ويا حلم..واختزان اللحظة الحلوة الي بتلقطتها بكاميرتك..هتتحول لشريط فيديو مابيخلصش..ابداً..هتشوفه كثير ..كثير اووي بدون ملل..لأنه كله متعة وحلاوة وفرح..

ويا كابتن طلعت المسمى تامر واحيان كثير عندي..أنت ياأخي هتخلص من كول البتهوفنات اللي حواليك..وهيجلك صوت حلو اووي مع حب كبير (الله يعينها)..لأن لازم تلاقي اللي تخرج نكشاتك دي فيها وترحمنا..
ضحكتك مش هتخلص ياتامر ..لأنك رسمتها كثيير اووي ..فتحفظت..وهتفهم كلامي بدون ماتضر تلخبط دماغك بقلقاس.. وهتيجي لعربيتك ياتامر ولأهلك وهتفتح الباب فجأة بمفتاحك لتوزعلهم فرح من سعادتك..

 

[مدى]

محدش يرد أنا لسه مش خلصت..بس الوقت سرقني..

 

 

[أحمد باشــا]

خلاص موش هرد

انا بس بقول لك روحك جميلة و بتخليكي تشوفي كل الدنيا جميلة زيك

ربنا يحقق لك كل امانيك و يحبب خلقه فيكي و يسترها معاكي دنيا و آخرة

 

 

[dr-amira]

وشايفة نفسك فين يا مدى.....؟

 

 

[biopasha]

مفاجأة جميلة بصراحة ..
الكلمات قد لا تكفي للتعبير عن اعجابي بالكلمات الجميلة والرقيقة والروح الصافية ..
كل سنة وانتي طيبة .. وبخير ...
واتمني لكِ التوفيق في الحياة والمستقبل الدراسي ..
الي الامام ... وحياة سعيدة

 

 

[مدى]

ويابندق باشا..مش ممكن كل الأكلات اللذيذة الي بتمتعنا بيها مش يكون لروعتها نصيب من حياتك..آن الوقت لتستمتع بكل حاجة حلوة طعما وشكلا ومضمونا وروحا وناسا وكله..والحجات اللذيذة هتكثر فــ كل اوقاتك..مش تنسانا وقتها..

ويانوبادي..أصدقائك الغربيين زي الفار هيكثروا ..هتصادقك كل حاجة حلوة تقابلها..الضحك..والفرح..والفراولة..والأطفال البرئيين..وهتكون صداقة يتحاكى بيها العالم لأنها مقتبسة من رضا قلبك..

ويا حنان ..شايفة الألوان اللي حوالين زهريتك الجميلة..زي ماحضرتك شيفاها كده تحفة ..اي حاجة هتقع عليها عينك هتشوفيها رووعة..لأن انعاكس روحك الراضية هيكون عليها..

ويا مهندسة ريهام..رعاية الله اللي بتختمي بيها كلامك دايما ..هتكون مقرك..تخيلي حياة كاملة في رعاية الله..حياتك هتكونها..والديكورات اللي أكيد جزء كبير من حياتك..مش هتكون بس في أشياء..لا هتقابلي قلوب مليانة ديكورات جميلة ..بس لأنها تعرفك..

ويا همستي..بهجة اللون الموف اللي بتكتبي بيه..هي نفس البهجة دي هتكون صاحبة قلبك..كليتك هتخلص بكل خير..وشغلك هيكون حياة سعيدة بتمارسيها..وقلبك الميل هيستاهل الفرح يابنوتة..

ويا دكتورة أميرة..وكلمة أزمة هتعدي اللي بتقابلي بيها اي مشكلة هتختفي من قوامسك تماما..لأن الأزمات هتضل طريقها عنك السنة دي..وولادك اللي بتحاولي تغرسي فيهم كل جميل..هتحصدي خيرهم اللي يملا قلبك رضا..

ويا فلانتينو صاحب طلعت باشا..الإنسان الطيب اللي جواك هيلاقي حصاد الطيبة خيرا..ومش حصاد واحد..حلمك اللي متأجل من كام سنة هيتحول لحقيقة ملموسة يمكن هو نفسه..ويمكن أحلى منه..أحلى بكثير ..لأنك تستاهل..

ويا دبورباشا..شايف التفاحة اللي فــ صورتك دي..تعرف ان التفاحة اغلى هدية ممكن تقدمها للملوك..السنة دي هتقدملك أغلى واحلى هدية..حاجة مستنيها هتفرحك كثير..وهترضيك اووي..بس استنى..واحنا كمان هنستنى..

ويا حلم جميل..الحلم خلاص هيتحقق..أيا ماكان..هيتحقق بشكل مافيش أجمل منه..وصبحات الخير اللي بستنى اسمعها منك..هتكون اوقات الخير عليكي وع اسرتك وكل أحبابك..

وياDoudy حتة البنت السكرة دي اللي فــ توقيعك هتكون زيها سنتك..فــ براءتها وخفة دمها وقلبها الجميل..ونظرة عينها اللي مليانة مرح(ماشاء الله) وحظك السنة دي مش هباب ولا حاجة..ده الحظ كله هيكون مقيم عندك..ياارب..

ويادودي اللي حاطة صورة عادل امام وهو عبيط..السنة دي هتسبهل مع احزانك زي كده بالظبط..فمافيش حزن هيقدر يقربلك..وضحكة حلوة كده هتعيش جوه قلبك..كثييييير ..كثير أوووي..



لسه مخلصتش هقوم اعمل كابتشينو وجاية..

 

 

[af27_3]

كلمات جميلة نابعه من أنسانه أجمل .......أتمنى ليكى يا مدى كل التوفيق والرضا وحب الله ورضاه عنك وعنا جميعا ......بجد موضوع رائع ......ووصف غاية فى الرقة والأدب والذوق لكل حال الأعضاء فى المنتدى .....أيه ده خد الكلام ده منك اد أيه علشان تكتبيه .....أيه الصبر ده كله ...
بس بصراحه ....أنتى فنانه بجد ..........وفعلا باين أنك روحك جميلة مخلياكى تشوفى كل حاجه جميلة ووردية زى ما قال أستاذنا أحمد باشا ويارب تفضلى كده على طول...

اقتباس ألا أيه حكاية الشفرة بتاعتى دى ....... بس مش مهم ....يارب تتفك على أيدى ...وأجيب ال ART وصفك رائع وملهم ........

 

 

[Doudy]

ربنا يحميكى يا مدى
كلامك زةى العسل و كله تفاؤل و امل
يا رب 2010 تبقى سعيدة علينا جميعا
و تاتى لنا بكل خير

 

 

[Doudy]

حذفت للتكرار

 

 

[kokomen]

الكلام الجميل ده من الأبنة الرقيقة مدى حا يفضل

طول المدى مع أخوانك وأخواتك المطاريد لأنك

غرستي جذور السعادة في قلوب الجميع

ربنا يسعدك ويسعد أيامك وتكون خير وبركة وصحة

وسعادة طول المدى

شكرا للأبنة مدى دعائنا لك بالتوفيق والنجاح في كل حياتك

:give_r ose: